بالشكر تدوم النعم ... نقول الحمد الله الذي انعم الله علينا ياهلاليين بالانتصارت .. لكن بالشكر ودحر الشرور ..والتسامح تدوم النعم ....
الله تعالى يريد منا ان نفعل الخير .. وشدد على امور اساسيه لاتهاون فيها ابدا ..ابدا ...

وهي عدم الاشراك بالله ..هذه من الاسس الكبيره في الدين ....والاشراك ليس بمفهومه فقط ان اعبد اله آخر غير الله ...ليس هذا فقط .... بل ..اني اصرف الحمد والشكر لغير الله في مواقف معروفه انها جائت من بركة الله تعالى ...
مثل مايحدث الآن في الملاعب ..من تقبيل الخواتم واللفافات ...هذا اذا كان غير مقصود الفعل ...فيجب الكف عنه فورا ..
فما بالكم اذا كان مقصود ...؟؟؟؟
قضيه اخرى لانعلم ماهو هذا الخاتم او اللفافه ..وان كانت فيها بعض المعتقادات ..فقد زاد الشرك الى شركين ...

فاود ان اذكر ياهلاليين بشيء هام جدا وخاصة المسئولين في هذا الموقع :
ان الصدع بالحق عدم السماح بالامور الكبرى الضاله في الدين .. يجب ان يكون هذا الموقع منبر حق ..يحمي نادي الهلال بالنصيحة الحسنة ..ولايسكت .....لا يسكت ..لايسكت ..فما اهلك الامم الا سكوت الصالحين عن الجاهلين .... ..لتدوم النعم ......اقول لايسكت عن الامور الكبرى ..ففيه فرق بين اغاني وشرك يجب ان نفرق ...فرق كبير جدا جدا ....بين المحرمات والشركيات ...فرق كبير .. او بين حلق اللحية والشرك ..هناك فرق كبير ...من يفهم الدين بعمق ويتأمل القران يجد ان هناك امور هائلة لايجب السكوت عنها وامور مختلف فيها اصلا .....او انه تعتبر من الذنوب وليست من الشركيات ... فلا تقارن ابدا بالكبائر مثل الافطار في رمضان ..او صرف الشكر لغير الله والتوكل على احد غيره ..هذه من الكبائر ....!!؟؟
وعدم السكوت لايعني التشنج والعبارات القاسية بل النصيحة الطيبة اللينه ....

مازلت اقول ان النهي عن الممنكر اصل من اصول الدين مع الاختلاف في طريقته ..فلست مع الالزام مثلما يعمل الهيئات ...لكني لست مع السكوت ابدا ...يجب ان ننصح بالتي هي احسن ..يجب ...

واقول هذا والله خوفا على الهلال ومستقبله ....ان يسخط الله تعالى عليهم بما يعمله لاعبينهم ....
فايهما افضل ان يسجد لله شكرا ..ام يقبل خاتمه او لفافته ؟؟؟؟
فيجب على كل الاعضاء والهلاليين ان ينصحو ..لكن ان لاتكون النصيحة منفره ... فـ اهم شيء الدعوة بالتي هي احسن ... او ربما السكوت افضل .

اقول ليت ابوك امرح ذيك الليله بس الله يصلحك .. شاطح مدري وش تحس
فيه حنا داخلين على موسم وذا يقول لي بوس خواتم واشراك بالله ومدري ايش
ياخوي الشرك لازم يكون فيه نية شرك ماهي شغله عفويه ومو مقصود فيها
اشراك الا اذا تشكك باسلام اللاعبين ذا شي راجع لك ..


موضوع ماله اي شغل بالكوره ذا في قسم اسلامي تحطه فيه الله يصلحك

صدقت بكل كلمة تكلمت بها
يجب الاهتمام بالدين قبل كل شئ

نعم هذا شي ملاحظ ولابد من تثقيف اللعبين بعدم التقليد بس أظن انهم يقبلونه رسالة
لزوجاتهم ، لكن الافضل والاسلم هو السجود او الشكر او عالاقل فرحة عادية او غيرها
من الاشياء التي لا تكون غريبه على ملاعبنا او يكون بها تقليد....

والله أهنيك على هالنصيحة .. السجود لله أهم من كل شيء ..

إقتباس الرسالة الأصلية كتبت بواسطة بحر الظلام اخي mř-MģńōŅ ..لايضيق صدرك مره ... وتأمل اخي في بعض النوادي ...من الداخل والخارج ....وماذا حل بها من تدهور وضعف ...يفعلون كل مافي وسعهم ويدفعون كلل غالي ونفيس لترجع انديتهم كما كانت ...لكن شؤم المعصية ....اذا زاد عن حده ... لاتستبعد العذاب وان الله يجازيهم ... وهذه سنة الله في الارض منذ خلق آدم . فهل تريد الهلال يكون مصيره مثل هذا المصير ..؟؟ بعدين انا لم اتهم ..انا اقول السجود او التحمد افضل من تقبيل الخواتم..او اللفافات .. فقط

اانا ما راح ادخل في ذمتك واقول عنك " مندس " بس كلامك ذا يثير علينا
الصحف وبكره تكتب لاعبين الهلال كذا وكذا وتاثر على نفسية اللاعبين وحنا
للحين ماقلنا ي فتاح ياكريم ي رزاق ي عليم تونا ما بداء الدوري حتى ..

موضوعك ذا ماهو في وقته مره واشوف ماله داعي وبصراحه اشوفه
من تحت ل تحت والدعوه كلها بوس خواتم مدري ليه مكبر ابو السالفه وكاتب
لي عن الشرك ومدري وش دخل العذاب وتبي الهلال مصيره مصير مدري ايش
محسسني ان حاطين اصنام في النادي نسجد لهم من غير الله ..

ي اخوي كلامك ماهو مقنع بالمره وترى لاعبين الهلال دايم ماشاء الله عليهم
يسجدون لله شكر واذا غير السجود ل بوس خواتم مره او ثنتين مانقعد نستلمهم
مره وحده ونكتب ترى بيتغير حالكم وتصيرون فريق مصيره العذاب ومدري ايش
الدعوة كرة قدم ماهي جهاد في سبيل الله فديتكك ..


حتى اني مدري ليه اناقشكك تعبت اصابعي على قل سنع ..

اخر زمن صار كل واحد يفتي علي راحته خافوا ربكم

إقتباس الرسالة الأصلية كتبت بواسطة mř-MģńōŅ اقول ليت ابوك امرح ذيك الليله بس الله يصلحك .. شاطح مدري وش تحس فيه حنا داخلين على موسم وذا يقول لي بوس خواتم واشراك بالله ومدري ايش ياخوي الشرك لازم يكون فيه نية شرك ماهي شغله عفويه ومو مقصود فيها اشراك الا اذا تشكك باسلام اللاعبين ذا شي راجع لك .. موضوع ماله اي شغل بالكوره ذا في قسم اسلامي تحطه فيه الله يصلحك

+++++++++++++++++ 11111111111

يا اخي خاف ربك
فتقبيل الخواتم وما الى ذلك المقصد تقبيل اللاعب لاسرته ولزوجته لان الخاتم او الدبله يدل على الزواج والارتباط

الشرك ليس هكذا

من تكلم بما لايفقه ولايعلم لايغضب اذا انتقد كلامه بسخريه الشرك بالله لايكون ببوس خاتم او ما شابه ولا كان الشخص لايسلم على راس كبير السن او يده لانه ممكن يكون تقدير وتعظيم كبر سنه شرك او باب من ابواب الشرك الامور الدينه لاتقاس بالضنون والشكوك بل بادله قاطعه من الكتاب والسنة فلا تتكلم بملا تفقه والسلام على الخاتم هيه رساله موجه للشخص العزيز على قلب مسجل الهدف مهما كان مضمونها فهيه تخص الشخص نفسه وبعيد كل البعد عن ماتقول أخيراً لن اقول وابصم بالعشرة انك مندس���������� ولاكن ان لاتكتب مره اخرى

إقتباس الرسالة الأصلية كتبت بواسطة mř-MģńōŅ اانا ما راح ادخل في ذمتك واقول عنك " مندس " بس كلامك ذا يثير علينا الصحف وبكره تكتب لاعبين الهلال كذا وكذا وتاثر على نفسية اللاعبين وحنا للحين ماقلنا ي فتاح ياكريم ي رزاق ي عليم تونا ما بداء الدوري حتى .. موضوعك ذا ماهو في وقته مره واشوف ماله داعي وبصراحه اشوفه من تحت ل تحت والدعوه كلها بوس خواتم مدري ليه مكبر ابو السالفه وكاتب لي عن الشرك ومدري وش دخل العذاب وتبي الهلال مصيره مصير مدري ايش محسسني ان حاطين اصنام في النادي نسجد لهم من غير الله .. ي اخوي كلامك ماهو مقنع بالمره وترى لاعبين الهلال دايم ماشاء الله عليهم يسجدون لله شكر واذا غير السجود ل بوس خواتم مره او ثنتين مانقعد نستلمهم مره وحده ونكتب ترى بيتغير حالكم وتصيرون فريق مصيره العذاب ومدري ايش الدعوة كرة قدم ماهي جهاد في سبيل الله فديتكك .. حتى اني مدري ليه اناقشكك تعبت اصابعي على قل سنع ..

والله انك مسكين تخاف من الصحف ولا تخاف من الله

بعدين من قالك ياسعادة المفتي ان الشرك يحتاج نية

يالله عطنا دليلك واقوال اهل العلم فيها

انت ما درست الشرك الخفي الشرك الاصغر

مع العلم ان اعتقاد النفع من الخاتم اللي حاطه له المشعوذ شرك اكبر



اقف لك اخي كاتب الموضوع تقديرا واحتراما

وصبرك على الحهال دليل حلمك

والسلام

ان اضافة صور اللاعبين العالميين وهم يتوجهون بالشكر لمن يستحق الشكر وهو الله سبحانه وتعالى

لهي احلى اضافة واجمل وسيلة توضيحية

فشكرا لك

وجزاك الله كل خير

أنا للأماااااانه تستفزّني هالحركات وأشمئز منها إذا شفتها من لعيبتنا ... وكلّها تقليد للأجانب

عاد الله أعلم شرك مو شرك , تجوز أو ما تجوز وايش معناها عند الأجانب الله أعلم ,, المهم

إنّها مستفزّه بالنّسبه لي ومو لاااااايقه على شبابنا اللّي يقلّدون كلّ شيء بدون ما يفكّرون فيه...

يا أخي ليه ماتخلّي فرحتك عفويّة وتجي زيّ ما تجي بدون ما تفكّر وتخطّط لها وتقلّد فيها

فلاااااان وعلّااااان .... !!!!

إقتباس الرسالة الأصلية كتبت بواسطة ABO 3QEEL يا اخي خاف ربك فتقبيل الخواتم وما الى ذلك المقصد تقبيل اللاعب لاسرته ولزوجته لان الخاتم او الدبله يدل على الزواج والارتباط الشرك ليس هكذا

لم افهم المقصود ...
يعني هل المسئلة يااخون ارد والي يرزقنيه ربي اقوله وبس ...

يعني مامعنى ان تقبل الخاتم او اللفافه ...؟؟؟
عطني معنى لها معقول ......؟؟؟؟؟؟

تقول انت انا مقصودهم انهم يقبلون زوجاتهم .....؟؟؟؟؟ مع ان بعضهم لم يتزوج لكن دعني اقول انه لزوجاتهم
سؤالي لك :

ماذا يقصدون بزوجاتهم ...هل يقصدون شكرهم على الهدف ؟؟؟؟