|
البطوله الاسيويه السلام عليكم ورحمه الله وبركاته اسعد الله صباحكم ومسائكم بكل خير طبعا الكل داخل عباله بتكلم انها عقده هلاليه او بقول معلومات :naughty: الحقيقه ماهو كذا موضوعي انا بتكلم عن ظلم حاصل عندما ترون دوري ابطال اسيا وكاس الاتحاد الاسييوي بتلاحظون ان الفرق المشاركه بنسبه كبيره من غرب اسيا وليس شرقها بدت تتضح المعلومه :s5s: نفسي اعرف العالم كله دورياته مع بعض الدوري الانجليزي والاسباني والايطالي حتى الدوري السعودي يبدا قريب منهم الا الدوري الياباني والكوري بالعكس ومع ذلك ممشين نظام كاس الاتحاد الاسيوي ودوري ابطال اسياء على نظامهم وعكس العالم ككله الافرقه التي يحق لها المشاركه في دوري ابطال اسيا من غرب من انديه السعوديه والامارات وقطر وايران وكانت معنا اوزباكستان قبل ما يضمونه شرق اسيا مع العلم ان كلهم برضوا يبدون مع دوريات العالم كاس الاتحاد الاسيوي انديه الكويت وعمان والبحرين وسوريا والاردن والظاهر الظاهر لبنان بس ماني متاكد وانديه شرق اسيا المشاركه في هذه البطوله ضعيفه لدرجه لا توصف ولا تقارن بانديه غرب اسيا ومع هذا ممشينه ع كيف شرق اسيا الحين بيلعب الاهلي والشباب قبل الدوري بدون استعداد وهذا اللي كان بيصير للهلال لو تاهل ولو بيتاهل السنه الجايه بيصير زي كذاا وبيكون ببدايه موسم وعلى قولت الشيبان صاحب بالين كذاب ماتقدر تضحي بالدوري ولا تقدر تضحي باسيا والشرق اسيويين محسومه وقتها المنافسين فاحتمال يكون خارج المنافسه بدوريه فيحط كل ثقله باسياء او يكون منافس فيوزع جهده هنا وهنا انا اطالب جميع المسئولين الرياضيين من كل نادي سيشارك مخاطبه الاتحاد الدولي مباشره ويريحون بالهم ماهي معقوله العالم كله ماشي يمين ويبونا الاتحاد الاسيوي نمشي مع الشرق اسيويين يسار لحد يقول يخاطبون الاتحاد الاسيوي لان البحريني اللي فاز للحين ماداوم وزار مكتبه مره وحده ويدير الاتحاد الاسيوي عن طريق التلفون اتمنى ان يقرا موضوعي بعنايه لان هناك محاباه لشرق اسيا على حساب غربها :smilie47:الى كل مسئول بالهلال اتمنى المبادره في رفع طلب او شكوى لللفيفا اتمنى اني كفيت ووفيت وان اخطات فاعذروني :smilie47: |
انا معك في كل ما كتبت .. بصراحة احس الاتحاد الآسيوي معطي وجه لأصحاب العيون الضيقة .. |
السلام عليكم وكل عام وأنتم بخير يا زعماء أشكرك يا زعيم على طرحك وأنا معاك 100 % بكلامك وهذي المشكلة نعاني منها منذ قدم وليس الأن فقط وتأثيرها واضح على الفرق والمنتخبات لأنها تحابي اليابان وكوريا الجنوبية على وجه الخصوص وكأن الأتحاد الأسيوي يخاف منهم . أتمنى من كل قلبي أن يتغير الوضع ويكون هناك عدل للجميع وبالتوفيق لزعيم أسيا . سبحان الله وبحمده سبحان الله العظيم |
ايو الله صدقت اخوى بكل كلمه جد هناك محااباه لاكن انشاء الله نتامل خير بالرئيس البحرينى الجديد |
هذي المشكلة يتكلمون عنها من زمان الاتحاد الاسيوي محاب او مناصر لاندية شرق اسيا كوريا واليابان والصين وغيرها عشان كذا تلاحظ في السنوات ال10 او الى ال 15 سنة الماضية اغلب اللي يجيب دوري ابطال اسيا هي اندية شرق اسيا اتمنى من رئيس الاتحاد الاسيوي الجديد انه يحل هالمشكلة اذا بمقدوره بما انه اماراتي لو يخلون اسيا مثل اوروبا في كل شيء دوري ابطال + الدوري القاري + كاس السوبر ويبدا مع بداية الموسم وينتهي مع نهاية الموسم وخلي شرق اسيا هي اللي تصير مثلنا ( غرب اسيا ) لانه حنا ماشين مع العالم وهم اللي عكس |
إقتباس:
بس حبيت اعقب انه بحريني مو اماراتي وبزيد الطين بله الرجال للحين ما اتخذ ولا قرار ولا طبق ولا شي والاسوء انه ما جا لمكتبه بالمقر الرئيسي كثير ويديره عن طريق التلفون |
اكيد مجامل بسبب الشركات الراعيه لاسيا وكاس العالم كلها واقواها شرق اسيا اما بالجدوله الصحيحه والاحترافيه تكون متواصله البطوله ونفس وقتنا بالجدوله مع اوربا ودول العالم يمكن ادا تخصخصت الاندية عندنا الشركات والاستثمار بيدخل بتنافس وقوه عاى الفرق والبطولات والرعايه |
انا معك في كل ما كتبت .. بصراحة احس الاتحاد الآسيوي معطي وجه لأصحاب العيون الضيقة .. +1 |
شكر لك على الموضوع الرائع ولاكن وجهة نظري عكس ارائكم طيب ليش الاندية السعودية ماتستمر على نفس الاجانب والمدرب ليش كل سنة تغير ؟ هذا يدل على الفشل في اختيار الاجانب والمدرب وهذا ليس عذر في اخفاق الهلال في اسيا بالعكس ليش مانقول ظلم للفرق شرق اسيا لانهم مرهقين وفي نهاية الدوري ؟ عموماً الله يوفق هلالنا |
كلآمك صحيح أخوي بس أعتقد فيه سبب آخر يلزم الإتحآد الآسيوي أنه يتبعهم غصبا عنه ,, أنه تقريبآ على فترة نهآية شهر ديسمبر إلى مآرس تقريبآ تكون شرق آسيآ كلهآ ثلوج ,, بالإضآفة طبعآ إلى روسيآ ,, طبعآ نتكلم عن شتآء قآرس مو زي الشتاء اللي عندنآ فبالتآلي تتوقف عندهم نشآطآت كثيرة ومنهآ كرة القدم ,, فمآ أعتقد بيكون لصآلحنآ أننآ نلعب في هالوقت هنآك !! لأن لو أخذنآ الإتحآد الأوروبي كمثآل فهو يجبر الروس على أنهم يلعبون في هالوقت تصفيآت دوري الأبطآل أو الإتحآد الأوروبي ,, ولو تشوف المبآريآت تشوف الملعب أبيض كله ..!! فلذلك ماأعتقد أن أندية غرب آسيآ بتنجح باللعب في مثل هالأوقآت ومبآريآت مهمة ,, وعالعموم مع الإعدآد الممتآز والمبكر أعتقد بيكون الموضوع أسهل بالنسبة لنآ ,, لأنهم هم في منتصف الموسم فأكيد بيكون عندهم غيآبآت للإصآبآت وماإلى ذلك ,, لكن أكيد أنآ مع التغيير فقط شرحت لكم السبب اللي أنآ سمعته .. |
عزيزي الذي لا تعلمه ان الاتحاد الياباني دعم الاتحاد الاسيوي بـ 150 مليون ..! حسب اتفاقيه لتطوير الاتحاد الاسيوي ف بكذا الاتحادات شرق اسيويه واقولها لك ب العامية ×× مبتزه الاتحاد الاسيوي ×× الله يعين بسس |
( صاحب بالين كذاب ) <<<< إمممممممم .... انت متأكّد ربّي يسعدك إنّها مقوووولة الشّيباااان !!!!! |
أوافقك الراي المفترض نكون مثل بقية دول العالم اما المحاباه لشرقها على حساب غربها هذا قمة التخلف بالتوفيق للزعيم في المعترك الاسيوي القادم |
إقتباس:
ما يبدا عندهم بنهايه الموسم بالعكس يبدا في عز الموسم ووقتها المراكز محسومه ومعروف من الفرق اللي بتنافس هم زي كاس امم اوربا ودوري ابطال اوربا ما يبدا نهايه الموسم؟ بالعكس ينتهي والموسم باقي زي كذا دول شرق اسيا ينتهي موسمهم مع دوري ابطال اسيا وبعدين دول غرب اسياولو استقرت فنيا انت تباري ناس لعبوا مع بعض يمكن 12 مباراه دوري وانت توك مابدادوريك وتلعب معاهم:ba: |
إقتباس:
المشكله ان دوري اسيا الوحيد بالعالم اللي ماشي على الاقليه مو الااغلبيه وهذا شي يعاب على اتحادات غرب اسياء اقل مافيها شكوه للفيفا والاعلام بيتكلم عنه ولا وصلت لاعلمنا السعودي الحلو بيكبرها واكيد الباقين بيقدمون :s4s: |
| الوقت المعتمد في المنتدى بتوقيت جرينتش +3.
الوقت الان » 05:35 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd