|
نيفيز مصاب ! لاعب مصاب يدفع فيه 6 مليون يورو ! هنا الحقيقة ! السلام عليكم هالموضوع يخص نيفيز كنت بكتبه قبل مباراة أمس ولكن نيفيز رد على الكل ي اخواني الي كانو يتوقعون ان نيفيز مصاب او فيه اصابة مزمنة خلينا نفكر فيها وحدة وحدة ونمشي على تفكير الي يحب ينتقد او تفكير الي حساس بزيادة وتجيبه اي اشاعة ويتفاعل معها اغلب الكل يسمي ادارتنا ( ادارة الاستثمار ) وهنا انا لا اتفق بتاتاً البتة ولكن قلت خلينا نمشي ونقول اوك ادارة استثمار هل تتوقعون ادارة استثمار بتدفع بلاعب 6 مليون يورو عبث ! وبالاخص انه وصل عمر 28 الي هالعمر صعب تشتري لاعب وتستثمر فيه طيب هل فيه ادارة استثمار صاحية تدفع 6 مليون يورو بلاعب مصاب او متعدد الاصابات اكيد انها م راح تدفع ريال واحد الا وهي عارفة لمين لذلك سالفة اصابة نيفيز شيلوها من تفكيركم ابدا بغض النظر ان اللاعب راح يتوفق معنا او لم يتوفق او لا سمح الله اصيب بعدين ولكن اعيد واقول نيفيز صفقة متعوب عليها نيفيز جتله عروض كبيرة واختار عرض الهلال لحد يقول عرض الهلال كبير بالعكس كان عرض الهلال الاقل ونيفيز وافق حينها لكن ادارة فريقه الزمت ادارة الهلال بزيادة المبلغ نيفيز اختار الراحة وجمهور الهلال لتأقمله مع هذا الجمهور ونيفيز بالتحديد يتفاعل كثيراً مع الجمهور ومقاطع فرحته باهدافه مع الهلال سابقاً وفرقه البرازلية خير دليل ...... لا اطلب منكم الا مساندة نيفيز والفريق عامةً نيفيز بالتحديد لانه بيكون هو صانع اللعب والفريق حيعتمد عليه كثير بالنسسبة للشلهوب من زمان وانا اقول ابو بندر يلعب على الواقف وارجع واقول ابو بندر م يقصر لكن الهلال يحتاج اكثر ونيفيز قدها بحسب اراء الي شافو المباراة امس : الشلهوب لم يقدم المستوى المأمول وسط الهلال ناري ب كاستلو وهرماش والعابد وسالم ونيفيز دعواتكم للزعيم :smilie47: |
كلام جميل .. |
نعم تلك السميه التي تغزو افكار البعض نيفيز بنص مستواه يستطيع ان يقدم الكثير يكفي انه نيفبز ويكفي انه برازيلي بل يكفي انه متاقلم مسبقا مع عناصر الزعيم ويعرف الخصوم مما يسهل المهمه لعازف الصواريخ بالامس نيفيز هدد المرمه مرتين بقذيفه ﻻتصد الا من العارضه .نيفيز جاهز الان وكل مااتنمناه هو عدم تصديق اي ترويج من الاعلام المضاد هل يوجد ﻻعب في الهلال هذا الموسم بعيدا عن الإعلام طبعا ﻻ تسلطت الاضواء على الكل من الرئيس والجهاز الفني اﻻ ملعب الهلال لماذا لان الهلال هو الخطر بوجود سامي الداهيه والهجوم الكاسح والوسط القاتل لن يردع الهلال بإذن الله سوى الذهب بسم الله ماشاءالله بسم الله ماشاءالله اللهم وفق للهلال لما تحب وترضى |
نيفيز رغم الدقائق القليلة اللي شارك فيها واول مباراة له بعد انقطاع إلا انه قدم اداء ملفت وإن شاء الله من افضل لأفضل كل التوفيق لنيفيز وزملائه مع الزعيم ، عوافي |
نيفيز لاعب من طينة الكبار الله يوفقة مع كتيبة الرعب |
آلصراحهه آنا شفت كل م فعله نيفيز وربي تحمست لاعب مكسب الله يحفظه من الاصابآت |
السلام عليكم كيف نحكم على اصابه لاعب ونحن جماهيرنقراء ومن مصادر خاصه وكل الجمهور عنده مصادر خاصه ياناس فوق 30 مليون تدفع في لاعب مصاب اداره ومستشارين وجهاز فني وكل ذولا ماجازوا لكم وانت بس لاعب فاشل مصاب واحد كاتب يبي ويسلي المدرب تسمعه يقول ماله مكان بالفريق لو هو احسن واحد والمدرب مايبيه لازم نقف معه زعزعت اختيارات الجهاز الفني مالها داعي دعم الفريق هو المطلوب اخوي صاحيلهم ان فشل لا قدر الله قالوا هما قايلكم وان نجح قال الحمدلله خالف توقعاتي واهم شي الهلال اشكرك على الموضوع تشجيع الهلال واجب وطني على الامه والشعب الهلالي تحياتي |
إقتباس:
للاسف اخوي بالنسبة لكلامك الي اقتبسته الان هو الصحيح كثير يفكر كذا |
اتفق معك تماماً الهدف من إثاره إصابة نيفيز بإنها مزمنه فقط لزعزعة الفريق من قبل بعض اعلامي الانديه المنافسة قبل بدء الموسم ,, بضع دقائق شارك فيها تؤكد لنا استعداده . بإنتظار ابداعه في المباريات الرسميه ان شاء الله . |
بس حبيت اذكركم لما طلعو اشاعة على نيفيز ايبان تمثيله لفريق هامبورج الالماني كانو يقلون اللاعب احتياط وفاشل لدرجة الشتالي م نصح فيه ولكن لما جا للهلال شفتو ايش سوا طبعا لما كان بالدوري البرازيلي يقلون احتياط مو مفيد للفريق راعي اصابات المأخذ من الكلام ان مو اي اشاعة نقيس عليها ارائنا |
الله يعطيك العافية بالتوفيق للزعيم بجميع نجومه |
عزيزي اللاعب محترف وتأكد أنه فظل عرض الهلال لأنه الأكبر يعني ما جا لسواد عيوننا .. والشلهوب و نيفيز مكملين لبعض في الفريق والله يوفق الزعيم تحت كل سماء وفوق كل أرض تحياتي |
كلااام في قمة الروعة هذا جمهور الهلال ذي الفكر العالي |
إقتباس:
ي بعد قلبي ركز بكلامي قلتلك عرض الهلال كان الاقل وحينها نيفيز وافق على العرض ولكن ادارة فلومينزي طالبت رفع العرض لما كان عرض الهلال الاقل نيفيز فضل الهلال لكن ادارة فريقه لم تفضل ذلك والسبب ان العروض الاخرى اكبر والتي كانت من العين والشباب وبعدها صحيح الهلال رفع عرضه وكل تفاصيل الصفقة واضحة كانت للجميع يعني م حرفت ولا جبت كلام من راسي |
نيفيز لاعب من طينة الكبار الله يوفقة ماجد |
| الوقت المعتمد في المنتدى بتوقيت جرينتش +3.
الوقت الان » 08:52 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd