الأخ سلمان ،،،
السلام عليكم و رحمة الله و بركاته ،،،
مساك أو صبحك الله بالخير حسب التوقيت .
طال عمرك عندي قحشة أسئلة بس بصراحة أسلوبك العجل في الإجابة ( مع إني متوقع هالشي مسبقاً ) خلاني أهون و أختصر بسؤال واحد !؟

هل من الممكن أن نرى سلمان مسئولاً في نادي الهلال ؟!

العزيز و الغالي : سلمان 99999
حييت يا غالي أجمــل تحية ..
ولعل اللقاء فرصة جميلة لنا لمعرفة الكثير والكثير عن أمورك وأحوالك التي كشفت عنها أسئلة الأخوة الكرام ..

سواء ً من حيث كونك مشجع هلالي ..
أو من خلال وجودك كمدير للتحرير والعلاقات العامة بالشبكة ..
أو من خلال تميزك بتاريخ الهلال التوثيقي ..
أو من خلال تواجدك كعضو ضمن أعضاء القافلة الزعيمية في هذه الشبكة ..
أو من خلال أمور خاصة في حياتك العادية ..

لعلك لا تريد أسئلة أكثر مما ورد لك .. وأنا أعذرك في الحقيقة ..
ولعل كثير من الاسئلة قد وصلت من أعضاء آخرين وقد عرفنا إجابتها ..
ولكن لدي سؤالين إذا سمحت لي ..

1) كم مرة في هذه المشاركة وردت هذه المقطوعة الفنية ==> ( أو ، من ، خلال ) .؟!
تقدر تتصل بصديق لو تحب .. بس لازم تعمل حساب ( الوزن ) ;) ..

2) قررتَ مقاطعة النت بعد أن أخذت منك وأعطتك ..
ولا أعلم لأي جهة تميل الكفة ..
هل تميل لكلمة ( أعطتك ) أم لعدوتها ( أخذت منك ) .؟

وإجابتك لسؤالي هذا حساسة ..
فهي قد تختصــر الطريق لكثير ممن بدأو يشقون الحياة الانترنتية ..
هذا مع أن الجميع يعلم أن هناك فرق يعتمد على نوعية الشخص وطبيعته ..

أتمنــى لك التوفيق ..
تقبل خالص تحياتي ..

هلا وغلا بزعيم القرن /

إقتباس مـاذا يعني لك شريط (( تكنولوجيـا القرن الحـادي والعشـرين )) .. ومافيه شريط جديد زيه ... وكل ما اشوف الشريط اللي طاقة ببرواز ومعلقة بالجدار .. أتذكر على طول (( الغالي .. سلمان العنقـري ))

يعني لي احدى الاصدارات التي استمتع بها هي محاولة ان امتع من استطيع من الهلاليين معي عن طريق ايصالي الشريط لهم وانت احدهم حفظك الله واتمنى ان تكون استمتعت كما استمتعت انا .

اما الجديد فلااضن الا في حالة ان وجدت وقت فراغ كما كنت اجده سابقاً والا الامكانيات نفسها موجوده ان لم تزيد.

إقتباس وسؤالي الأخر هو ... (( 1+1=2 وغيره مايصلح )) .. ماذا يعني لك هذا اليوزر ... وماذا يمثل بالنسبة لك

يعني لي اول يوزر كتبت به دفاعاً عن الهلال وهو من اوائل اليوزرات اليت سجلت في الزعيم وهو يوزري الاصلي الذي تحول لاحقاً الي سلمان99999 في التاريخ المشار له في اول اللقاء.

هلا وغلا باللهلوب /

إقتباس --هل تؤيد فكرة وجود مقر رسمي لشبكة الزعيم في مجلس الأمن الدولي؟ .. و هل ستعارض أمريكا القرار و تستخدم (الفيمتو) ..؟

نعم وبقوه ويكون ممثلنا فيها الدوري بعد ان حلت دولة العراق لانه شكله يستاهل ... اما امريكا عندنا مندوبين لها ومضطين وضعنا معها بس جب الدوري انت وازهل امريكا علينا .

إقتباس --هل تؤيد فكرة وجود مقر رسمي للشبكة يستفاد منه في التسويق للنادي سواء بالعضوية، أو بتسويق المنتجات... خصوصا و أن الشبكة ذات صدى.. و قد يكون وجود المقر مشجع لبعض الجماهير في دعم النادي.. و هل تعتقد بأنه يمكن تطبيق هذه الفكرة؟ أم يستحيل في الوقت الحالي؟

اؤيد وبقوة ويمكن جدنات بس ابشروا نتشاور في الامر وعلى هالحال مكانك راوح لاخطوة للامام وفي بعض الاحيان قلناها سابقاً خطوة او خطوتين للوراء.

إقتباس ما هي تجربتك مع الرسم بالحاسب؟

مثل تجربتك بس الله يستر لاتكون مجربها واتوهق لاني ماعمري جربت هالشي.

إقتباس --و هل تؤيد الرسم بالحاسب و تشجع عليه؟ و الا متمسك بالرسم باليد فقط؟

ابشوف ابجربها وان شاء الله ارد عليك بس تتوقع متى بيكون ردي ;).

إقتباس --"الرسم مادة ما فيها سقوط"-- هل النظرية يطبقها سلمان و الا لا؟

مهوب رسم لحاله المشكله يعني تلخبط في الرسم تسقط في غيره تكتيك الاتحاد السعودي تنطرد في اسيويه وانت لاعب هلالي تتوقف عن مباريات الدوري .


هلا باوريمان "غريبه مافي الاسئله تميلح زياده عن اللزوم مما يحدوني لحذفك من قائمتي الخاصه بالكويسين ولكنك ماخيبت ظني فيك ولالخبطت ولله الحمد .

إقتباس هل من الممكن أن نرى سلمان مسئولاً في نادي الهلال ؟!

اريد ان اقدم لك نصيحه من خلال تجربه وهي استمتع بالهلال وانت بعيد عنه ( واقصد ) النادي لان الاقتراب من النادي ومن بعض من يترززون فيه يكرهك في الكره ولعل تجربتي في شبكة الزعيم حيث ان الكثير من الامور تشوش عليك وعلى متعتك بالهلال تجعلك تكره الكره وانا قد اكون اخذت هذه النصيحه من احد الاشخاص العزيزين على قلبي ولكني للاسف لم اقوم بالعمل بها الا مؤخراً ولكن الحمدلله على كل حال ... وانت تعرف قبل غيرك انه عرض علي عمل في احد الوظائف الاداريه في النادي في وقت سابق ولكنني لم اقبل العرض وذلك لحبي للهلال وحبي للاستمتاع بالهلال ولااريد ان انشغل بمن هم فارغين "للحش وسب فلان وتمجيد فلان" ولعل اياً من القريبين للنادي قد يفيد ويؤكد ماجاء في كلامي وانه لم يسلم لاالمسؤول الصغير ولا الكبير حتى من العاطلين راعي الابتدائيه و"الكفايه " تراني اقصد الكفاءه بس هي عندهم اسمها كفايه لانها منتهى الطموح .

هلا وغلا بعساس /
لم اجد اكثر منك ادباً ...

إقتباس كم مرة في هذه المشاركة وردت هذه المقطوعة الفنية ==> ( أو ، من ، خلال ) .؟! تقدر تتصل بصديق لو تحب .. بس لازم تعمل حساب ( الوزن )

تصدق منيب ادري لاني قعدت اعفط في راسي واقلب في عيوني ابي افهم هالحسي وعجزت وتوني ابستعين بصديق فهمت والتلفون يرد علي ويقول تعثر مرور مكالمتك ;).

إقتباس ) قررتَ مقاطعة النت بعد أن أخذت منك وأعطتك .. ولا أعلم لأي جهة تميل الكفة .. هل تميل لكلمة ( أعطتك ) أم لعدوتها ( أخذت منك ) .؟

حقيقه اعطتني شي لايقدر بثمن وهو معرفة رجال اوفياء تشرفت بهم واخذت منى الاستمتاع بالهلال ورفعت الضغط (على شي مايسوى في نظري) وكذلك اخذت منى التعامل مع ناس "تكرم ومن يقرأ" مايسوون حتى لحظة من وقتك معهم ... بس هي الدنيا الانسان لايولد متعلم وانا عن نفسي تعلمت من هذه التجربه والكثيرين ينظرون نفس نظرتي ولكنهم قد لايصرحون بها وبعضهم لايعير هذه الامور اي اهتمام ولايفكر سواء تعامل مع من يستحق او خلافه بعكسي فانا لااحتمل بعض الاشخاص الذين وصفتهم سابقاً.
اذن خرجت بنتاج ماهو انت حلل وقيم واذا كنت ممن يهتمون او لايهتمون لتعرف هل اخذت او اعطت اكثر ...

الغانم /
كيف الحال عساك طيب ... الله من الشر فيك

وتحياتي للجميع واتمنى ان تضع ادارة المجلس العام تاريخاً محدداً لي وللاعضاء الكرام ممن تشرفت باسئلتهم يكون ختاماً لترك الموضوع مفتوحاً حتى اشعاراً اخر وكانه من قرارات الاتحاد السعودي.

هلا اخوي سلمان
عندي سؤال واحد بس
هل طبق الاحتراف بمعنه الحقيقي

[ALIGN=CENTER]هلا ابو دحيم
أول شي هذا مهب سؤال >>
يوزر 1+1=2 وغيره ما يصلح يوزر متواضع وحبوب
أما يوزر salman99999 متكبر متغطرس >>> عز الله وقف يوزره
ابو دحيم يذكرون انك بتهديني شريط فيديو له سنتين ولا شفنا شي !! المشكلة ان المسألة دخل فيها دببة واحس ان الشريط في خبرك كان
وش مسمي أشرطة مبارايات الهلال والنصر اللي عندك ؟؟؟

سلمان طلبتك اعرض لنا شي من رسماتك هنا
ومشكور يا غاااااالي[/ALIGN]

هلا باخوي الاشقر /

لاطبعاً واكبر الادله ملموس وهو وضع سقف اعلى لللاعبين ومساواة الداج بالموهوب .

راعي الجيب /

الي هالحين وانت راعي جيب والا غيرت سيارتك;)...

إقتباس يوزر 1+1=2 وغيره ما يصلح يوزر متواضع وحبوب أما يوزر salman99999 متكبر متغطرس >>> عز الله وقف يوزره

اجل يابومحمد تبي اللي تحت اسمه مدير مثل يوزر مواطن اكيد لازم يتغطرس ولو شوي :p... وهذا وهو متغطرس اجل لو ماتغطرس وش بيسوي تهقى ;).

إقتباس ابو دحيم يذكرون انك بتهديني شريط فيديو له سنتين ولا شفنا شي !! المشكلة ان المسألة دخل فيها دببة واحس ان الشريط في خبرك كان

ابومحمد الله يجزاك خير هذي اشاعات مغرضه القصد منها الاستفاد من الفجوه اللي بيننا (اقصد فجوة المسافه بس) اح " وحاول البعض الاستفاده منها ولكن هيهات هيهات لهم فنحن لهم بالمرصاد، اما الدببه فحدث ولاحرج وش نقول ووش نخلي الله يوفقك لعين ترجيك ...

إقتباس وش مسمي أشرطة مبارايات الهلال والنصر اللي عندك ؟؟؟

الهلال/النصر وبعض الاحيان يلحق كلمة النصر بين قوسين" بمن حضر" ... وانت شكلك شايف الخاص وهذا على اسمه خاص ولاله داعي يطلع عليه احد زود غير اللي شافوه قبل ...

إقتباس سلمان طلبتك اعرض لنا شي من رسماتك هنا

اخر لوحاتي تعرضت للسرقه من المرتزقه وللاسف ماامداني اخذ لها سكان عشان تشوفها قبل تتعرض للسرقه واهقى الان انها يافي االوفر او في المتحف اللي قبل في ناصية الشارع.

اقول سلالالالالالالالالالالالالالالالالالالالام ويكفى اسئله .
ابوسليمان انت وحبي تيماوي وثالثكم ولد البارق وراكم ماتصكون الموضوع وتفكوني .....

تقبوا تحياتي

[ALIGN=CENTER]

أخوي سلمان اول شي مساك اوصبحك الله بالخير يعني على حسب الوقت الي راح تقرا فيه اسالتي

اخوي سلمان والله تعبت وانا ادور لك سؤال مانسال ماشاءالله الي قبلي ظافين الاخضر واليابس


وخاصة ابوعبدالرحمن الي ماشاءالله عليه ماترك شي ماسأله

هل تعتقد ان نجمنا المحبوب المعتزل خالد التيماوي نال مايستحقه من التقدير وخاصة ان اعتزاله

كان قدامه اكثر من علامة استفهام؟؟؟

اخوي سلمان وش رايك في بعض التصرفات الي تصدر من بعض الجماهير


والأشد من ذلك مايصدر من بعض الجماهير على ناديها من سب وشتم وغيره

بحكم ماشاءالله عليك خبرتك الطويلة في النت هل فيه طريقة تتوقع انها تحفظ للمبدعين حقوقهم بدال

ماهي كل من هب ودب جاوخمط ابداعات غيره بلااحم اودستور


وارجو اني ماطولت عليك[/ALIGN]

مراحب أبو عنقر


في بداية تأسيسنا للشبكة كان لنا أحلام كبيرة .. هل تحقق شي من احلامك ؟



هل تعتقد بأن هناك أسماء سيكون لها شأن - إعلامي - في المستقبل القريب ( مثل على ماتقول ) <=========== والله اللي صار اختبار صدق



هل هناك اسماء تعتقد بانها قادرة على أن تعطي أكثر مما أعطت وبرضه مثل على ماتقول



( اللهم أعني على أصدقائي .. أما أعدائي فأنا كفيل بهم ) هل ممكن ان تقول هذه الجملة من خلال عملك في الشبكة



أخيراً .. ماودك نطق تمثالين كبار مثل تمثال الحرية اللي في نيويورك واحد لابومنار والثاني لابو ناصر ؟


كوكتيل .. شخصية فريدة من نوعها .. هل تثبت مقولة أن للمبدعين ( جوهم ) الخاص ، وهل صحيح أن حال كوكتيل وإبداعه مثل الثنيان .. يعني حسب المزاج ؟

هلاااا وغلااااااااا بولد التسعات

اقول يا حظنا بك بس .. سلمان وجميع تسعاته ( فيذا )

سلمان .. سؤال طرحه الغريب بيوم من الايام .. ( وش بتسوي لو ما فيه دقايق ) ؟ جاوب بصراحة

سمعنا اشاعاة مفادها أن هناك عمليات انتحارية حدثت في غحدى ضواحي ( ابو عابد ) .. تعليقك على هذا الخبر ؟

ما هو مصير كل ( الأكوسين ) اللي مثلك في شبكة الزعيم ؟ ;)

سلمان .. مقولة مشهورة وهي أن ( الشي الوحيد الذي لا يتغير في هذه الحياة هو التغيير ذاته ) هل ترى هذه المقولة واقعا عمليا في شبكة الزعيم ؟ وفي شؤوننا عامة

سلمان .. هل بإمكانك أن تقدم لنا ( ابو منار ) حيا او ميتا !!! لانه طولها هو وغطساته اللي مالها سنع

سلمان حبيب قلبي والله .. تصدق انك ( أكوس ) واحد .. ومستواك في ( الكواسة ) مثل مستوى سامي في الكورة ( والله منتب سهل يا سلمان )

اقترح عليك اقتراح مرادف لاقتراح هاللي قبلي .. والذي يسمونه ( الإعصار ) .. اقترح اننا نحط لكم تماثيل على قمة كل هرم من الاهرام الثلاثة الكبيرة ( سلمان99999 ، كوكتيل ، الإعصار ) .. وش رايك مهوب مناسب الاقتراح ؟

سلمان .. وش فيك تبي الهجة .. وتبيهم يقفلون موضوعك .. توني والله ما بعد مليت منه .. صبر شوي يمكن يطلع لنا كم سؤال ( كويس ) مثلك

يله اشوفك على خير .. ;)

مراااااااااااااحب سلمان========= مدري والله كم تسعه
حبيت اسألك من يعجبك من الكتاب وش رايك
بالاستاذ صالح السليمان & احمد الرشيد (( بالمنشار ))

تحياااااااااااااااااااااتي هوازن

1+1=2 وغيره ما يصلح # سلمان 99999# سلمان العنقري

ثلاثة اسماء نفتخر بها نحن الهلاليون
ايهم اقرب الى نفسك

س 2 / موقع شبكة الزعيم من الذي قام بتصميمه وهل هو على وضعه منذ تأسيسه؟
س 3 / ان تقدم لعشاق الزعيم هذه الشبكه وتبتعد عنها اتراه عمل مناسب ومنطقي؟
س 4 / أكثر 31000من عضو بشبكة الزعيم نتيجة جهد قمت به انت ومن معك ان وجد ماذا يعني لك؟
س 5 / مع كل اختراق لموقع الزعيم ماذا يجول بخاطرك ولو وقعوا امامك ماذا تفعل بهم؟
س 6 / الشلليه موجوده في كل مجال ما مدى تأثيرها على شبكة الزعيم ؟
س 7 / انت تقول انك صرت زميل الابلات يعني مدرس :
طالب نشب لك وعيا يسلم ورقته
تنقشه الاجابات والا تقهره مثل ما قهرك وتخليه الين ينتهي الوقت ؟ << جاوب بصراحه >>


نيابةً عن كل الهلاليين نشكرك بكل حواسنا الخمس على اهدائنا هذه الشبكه الغاليه والله لا يحرمنا منك
وبانتظار جديدك الذي نتمنى مشاهدته عن قرييييييييييب

تحياتي ساااااااااااااااااااااااام

السلام

هلا بالحبيب الغالي

مع اني ادري انك تكره الدببه واللي انا واحدا منهم لكن ماعلي منك

بصراحه كل ماجاء على بالي سؤال لقيتهم سبقون عليه الشباب

وكل مابغيت اذكر معلومه كنت اعتقد اني اعرفها لحالي لقيتهم ماشاء الله قايلنها قبلي

بس قبل لاقول اي سؤال يجب ان اعترف لحبايبي في المنتدى

ان سلمان (( بدون تسعات )) يملك في داخله قلب انسان (( اكيد اجل قلب اسد ))

قلب انسان بكل ماتعنيه الكلمة ولن انسى ماحييت موقفه المثالي والإنساني

مع صديقي المرحوم (( شايب الهلال )) (ابو فهد )

ختاما

انا ماعندي سؤال عندي طلب (( شحاذه انترننتيه ))

طلبي هو ارسال هالشريط اللي يقولون انك مبدع فيه كعادتك

ولعلمك مانيب مستعجل وعلى اقل من مهلك واببداء احتريك من عقب اسنتين


واخيرا حفظك الله من كل مكروه انت ومن تحب

والله يسعدك مع اللي سرقك من الشبكه


تحياتي

الحريف

الرائع سلمان


ماهو سبب انقطاعك عن منتديات الزعيم ؟؟؟؟؟؟؟؟؟؟؟؟؟؟

ماهو سر تفوق شبكة الزعيم ؟؟؟؟؟؟؟؟؟؟؟؟؟؟



ولك الف تحيه ,,

[ALIGN=CENTER]بداية نشكر أشراف المجلس العام على الأستضافة ونشكر الأخ سلمان على رحابة صدره وعلى وقته من اجل الأجابات ،،، وأتمنى ان تسمح لي بأسئلة حارت :



* مشاكل وصعوبات تغلف ذلك بأحلام وأمنيات في بداية ظهور الشبكة ما أبرز تلك المشاكل والعقبات وإلى أي مدى كان للطموح والأمنيات أن تتحقق ؟؟

* كيف ترى شبكة الزعيم اليوم وبرأيك ماذا ينقص شبكتنا ؟؟

* أي مستقبل تراه يرسم الكرة السعودية ؟؟

ولك الشكر والمعذرة على الأطالة
وكل الدعوات بالتوفيق المغلفة بالنجاح للجميع [/ALIGN]