أنا أول هلالي في البيت من و أنا صغير و السبب :
اسم الوالد ( هلال ) لذلك شجعته من و أنا صغير

سبب تشجيعي للهلال......
سبب راحتي للون الازرق......
والسسسسسسسسسلام

ترى أنا هلالي قديم
وحبيت الهلال لأن اللاعبين بذلك الوقت كانوا مميزين
ابراهيم اليوسف والنعيمة وريفالينو وفهودي وابن نصيب ومن قدمي نسيت الأسماء
لكن الهلال حفر اسمه بقلبي لحد الممات بعون الله
والآن لدي أولاد 10 كلهم هلاليين 7 ذكور 3 إناث يتسدحون عند التلفزيون لما يلعب الهلال

حضرت مباريات كثيرة للهلال لكني الآن كبرت وشيبت فما عاد أحضر مباريات
لكني مع التلفزيون أتابع الدوريات الأوربية
بعد الهلال يجي البرشا ثم ليفربول .
أمنيتي أدخل نادي الهلال وأسلم على اللاعبين كلهم وعلى شاعري المفضل " شبيه الريح " الله يطول بعمره
واحد من الهلال هو يوسف الثنيان سلمت عليه بجدة على البحر لقيناه
وسألته ايش جابك هنا أبو يعقوب وكان يجري قال نخفف الكرش وكان على وشك الاعتزال
أمنيتي ألاقي دعوة لزيارة مقر الهلال وقت التمارين
لكني بعيد شويه عنه والرياض غثيث بزحمته وأفرح لما يجون القصيم وأكحل عيوني برؤية أبطال الملكي .
وربي يوفقهم هالسنة ويحصدون كل البطولات المحلية والقارية
من مواليد 1377 هـ مت قاعد من التعليم
لحد يقول لي احضر إلا بمنطقتنا فقط .
محبي الهلال كثيرين وخاصة بالوسطى
في أي مجلس أحصوا الميول وبتلاقون الهلاليين هم الأكثر .
الهلال لا يقارن بأي نادي من ناحية الكثافة التشجيعية
إنه الملك المتزعم للبطولات والألقاب.. شاء من شاء أو أبى من أبى
ويا هلال عزك عزنا .

شكرا لك أخي صاحب الموضوع الرائع .

كنت في مجلس عماني كان عمري 6 سنوات تعرف ما نفهم شيء بالكورة بسس نسمع هلال ونصر

جيت ولين سامي الجابر جايب هدف على النصر يومها وانا اشجع الهلال

انا شجعته عام 1408 وكنت في ذاك الوقت عمري ثمان سنوات والبدايه كانت بيوم كان اخوي الاكبر نصراوي ومسوي انه له الكلمه علينا انا واخواني الصغار ودايم يهاوشنا وقال لي ابغاك تشجع النصر قلت له لا عشان اعاند وشافني ما اهتميت فيه راح لاخوي الثاني و قال له شجع النصر ومن الخوف شجع اخوي الصغير النصر
لكن انا حسيت انه لي هيبه برفضي التااااام لطلبه هههههههه وقلت لازم اكون قد كلمتي وتقابل الهلال والنصر وانا كنت قلبا وقالبا مع الزعيم والحمد لله فاز الهلال وصرت من يومها اعشق الهلال لانه برد على قلبي وخلاني ارد الثار ههههههههه اه يازمن
وفي عام 1418 تحول اخوي الاكبر اللي مسوي زحمه ويبغى يجبرنا اننا نشجع النصر لتشجيع الزعيم بقدرة قادر والحين هو هلالي متعصب
اما اخوي الصغير المسكين للحين نصراوي
احس انها قصة حياتي صارت

انا كنت اول عمري شبابي الله يتوب علي وشجعت الهلال بعد النهائي الشهير بين الهلال والشباب 3-2 في موسم 1418هـ ومن عقبها وانا هلالي ولله الحمد
مع اني من مواليد 1408 وشجعت الشباب لانه كان قوي في تلك الفترة وكنت اكره الهلال وانا صغير وخاصة سامي لان اخواني كانو هلاليين وانا الشبابي الوحيد وامي هلاليه الله يحفظها بس تشجع الشباب علشاني بما اني اصغر عيالها لكني الحمدلله عرفت الطريق الصحيح وشجعت الهلال واعذروني يومي اشجع الشباب انا كنت بزر

للاسف
كنت احب احمد الصويلح
ههههههههههه
ماضي اسوود

المباراه الي شجعت فيها الهلال
كانت مباراة الهلال وجابليو الياباني عام 2000
كان عمري وقتها 8 سنوات 😬

للأمانه ما اذكر

الي اعرفه انه من يومي هلالي مع اني في عائله اهلاويه بحكم اننا بجده


ولدت بنبض هلالي

رغم أن بيت العيله كله لا يميل للكرة ،،، وانا أكبر أخواني ،،،، ولا كنت أميل للكورة أساسا ،،، كنت أميل لواحد طش اثنين طش ،، بس هذا اللي حصل

8 سنين قد مضت من حياتي + شلة لا ينتمون للهلال في كرسيدا جايين بر من الديرة سياحة + موعد نهائي كأس العرب مع الترجي التونسي بالصدفة + ابوي يغصبهم ياخذوني انا وولد عمي بعد تمثيلية بكائية عليه + متحاشرين 8 في الكرسيدا + 35 ريال تذكرة لكل واحد وراحت ميزانية السفر ياولدي + هدف الثنيان وانا ورا المرمى نفسه + بحة بالصوت عميقة بعد ،، هلال هلال أووووه أوووووه =


يساوي هلال العرب فن وطرب ،،، ما أبدله بكنوز الدنيا والذهب

شكرا للموضوع الحلو

إقتباس الرسالة الأصلية كتبت بواسطة فارس767 وفي عام 1418 تحول اخوي الاكبر اللي مسوي زحمه ويبغى يجبرنا اننا نشجع النصر لتشجيع الزعيم بقدرة قادر والحين هو هلالي متعصب اما اخوي الصغير المسكين للحين نصراوي احس انها قصة حياتي صارت

المفروض نطالب اليونسكو بحماية الحق الفكري للأطفال في إختيار الفريق اللي يحبه دون التأثير المباشر

من الوصاه ،،، بعد عشرين سنة وعد ما تلقى نصراوي واحد

سلام سبب تشجيعي للهلال كان عمري تقريبا ثمان سنوات وكان الهلال يلعب مع الاتحاد وعمي اتحادي متعصب جدا ويومها فاز الهلال
وجلس عمي يبكي من الخسارة عاد جاه أبوي يهاوشه ليه تبكي عمي صغير كان عمره تقريبا 14 سنه وبعدين قاله لا تبكي هذا الهلال بالسماء وينكم ووينه أصلا ما كنت أشوف كورره ولا أعرف فيها شيئ بس من شفت عمي يبكي ع فريقه وأبوي يقوله هذا الهلال بالسماء وينكم ووينه عشقت الهلال اللي دددددددددددددددددددوم بالسماء
يعطيك العافيه ع الموضوع الأكثر من رائع

انا ولدت في بيئه هلاليه ومن يومها وانا هلالي
عاد كان في شد وجذب من خوالي واغلبهم نصراوين ومتعصبين ههههههههه
بس مازال الهلال يجري بدمي

موضوعك ممتاز وتشكر عليه ** الحقيقة تشجيع الزعيم شي طبيعي كبير آسيا وبطلها بأكثر عدد ست بطولات غير كذا نادي الهلال بإسلوبه وطريقة لعبه يجذب الجماهير وأنا شجعته ﻷني أعشقه واتسلطن على لعبه يعني احس ماحد قدي لما اقول أنا هلالي

شفت مباراه بين الهلال والرياض يوم كان عمري تقريبا 9 سنوات
وفاز الهلال وكان والدي اهلاوي وظننت انه فريقه الهلال وعشقت
الهلال بجنون ولله الحمد اني هلالي