سلام عليكم ,,

اليوم راح اطرح مشكلة صديقي حقيقتاً والموضوع بعيد عن الرياضة تماماً

السالفة قصيرة وبسيطة , الولد يحب بنت عمته ويبغى يخطبها , الولد عمرة 21 وهي تقريباً 29 سنه كذا على مشارف الثلاثين وهنا المشكلة ,


هي كانت تلاعبه لما كان صغير نونو , ومع الوقت يعني صارت ماتغطي عنه

المهم هو الولد مملوح يعني وجسم وكذا , فـ اذا جلس مع عمته في الصالة تجي هي تجلس كذا وتجلس تطالع فيه

واذا طالع فيها تلف وجهها , ماتقول شيء بس كيف حالك يافلان فـ ما ادري هل شعورها زي شعوري او لا

وبس هو مسكين حايس مايدري يخاف يروح يطلبها من اهلها يضحكوا عليه ويقولوا له هذي كانت تغني لك وانتا صغير ويردوه , وخايف انها ماتحبه أو انها تحبه بس مستحية تقول او توضح لانها اكبر منه

بالله ياشباب اعرف الموضوع غلط وكذا بس بدون طقطقة تكفون لان الموضوع جد

ساعدونا الله يعطيكم العافية وياليت لو فيه بنات هنا يقولون رأيهم لان اكيد هم فاهمين بعضهم مجتمع البنات احسن مننا الشباب

والله يعطيكم العافية

صديقك ولا انت ؟ خخخخخخخخخخخخخخخخخخخ
شف ياطويل العمر،، البنت اكبر من خويك بفارق كبير جداً !!
الافضل يدور له بنت أصغر منه او بعمره ، 29 سنة وش بقى من العمر؟
موفق اخوي

إقتباس الرسالة الأصلية كتبت بواسطة fabri_4 صديقك ولا انت ؟ خخخخخخخخخخخخخخخخخخخ شف ياطويل العمر،، البنت اكبر من خويك بفارق كبير جداً !! الافضل يدور له بنت أصغر منه او بعمره ، 29 سنة وش بقى من العمر؟ موفق اخوي

هههههه وش دخلني انا صديقي

طيب لو هو يحبها وهي اصلا زي الشلهوب يقول يعني كل ماكبرت مايتغير شكلها وصغير شكلها

‏بن جبله

لازم ترد على الموضوع انتا بالذات هههههه انتظرك

إقتباس الرسالة الأصلية كتبت بواسطة وسيم جدة ‏بن جبله لازم ترد على الموضوع انتا بالذات هههههه انتظرك

^_*


تراني رديت قبل لاشوف ردك ^_*


اشوفك حريص بالموضوع بدء الشك يراودني ان صاحب المشكله انت ^_*


فلها وعلمنا الصحيح عشااان ندردش بالمشكله وخفاياها ونساعدك ع حلها^_*


احس اني صرت فوزيه الدريع ^_^

إقتباس الرسالة الأصلية كتبت بواسطة بن جبله ^_* تراني رديت قبل لاشوف ردك ^_* اشوفك حريص بالموضوع بدء الشك يراودني ان صاحب المشكله انت ^_* فلها وعلمنا الصحيح عشااان ندردش بالمشكله وخفاياها ونساعدك ع حلها^_* احس اني صرت فوزيه الدريع ^_^

هههههههههه لالا مو انا يابن الحلال , بس هو مستعجل عرفت واسف توني اشوف ردك

وشكراً لكل من رد والله يعطيكم العافية تعبناكم

في النهاية تقريباً الغالب من كلامه انه ماينفع هالزواج , وماراح يمشي , والله يعينه مسكين

شكراً لكم

إقتباس الرسالة الأصلية كتبت بواسطة الدانا الهلالية و عليكم السلام ورحمة الله وبركاته أول شيء أحس صعبة تكون أكبر منه بـ 8 سنوات شيء صعب بس لو هم الاثنين موافقين ما نقدر نتكلم وهو قبل لا يكلم أهله ويرفضوا يحاول يجس نبضهم مثلاً يقول لهم صديقه بيتزوج واحدة أكبر منه بأكثر من 5 سنوات ويشوف ردة فعلهم ... لو لقيهم ما يعارضوا ينتقل للخطوة اللي بعدها ... إذا عندهـ خوات يكلم واحدة منهم تجس نبضها هي إيش رأيها في اللي تتزوج أصغر منها بأكثر من 5 سنوات وكذا ... إذا ما تعارض برضوا يكلم أخته تكلمها إيش رأيك في فلان عليه هوا وهي بتستنتج من ردة فعلها إذا تحبه أو لا .. مع إني أحس فارق العمر بيسبب مشاكل كثيييييييير لأنها بتكون عاقلة وهو باقي في مرحلة شبابه غير كذا مستوى التفكير بس برضوا لو الاثنين موافقين أرجع وأقول مالنا دخل بس برضوا انت عطه هالكلام نصيحة لوجه الله .

يعطيك العافية يا اختي العزيزة ,,

كلامك حلو بس لو قلنا هو عاقل وكذا , وكيف يتسير مشاكل يعني وضحي اكثر لو سمحتي

من وجهة نظري القاصره؛

ان بنت عمه كبيره بالنسبه لعمره ،، صحيح ان مافيها شي دينيآ ولكن تخيل يصير عمره ٣٠ وهي راح يصير عمرها تقريبا ٣٨ اعتقد انها بلغت من العمر عتيا،،^_*


يراودني احساس بأنه لايعتبر حبآ ولكن اهتمام لأنها كانت تهتني به يوم كان صغير فيتخيل انه يحبها وهي تحبه،،،


نصيحه اخويه يشوف له بنت بكبره ولا أم ١٧او ام ١٨ ترى الطبيب يوصي على هالعمر اللذيذ هذا ^_*


والله يوفق الجميع،،

إقتباس الرسالة الأصلية كتبت بواسطة بن جبله من وجهة نظري القاصره؛ ان بنت عمه كبيره بالنسبه لعمره ،، صحيح ان مافيها شي دينيآ ولكن تخيل يصير عمره ٣٠ وهي راح يصير عمرها تقريبا ٣٨ اعتقد انها بلغت من العمر عتيا،،^_* يراودني احساس بأنه لايعتبر حبآ ولكن اهتمام لأنها كانت تهتني به يوم كان صغير فيتخيل انه يحبها وهي تحبه،،، نصيحه اخويه يشوف له بنت بكبره ولا أم ١٧او ام ١٨ ترى الطبيب يوصي على هالعمر اللذيذ هذا ^_* والله يوفق الجميع،،

وجهة نظرك على راسي يابعدي

وكلامك صحيح بس عادي الرسول صلى الله عليه وسلم كان متزوج ام المؤمنين خديجة وكانت اكبر منو اتوقع بـ 20 سنه فـ عادي هههههه وما اخفيك فعلاً عمر 17 و 18 احلى شيء بس , القلب ومايهوى

شكراً لك على ردك ياغالي وكلامك بقول له وان شاء الله يقتنع هع

.. انا اقولك يا طويل العمر .. افضل شيء ان هذا الشاب يشيل الفكرة و الموضوع تماما من رأسة .. هو يفكر انه يحبها ومدري ايش
و انا اقول هذا لعب مراهقين مرت علينا و عارفينها .. هو الآن يفكر بـ قلبه و شيء تريده نفسه فقط لاغير .. وهذا تفكير وقتي فقط

هذا ما يسمى حب ولا عشق و لا اي شيء .. هذا يسمى شعور و إحساس وقتي فترة معينه من العمر..واذا ما لقى احد يوجه بـ يضيع ..

و بعدين المفروض انه يحرم عليه شوفتها لأنه لا يجوز له ذالك ..كانت تغنيله ومدري ايش على العين و الرأس بعد ذالك هناك حدود و غض الطرف
عن هذي الحدود يسبب المشاكل ..

الأفضل له ينتبه لـ دراسته و بعدها يهتم في البحث عن عمل و يبني مستقبله الحقيقي و بعدها يبحث عن بنت الحلال و أهلة ما راح يقصرون أكيد ..

على انه فارق العمر كثير وبيكون فيه اختلافات في وجهات النظر والتفكير
لكن يروح يتقدم لها ماراح يضره شي يمكن يكون متفقان , بشرط يكون مهيأ ومستعد نفسياً ومادياً ووالديه راضين بخطوته .

والله يكتب لصديقك اللي فيه الخير .

انا من وجهة نظري انه ماستعجل او خذها من اقصاها لاتستعجل وانا اخووك الزواج قسمة ونصيب ويمكن تجيب منها ورعين ثم تبووش فأنصحك بالتوجه لأقرب اخصائي اجتماعي ماهو عيب ولاهو حرام لكن مثل هذه الامور لابد من التعامل مع متخصص اخاف اولك تجربة الفار المريرة اللي حطوه في صندوق مع فاره تكبره بالعمر فعندما كبر هذا الفأر قل عطاءه واعلن اعتزاله اللعب والمصارعه ولايملك القدرات الفردية ولاالمهارية كالسابق وحط على السابق الف خط الا ثمانون خطيطة تقبل تحياتي وامنياتي اسعد خزام موسكو