|
لسه يا شباب باقي مباراتين قبل العيد ومباراتين بعد العيد تتضح فيها الأمور أكثر الهدف من هذي المباريات بالدرجه الأولى رفع المعدل اللياقي والتجانس خط الدفاع كلهم جدد ماعدا المرشدي يعني مايعرفون لعب بعض وكذلك أمامهم محورين جدد الهدف من كلامي هذا انه الأخطاء المفروض تكون كثيره حاليا بسبب عدم التجانس ومع كل مباراة تقل الأخطاء حتى نصل إلى المستوى الأمثل ومعروف خط الدفاع حساس جداً والثبات فيه والتجانس والتفاهم مهم جداً لازم نعطيهم وقت عشان يتفاهمون ويتجانسون انا عن نفسي أثق ثقه كامله انه ماراح يكتمل التجانس الا بعد بداية الموسم بكذا مباراه واللي مريحني انه المباريات الأولى بالدوري مع فرق من الوسط وهذا يعطي فرصه أكثر لتحمل الأخطاء البسيطة ،،، الزبدة نبي نصبر عليهم شوي وصدقوني لو لعبوا سوا أكثر من ١٠ مباريات بتشوفون دفاع صلب بإذن الله ،، أسوأ شي الحكم المبكر لسه بدري والله على الأحكام ،، بالتوفيق للزعيم والشكر لصاحب الموضوع على النصائح القيمه |
وجهة نظر نحترمها لكن المسلم افضل بمراحل من الدعيع .. |
إقتباس:
رأيك يخالف للواقع والأرقام |
إقتباس:
أنا والله قصدي من الموضوع مو الحكم ... أنا بالعكس متفائل مره بالإستعداد وكلامك صحيح با يخص التجانس ...... بس أنا والعياذ بالله من هالكلمة ............لمست تجانس أكبر من باقي المجموعة في كل المباريات الودية عدا هاللاعبين ... والله أشوف منهم أخطاء فادحة صحيح ممكن يتحسن مستواهم لكن الأكيد إنه مو موصل مستوى باقي اللاعبين الي بدورهم أيضاً راح يتحسن مستواهم |
المسلم امس لعب مكان الزوري لان الزوري تحرك كثير الشوط الاول وطلعه الشوط الثاني عشان ما يرهق نفسه او ينصاب والشهراني مصاب يعني وش يسوي فحول المسلم يسار وخلا المرشدي دفاع مكانه بجنب الحافظ عشان يشوف اي واحد يصلح مع الحافظ |
إقتباس:
المهم إلى الآن لا يحيى ولا الحافظ عرفنا مستواهم لأن في مباراة كاظمة بالذات ما قابلنا فريق له هجوم جيد لذلك ننتظر لنهاية الدورة ونشوف من الأفضل ومن يستحق يعلب أساسي |
إقتباس:
|
أشوف ان المسلم قدم أداء مميز وآراء افضل من الدعيع اللي يحتاج للخبرة أتوقع أشوف تنافس شرس بين المسلم والحافظ على الخانه |
اقول اركدو وخلو تحاليلكم وتقديراتكم الفنيه بملاعب الحواري. مره الحافظ فاولاته كثيره ومره المسلم بطئ ومره المرشدي اخطائه كثيره. اقول اعقلوها وتوكلو على الله ثم على الكابتن سامي فالكلمه الاوله والاخيره عنده. جل ماعليكم نتائج الملكي بالاخير تحياتي يانجوم الملكي سيروا فجن الملاعب خلفكم |
بصرراحه مباراه كاضمه ليست مقياس فالفريق ضعيف اعجبني اسلوب المددرب لكن الدفاع بصراحه يحتاج الى نظر لانه لم يختبر الافي كم كوره وجاء هدف سهل وكاد يجي الثاني بالتوفيق |
إقتباس:
ولو الامر لي لما حضر المسلم ولا الحافظ ولا عطيف ولفضلت الدعيع ورضوان وع الدوسري لكن الان لازم نحاول الدعم انا ضد أي لاعب بطيء واعتبر السرعه من المهارات الاساسيه مع القوه والمهاره في لاعب كرة القدم ولذلك ارى هرماش والحافظ والشلهوب لديهم نقص في هذا الجانب شكرا مجددا |
المرشدي وراه واسطه قويه والله اعلم اكثر لاعب في العالم ياخذ فرصه ولا يتعلم لذلك هومفروض فرض على التشكيله لذلك اغسل يدك من اي بطوله حتى يعتزل |
لاجديد المرشدي نقطة ضعف مالها حل وبصراحه لو نلعب بالملعب ب 20 لاعب دام ان المرشدي موجود خوفي من النكبه كبير |
المسلم قلب دفاع ممتاز ينقصه خبرة المباريات بس ، الحافظ نجم قادم المرشدي كالعاده عله وعك كروي واضح ونقطة ضعف دائما باقي الكوري لازم نشوف مستواه مع توقعي بان الحافظ والمسلم سوف يلعبون اساسين على الاقل في اول جولات الدوري |
مع أحترامي لك موضوعك غير منطقي نهائيآ وذكرني بموضوع سبق أن تناقشت فيه مع عضو لما عمل مقارنة بين اوزايا والمرشدي واخطائه...اعلم انك لم تعمل مقارنة وهذا ماسيدور بخلدك عندما تقرأ بداية كلامي قصدت انه متشابه فقط معه بعض الشئ...من الصعب ياعزيزي أن تضع المسلم وتجلس تحسب عليه اخطائه خصوصآ واللاعب صغير بالسن ولو تعد عدد المباريات التي لعبها مع الهلال تعد على الأصابع...ثم اكبر خطأ اتخذته عليه عندما لعب في الظهير وهذا خطأ من فلسفة المدرب أن لم يؤدي بشكل جيد في الموقع الجديد...اللاعب كما ذكرت لك يحتاج لوقت إن أردت أن تحاسبه فحاسبه بعد أن تشاهده يلعب موسمين كاملين وفي حالة اخطائه تكررت ولم يكن جادآ في تصحيحها...بالنسبة للمرشدي عمره وصل الثلاثين يعني ماراح يعطي أكثر واللاعب اخطائه كوارثية والمصيبه هو مااقتنع انها اخطاء حتى بالمقابلات يقول اخطائي كل المدافعين يخطئون زيي ولا عنده نية تصحيح حتى انا اتمنى تشوف دخوله على اللاعب المهاجم ان كان واحد لواحد فقط وشاهد المصائب....مباراة كاظمة كان الدفاع متناسق ومتفاهم رغم ضعف الفريق المقابل وعند نزول المرشدي حدثت الربكة واصبح فريق كاظمة يهاجم وخطأ الهدف يكفيك من تمريره مرت من بين اقدام الفلته....وصدقني وجود المرشدي هو سبب الربكة في الدفاع الهلالي من وجوده حتى هذا الوقت وبدأت اقتنع بها عند نزوله كتغيير بين الشوطين او الشوط الثاني في المباريات الودية...يبدأ الفريق ينتكس ويتراخى بسبب وجود الاخ المرشدي رغم ان الدفاع قبل نزوله متماسك وجيد كنت اعتقد ان هذا بسبب نزول مستوى اللاعبين فقط ولكن هو اضافة سيئة وسبب رئيسي في ضياع البطولات الاسيوية والمحلية خصوصآ في المباريات الحساسة لانه يفتقد التركيز فيها ثم اما يمرر تمريرة خاطئة تكون مرتدة او يحول الكرة برأسه بشكل خاطئ او لايغطي جيداً ممرات كثيرة.....اطلت عليك عزيزي ولكن هذا فيض من غيض مما في قلبي . |
| الوقت المعتمد في المنتدى بتوقيت جرينتش +3.
الوقت الان » 06:34 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd