السلام عليكم
بوركتم اعزائي في هذا الشهر الفضيل وأسأل الله أن يجعلنا وإياكم ممن يقرأون القرآن في شهر رمضان

أهنئكم في البدايه على المستوى المنشود الذي قدموه لنا فخرنا اللاعبين بما يليق في سمعة هلالنا ويذكرنا بأيام قريتس ويبعث الطمأنينه وبل التفاؤل بموسم هائل ورائع بإذن الله تعالى من خلال ودية أمس وننتظر أن ترافق الفريق السلامه ان شاء الله إلى العين وستكون بإستطاعتنا متابعة الأزرق بأريحيه من خلال النقل التلفزيوني ان شاء الله.

بعد هذه المقدمه أريد أن أتطرق إلى موضوعي أو إستفساري بالأصح ..في الحقيقه أستغرب عدم الزج بطقم نادي الهلال السعودي حتى الان..فمن مصلحه النادي التسويق من خلال الوديات التي يلعبها الان لكن ينفض محبي النادي لشرائه حيث أن ملاحظتي على الاندية الاوروبية تلعب بالطقم الجديد في نهاية الموسم القديم لغرض تسويقي مربح جداً لماذا لايكون كذلك لدينا ، وأرجوا من لديه معلومه عن موعد الزج بملابس النادي إفادتنا به

وشكرا

كلام جميل

وياليت هالرأي يوصل للإدارة او المسؤول بمعنى أصح عن هذا الموضوع

الاداره عندها هذي الاشياء اشياء ثانويه للأسف, مو مقدره جمهوريه نادي كبير مثل نادي الهلال, هذي الاشياء مو مهمه بالنسبه لهم ونظام مشي اي شي.

يحتاج لنا وقت كبير عشان نفهم كيف نسوق للنادي وكيف نستفيد من هذي الاشياء الي يعتبروها "ثانويه" وليست مهمه

انا للحين مستغرب تأخره مدري وش المصلحه في ذلك
اتمنى وديه العين يكون الطقم حاضر

اتوقع الاعلان بيكون قريب هذا شي اكيد بس فيه امور اهم مثل المعسكرات وغيره اتوقع اللي اجلت الاعلان عن الطقم

وان شاء الله يكون الطقم القادم مميز ويعطيك العافيه على الاستفسار

يا ليت تكون ودية العين بالطقم الجديد

بصراحه الطقم الأول لا يليق بالهلال ومكانته وسمعته وزعامته القاريه

...

اللي اعرفه ان الطقم من شركه جديده امريكيه غير اديداس وطقم خاص بالهلال

عشان كذا تاخر وان شاءالله يكون طقم مميز

ممكن يكون بعد الدوره الوديه

الطقم الجديد من الشركة المحليه راح يكون بعد العيد على كلام نقوشي

اتمنى يكون حاضر في ودية العين ..

للمعلوميه اغلب الانديه السعوديه الكبيره ما اعلنت للحين عن اطقمها الجديده

لو انك بأوربا او الدول اللي فيها خصخصه بتقول تنزل الفنايل اللاعبين عشان يغطون جزء من اللصفقات مثلا عندك كرستيان رونالدو يوم جا للريال بموسم واحد بس قيمه فنايله جابت قيمه عقده هنا وقتها تقول ايه ينزلونه بوديات

اماعندنا لا حياه لمن تنادي نزلوه او مانزلوه العالم ماهي فاضيه له الا بعد العيد فينزلونه بعد العيد احسن

لوعندنا ادارة تسويق ناجحه كان نزل الطقم من قبل المعسكر

آتمنى ينزل قبل بدآيه آلدوري بآيآم و ينزل في متجر آلهلآل


لو لعبو فيه آو آعلنو عنه

من بكرهـ شفت محلآت آلريآضة منزلين نفس آلطقم بس تجآري

كل موسم للأسف يتأخر الاعلان عن الطقم ,,, لدرجة انه بعض المواسم يبدا الدوري فيها ومايزال لاعبينا يلعبون بالطقم القديمـ ,,,
لابد يكون فيه اهتمام اكبر من الاداره ,,, هم يظنون ان الطقم غير مهم وليس من الاولويات ,,, لكن في الواقع هو مهم جدا عند الجماهير ,,

أتمنى من الادارة الإسراع في تنزيل الطقم الجديد في المتجر والمحلات التجارية والله ان متحمس على الطقم الجديد.