السسسلام عليكم ورحمه الله وبركاته
مبروك فوز الهلال على الرائد ومن الاهداف مبين مستوى طيب ومشجع وحضور يدل على الدعم للهلال في المرحله المقبله
بس حبيت انوه على شغله مفقوده بالدوري السعودي بصفه عامه والهلال بصفه خاصه
واعتقد كثير منكم شافها في المنتخب واللي هي الركنيات والفاولات اللي قدام القوس
بكل الدوريات يعتبرن هذولي مصدر الخطوره مثلهن مثل الهجمات المرتده ولو ان الهجمات المرتده اغلبها تعمد على اللعب الفردي
ليه ما يكون فيه تدريب لخمس لاعبين مثلا على الفاولات من مناطق مختلفه بالملعب
وتمرين للركنيات بعد يعني لما يخلصون تمارين لياقه يكون تدريب على الارتقاء للكره القادمه من الركني وعلى كيفه رفع الكورة لان بصراحه ممكن تخطف اكثر من هدف بالعرضيات وتخلص المباراه
وبالنسبه للهلال الفاولات والكرات الركنيه ضارته اكثر من نافعته يعني نقطه ضعف ماهي قوه وهي عند اغلب الانديه السعوديه بس حنا نبي نقويه وتكون لنا مو علينا
ولما تشارك اغلب الفرق السعوديه وتواجه الفرق الشرق اسيويه تكون الكرات العرضيه والفاولات هي اللي تفرق معنا ومعهم لانهم يتدربون عليها وحنا نتدرب بس على اللمسات ونهمل المهم وهي كيف تخطف الهدف لان الفوز بالاول والاخير اللي بيتسجل بالتاريخ ماهو كم تمريره او كم باص صح
كان ودي صراحه اني ادعم الموضوع بروابط لعرضيات فرق شرق اسيا والفرق الايرانيه ولكن ما اعرف الطريقه للاسف
المهم لو فيه احد يعرف معلومات عن الفرق المشاركه في بطوله العين ياليت يفيدنا
اتمنى ما اطلت عليكم بس حبيت اطرح الموضوع لربما يصل للكوتش سامي ونكون في منتدى الزعيم سبب للفائده اكثر من التشويش
في الاخير اللهم تقبل صيامنا وقيامنا ووفقنا جميعا يارب العالمين