الرسالة الأصلية كتبت بواسطة عقد البطولات (مشاركة 21402375)

اول مباراه حضرتها ما اذكر تاريخها. كانت بين الشباب والهلال على نهائي كأس الملك
انتهت هلاليه بضربات الترجيح والله اعلم والله سنين مرت هههههه
المهم ان الهلال فاز. وكان مهزوم 1/0 الى اخر دقيقه وكنا ننتظر بكل حزن صافرة الحكم
كان فيه لاعب في الهلال اسمه خالد الغانم له قدم قويه جدا وكان الهلاليين يعلقون امال كبيره على هذا اللاعب كان في مستواه وتمريراته يتفوق على يوسف خميس.
خالد الغانم من منتصف ملعب الشباب من الجهه اليمنى اطلق كره صاروخ سكنت المقص العلوي لشباك الشباب.. الهدف ما قدرت انساه من جماله.
اما نتيجة المباراه فوالله نسيت هل انتهت بضربات ترجيح
او ان الهلال سجل هدف الفوز في الوقت الاضافي.
والله كنت صغير مع الوالد رحمة الله عليه لكن الهدف محفور ليومكم هذا بذاكرتي وكأني اشوفه الحين.
واللاعب خالد الغانم ماعاد شفته ولا عاد سمعت له ذكر. مدري هو اصيب والا ويش جاه
المهم انه اختفى. ومدري احد من الاخوان يذكره والا لا؟

الرسالة الأصلية كتبت بواسطة وليد القحطاني (مشاركة 21402324)

.

السلام عليكم
طبعاً العنوان واضح .. أول مباراه حضرتها للزعيم وكانت مع مين .. ومين فاز ..

موضوع حبيت أغير فيه الاجواء ونشوف ونتذكر الأيام الحلوة والزمن الجميل ..


تفضلوا ..