سونق هوان هل هو لاعب الدوري السنغافوري أم أنه العاطل؟
معلومات متضاربة حول لاعب الهلال الجديد والبيان غير كامل ..!



هذا العنوان البارز في الجزيرة
ونحن بدورنا نتساءل هل فعلا ما كتب حقيقة
ام ماذا ؟
مرينا بتجربة منقا التي لم تنجح وان تحسن في نهاية المشوار
لكن هل الهلال وجماهيره بحاجة لللانتظار لانه ليس الوحيد المتوفر وليس الوقت فمازال في الوقت متسع

الهلال بحاجة الى واد جاهز ومبدع فما مرينا به من تجارب كافئ
ان نجرب غيرهم

هناك من يقول لماذا الاستعجال ؟
وانا اقول ولماذا يكون هناك استفسار اصلا بسبب الوقوع في مثل هذا المطب او لنقل هذا اللاعب اذا كان فعلا كما يقال

اخيرا من اختاره؟

ياليت يكون تداخلنا والجزيرة خطأ
ويكون لاعبا اخر

الله واكبر عليكم ماناقص الا تقولوووون يتركز ع العكاز ...

الاعب عاطل تقريبا

التعاقد معه من باب رخيص ... ويمكن ينفع

نفس تجربة مانجان وكومبوارية

باختصار مصيبة انك تكرر أخطاءك كل سنة

إقتباس الرسالة الأصلية كتبت بواسطة مجنونه كريستيانو الله واكبر عليكم ماناقص الا تقولوووون يتركز ع العكاز ... فكونا من مبزره ي مشرفين ومندسين قلق والله ......اشغلونا ...

سلامات

كل موضوع ما يعجبك ردودك مبزرة ومندسين!!!!

كل إنسان له رأيه ووجهة نظره حتى لو ما أعجبتك

لا يصيرون مسجلين النادي باسمكم واسم الإدارة واحنا ما ندري

المدافع اذا مااخذ بطاقات صفراء ماصار مدافع

لازم يكون في خشونة وارقامه بصراحة عجبتني

وبعدين 31 مو كبير ويلهامسون كان عمره 34 وبدددع مع الهلال

ولاتنسى انه كوري مو سعودي يعني لو يوصل 36 بيظل مبدع ويركض اسرع من اللي عندنا

إقتباس الرسالة الأصلية كتبت بواسطة خالد بنو هلال سلامات كل موضوع ما يعجبك ردودك مبزرة ومندسين!!!! كل إنسان له رأيه ووجهة نظره حتى لو ما أعجبتك لا يصيرون مسجلين النادي باسمكم واسم الإدارة واحنا ما ندري

كلام سليم جدا ---- هذا المنتدى صار كل واحد حاط الهلال تحت ملكيته الخاصة او وارثه من ابوه
انا من يوم تعاقدت الادارة مع توماس دول والادارة تسير بالزعيم الى الخلف كل سنة تكرر نفس الاخطاء
حراااااااااااام اللي يصير يا ناس هدا الزعيم ما ناقص الا يلعب فيه لاعب عاطل من شهر مايو(5) 2012

لا اخفيكم انني متخوف من تشو سونغ هوان لكن لا نستطيع الحكم عليه الا بعد مشاهدته في الملعب

يقولون إخواننا المصريين الله يفك أزمتهم:
الميّه تكدّب الغطّاس ، الوعد الملعب
ماراح نحكم من أول المباريات .. لكن إذا فيه إمكانيات كان بها
أما إذا كان مانغان وحوله .. الله يخارجنا

عمر الاعب الكورى جدا مناسب اللغط والجدل ان الاعب عاطل من سنه ماطق كورة مع نادى

وهو ليس الاعب الى يلعب بالدورى السنغافورى مدرى التايلندى

يا جماعت الخير هذا اللاعب عاطل من سنه كما ذكرت قول لاين وان المدرب طلب يتعاقدون معاه مره اخرى يبيه واعتقد انه راح ينجح نجاح باهر لان ما اعتقد انه ما كان يتدرب خاصه انه لاعب محترف وسامى ما اختاره من فراغ اكيد جمع عنه معلومات بس ارجو ان تصلوا على النبى ونبى التشجيع الحقيقى فى الملعب هذا اللى يبيه سامى وقفة الجميع الصادقه نجاح سامى نجاح لكل هلالى ونجاحه بعد توفيق الله مرهون بوقفت الجميع وياه بالسراء والضراء الف تحيه للجميع وشهر مبارك

ارجو الانتظار لنهاية الموسم ومن ثم تقييم جميع اللاعبين

تحياتي

ياما جانا لاعبين مشهورين ولا نجحوا والعكس هل تتوقع سامي يغامر وهو طموحه النجاح اول سنه تدريب؟ عندك ايمانا لو تذكر فتح له صفحه خاصه للمطالبه به وتم التعاقد معه ولم ينجح هل نقول ذنب الأداره!؟ اتمنى من الأخوان ان ندعم الفريق من اداره ومدربين ولاعبين خصوصآ انه تم التعاقد وانتهى الموضوع... اخيرآ لاعب نادي الشباب الكوري الكل طالب فيه وتعاقد مع الشباب وارى ومعي الكثير انه لم يقدم مايوازي مستواه عندما كان في فريقه الكوري قد يكون المجموعه السبب قد يكون عامل نفسي لانعلم ولكن اتوقع من لاعبنا الكوري ان يبدع لأنه مثل ماقرأت عنه لاعب قيادي وهداف في الركنيات والتوفيق اولآ واخيرآ من الله.