السلام عليكم




اول شي مبروك عليكم تياقووووو نيفيز جا الي م الي يرحم جا الحبيب القديم


وايضا ً مبروك على التعاقد رسمياً مع المدافع الكوري الخبير تشو سونج هوان

وربي يجعله خيرة لنا



وتعتبر صفقة معلم للادارة الزرقاء وسامي




والسبب


لاعب خبير في أسيا وبالتحديد في دوري ابطال اسيا


عمره جداً مناسب في ظل ان من سيتواجد بجانبه هو الحافظ صغير العمر


اللاعب بعد متابعتي له تبين لي انه حماسي وصاحب روح وهو م نبحث عنها ونفتقدها بالمدافع

اللاعب لعبه وسجله نظيف وفي نفس الوقت محارب على الكرة شي يحسب له



دائماً في الخانة الدفاعية لا يهم كبر سن اللاعب عكس م يكون في الخانة الهجومية


والدليل ان الحراس وقلوب الدفاع دائما م يعتزلون متأخراً





نقطة بسيطة لمن يعيب في عمر اللاعب :


هل تذكرون عدم رضى البعض على قدوم الظهير المدافع الشهير لي يونق عندما مثل الهلال وعمره حينها 31 وقيل انه اتى للدوري السعودي وهو منتهي واتضح لنا العكس في ذلك فاللاعب كان اكثر لاعب لعب مع الفريق ولم يغب ولقياته دائما كانت جيدة ولا ينسى ذلك الكوري الخوارفي



وايضا اقد اذهب بعيدا واعيد بالذكريات للاعب الوسط وليهمسون عندما عابه البعض على عمره واتضح العكس





جمهور الهلال قبل شهرين من الان او اقل تفاعلتم مع الشائعات التي كانت تقول البوسني أمير سباهينتش قد يوقع للهلال وان اللاعب لاعب خشن وغير مفيد للزعيم وصااحب كروت حمراء !! اللاعب الان يلعب في اقوى دوري بالعالم مع فريق ليفركوزن الألماني الفريق العريق !!!!! وحينها البعض قد ندم على تصديقه لتلك الشائعات ! لذلك ي أحبتي لا تستبقو الاحداث ووتتفاعلو مع اخبار الجمهور المضاد للازرق






سامي هو يعلم انه مؤتمن على الهلال لذلك لن يختار للازرق الا الافضل





صياماً مقبولاً وافطاراً شهياً ي اعزائي




لكم ودي .. حسام

بإذن الله يكون ع قد الطموح وينسينا الثغرات الواضحه بخط الدفاااع.....اثق جدا بأختيااارات الكوتش ساااميوا....


انتهى كل شي الآن ووجب علينا دعم الفريق بشكل عام ممثلآ بالاداره والجهاز الفني واللاعبين ون شاء الله نكوووش ع بطولات الموسم....


شكرا حساام...

كلام سليم وعين العقل ولكن لدينا جمهور يصدق الشائعات التي تطلق من المدرج الاخر ...

لي بيونج عندما جاء للهلال كان اساسي في المنتخب الكوري واستمر كذلك طوال مشواره مع الهلال

في كل الاحوال اللاعب اصبح هلالي وسنقف معه فمالك الا خشمك لوكان اعوج
اللي يقهرني ان اللاعب عاطل مثل كمبواريه ومع ذلك ماتعاقدوا معه الا مع نهاية المعسكر في وضع مششابه لكمبواريه في كل شي

إقتباس الرسالة الأصلية كتبت بواسطة عذب السجايا لي بيونج عندما جاء للهلال كان اساسي في المنتخب الكوري واستمر كذلك طوال مشواره مع الهلال في كل الاحوال اللاعب اصبح هلالي وسنقف معه فمالك الا خشمك لوكان اعوج اللي يقهرني ان اللاعب عاطل مثل كمبواريه ومع ذلك ماتعاقدوا معه الا مع نهاية المعسكر في وضع مششابه لكمبواريه في كل شي

الي اقصده انا حنا لازم نعيب اي لاعب مهما كان اسمه


صدقني سامي م اختاره الا انه شايف فيه الفائدة

وسامي يعلم جيداً ان واثقين فيه ويعلم أيضاً ان بعض الجمهور راح يلومه لو م نجح لذلك

سامي مدرك لكل شي

موضوع جميل اهنيك على اسلوبك في الطرح

كلام سليم وعين العقل ولكن لدينا جمهور يصدق الشائعات التي تطلق من المدرج الاخر ...

يعني اتوقع الكلام واضح .. اللاعب صار له مشاكل مع ناديه بخصوص امور لذلك كان متآح .. , !

النقطة الثآنية ياليت ماتقارن عقلية اللاعب الكوري بعقليات لاعبينا الا ماقل !

عارفين معنى الكورة وعارفين انها وظيفة وان رزقهم عليهاآ ..,

كلام سليييم .. المدافع خبيير وصاحب تجربه احترافيه كبيره

وللي يعيب في عمره وتقول كبير وكبير .. وينكم الايام الي راحت تطالبون في اسامه المولد ؟.

وين الي كان يطالب في محمد نور ؟. معقوله هذولا صغار .؟ بالمنطق .. اللاعب اذا محافظ على جدوله

يوصل لـ 40 سسنه ولنا في قيقز .. في مانشستر وعندك .. ايفرا .. وعندك بيرلو وعندك اسماء كبيره وكثيره

يعني نظام + انضباطيه + روح حماسسسيه = لاعب يسستحق الي يندفع فيه لو كان عمره 32 . سسنه

نتمنى له التوفيق مع الهلال ونتمنى يستفييد منه شباب الهلال الصاعد ونتمنى يكووون على الروح والرتم

واتمنى من جميع اعضاء المنتدى وجمييع الجمهور الهلالي .. دعم اي لاعب يمثل الهلال ولو اخطاء اكثر من مره

وان شاء الله مع سامي راح نشوف فريق صاحب هيبه ووو شخصيه

وعليكم السلام ورحمة الله وبركاتة .

يآلله حي ذا الوجهه الي مبطي عنه , ومبطين عن كتاباته المميزه .

ك عـادتك مميز ف مواضيعك وطرحك الراقي , اعجز عن تعبيري لـ شخص مميز .

عموما بنسبه للاعبين الاجانب , ماراح نحكم على احد الحين , راح نخلي كل شي لنهاية الموسم , وبعدها نحاسبهم على كل شي .

ويعطيك الف عافيه , وتقبل ودي واحترامي



..

اولا الحمد لله ع الصفقات الهلالية النارية الرآئعـه..!
الكوري - كاستيللو - هرماش - نيفيز ..!
الشمراني - السالم - الحافظ - عطيف - التجديد للشهراني - التجديد للعـآبـد ..!
ثانيا اتمنى من جميع الجماهير مساندة الفريق في كل مبارياته مهما حدث مثل جمهور الاهلي والاتحاد ..!
سامي والادارة ماقصروآ .. الحين جا الدور ع الجمهور .. اتمنى من الجمهور دعم الاعبيــن وتحفيــزهــم وعـدم الانتقـآد آبـــــدآ الا بعد مضي نصف الموسسسم..!
وشكرا

موضوع تفوح منه رائحة التطبيل !

اللاعب في عام 2012 مالعب الا 9 مباريات فقط

ومن بعدها وهو عاطل اكثر من ثمانية شهور ماطقها مع أي نادي ولا فكر احد يتعاقد معه أحد !

هذا غير نيفيز اللي لهم شهر يفاوضونه وتوهم يخلصون معه الحين ومالحق الا اخر المعسكر

حسسوني انه ميسي يلاحقونه ملاحق وكنه مافي هالبلد الا هالولد !

للمعلومية نيفيز في 2013 لم يصنع ولم يسجل اي هدف منخفض مستواهـ كثير

واللاعب منحاش منك المرة الاولى والحين رجع يجمع فلوس موسم بعدين يقول برجع للبرازيل عشان يضموني المنتخب وألعب في كاس العالم مثل المرة الاولى خخخخخ

ادارة سيئة وماتتعلم من اخطائها

الشبكة للاسف غالب مواضيعها تطبيل واخفاء للحقائق

صديقك من صدقك وليس من صدقك انتقدوا الاخطاء لمصلحة الكيان ولايكون همكم الاشخاص !

ماراح يرجع الهلال زعيم لأسيا وجمهورهـ طموحهم محدود امثالك

إقتباس الرسالة الأصلية كتبت بواسطة هلالي موت_5 صديقك من صدقك وليس من صدقك انتقدوا الاخطاء لمصلحة الكيان ولايكون همكم الاشخاص ! ماراح يرجع الهلال زعيم لأسيا وجمهورهـ طموحهم محدود امثالك

وصدقني الهلال راح يرجع زعيم اسيا ان ابتعد الجمهور عن تصديق الاعضاء الذين يبحثون عن ترويج الشائعات والتقليل من عمل الغير

إقتباس الرسالة الأصلية كتبت بواسطة بوُردقآ ! وعليكم السلام ورحمة الله وبركاتة . يآلله حي ذا الوجهه الي مبطي عنه , ومبطين عن كتاباته المميزه . ك عـادتك مميز ف مواضيعك وطرحك الراقي , اعجز عن تعبيري لـ شخص مميز . عموما بنسبه للاعبين الاجانب , ماراح نحكم على احد الحين , راح نخلي كل شي لنهاية الموسم , وبعدها نحاسبهم على كل شي . ويعطيك الف عافيه , وتقبل ودي واحترامي ..

الله يخليك حبيبي وانت واحشنا ب الزاف



وربي يوفق هلالنا