أشياء افتقدنها في الهلال هل سامي يقدر يرجع اللي فقدناه ؟
 

بسم الله الرحمن الرحيم

مبارك عليكم الشهر الفضيل وكل عام وانتم بخير وتقبل الله منا ومنكم صالح الأعمال .

بدخل بالموضوع على طول فيه أشياء فقدناها من زمان في الهلال وهذي الإشياء كالتالي :

1- اللي فقدناه هو الرفعات من الجهتين اليمين واليسار بواسطة ظهري الجنب اليمين واليسار إلى المهاجمين وتسجيل الأهداف بالرأس ويوجد لدينا مهاجمين يتميزون بتسجيل الأهداف بالرأس وهم : ياسر القحطاني و ناصر الشمراني ويوسف السالم.

2- اللي فقدناه هو التسديد من خارج منطقة الـ 18 بكافة إرجاء الملعب مع إتقان التسديده إلى المرمى ولدينا لاعبون يتميزون بها وهم : عادل هرماش وتياقو نيفيز ومحمد الشلهوب ونواف العابد .

3- اللي فقدناه هو توجيه اللاعبين بين بعضهم لبعض بمعنى أخر أنتبه لفلان لا يستلم انتبه لا يلعب لزميله الأخر انتبه وراك لاعب وهكذا.

4- اللي فقدناه هو توجيه المدرب من أول الدقائق إلى أخر الدقائق لان لاعبونا المحليين والأجانب كثير السرحان أو ينسون ماهو مطلوب منهم داخل الملعب .

5- إجراء دكت البدلاء الإحماء في الدقيقة 30 من الشوط الأول في كل مباراة وذلك تحسبا إلى أي ظرف في المباراة أما طرد أو إصابة لأن اللاعبون لابد من إجراء عملية إحماء بوقت كافي قبل الدخول
لأن أذكر أحمد الفريدي في أحدى مباريات الهلال دخل بديل ولم يفعل شي بعد المباراة سأله المذيع وقال لم أسخن كويس عشان ألعب كويس لان ماقدرت اشيل عضلاتي عشان كذا لازم يكون التسخين من وقت بدري .


ملاحظة اي شخص حاب يضيف شي على هالنقاط حياه ولكن بدون تجريح بين بعض :rose:

اتفق معك العزيز في جميع النقاط

بالنسبة للنقطة الرابعه عندي تعليق

بما انه اصبح مستوى الاساسي مثل الاحتياطي فاللاعب راح يركز ويقدم كل ماعنده عشان ما تروح عليه الخانة

تحياتي لك

كلامك صحيح
افتقدنا الاوفر
ولكن بأذن الله يعود )(كما رأينا البيشي مع السالم في المنتخب() صنع 3 2 رسمي واحد مبارة وديه بنفس الطريق
العابد وهرماش ونيفيز وتمنيت مدفعجي من طينة الجمعان وريفو ونضاوورادوي مع اختلاف كبير في الدقه

المدفعجي جدا مهم بسبب المتاريس الدفاعيه الاكيده
لدينا طريقتان التسديد من بعيد والعرضيات الرأسيه


اللي يجرح وانا. اخوك صدقني عنده نقص في نفسه وحاب يكمله من ورا الشاشه ويفرد عضلاته
والا مسكين مندس عذبهم. الهلال داخل المستطيل الأخضر وحاب يبرد
فكلهم نفسيات اشغلو انفسهم وأشغلو العالم معهم

طيب أصبر لين يبدأ الدوري وأحكم .. ترى ما صارت كل شوي مطلعين لنا شيء ..

نقاط مهمه والله يكتب إلي فيه خير للزعيم

شكراً لك

انت وراك عاد تستبق الأحداث خله يبدا الدوري واذا شفت اي ملاحظة راح لسامي بوقت التمرين وانقله ملاحظاتك
يااخي ذكرتني بالطلاب اللي جايين للفصل بعدانتهاء الفسحة شايفين دوري الفصول ويروح الدرس كله تحليل مثل تحليل صاحب الموضوع
حلوة اعجبتني كلمة الرقعات طيب ماتكلمت عن اللاعب اللي حاط زبره عند تسديد الفاول خخخخ
ياخي برمضان يطلعونلك الطيبين مدري من وين هههههه

ماعندي صبر انا حنا الآن في مرحلة الأعداد يعني نبيهم يتدربون على النقاط اللي ذكرتها انا عشان نتعود عليها
نخطي الآن ولا نخطي في المباريات الرسميه ... وش الفائده اجل من المعسكر الآن ياروحي نصور مع بعض وسياحة ...!

ايي والله من جد في رمضان يطلعون لك ناس مدري من وين ويتكلمون في أمور غبيه واحد يقول اصبر والثاني يقول تستبق الأحداث أجل وش الفايدة من المعسكر الحالي إذا مايصحح الأخطاء ويطبق الجمل التكتكيه في المعسكر .... إذا جاء المسابقات المحلية او الخارجية نروح نتعلم شلون الواحد يشوت او يرفع ... أجل طلع المعسكر سيااااحة .

اولا : كل عام والجميع بخير وشهر مبارك علينا وعليكم والله يتقبل صيامنا وقيامنا يارب العالمين

ثانيا ان لو تلاحظ اخر مشاركه لي بالمنتدى من فتره مو قريبه .. لاني صراحه صرت اتابع فقط ومااعلق ..
لكن موضوعك صراحه اعجبني .. وحبيت اعلق ..
ياسر القحطاني بأذن الله سيبرز اكثر اذا تعاونو معاه ظهيري الجنب .. لان صراحه الزوري مايعرف يرفع كان بارز بس بالمراوغه او هات وخذ .. ويواجه المرمى وبرز بالتسجيل .. وماانسى سلطان البيشي برز في المنتخب فقط في الاوفرات للمهاجمين وبالاخص للرائع يوسف السالم ., لكن عيب سلطان البيشي انه مايلعب بثقه ويراقب المنافسين بثقه اكبر .. ويحاول يقرأ اللعبه ..
ترى ياسر او اي مهاجم مثل السالم او الشمراني في الهلال لازم انهم مايفقدو اللي يفهمهم داخل منطقه الجزاء ويمكن الخطط من المدربين ماساعدت ياسر بالاخص كثير لانه يرجع للوسط بكثره وماحد ساعده من الظهيرين , احنا لو نفتكر زمان .. كان عندنا في الظهير اليمين احمد الدوخي وكان عليه اوفرات تساعد المهاجمين ع التسجيل وفي الظهير اليسار كان فيه عبدالعزيز الخثران ولو ان مستواه كان قليل مع احترامي له في مركز الظهير لكن كانت اوفراته تساعد احيانا .. وكان فيه محمد لطف وبندر المطيري .. وماانسى مساعده الشلهوب في ذلك الوقت من اوفرات للمهاجمين من الجهه اليسرى ونواف التمياط او الفيلسوف يوسف من الجهه اليمنى .. اتمنى ياسر الشهراني ينافس بقوه الزوري على الخانه ويركزون اكثر .

احب اضيف الهلال يحتاج لاعب مثل .. طارق التائب او يوسف الثنيان .. يعطيك الكوره انت وضميرك ..
وفاقدين لاعب مثل .. موسى نضاو ..اوعبدالله الجمعان .. واعتقـد مايحتاج اقول لك ليه .. :d

وتحياتي لك ولموضوعك الرائع ..

واتمنى سامي ينتبه لهالنقاط .. رغم اني داري انه هو احرص منا على امور الهلال وظهور كتيبه فريقه بأحسن حال ..

وتمنياتي لك وللجميع بالتوفيق ..

ياأخي مادام لديك المقدرة الخارقة بالتدريب والحلول الفنية وش رايك تتقدم لتدريب الهلال ويصير سامي مساعد لك المعذرة ياأخوي اللي مايعرفك مايثمنك

نقاط مهمة وباذن الله لا تغيب على الكوتش سامي



وترجع نعيد ونقول لا خوف على الهلال في وجود سامي