|
احدهم محترفنا الآسيوي القادم "بإذن الله"! اولاً : السلام عليكم جميعاً ثانياً : كل عام والجميع بخير , كل عام وانتم في اتم صحه وعافيه , هاهو رمضان يطل علينا من جديد أسأل الله العلي العظيم ان يعيننا على صيامه وقيامه وان يكتبنا من المقبولين عنده ادخل في الموضوع سريعاً : طبعاً جميعكم يعلم اننا انهينا 3 محترفين للموسم القادم وبقي محترف واحد "المدافع الآسيوي" طبعاً احد الزملاء كان بالنمسا ليلة البارحه واكد لي عبر اتصال هاتفي انه التقى بالكوتش سامي في (الهوتيل) , وسأل سامي عن المحترف الآسيوي البديل بعد رفض كيم ؟ فأجابه سامي : (ااننا انهينا ملف ثلاثه محترفين والرابع سيكون "كوري" بديل لكيم بإذن الله)!! ومن هذا المنطلق بدأت اتابع معظم المواقع الكوريه ولقطات لبعض اللاعبين الكوريين و استعرضت افضل المدافعين الكوريين في الفتره الاخيره بعد الاطلاع : الاسم : هونغ جيونغ هو العمر : 23 عام الطول : 186 سم فريقه الحالي : جيجو الكوري القدم المفضلة : اليمنى بعض تفاصيله : لاعب دولي سابق , قيمته السوقيه تقدر "بمليون يورو" الاسم : بارك يونغ هو العمر : 32 عام الطول : 183 سم فريقه الحالي : بوسان الكوري القدم المفضله : يلعب بالقدمين بعض تفاصيله : دولي سابق , كابتن فريقه الحالي , قيمته السوقيه تقدر "بـ 750 الف يورو" الاسم : كيم يونغ غوون العمر : 23 عام الطول : 183 سم فريقه الحالي : جوانزهو الصيني القدم المفضله : اليسرى بعض تفاصيله : لاعب دولي , قيمته السوقيه تقدر "بـ 1.1 مليون يورو" الاسم : آن جاي جوون العمر : 27 عام الطول : 186 سم فريقه الحالي : انشيون يونايتد الكوري القدم المفضله : اليسرى بعض تفاصيله : غير دولي , قيمته السوقيه تقدر "بـ 750 الف يورو" مصدر هذه المعلومات : الاستاذ الكبير فهد الحوشان طبعاً اللعيبه اللي ذكرتهم في الاعلى هم افضل اللاعبين الكوريين في "الفتره الحاليه" ولا اعلم عنهم شيء في الفترات السابقه ! عموماً هذا موضوعي وهذا طرحي إن اصبت فمن الله عز وجل وإن أخطأت فمن الشيطان وتقصيراً مني ! [CENTER]اخوك ومحبكم : محمد القحطاني والسلام عليكم ورحمة الله وبركاته :ba1::ba: |
اضافه الى الموضوع اعلاه >> وإن كان هناك لاعب غير كوري على كلام بعض الاخوان فأعقد ان الأقرب الياباني "ميزوموتو" لاتحظرني معلوماته الان !! |
أولاً / رمضان مبارك علينا وعليكم وعلى جميع المسلمين .. ثانياً / جميع الأسماء التي ذكرتها في موضوعك بالإضافــــة لـ معلوماتهم هي في الأصل من بحث وإعداد الهلالي المعروف / نواف الحوشان وقد قام بإنزالها في حسابه الشخصي في تويتر اليوم . لذا ومن باب حفظ الحقوق وردها لأهلها .. كان من الواجب عليك ذكر المصدر ( نواف الحوشان ) الذي قام بـ عملية البحث . وبالتوفيق للجميع ... |
الله يكتب اللي فيه الخير للزعيم |
الله يعطيك العافيه على التنبيه ولكن بكل امانه ان المحادثه بين سامي وزميلي كانت حقيقيه يعلم الله ولكن المعلومات اللي تحت جتني عن طريق قروب هلالي على البلاك بيري ولم يذكر لي المصدر فأستبحته عذراً ان انقلها بدون ذكر حقوق القروب فوافقني !! ولكن تقدير للأستاذ فهد الحوشان سأضعها بأسمه !! بس لاتزعل ي زعيم |
الى متى يا سامي لم تتعاقدوا مع لاعب مع ان المعسكر شارف على الانتهاء |
خلص المعسكر وماشفنا الا كاستيلو محترف جديد ! هرماش ونيفيز رجعناهم لأنهم الاسهل وفوق هذا تعبنا مع نيفيز ولسى ماوصل ولا تأكد أنضمامه رسميا ! والمحترف الرابع الاسيوي الي المفروض يكون موضوعه سهل للأسف تمرمطنا فيه ! ياجماعه ان الله يحب أذا عمل أحدكم عملا أن يتقنه ! مهنة المفاوضات المفروض تكون لناس متخصصين بهالشي .. ادارة بن مساعد فشلت في مفاوضات سبعين ألف مدرب ولاعب محترف ! ليش ؟ هذا الهلال وقويه بحق نادينا المصخره الي تصير .. جيبوا مفاوض جيد ومحنك اذا جلس مع وكلاء الاعبين يفهم الي له وعليه ويخلص الموضوع بدون مرمطه ! |
إن شاء الله يتوفقون بالاختيار وشكرا لصاحب الموضوع ... وترى البحث عن اللاعبين والتعاقد معهم صعب ويتطلب التروي |
رمضان مبارك علينا وعليكم وعلى جميع المسلمين الله يكتب اللي فيه الخير للزعيم حتى لو تأخر الهلال بالتعاقد معه |
اتمنى اني اشوف الاجانب الاربعه موجوديين في المعسكر في اقرب وقت حتى يتأقلمون مع الفريق ويبدأ سامي يتدريب اللاعبين على التكتيكات الي ناوي ينتهجها في الموسم القادم حتى لانعاني في مسألة التأقلم في بداية الموسم ونفقد نقاط وفوق هذا كله لو كانت بداية الهلال لو سمح الله ضعيفه راح تأثر على اللاعبين وعلى الكوتش سامي لانه للاسف الاعلام الي ضد الهلال راح يسن سيوفه عند اي تعثر هلالي نتمنى التوفيق للزعيم في الموسم القادم ونشوف هلال مرعب مع ابو عبدالله |
للأمانه لا مركز اعلامي زي الناس ولا مفاوضين زي الناس .. فقط "بهلله" ولم نرى شيء بصراحه !! وظيفة المركز الاعلامي بإختصار : وضع مشجع الفريق الفلاني في الصورة , واحاطته بجميع اخبار ناديه !! مركزنا الله يحفظه عكس هذا الكلام جملة وتفصيل ! نيفيز اخر م قرأته انه اتفق مع المفاوض والى الان مدري وش قصته .. المتمصدرين قاعدين يلعبون علينا وكل شوي طالع لنا واحد بخبر يخص اللاعب , الحين وقت المركز الاعلامي يصدر بيان بخصوص نيفيز عشان نقطع الشك باليقين ونكون في الصورة ونعرف وش صار ع المفاوضات ولكن مع الاسف لم يحصل هذا الشيء .. مركز اعلامي ضعيف متردد مهزوز .. اعاننا الله فقط !! نجي الان لمندوبين النادي (المفاوضين) بصراحه قمة "الضعف والهزل" لنا اكثر من شهر م انهينا صفقة نيفيز ولا المدافع الاسيوي !!!!!!!!!!! اخر شي سمعته ان الاختلاف فقط على تسليم الدفعات .. معقولة اكثر من اسبوعين م انتهى موضوع الدفعات , نرجع ونقول مع الاسف مفاوضيننا "ضعيفين وغير حركين وغير نشيطين" انتهى ! |
الله يكتب إلي فيه خير للزعيم:ba1::ba: ورمضان مبارك :smilie47::smilie47: وكل عام والجميع بصحة وسلامة والله يجعلنا من المغفورين والمعتوقين من النار عـــوافــي:rose: |
مشكور ع المعلومة ولأهم خدمة الهلال بغض النظر عن الأسماء التي ذكرت آنفاً , سواء كوري أو ياباني . |
بارك الله فيك اخي العزيز واعتقد ان اللاعب القادم هو هونغ جيونغ هو لانه انطرح اسمه في الاعلام مع الياباني موزيموتو تحياتي لك |
حيبت كيم يونغ غوون يمكن هو ولو هو شكله ميه ميه |
| الوقت المعتمد في المنتدى بتوقيت جرينتش +3.
الوقت الان » 07:25 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd