" بسم الله الرحمن الرحيم "
والصلاة والسلام على أشرف الانبياء والمرسلين "

مالي ف المقدمات
____

* مبروك عليكم الشهر جعلنا الله من صوامه وقوامه "

ادخل فالموضوع

هذي احصائية سويتها لأفضل 8 مهاجمين فالدوري السعودي الموسم الماضي طبعاً

في هذي الاحصائية طلعت المعدل التهديفي لكل لاعب بطريقة نقسم الاهداف على عدد الدقائق الملعوبة يطلعلنا المعدل التهديفي .

* بعد ما سويت الاحصائية اكتشفت شي غريب راح تشوفونه في الاحصائية ..

* الاحصائية سويتها في يوم نهائي كاس الملك بس كنت منشغل هالايام وتوني افضى ااوه صح لكم وحشة

المهم المربعات اللي عليها علامة " * " هي المهمة وتسذا

* معلومة معروفة هداف الدوري لاعب نادي الشباب سباستيان تيجالي .
عدد الدقائق الكاملة 2340 دقيقة لكل فريق .
ايه شسمه اخر ملاحظة والله /
* في عامود الكروت راح ارمز للبطاقة الصفراء بـ " ص " والحمراء بـ " ح " .




* ياسر القحطاني اللاعب المتكامل في الموسم لم يحصل على بطاقة ملونة + سجل بكل الطرق , قدم يمنى - قدم يسرى - بالرأس - فاول - بلنتي - من داخل 18 - من خارج 18 - صنع .

العجيب في الاحصائية ان من افضل 8 مهاجمين 3 منهم في الهلال الاول ياسر القحطاني
الثالث بيونق سو
الرابع ويسلي لوبيز

+ والاعجب اننا طالبنا بتغيير المهاجمين وقد رحل 2 منهم + الاخير كان في الاونة الاخيرة لا يلعب في مركزه الاصلي

+ #تخيل لو كان تياقو نيفيز خلفهم او اي صانع لعب اجنبي وش بيكون الوضع ؟ بيزيد كثير

اهداف المهاجمين اكثرها من اعتماد انفسهم او الصناعة من المهاجم الثاني

+ اكيد بيجون ناس بيقولون انت مطبل لياسر ويسلي والعيال
يا حبيبي انا علي من الارقام والاحصائيات

+ يقولون ياسر القحطاني ما يسجل بالفرق الكبيرة
الاتحاد ماهو كبير ؟ + الاهلي ماهو كبير ؟ + الشباب ماهو كبير ؟ يعني الكبير النصر والشعلة

____________

#همسات

* قائد الهلال بحاجة لوقفتكم الصادقة لا تقولون كل يوم نوقف وما سوا شي طيب الارقام تتكلم !! شوف الاحصائيات ""

بيجيك واحد يقول وين ياسر في مباراة لخويا بس توضيح ياسر كان مصاب وشارك بالذهاب والاياب وهو مصاب ولو انه مو عذر لكن سبب البلنتي في الاياب والفريق كان كامل ماهو في يومه .

كابتن الفريق يحتاج وقفتكم الصادقة اللاعب صراحة انظلم في الاونة الاخيرة

#كلنا_ياسر
‫ياسر القحطاني ـ عودة الكبار ـ إخراج فيصل الكريري HD‬‎ - YouTube


* شبيه الريح تعرض بالفترة الماضية لضغوطات قوية جداً والشتم والاتهامات , شبيه الريح يبذل الغالي والنفيس من اجل اسعاد جماهير الملكي , يحتاج وقفتكم الصادقة "

* هذا الرجل لن ينجح دون وقفتكم يا جماهير الرقم الصعب بعد الله " الكوتش سامي " يحتاج دعواتكم ووقفتكم الصادقة بالحضور والمؤازرة .

* اخيراً جمهور الرقم الصعب الحين ما اقول لاعب يبي وقفتكم او اداري او مدرب او رئيس لالا , الهلال يحتاج وقفتكم , الكيان يحتاج وقفتكم !!!! لا تلومون شبيه الريح او سامي او اللعيبة اذا ما قدموا المستوى المأمول اذا انتم ما قدمتم اللي عليكم فا قبل لا تنتقدون انتقدوا انفسكم واحضروا فالارقام في تراجع مخيف !!

_________

وصلت لختام الموضوع
باقة ورد اهديكم اياها جمهور الزعيم العظيم

إن اصبت فمن الله "
و إن اخطئت فمن نفسي والشيطان .,

والسلام عليكم ورحمة الله وبركاته

+ ارفقت صور وجدول للإحصائية في الموضوع عاد مدري اذا بتطلع او لا اذا ما طلعت مالكم الا ترجعون كل شوي للأساس ههع .

مجهود جميل ورائع وقبل فترة تقريبا شهر نزل في صحيفة لايذكر لي اسمها وسوو احصائية افضل مهاجم هو ياسر وفكتور سيموس من ناحبة التهديف وعدد الدقائق الملعوبة ككلهم متساوين !!

إقتباس الرسالة الأصلية كتبت بواسطة /عزوز/ مجهود جميل ورائع وقبل فترة تقريبا شهر نزل في صحيفة لايذكر لي اسمها وسوو احصائية افضل مهاجم هو ياسر وفكتور سيموس من ناحبة التهديف وعدد الدقائق الملعوبة ككلهم متساوين !!

تسلم يالغالي ومشكور على مروورك

يالبى ياسر بس ، في اسوء مستواه افضل مهاجم

إقتباس الرسالة الأصلية كتبت بواسطة شـبـ الريح ـيـه يالبى ياسر بس ، في اسوء مستواه افضل مهاجم

اكيد انا اشوف انه مو في اسوأ مواسمه لكن الجمهور اذا سمع شي او شاف شي ما يغيره يبتل على رايه ..

مشكور على مرورك يا عسل

يعطيك العافية العافية حبيبي
فعلا ياسر في اسوء مستوياته افضل واحد
اتمنى التوفييييق للمكلي في الموسم القادم
تحياااتي ...

إقتباس الرسالة الأصلية كتبت بواسطة عمور الهلالي يعطيك العافية العافية حبيبي فعلا ياسر في اسوء مستوياته افضل واحد اتمنى التوفييييق للمكلي في الموسم القادم تحياااتي ...

الله يعافيك يالغالي

اكيد ياسر القحطاني مهما قالوا عنه مو في مستواه او اي كلام عنه لغة الارقام تتحدث انه افضل مهاجم في دوري زين الموسم الماضي

مشكور على مروركك

إقتباس الرسالة الأصلية كتبت بواسطة ‪Faisal Al-Juhani طيب ياسر وينه قدام لخويا ؟! مايهمنا اهدافه بالدوري كلها بـ نجران و القادسية و الشعله اي لاعب يسجل نبي يسجل بـ اسيا

الاعب مصاب كان ويكفي سوا الي عليه في الاياب وسجل بلنتي بعدين بالله كيف تبي ياسر يبدع ومافيه صناع لعب مثل الخلق
اسئلك بالله لو فالدي او التايب موجودين مع الهلال حاليا ياسر مايصير هداف؟؟
جمهور الاصفر مؤثر عليك كثير شكله

إقتباس الرسالة الأصلية كتبت بواسطة كابتن كاريزما الاعب مصاب كان ويكفي سوا الي عليه في الاياب وسجل بلنتي بعدين بالله كيف تبي ياسر يبدع ومافيه صناع لعب مثل الخلق اسئلك بالله لو فالدي او التايب موجودين مع الهلال حاليا ياسر مايصير هداف؟؟ جمهور الاصفر مؤثر عليك كثير شكله

تم تفجير الجبهة بنجاح
الأرقام لاتكذب وشكل الأعلام النصراوي مأثر عليك وبقوة بدال ماتمدح فيه تروح تعاتبه !!!

إقتباس الرسالة الأصلية كتبت بواسطة كابتن كاريزما الاعب مصاب كان ويكفي سوا الي عليه في الاياب وسجل بلنتي بعدين بالله كيف تبي ياسر يبدع ومافيه صناع لعب مثل الخلق اسئلك بالله لو فالدي او التايب موجودين مع الهلال حاليا ياسر مايصير هداف؟؟ جمهور الاصفر مؤثر عليك كثير شكله

يا صاحب الارقام والاحصاءيات ياسر ما سجل بلنتي في الاياب. الشلهوب اللي سجل البلنتي بس ياسر سبب البلنتي ،، ركز

إقتباس الرسالة الأصلية كتبت بواسطة كابتن كاريزما الاعب مصاب كان ويكفي سوا الي عليه في الاياب وسجل بلنتي بعدين بالله كيف تبي ياسر يبدع ومافيه صناع لعب مثل الخلق اسئلك بالله لو فالدي او التايب موجودين مع الهلال حاليا ياسر مايصير هداف؟؟ جمهور الاصفر مؤثر عليك كثير شكله

شي طبيعي الأصابه في ياسر كل موسم يصاب اكثر من اصابه والحين الإصابات بدأت معه من المعسكر أما موضوع صانع لعب زي الناس كان عنده التائب و ويلي ما صار هداف وكان عنده ويلي ونيفيز والشلهوب بعز مستواه ماصار الهداف .
ياسر لاعب جيد بس عطيناه اكبر من حجمه وهذا اصابه بالغرور كل همه انه يطلع من المباراة بصور سنيمائيه لو يركز على اللعب ياسر راح يآخذ هداف الدوري الموسم الجاي

إقتباس الرسالة الأصلية كتبت بواسطة فارس والزعيم شي طبيعي الأصابه في ياسر كل موسم يصاب اكثر من اصابه والحين الإصابات بدأت معه من المعسكر أما موضوع صانع لعب زي الناس كان عنده التائب و ويلي ما صار هداف وكان عنده ويلي ونيفيز والشلهوب بعز مستواه ماصار الهداف . ياسر لاعب جيد بس عطيناه اكبر من حجمه وهذا اصابه بالغرور كل همه انه يطلع من المباراة بصور سنيمائيه لو يركز على اللعب ياسر راح يآخذ هداف الدوري الموسم الجاي

اتفق معك بان ياسر لاعب جيد واقول بانه جيد جدا
واختلف معك في البقية ،،

كيف اتفق معك بانه لاعب جيد وبنفس اختلف واقول انه جيدا جدا
الاتفاق يكون في انه ليس لاعب خارق او سوبرمان او مان اوف استيل النسخه الجديدة

بالنسبة للقب الهداف فهو مجد شخصي ، وصدقني يقيناً لو ان ياسر هداف جميع البطولات لقالوا بانه لايهتم الا بالقابه الشخصية ولا يهتم بالفريق

ايضاً ، اي هداف تجده منفذ لركلات الجزاء ولا تخلو اهدافه منها
ياسر ليس من النوع الذي يبحث عن المجد الشخصي لذلك تجده لايهتم بالبلنتيات
فيتركها للشلهوب وويسبي لوبيز ومن قبلهم رادوي ووليهامسون وغيرهم

لو انه بالموسم الفائت ركض خلف البلنتيات بدلاً من لوبيز لاصبح الهداف وبفارق

العبرة في الفريق وياسر ليس الفريق ، تأخرت كثيراً ، عندي بكرا اختبار ماث بطلع اذاكر
لاتبخلون علي بدعواتكم في اول ايام رمضان

وفقني الله واياكم ،، سلام

إقتباس الرسالة الأصلية كتبت بواسطة ‪Faisal Al-Juhani طيب ياسر وينه قدام لخويا ؟! مايهمنا اهدافه بالدوري كلها بـ نجران و القادسية و الشعله اي لاعب يسجل نبي يسجل بـ اسيا

سجل لك هدفين على الريان وخلاك ترتاح في بداية البطوله

مباراة العين ف الذهاب ما لعب , ف الايآب صنع هدف

مباراة الريان الثانيه ما لعبها بعد !!

مع لخخويآ المباراه الاولى لعب آخر ربع ساعه مع انه كان مصصآب , وف الايآب كآن مصآب بعد وتسبب في بلنتي وطلعع في آخر 25 دقيقه !!

هآ ,, وش رآيكك ؟!

إقتباس الرسالة الأصلية كتبت بواسطة ‪Faisal Al-Juhani طيب ياسر وينه قدام لخويا ؟! مايهمنا اهدافه بالدوري كلها بـ نجران و القادسية و الشعله اي لاعب يسجل نبي يسجل بـ اسيا

بقولك حاجه ليش ما تقول وين الهلال قدام الاتحاد يعني انت انت يالفاهم تخيل انك تنصاب الله لا يقوله وتجي وانت باقي فيك اثار الاصابه ويدخلك المدرب عشان ضغط الجماهير وانت مو جاهز وش بتسوي يا اللعيب والله لو كان رونالدو براسه وهو مصاب ما يسويلك شي ويكون عله ادارة تقلب على نجم نقول عادي بس جماهير تقلب على واحد من ركائز الفريق هذي خياااااانه لا ويجونك يسبون اللاعب بألفاظ عيييييب تنقال وهو لاعبهم فيه فرق بين النقد والشتم والتجريح انا كنتةفي نقاش معا اهلاوي قام يسب جماهير الهلال قلتله ليش قال انتوا تطلعون للاعبينكم القاب و تسبونهم بأنفسكم وترجعون تشتكون تقولون وين لجنة الانظباط عن الجماهير اللي تسب لاعبيننا اسفع الاطاله ي حلوين وكل. عام وانتوا بالف خيررررر