السلام عليكم ورحمه الله وبركاته
لا غبـار على أنّ الجمهـور هو اللاّعب رقم 12 في صفوف أي فريق يخوض مباراة على أرضه او خارج ارضه ، ولا شكّ أن الزعيم يملك بقوّة جماهير في جميع مناطق مملكتنا الحبيبه ، وبحضور جماهيـر غفيره مهم في جميع المباريات مهما كانت هويّة منافسه . سامي محتاجكم وانتم اهم لاعب يدعمه في هذي الفترة القادمه ولكم مني جزيل الشكر.


معاك يا زعيم معاك يا سامي معاك حتى النهايه

تحياتي للجميع ودمتم بخير

أخيرا واحد أهتم بالجمهور .! الكل شايل هم سامي و اللاعبين .! خلكم في شغلككم

جمهورنا صآر من أسوأ الجماهير على مستوى المملكة .! الهلال يتفوق على كل النوادي السعودية في كل شيء .! إلا بالجمهور .! و هذا يدل على أننا مقصرين في وظيفتنا و مهمتنا كـ جمهور . و النآدي جالس يخطط و يحقق إنجازات من أول مآ تأسس .!!

فريقنآ والله يستحق كل مباراة يمتلئ الملعب .! بس مآ تقدرون والله ,, أتمنى الإهتمام أككثر

الحمد لله العروبه طلع للممتاز وراح يجينا الهلال بالجوف .. وانا اول من يحضر .. وراح اجمع عيال الحاره واخذهم ههههه


سبحان الله العظيم سبحان الله وبحمدهه

تويتر : morad_777@

يا اخي الهلال خارج ارضه لا خوف عليه
الهلال الأربع سنوات الي فاتت الأكثر حضور خارج ارضه بس المشكلة داخل ارضه ما فيه حضور!!

لا نكذب على بعض .! جمهور الهلال يحتاج إلى علاج نفسي .! (( جمهور الهلال حاط في راسه إن التشجيع و التفاعل عيب .! )) و أنا راح أكتب موضوع عن العلاج النفسسي أو بستشير طارق الحبيب لعله يأتي بفائدة مع جمهورنآ .!! !!

حتى لو حضرنآ و قطعنا مشاوير .! بنجلس على الكرسي و نطالع باللاعبين .! أي لاعب يخطأ .! أنوع السب و التحطيم .! و إذا جا هدف قمنا نناقز دقيقتين بسس .! و بعدها نرججع .! خلاص لازم نغير الروتين الغبي هذآ .!!

لبه مآ نسوي حملة .! و كل هلالي يعاهد نفسه و يعد الجميع .! بأن أي مباراة تقام في منطقته سيكون حاضرا .! مهما كانت ظروف المباراة





#سنملئ_الملعب_في_كل_مباراة

إقتباس الرسالة الأصلية كتبت بواسطة عبد الحكيم خالد لا نكذب على بعض .! جمهور الهلال يحتاج إلى علاج نفسي .! (( جمهور الهلال حاط في راسه إن التشجيع و التفاعل عيب .! )) و أنا راح أكتب موضوع عن العلاج النفسسي أو بستشير طارق الحبيب لعله يأتي بفائدة مع جمهورنآ .!! !!

جمهور الهلال يحتاج له علاج نفسي أجل ؟

والله انتا اللي يبغالك علاج نفسي وقيمة الجلسات العلاجية على حسابي شرايك ؟

وايش طارق الحبيب وتستشير وكلام فاضي !!! تستهبل علينا انتا ؟

بالله هذا كلام ينقال ؟ ! عجيب

سامي حتى الان مسوي شغل ممتاز لكن إلجماهير واعيه وتعرف مهر البطولات القارية ... هجوم ووسط الهلال نار في حالة سلامة نفيز من الإصابة لكن متوسط الدفاع ما هو الدفاع اللي يجيب كاس آسيا لان الحافظ صغير وما له خبرة ونحتاج اسامة المولد بأي طريقة اذا تبون آسيا .. حرام نضيع مجهود فريق كامل علشان ناقصنا لاعب واحد

جماهير الهلال مسحوره مثل الجيران يحتاجون علاج على شان يشجعون النادي الكيان وليسى الاعب فقط كما يحتاجون دورات في التحليل والانتقاد مشاء الله عندنا جماهير ينتقدون قبل المباره وبين الشوطين وفي نهايت المباره وفي الموسم القادم وبعد سنه صراح شئ يطفش والحضور على الصامت او قليل كل واحد لحاله في المدرج .

إقتباس الرسالة الأصلية كتبت بواسطة عبد الحكيم خالد لبه مآ نسوي حملة .! و كل هلالي يعاهد نفسه و يعد الجميع .! بأن أي مباراة تقام في منطقته سيكون حاضرا .! مهما كانت ظروف المباراة #سنملئ_الملعب_في_كل_مباراة

والله أنهآ فكرةٍ منتآزهه ,اتمنى تفعيل الاشتآق :#سنملئ_الملعب_في_كل_مباراة مع بدآيةة دوري جميل ، وبإذن الله جمآهير الزعيم مَ تقصر