والله اني خاايف عليك ياسامي .. وبنفس الوقت قلبي معك .. لان المهمه ماهيب سهله بالمررره !!! - نادي الهلال السعودي - شبكة الزعيم

سلا الخفاق · #1 30/06/2013, 02:03 AM

بسم الله الرحمن الرحيم

صحيح اني سررت يوم ماشفت سامي على دفة التدريب بقيادة الجهاز الفني بالنمسا بس بنفس الوقت صابني شعور غريب لان المهمه ماهيب سهله لانها جسيمه على اعتبار انها المره الاولى اللي اشوفه يقوم بقيادة الفريق وخايف والله العظيم من التعثر في قادم الايام .. ليه ؟؟ لانك ياسامي تقود فريق كبير ومو سهل يعني من العيار الثقيل وله جمهور كبير ما يرحم ولا يرضى ابد في انصاف الحلول يعني مافيه غير البطولات شي يرضيه ومن هذا المنطلق يزداد خوفي عليك يابوعبدالله .
صحيح ان الخبره يكتسبها المدرب من خلال استلامه الفرق في اول المشوار اذا نجح استمر وزادت اسهمه واذا اخفق تكون روحه المعنويه في حالة إنحطاط لكن المدرب اللي يكون واثق بنفسه هو اللي يقدر يجتاز تلك المصاعب والسير حتى يتحقق مراده واعتقد والله اعلم ان سامي من هالعينه من المدربين .
سامي قلوبنا معك نحن الهلاليين ونسأل الله ان يأخذ بيدك لكي نفتخر فيك كمدرب كما افتخرنا فيك كلاعب سر في اول المشوار ونحن خلفك ندعمك نؤازرك حتى تقود زعيمنا بحول الله وقدرته نحو البطولات .

نواف نادي · #2 30/06/2013, 02:16 AM

كلناااااااااااا متفــــااااااائـــــلييين بســأاااامي لانه سيعـــيد هـــــيبــة الهلال المــفــقــووودةة

بلوي الزعيم · #3 30/06/2013, 02:22 AM

باذن الله التوفيق حليف سامي والهلال

اتعبني غيابك · #4 30/06/2013, 02:26 AM

صحيح ان المهمه ماهيب سهله بالمررره على قولتك
بس هذا نهج المدربين وهذي شغلتهم يعني مره يحقق
البطولات مع الفرق اللي يدربها ومره يخفق ويتعرض
للاقاله والطرد , وسامي يعرف هالاشياء انها رايحه
تحدث له لان مثله مثل المدربين اللي سبقوه ممكن
يتعرض لاي شي .
بس نأمل كل التوفيق لبوعبدالله وندعي من الله العلي
القدير ان يأخذ بيده حتى يتحقق مبتغانا ومبتغاه يارب

سلمان شمر · #5 30/06/2013, 02:27 AM

ي بعد عيني ي سامي

واثقيييين ب الذيب عسى ربي يوفقه مع الملكي

ًًًًً

زعيم تورنتو · #6 30/06/2013, 02:40 AM

نعم المهمه ليست سهله ولكنها ليست بالمستحيله
الزعيم فريق كبير ولا يستطيع ان يقوده فنيا الا
المدرب الواثق من نفسه لان خلفه إرث تاريخي ملئ بالبطولات
والانجازات وكذلك خلفه جمهور كثيف لايرحم
وديدنه البطولات ولا شئ غير البطولات .
قلوبنا معك ياسامي في مهمتك الصعبه ونسأل الله
ان يوفقك ويسهل طريقك نحو مزيدا من المجد
والبطولات لزعيمنا .
شكرا لك يازعيم

سلا الخفاق · #7 30/06/2013, 02:53 AM

إقتباس

الرسالة الأصلية كتبت بواسطة زعيم تورنتو


	نعم المهمه ليست سهله ولكنها ليست بالمستحيله الزعيم فريق كبير ولا يستطيع ان يقوده فنيا الا المدرب الواثق من نفسه لان خلفه إرث تاريخي ملئ بالبطولات والانجازات وكذلك خلفه جمهور كثيف لايرحم وديدنه البطولات ولا شئ غير البطولات . قلوبنا معك ياسامي في مهمتك الصعبه ونسأل الله ان يوفقك ويسهل طريقك نحو مزيدا من المجد والبطولات لزعيمنا . شكرا لك يازعيم