|
ماندري فيه اخبار قالت ان تولوز مافكر يبقيه واخبار تقول لا بالعكس يبونه ..والله اعلم المهم الله يوفقه مع الزعيم .. |
__ وش المشكله طيب تبي تقارن الدوري السعودي بالفرنسي هرماش وكل لاعب اجنبي يلعبوا بالدوريات الخليجيه عشان الفلوس بس ...، |
إقتباس:
مدامك تتكلم بهالثقة ممكن تعلمنا من هو محترفنا الآسيوي :to: |
ان شاء الله يقدم للهلال افضل المستويات في المواسم القادمة |
هرمااش لاعب ممتاز و قرار جيد باعادته من جديد |
اللاعب جاء وهو يرغب بذلك والله يحييه |
شباب ترى حرية الرأي مكفوله للجميع ومصادرة الآراء ليست من الحريه في شيء .. كل واحد يقول رأيه بكل حريه ونحترم وجهات النظر لكن أن تنتقل وجهات النظر إلى السب أو الشتم أو حتى الاستهزاء فهذا ما لا نرضاه جميعا ..لكل واحد وجهة نظر وعلى الجميع احترامها سواء تتماشى مع وجهة نظرك أو مخالفه لوجهة نظرك ... هرماش أخذوه تولوز بأخو البلاش بالفتره الشتويه والإداره مرغمه على إعارته تحت ضغط الإعلام والجماهير وأن اللاعب لم يقدم للفريق أي إضافه وهذا يظهر واضحا إذا غاب فإنك لا تفتقد هذا اللاعب إطلاقا وكأنه لاعب محلي بل إن بعضهم يتفوق عليه وهذه الحقيقه .. تولوز شاف إن اللاعب لا بأس به بالسعر اللي جاء فيه والفريق ما عنده القدره على جلب لاعب يفوقه إمكانات وهم لا يمتلكون المبلغ لذلك فضلوا مخاطبة الهلال بتمديد عقده وبنفس المبلغ إن لم يكن أقل والإداره الهلاليه مستحيل تفرط بهرماش بالسعر هذا كأنك تبيعه بلاش يعني تخيل معي مثلا بأنك جلبت هرماش بـ 5 مليون يورو لأربع سنوات وجاك فريق وقال أنا اشتريه بـ 300 ألف يورو مستحييييييييييل واعتقد بأن جميع العروض قريبه من هذا المبلغ لأن هرماش لم يقدم مع الهلال ما يجعله يستحق مبلغ أعلى لذلك فضلت الإداره الهلاليه استكمال بقية عقده مع الفريق وبالاتفاق مع سامي ..وسامي طبعا راح يعذر الإداره لأن ما عندها حل .. وخلوني اضرب لكم مثال حي وواقع الآن الهلال يعاني من خانة الظهير الأيمن واللي مستلمها البيشي هل تستطيع الإداره جلب حسن معاذ أو شهيل بـ 25 او حتى 20 مليون ريال ؟!!.. الإداره تقول خلني على البيشي اللي يأدي دور لا بأس به بخانة الظهير الأيمن أفضل من جلب لاعب بمبلغ كبير حتى وإن كان للبيشي بعض الأخطاء الكوارثيه ..هذا هو حال تولوز مع هرماش .. سؤالي لجماهير الهلال ماذا قدم هرماش للهلال ؟!!.. وهل كان لاعبا يستحق أن يطلق عليه لاعب أجنبي ؟!!.. وهل تحس بأنه وضع بصمته في الفريق ؟!!.. وهل إذا غاب هرماش أحسست بأن هناك لاعب ينقصك ؟!!..وهل هرماش كان يقوم بأدوار لا يقوم بها غيره ؟!!.. وهل هرماش لاعب تسطيع أن تعول عليه الكثير ؟!!.. وهل هرماش لاعب يحسب له الفريق الخصم أي حساب ؟!!.. وهل وهل وهل ... بعدين هل الدوري السعودي أفضل من الفرنسي أكيد يبي يجيك واحد ويقولك إيه !!! ما فيه ذرة مقارنه بين الدوري الفرنسي أو السعودي ومعقوله لاعب ما يتكلم العربيه أصلا راح يفضل السعودي على الفرنسي يعني من زين الأجواء وإلا من زين النظام وإلا من زين الحضور وإلا من زين المتابعه الإعلاميه وإلا ..وإلا وإلا ..عطني سبب واحد بس الدوري السعودي أفضل من الفرنسي.. يا جماعة الخير لا نلعب على انفسنا الإداره بلغت هرماش بأن عرض تولوز فيه خساره لنا وخساره كبيره وحنا آسفين إننا نرفض هالقرار يا هرماش لكن أبشر إذا جاء عرض كويس ما راح نرفضه بس نبغاك قدام الإعلام تقول بأن هذي رغبتي ( رغبته يجي للغبار ) وأن أفضل الهلال على تولوز هههههههه ولا تفضحنا قدم الإعلام اتفقنا يا هرماش بغبيغوا بالفرنسي خلاص اتفقنا ...وهذه هي الخلاصه .. هرماش وجوده سيكون على حساب لاعبي المستقبل من شباب الهلال ... كل اللي أتمناه أن يقدم هرماش مع الهلال مستوى أفضل من التوقعات وأن يكون لاعبا مميزا مع زملاءه المحليين والأجانب ... الله يوفق الهلال ويوفق سامي مع الهلال يا ذا الجلال والإكرام .. |
الي يعارض عودة هرماش لايفهم طريقة لعب هرماش او انه صغير ويحتاج من يوجهه او انه كان يتابع دوري اخر ونادى اخر لا والبعض يذكر عيوب فيه وكانه هرماش جاي ينقذ الهلال تراه لاعب زيه زي الباقين عنده اخطاء وعند مميزات . اخاف ان البعض كان يتوقع ان لاعبي برشلونه يتسابقون على الاعب عندنا هرماش لاعب هلالي انتهى الامر ادعم الاعب او تابع نادي غير الهلال ويكون افضل . |
اهلا بعادل هرماش عني لن الومه اذا كان يريد البقاء في النادي الفرنسي فنحن في الهلال لم نقدر موهبة اللاعب كما يجب وحملناه فوق طاقته وربما كان لصورة المحارب الروماني رادوي دور في ذلك ولا اعفي نفسي من انتقاده في الفترة السابقة . اهلا بعادل في بيته ونتمنى له مسيرة موفقه |
شكرا ع الترجمه الجميله.... ومرحبآ الف في ولدنااا...... |
إقتباس:
هذي معلومات !! و مصيبه يا اخي اذا كنت لا تفرق بين الرأي و المعلومه سؤال بسيط لك .. هل انت موظف في اداره الهلال عشان تطلع لنا بهالكلام ان النادي فرنسي كان يبيه بمبلغ بسيط و لكن الاداره كانت تبي تبيعه بسعر عالي و من هالحشو اللي انت كاتبه ؟؟ يا اخي اذا انت تشوف ان هرماش ما يناسب الهلال اوك قل رايك لكن ما له داعي هالحشو و المعلومات المغلوطه و اللي ما ادري من وين جايبها سؤال انا باسالك اياه .... من الاقوى المنتخب المغربي او السعودي ؟ طيب وش رايك ان هرماش اساسي في المنتخب المغربي و الا ممكن مدرب المنتخب المغربي كذلك ما يفهم ؟ طيب ليش النادي الفرنسي كان يلعب هرماش اساااااااسي معه طوال فتره اللي راحت ؟؟ و الا كذلك النادي الفرنسي ما يفهم ؟ مشكله بصراحه لما تجي تحاور واحد في فكره هو اصلا و الله لو صار ما صار ما راح يقتنع فيها ابدا لانه شايف انه الصح و المدربين و الفنيين كلهم غلط و المشكله تقول الجو و ما الجو و قاعد تستهزئ باللاعب و كانه دب قطبي لا يعيش الا في الثلوج ... طيب هذا ويليهامسون الى اخر يوم في عقده كان يتمنى يستمر مع الهلال بالرغم انه من السويد البلد الاسكندنافي ؟؟؟ على العموم يا ليت نبتعد عن التاويلات و ندعم اللاعبين اذا كنا نبغى مصلحه الزعيم لان القرار بعودة هرماش تم اتخاذه و اللاعب رجع و انتهى لذلك لا فائده من الحديث عن جدوى العوده تقبل مروري |
سبحان الله وبحمده .. سبحان الله العظيم بالتوفيق للاعب والهلال .. ومع سامي لا خوفا على الهلال بس الصبر ي جمهور الزعيم والمؤازره والحضور واهم شي اتركو بعض الانتقادات وانتظرو .. دمتم بحفظه .. |
عوافي على التغطيه اخوي .. دامه كان خيار ثاني لسامي فهو خيار جيد يكفي عارف الاجواء عندنا ولعب مع الفريق سابقا وكان مقدم اداء جيد جدا في خانة الحور الدفاعي مع العلم ان مركزه في المحور الهجومي .. الله يكتب اللي فيه الخير للزعيم .. بالتوفيق للملكي ،، |
إقتباس:
المغربي وليس له علاقه بقوة المنتخب السعودي ولو ناخذ بكلامك كان المفترض كل الأنديه تتعاقد مع لاعبي منتخب المغرب ..وكونه بمنتخب بلده لا يعني هذا بأنه راح يفيد الهلال ... ولا يعني هذا بأني انا اللي افهم والمدربين والفنيين ما يفهمون سامحك الله ..الفريق الفرنسي جلب هرماش لأنه خيار هو يحتاجه ومبلغه زهيد مقارنه بسعره اللي جابه فيه الهلال .. وما ذكرت ولا كلمه وحده بأن هرماش ما راح يتأقلم بالدوري السعودي لأنه دب قطبي أو متعود على الثلوج هذا الكلام من بنيات أفكارك ..اللي ذكرته مقارنه بين الدوري الفرنسي والسعودي بما في ذلك الأجواء يعني تبي تقارن أجواء فرنسا بأجواءك هنا ؟!!!!!!!!!!!!! وعلى فكره انا ماني من النوع اللي لا يمكن اقتنع بكلام اللي قدامي هذا تحامل كبير منك علي ايضا سامحك الله ... ذكرت لك رأيي بهرماش من البدايه ولكن أحتاج تركيز منك أثناء القراءه .. أيضا مسألة مكالمة هرماش وموافقته لا تنطلي على الأغلبيه الموضوع واضح وضوح الشمس بالله عليك لاعب يترك الملاعب والإثاره والأجواء والتركيز الإعلامي ودوري من أفضل الدوريات العالميه ويجي عندك هنا !!!.. هرماش لاعب محترف يعرف ماله وما عليه من التزامات تجاه أي نادي يلتزم معه بعقد احترافي لذلك لبى نداء العوده للهلال مكرها أخاك لا بطل .. أخيرا أتمنى من الله التوفيق لهرماش مع الهلال ولسامي مع الهلال ... وتقبل ردي بكل رحابة صدر .. |
اللي اعرفه ان ام واب عادل هرماش رحبوا برجعته للهلال وخصوصا ان عادل شرى لهم شقة مطلة على الحرم المكي وسعيدين بالعيش بالمملكة ولو عادل ما يبي ما شفته على طول جاء للنمسا لان اول ما اعلن ان سامي يبيه الجمعة بالليل بالنمسا واليوم تمرن مع الفريق |
| الوقت المعتمد في المنتدى بتوقيت جرينتش +3.
الوقت الان » 02:47 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd