الصبر ياعاااااااااااالم
 

السلام عليكم ، الموضوع ومافيه يازعماء بإختصار انا لي فترة ملاحظ من أعضاء المنتدى ان اغلب مواضيعهم انتقاد ونظرة تشاؤوم للمحترفين الجدد !!! وهذا وهم تو ما تم التوقيع معهم وما بعد شفنا لعبهم !!! يعني وقسماً بالله لو يقرون وش ينكتب عنهم بهالمنتدى كان شفناهم أعلنوا استسلامهم قبل المعركة بس الحمد الله أنهم موب حولنا . واحد يكتب البوسني والايفواري كبار بالسن ، والثاني كاتب نيفيز إصابة مزمنة والثالث الله يصلحه يطالب بأكبر حملة لكرش الكوري !!! سلامات يازعماء وش هالكلام ؟؟ ما اخبر ان في زعماء عقولهم متحجرة لهالدرجة !!! ياخي المدير الفني هو المسؤول الأول والأخير عن النتايج يعني حنا ما علينا وشلون تجي هالنتايج وبأي لاعبين ان شاء الله لو يتعاقد مع لاعبين فوق الخمسين . حنا كجمهور المطلوب منا الدعم فقط يعني مهما كان اسم اللاعب اللي بيجي لازم ندعمه وندعم المدرب اللي اختاره ونعطيهم فرصة نحكم على مستوياتهم وبعد نهاية الموسم يجي وقت الحساب يا نوقف ونصفق لهم ولا بننتقد بشدة اللاعبين والمدرب اللي جابهم ، بس عطوا الرجال فرصة يشتغل ، هو لاقيها منا ولا من الإعلام اللي يسرب كل شي يسويه ، الصبر ثم الصبر الله يهديكم ، آسف للإطالة وتحياتي للجميع

مشكور والله يوفق الزعيم بجلب لاعبين بمستوى عالي وبنتظار الاخبار


شكرا

شكرًا على تفاعلك ، بس والله من القهر اللي فيني كل ما دخلت المنتدى ألقى مواضيع ترفع الظغط

ياحبيبي الكل يطرح رأيه
والشباب هينا كل واحد يطرح رأيه
انا من راي البوسني والايفواري فعلا كبار بالسن
ونيفز الموسم اللي راح مالعب اغلب مبارياته؟!!
الكوري ؟؟؟ اذا كان فعلا طموحك مهاجم مثل الكوري بقولك تذكر ان ناديك اسمه الهلال
انا طموح مدافع مثل تفاريس محور مثل رادوي صانع لعب مثل فيلاديفاا حق العين سابقاا
مهاجم مثل محمد كالون والا ايمرسون حق السد اول

وبالال والاخير الكل يطرح رأيه واحنا نناقشه فيه

يا أستاذي اللي عمره 32 ممكن يعطيك نفس العطاء لمدة سنتين زيادة خاصة المدافع ولاتنسى أنهم دوليين بمنتخباتهم ، نيفيز ما أبالغ لو قلت انه من افضل 5 أجانب مروا على الهلال لكن للأمانة ماتابعته بعد ماراح للبرازيل ، وبالنسبه للكوري ياخي اعتبره من افضل المدافعين اللي يقدر ينفرد بالمرمى لكن للاسف اكثرها ضايعة بس وغير كذا لاعب حركي وقلق ولاتنسى انه الاعتماد الكلي مارح يكون عليه لأن فيه السالم ومو سهل تلقى آسيوي مستواه افضل من لعيبتنا بصراحة ، لكن بغظ النظر عن الاختلاف اللي بوجهات النظر اللي بيننا المقصود من موضوعي نجرب ونعطي سامي فرصة يمكن فيه شي هو شايفه بهاللاعبين حنا مو شايفينه وبعد نهاية الموسم لكل حادث حديث ، أشكرك على رحابة صدرك وعلى مرورك

ياخالي احنا فريقناا مو للتجارب

كلامك صحيح ع عيني وراسي اللعيبه قدمو مستويات كويسه لمدة موسمين وصلت اعمارهم ٣٤ طيب ابي ابيعهم ؟؟؟
سعرهم طايح
تذكر نيفز كم جاب لك ورادوي كم جاب لك
يارجل ماعندهم الا الفلس
الكوري انت قلتها بنفسك اكثر مهاجم يضيع فرص
انا ابي مهاجم وظيفة يجيب اهداف مثل تيقال مايمزح قدام الباب
والله ياخالي المعسكر بيبدا الاسبوع الجاي وفريقك مانهي مع اي لاعب ؟!!
وبتتكرر مشكلة. السنه الماضيه والله يستر

للصبر حدود يا أيوب
هوا انتا ما تعرفش ؟؟

ابشر والله بسعدك ..قدام الادارة 50 سنه تسوي فيه اللي تبي ... اتمنى لك وقت سعيدا مع ادارة ابن مساعد

https://twitter.com/followers

اضيفوني لبى قلوبكم >>

كلامك سليم ونتمنا التوفيق للهلالنا العزيز

يعطيكك العافية اخوي ع الموضوع

لكن الجماهير وانا من ضمنهم متخوفين

من تكرار سيناريو الموسم الماضي بمسألة الأجانب

اللي كانوا مو قد الطموح نهائياً

وايضاً الجمهور واعي وفاهم

وما يبي الا الأفضل ونجوم سوبر ستار

لآنك تتكلم عن كيان يسمى الهلال

تصدقون ان الذيب سامي عرف يلعبها على الاعلام وكل يوم يطلعون اسم لاعب جديد .. كفو ابو عبدالله والله يكتب اللي فيه الخير لهلالنا "

معقول ولا صفقه تمت الى الآن كلها مفاوضات أخطاء كل عام تتكرر ولا نستفيد من دروس الماضي من المسؤول:ranting::ranting::ranting::ranting::ranting::ranting::ranting::ranting: