شيباااان ياااسامي
 

السلام عليكم ورحمة الله وبركاته

إمير سباهيتش "32 عاما"

ديدييه زوكورا "32 عاما"

بغض النظر عن المستوى ومايقدمونه الان الا انني استغرب

من اختيار سامي لهذه الاعمار

يعني معقوله ماحصل لاعبين جيدين باعمار مقبوله

حقيقه الجمهور يرغب بالاستقرار مع سامي كامدرب

والاستقرار من حيث اللاعبين يعني نتطلع لاعمار

تعطي وتبقا بالفريق على الاقل 3 مواسم

ليس موضوعي هذا احباط او تشائم اللاعبين اعلاه جيدين

ولكن موضوعي يدور حول الاعمار والاستقرار بالمستقبل

كلامك صحيح في حالة التوقيع معهم
لكن سؤال شفتهم يوقعون العقود :d

لاتصدقون اي شي الا اذا اصدر خبر
رسمي من المركز الاعلامي

اصلا اذا وقع الفريق معهم مافي الكلام فايده

انا اتكلم عن الاخبار المتناقله بالصحف

احد جماهير الهلال ويبدي رايه بالاخبار المتناقله :)

يعني من كل عقلك لاعب ممتاز اقل من25 سنه بيجيك للخليج ليه؟؟

على اساس ان الدوري قوي؟
او بيستفيد من المستويات الفنيه العاليه !!
الدوريات الخليجيه معروفه بكل العالم دوريات فلوس
شف راول وغيره من اللاعبين بالدوري الاماراتي والقطري

لان عندهم حريه شوي وفلوس اعلى
وبالسعوديه سقف الحريه مايناسبهم لانهم مو مسلمين ولا محافظين زي مجتمعنا
وهنا اصلا الفلوس اقبل من الدوري الاماراتي والقطري يعني ماراح يجيك هنا لو تحب السماء

انا ودي يتعاقدون مع الافارقه و البرازيليين احسهم احسن شي للدوري السعودي

ما اقول اقل من 25 سنه بس يكون عمر مقبول يعطي على الاقل 3 مواسم قدام

اللي بالاعمار 32 في اخر حياتهم الرياضيه يعني ماهي فارقه معاهم

ماعندهم الطموح لرفع مستوياتهم لكسب عقود جديده اعلى من عقدهم الحالي

كلام جميل وصحيح اخوي اتمنى من الاداره جلب لاعيبه اعمار مناسبه مو اجيب لي لاعب كبير في السن ومايدي بلملعب واخرتها نقول ليه اشكرك اخوي بتوفيق للكوتش سامي بجلب لاعيبه اجانب على مستوى عال

تقبل مروري

اخوكم :محمد العنزي

تعاقد سامي معهم ولا مابعد

في النهايه سامي ابخص

ريحوه من كثر الكلام واللي مامن وراه فايده وخلوه يشتغل

حياك الله اخوي

ونورت المتصفح

ماهو من حقك تكميم افواه الجماهير وبالذات عندما يكون كلامهم مبني على وجهات نظر لا تحمل أسائه لاحد

عندك وجهة نظر باعمار اللاعبين تفضل وقلها

تعجبك هالاعمار اكتب تعجبني

ماتعجبك الاعمار اكتب وجهة نظرك فيها

يعني الموضوع بسيط مايستحق هالتشنج :)

فعلا اعمارهم كبيرة
بس اتوقع حاطين هالاسماء تمويه للاعلام
ماتوقع احد يوقع منه للهلال



والعلم عند الله

الخيره في ما اختاره الله ان شاء الله

والله يكتب اللي فيه خير يارب

حياك اخي

نقول أن شاء الله نشوف اسماء كبيره بالعطاء وصغيره بالعمر

الذيب مايهرول عشان لاعبين شياب

نتمنى ذلك ونتمنى تكون هالاخبار مجرد اشاعات