|
هذا النوع من المواضيع لايقبلها العقل السلام عليكم ورحمة الله وبركاته من يومين مستغرب غرابه من بعض المواضيع بالمنتدى ومشرفينه اخواني المشرفين بارك الله فيكم والبسكم ثوب العافيه على جهودكم ولكن حبه حبه 1- موضوع يتكلم عن ان (( اصابة نيفيز مزمنة )) * بالمنطق كيف مزمنه والكل يقول انه مأدي مع فريقه اداء رائع * بعض الصحف تقول انه كان يلعب وهو مصاب (( هذا يدل ان الاصابه طفيفه وليست مزمنه )) ان صحت الاقوال * اللاعب لو بقي مع الهلال اول ماجا كان بيكون مستواه في هبوط لان مستوى كورتنا لايقارن بالبرازيل وذهابه للبرازيل ولعبه هناك سيضيف له عكس الدوري السعودي يعني بيكون نيفيز تحسن للأفضل * الخلاصة أي لاعب يسجل في اى نادي قبل تسجيله رسميا يكشف عليه كشف كامـــــل (( هل الهلال بيسجل لاعب مصاب )) على حساب النادي لذلك كيف يسمح المشرفين بنشر مواضيع تشكك الجمهور في الادارة وسامي وتزيد من حقن الجماهير عليهم؟ وهي مواضيع بغايه السذاجة 2- سامي ولدنا سامي ولد الدم الهلالي * كيف يسمع للأقزام وصغار العقل وقليلي الخبره بنتقاده من الان ومحاربته بمنتدى الهلال وحتى الان ماشفنا عمله بأي منطق حتى لو لم يكن سامي اى مدرب فما بالك بســــــــــــــامي نحن نعلم كيف الصحافه الصفراء سانه سكاكينها عليه نقوم نوقف معهم من قبل ان ينطلق السامي بمهمته؟ وحتى مستقبلا لو اخطأ السامي يجب ان يكون نقدنا له بناء لانه ولدنا وعشقه الهلال يكون نقدنا له فني وهو مو كامل بشر عادى يعني بيخطئ اذا مااخطأ الان بيخطئ بعدين فيجب ان يكون نقدنا له بهدوء لكي لايشمت به احد ونسلمه للأعداء مذبوحا لذلك الله لايهين المشرفين ركزوا شوي الله لايهييييييييينكم اخوكم الصغير ابو باسل |
- بالنسبه لكلامك عن نيفيز المقصود من بعض الاعضاء انه تحامل عالاصابه ولعب بها بعدين صار لها تضاعف واصبحت اصابه قويه وعلى ماسمعت من الاعضاء الكرام انه لم يستدعى مع فريقه للاستعداد للموسم الجديد بسبب الاصابه ^^ ومن وجهه نظري هذا ابسط حق لاصغر مشجع هلالي المحب لناديه وحرصه ان لايقع النادي ضحيه للاعب مصاب واخذ الحذر والتاكد من سلامته وقول رايه باي موضوع يتعلق بالنادي - وبالنسبه لسامي انا ارى ان الاعضاء بالمنتدى مساندين ومشجعين لسامي !!! عكس كلامك ...!! |
إقتباس:
النقطة الاولى = كيف بيجيبون لاعب مصاب وفيه كشف طبي؟ ابي رد مقنع اخوي النقطة الثانية = اتكلم عن المنتقدين اللي يغمزون ويلمزون بسامي امثلة * سامى تخدير الادارة وخلص مفعولة * تعاقداتك ياسامى تدل على عملك * مدربنا يبيله مدرب الخ |
صدقت والله انتقاد رغم انه ماوقع رسميا ولاطلع شي رسمي ويقولون اصابة مزمنه عتبي عليهم رغم علمي ان حبهم للهلال هو الذي دفعهم لكتابة مثل هذه المواضيع أو المشابهه لها. |
الله يعين مشرفيين هالمنتدى هم والله اللي مع الخييل ياشقرى ان طبلت مشت مواضيعك وان هااجمة لاعب مشت مواضيعك وان كتبت اشاااعاات مشت مواضيعك لاكن انتبه تنتقد عمل الأدارة او تكتب اقتراح عمل بأسلوب الغرض تفادي قصوور او ابداء رأي لايوجد احترام للراي والراي الآخر للأسف لا اعلم هل الكتابة بأدب واحتراام ومصداقية وحب لهذا الكياان ايضا تحتااج واسطه:cry: تسلم لك :rose:s13s |
الله يكتب الخير للهلاااااااااال |
إقتباس:
الرد انا ابيه بعد من الادارة يوم جابت مانجان وهو مالمس الكوره ٥ شهور ويعرج قدام الفتح وهجر باول الدوري؟؟ شلون قالولنا سليم وجاهز.. وحنا متاهلين في آسيا شرو مانجان!!! ابي جواب لو سمحتو |
تبغى الصدق لو لا على قولة العراقيين الاداره الحاليه بقيادة عبدالرحمن بن مساعد عقلانيه بدرجه كبيره يعني اتخيل الامير عبدالرحمن يحب ينجح مع الهلال لكنه لايرى الكره والهلال كما نظرة المحبين جدا للهلال اللي يدفع قدر مايستطيغ ليجلب لاعب للهلال يفرق ويحقق نتائج الامير عبدارحمن اذا سعر اللاعب مبالغ فيه مايجيبه وعنده مافيه داعي للخسائر نجيب واحد يغطي الخانه بسعر مناسب واذا جاب لاعب مميز مايصبر بعد سنه لازم يبيعه بسعر اعلى (هكذا ارى ادارته) واهمس في اذنه ياسمو الامير مشجعي الهلال مجانين بحبه ويريدون لاعب مجنون في الفريق كسيرجيو المهاجم القديم او الكاتو ويريدون لاعب صلب في الدفاع والوسط كرادوي ....هذا أقل مايطمح له عشاق الزعيم ولايريدونك تبيعه حتى يشبعونهم بطولات ويقدمون كل ماعندهم ....هذه نظرة الجماهير وصعب تخلي الجماهير على طريقتك ومزاجك |
ياخي خل الناس تكتب وتطرح افكار وانت كـ متابع لك القرار تصدق او ماتصدق تقتنع او لا خل الموضوع مساحه حرة للجميع ياخي سلامات |
صالح السلومي لاعبنا السابق ووكيل التعاقدات في البرازيل عبر الجزيرة يؤكد بان تياقو سليم ولافيه اي شي ويلعب باستمرار |
أتوقع كثرة المواضيع وإشاعات التوقيع سببها مركز إعلامي نايم وأتمنى قدوم نيفيز لاعب مميز ذكي داخل الملعب تمريرات بناء الهجمه يصنع أهداف وهداف يجيد التسديدات من كور ثابته ومتحركه أقول أرضوا فيه وعساه يوافق لايجيكم أشباه اللاعبيين أحمد علي و سول و العربي و إيمانا و هرماش و مانقان و أوزييا و بوليفار و لوبيز و يونغ وغيرهم من الفاشلين قالوها الأوليين خلك على قردك لا يجيك الأقرد منه ولاهي غريبه على الإداره متخصصه لاعبيين ومدربين فاشلين ولو على إصابة نيفيز أتوقع مافيه إلى العافيه ويمكن شيء بسيط لايؤثر على مستواه الفريق البرازيلي اللي يلعب فيه نفيز من أعرق فرق البرازيل وتعرفون البرازيل زين مازين مستحيل يرضون بلاعب أقل من المستوى أو عنده إصابه مزمنه هذي الأشياء ماتصير إلى عندنا مثل الغنام وخيرات ورضوان وغيرهم من المجبور عليهم نيفيز لما مثل الهلال بالسابق طفشتني جريدة الرياضي وهي تنبح بالإصابه المزمنه رغم أنه كان هداف الدوري وبعدها راح لأفضل أندية البرازيل |
نيفيز اتوقع والله اعلم ان اصابته مو مزمنه واشوفه باخر الموسم بفريقه مبدع مشالله عليه الله يكتب الي فيه الخير لزعيم |
إقتباس:
اي محب للهلال يجب ان يمتلك الهدوء ويبتعد عن الانفعال لان فيه بعض الجماهير تنساق بسرعه حتى لو الكاتب غير هلالي |
للصبر حدود يالغالي:ranting: وخوفنا على الزعيم:ea: ناتج عن سنوات الضياع التي عشناها مع الإدارة الحالية للنادي:to: خاصة خلال السنوات الثلاث الأخيرة:s5s: فالمستوى والنتائج من جرف لدحديرا :mad:ومن المفترض مع اكتساب الخبرة لدى الإدارة أن تتحسن الأمور أكثر من عام إلى آخر، ولكن هذا الإنحدار يدل على الفشل الإداري في النادي:s5s::gunbandan ويأتي على رأس الهرم((رئيس النادي:ranting:))، ومانراه حالياً من تردد في التعاقد مع اللاعبين وتكرار التجارب الفاشلة يجعلنا نضع أيدينا على قلوبنا :bu: وعلى قولة المثل(( اللي يقرص من الثعبان يخاف من الحبل:fear:)) ختاماً الله يصبرنا معشر الزعماء :ba:ويكتب الخير لزعيمناs13s |
من حق اى مشجع يبدى رايه لطالما لم يسىء لاحد , والا تبى تكمم أفواه الجماهير مثل الجاسر؟! , اما ما يخص سامى انا معك 100% ليس لأنه سامى بل لأن الرجل مابدء بسم الله عمله فكيف ننتقده وللحقيقة جميع من فى المنتدى يؤيدونه و بقوة , المنتدى للجميع ويجب ان لا نبخس أى أنتقاد أورأى من مشجع محب لهذا الكيان , و السلام. |
| الوقت المعتمد في المنتدى بتوقيت جرينتش +3.
الوقت الان » 06:26 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd