إقتباس الرسالة الأصلية كتبت بواسطة @@almoreb@@ شوف بتكلم بحكم اني أعزب حاليا ولسه ما دخلتش دنيا وحدخلها باذن الله بعد شهرين لكن أتوقع والعلم عند الله أن الزواج والاستقرار أفضل بكثير من العزوبية والحياة اللامسؤولة وحتى لو تكدرت الحياة الزوجية ببعض المشاكل والهموم والاعباء الكثيرة لأن الله تعالى قال ( لقد خلقنا الانسان في كبد ) فلن تجد نعمة كاملة أبدا ..... الحياة الزوجية يا عزوبي أفضل من وجهة نظري بفارق كبير ويكفيك وصف الله تعالى ( هو الذي خلق لكم من أنفسكم أزواجا لتسكنوا اليها وجعل بينكم مودة ورحمة ) يكفيك المشاعر الكبيرة والاستقرار النفسي والعاطفي في هذه الايات شوف الشخص المتزوج اذا كان على قدر المسؤولية ومتفاهم مع زوجته كثيرا ومحب لها ومنظم حاله ووقته وعنده من الحلم والحكمة الشئ القليل فستكون حياته الزوجيه سعيده جدا ولن يتذمر منها أبدا .. وعلى قولة المثل اليمني المعروف ( لا مزوج سلي ولا أعزب مستريح )

شووووف ياادكتوري الحبيب احمد

انا اعتبرك واااقف بالنص لحد الآن يعني على مشاارف الزواااج وعلى حااافة وداااااااع العزوبيهـ

اتمنى تعطيني رااايكـ بعد اول سنه زواااااج

لآن هاااالحين انت متشبع من الحماااااس واحتمااااال تكسر قفص الزوجيه

يعني لو الوااحد يقولك العزوبي افضل احتماااال تهاااااااوش معااااه

الله يلوم اللي يلوووومك ياااشيخ

العزوبيه قشرا بالحيييييييييل بالحييييييييييل ياصاااااحبي

الله يرزقك بالذريه الصااالحهـ وتجيب دكتور عبقري

شوف اخوي والله انا من المؤيدين لزواج المتأخر فل امها بالعزوبية وبعدين فكر لزواج والناس ماتقدر تقنعهم الي يقولك الزواج المبكر راحه واستقرار وناس يقولون لاحقين على الزواج والقروشه وعوار الراس وفيه ناس ودهم بالزواج المبكر لاكن الحاله الماديه ماتساعد يحاول يرتب امورة لين ياصل عمرة الثلاثين ثم يتوكل على الله ويتزوج وشكرا على الموضوع الاكثر من رائع

يارجال مهما كان في الزواج مشاكل

ولكن هو ملح الحياة

مع أني مابعد تزوجت
لكن أحس الزواج شيء جميل

وعليكم السلام ورحمة الله وبركاته ’’

الموضوع ذو شجون لكن باختصر عليك الرد بنقطتين ,,

الزواج ستر واستقرار ..
العزوبيه حريه ولا استقرار

واسال الله ان ييسر لكل اعزب ان يتزوج ,, والمتزوج يرزقه زوجه ثانيه

وتقبل شكري واحترامي ,, دمت بخير

الزواج من أسباب الرزق كما يقول ابن عثيمين

بس بعضهم من تشطح معه يتزوج وبعد الزواج يمل ويقول طاح اللي بالراس

وتبدى مرآهقته المتئخره بعدين لاهو الي حافظ على شبابه ولا هو اللي استقر بالزواج

وهذا واقع اشووفه بين اخوياي المتزوجين تحصله ولا احسن منه قبل الزواج ويوم تزوج

والعكس صحيح

خرب الولد <~؟ ولا اقوولك كلهم بس بعضهم يعني من باب تجربه من الشباب


ونآ عندي نظريه لاتتزوج لين يطيح اللي بالراس <~ ^_^ عشآن لاتظلم اللي بتتزوجهآ

وتهمشهآ

موضوع ممتع ... طرح في وقته خاصتا ان فترة الاجازات
اكثر ايامها مناسبات زواج وسفر عزاب .

الحرية والوقت من اهم الامور التي تخص العزوبي والمتزوج

الاعزب : ملك نفسه ووقته .
المتزوج : لديه مسؤلية اتجاه بيته ووقته مع زوجته وابناءه .

شكرا ابن جبله
وبإنتظار جديدك .

إقتباس الرسالة الأصلية كتبت بواسطة sanforah.16 ما شاء الله اكتساح للأجوبة من الشباب ومافي ولا بنوتة ردت !!

ههههههههههههههـ واللهـ أنتظر البنتوتات يردون وأشوف تفكيرهم نفس تفكيري ولا أنا داخلهـ عرض خخخخخخخ

إقتباس الرسالة الأصلية كتبت بواسطة sanforah.16 طولت كثير لكن الخلاصة المرأة تخسر نفسها بالزواج دائما والرجل رابح دائما في اسوء الظروف ..!

هههههههـ يب يب الرجل دائماً رابح حتى لو في أسوء الظروف ..والمرأهـ دائماً خسرانهـ إلا اللي أمها داعيهـ لها ..


المرأهـ إذا إختارت تكمل دراستهـا وإتشتغل .. قعدوا يزنون ع رأسها بـتصرين عانس ..


بينما الرجل مااا يقولون لهـ شيء حتى لو تزوج وعمرهـ فوق الستين ..!!!


المرأهـ هي إللى لازم تنثبر بالبيت وتربي العيال ...
بينما الرجل لااا مب مهمة تربيهـ العيال مهمة الصرف ع البيت ..
لييييش مب عيالهـ مثل ماهم عيالها ؟!..


المرأهـ إن تطلقات ... ما رحمهااا أحد ...
بينما الرجال عاااادي يطلق ويتزوج ..
هو الرجال وعيبهـ بجيبهـ .. أما المرأهـ لااا لازم تهتم لكلام خلق اللهـ ...!!!

صدق نااااس ماااا يعجبهم العجب ولا الصيام برجب..
وبعد ذا كلهـ تقولون الرجال يخاف من الزواج ..
يا شيخ إنت وياهـ أناااا متأكدهـ إنهم رافعين شعار " طنش تعش تنتعش ".. قبل الزواج وبعدهـ .. خخخخفهم فكلا الحالتين بنفذون إللى برأسهم ..خخخخخ

وبخصوص إللى يخافون يخسرون حريتهم بعد الزواج ..
أقولهم نظموا وقتكم وما رح تخسرون شيء ... !!!

وفي الختام رأيي إن البنت ما تزوج إلا بعد ما تخلص دراستها وتشتغل .. ولا تتنازل عن حقها بالعمل ..<<< أجل تكرف فوق 16 سنهـ وفي الأخير تنثبر بالبيت ..:

أما الرجل فـ أنا من مؤيدين الزواج المبكر لهـ .. والزواج قسمهـ ونصيب ..!!!
فالرجال اللي يبي يتوفق بزواجهـ يقدم تنازلات مثل ما المرأهـ لازم تتنازل ..
وما يكبر الأمور وهي صغيرهـ ..

اللهـ يرزق العزوبين بالزوجهـ الصالحهـ ..ويخلي العزوبيات ع حالهن ..
<<< يااا ويل إللى بيقول عنا عوانس ..

بن جبلهـ اللهـ يعطيكـ العافيهـ ع الطرح ..

وعليكم السلام ورحمة الله وبركاته

بالبداية اهنيك على الموضوع الرائع والمهم وراح نسمع فيه وجهات نظر تختلف من شخص لآخر

وان كانت تتفق على شيء واحد وهو ان الزواج سنة كونية ولابد منه

وانا مثلا تزوجت بسن مبكر نوعا ما بحكم أنني الأبن الأكبر لوالدي وتلبية لرغبته مع رغبة الوالدة الله يحفظهم

والحمد لله اني كسبت رضاهم وحققت رغبتهم

بالرغم من ان الزواج بذلك السن لم يكن في الحسبان ولم افكر به اطلاقا ولكن عندما طلبوا مني

وافقت وكنت أقول بيني وبين نفسي انا بعد سنة او سنتين او حتى ثلاث سأتزوج

وقلت مادامت هذه رغبتهم والقدرة موجودة وافقت

والحمد لله توفقت بالزواج واصبحت حياتي من أفضل الى افضل وكان زواجي من اهم اسباب توفيقي بعد الله

ويكفي ان الزواج اهداني جود وراكان ولايهون الصغيرون فهد وهم اجمل فرحه عندي بالدنيا

لذا اقول لكل شاب قادر على الزواج يتزوج اقصد ( اقصد الأولى للأعزب مو الثانية او الثالثه للمتزوج ) *_*

والأهم انه يخاف الله ببنت الناس التي سيقترن بها وان يعاملها كما يتمنى ان تعامل اخت له مع زوجها

والزوجه لاتريد الا رجل يحبها ويحترمها ويستر عليها ويعاملها معاملة حسنه

وعندما يرزقها الله به ستتمسك به وستحبه ولم يعد يهمها منصبه ولافقره ولاغناه ولا مكانته الاجتماعيه

المهم عندها مكانتها هي عنده

واقول بعض الكلام واوجهه للمتزوجين من باب التذكير والنصيحه وانا اتعلم منكم جميعا بهذه الشبكه ولكنني احاول ان اجتهد

وانقل وجهة نظري واوجهها بالذات لاخواني المتزوجين

باستطاعتكم ان تملئوا حياتكم سعادة بابسط كلمة حلوة يقولها الزوج لزوجته ستجدها في قمة السعادة

وابسط هديه يقدمها الزوج لزوجته تجعلها اسعد النساء

لذا كلم الوالدة يانواف تشوف لك بنت حلال وتخطبها لك ولا تتأخر والله لما تتزوج ويرزقك الله ببنت حلال

راح تندم على الايام اللي راحت لك وانت عزوبي

واسأل اصدقائك اللي تزوجوا في سن مبكر من عمرهم او اللي تزوجوا في سن متأخر

راح تشوف النسبة الاكبر منهم يقولك الحمد لله توفقت واستقريت وحياتي اصبحت منظمه

وحتى الالتزام الذي يتخوف منه اغلب الشباب بعد الزواج سيستمتعون فيه

ويبقى الزواج من سنن الله الكونية للأنسان وحتى للحيوان والنبات ايضا

والله عز وجل قال ﴿ وَمِنْ كُلِّ شَيْءٍ خَلَقْنَا زَوْجَيْنِ لَعَلَّكُمْ تَذَكَّرُونَ ﴾

والزواج هو اصل الخلق بالتكوين

والله سبحانه وتعالى يقول:﴿ سُبْحَانَ الَّذِي خَلَقَ الْأَزْوَاجَ كُلَّهَا مِمَّا تُنْبِتُ الْأَرْضُ وَمِنْ أَنْفُسِهِمْ وَمِمَّا لَا يَعْلَمُونَ ﴾

واسأل الله ان يوفق الجميع ويحسن نياتنا ويصلح ذرياتنا

والف شكر نواف على الموضوع الاكثر من رائع اللي استمتعت فيه وزاده روعة الردود من الاخوان والأخوات