بسم الله الرحمن الرحيم
اجازه سعيه مقدما للجميع ومبروك للناجحين وهارد لك للراسبين وفرصه سعيده
الزبده جت العطله وجت معاها الزواجات والخرابيط والكوفيرات وعروض المشاغل 5 خدمات بـ 100 ريال
ع طاري الزواجات من اول وقت العشاء لاجينا بناكل بالزواجات يلعبون علينا الشيبان وانا واحد من هالضحايا
اشوف انه في مسميات لـ ضحايا سوق الاسهم والمفروض يكون هناك مسمى لضحايا الزواجات
لو تلاحظون من اول وقت العشاء ف الزواج لاجينا بناكل قالو لنا شيبانا عيب تاكل اللحم ع طول كل رز
بعدها حوّل ع اللحم وانا طالع كاني بابا فرحان اسمع الكلام وادق ف الرز والعب بالخمسه واحلى درفت ف الصحن
وانا اكل كنت اشوف الشيبان كلهم طقاق على اللحم واقلب المفطح يمين واقلبه يسار حتى الخروف بنفسه ع الصحن
يقول شوي شوي الله يجزاكم خير ولا جيت بمد يدي على اللحم همس لي الشايب في اذني كل رز وانا عمك
وهالشايب قبل العشاء يسولف ان اسنانه ماعادها تتحمل وانه يالله ياكل الجريش ويجلس هالشايب يقطّع لي لحم ذاك اللحم اللي كانه علك تجلس ساعه تعلج في ولاينبلع يجلس يوهقني هالشايب الله يهديه بهاللحمه
واجلس طول الوجبه وانا اعلج واعلج واعلج واعلج طالع كاني فيصل بن تركي
لدرجه اني اقدر اسوي به تفيخه [ نفاخه ] زي العلوك لين اشبع واقوم حتى الخروف اشوف راسه مدلع لسانه
ويقول ,, مصدق انت كل اللحم انت وطاقيتك الزري كانك راعي بليله وهالشيبان ماغير يعرمش بهاللحم وياكل والمفروض اصورهم واحطهم
في قناه ابو ظبي قناة ناشونال جيوغرافيك في حلقه خلقه لـ يفترس ,,
وانا ماغير اناظهم ودموعي اربع اربع
نجي للحريم قبل الزواج بيوم قالبينه حفله للناجحن حركه ف البيت وعجايز طالعه وناس داخله واللي معها نقش حنا تنقش
والحريم رؤسهم كلها حناء وحاطين عليها باغات [ كيس ] طالعين كانهم مخلوقات فضائيه والروائح الله الله
والعجايز مجتمعين بالمقلط ولابسين كلهم مشجر طالعين في اسبوع الشجره وكل وحده معها كراث وليمون وبياله شاهي
والخشش كانها مزرعه زعتر وكل وحده معها ديرم وتلطيخ بالخشش [ اللي مايعرف الديرم يراسلني ]
ولافي لا كوافيرات ولاهم يحزنون التسريحه كلها طقم واحد ياقصه الصارور يا عمايل [ جدايل ] والوجه من الوجه ابيض
حتى البنات لبسهم وش حليلهم الموضه الموضه حقتهم اللي تلبس قفازات مع الفستان طالعها كانها الحارس عبدالله السديري
فا وشوله المشاغل والتكاليف والشغل اللي ماله سنع
شكرا لحسن الاستماع

باااك ^_^

هههههههههههههههههههـ


يااااخي الشيبااان احس فيهم نحاااسهـ بعض المراات ^_*


يخااافون انا نخلص اللحم قبلهم عشاان ماااعندهم اسنااان ^_^


وهم يملكون لثه قااادرين ان يقطعوا لحم جاااموسهـ بقطمه واااحده وبدون اسنااان ^_^


.........


الديرم بصراحه ماااعرفه بس سألت الماما وقالت شكله تقريبا نفس الدارسين حاليآ ^_*


يازين بنات هالوقت لاحنا ولا دوخة رأس تعطيه صبغه مره ذهبي ومره مكون من جميع انوااع الطيف ^_^


شكرا يامجنون ^_^

إقتباس الرسالة الأصلية كتبت بواسطة مجنون الزعيم(9) وهالشايب قبل العشاء يسولف ان اسنانه ماعادها تتحمل وانه يالله ياكل الجريش ويجلس هالشايب يقطّع لي لحم ذاك اللحم اللي كانه علك تجلس ساعه تعلج في ولاينبلع يجلس يوهقني هالشايب الله يهديه بهاللحمه واجلس طول الوجبه وانا اعلج واعلج واعلج واعلج طالع كاني فيصل بن تركي لدرجه اني اقدر اسوي به تفيخه [ نفاخه ] زي العلوك لين اشبع واقوم حتى الخروف اشوف راسه مدلع لسانه

ههههههههههههههههههههـ
قعدت ساعهـ أتخيل أشكالكم وفطست ضحكـ عليكم خخخخخخخ

ما أنكر إنا بعد حنا نفسكم نعاني من العجايز ..
بعد ما تخلصون إنتوا من الأكل ..يجي دورنا ...
ويجي دور العجايز بأخذ مكان الشيبان ..<<< هذا إذا بقى شيء من اللحم طبعا ..
ولكن حنا لقينا حل ...نحفر بالصحن وندفن اللحم .. ولا من شاف ولا من درى ..خخخخخخخ

هذااا كلهـ أول أما الحين فاللهـ يخلي المطاعم منتشرهـ في جميع أنحاء البلد ...
نطلب بدال الخروف عشرهـ ..

إقتباس الرسالة الأصلية كتبت بواسطة مجنون الزعيم(9) نجي للحريم قبل الزواج بيوم قالبينه حفله للناجحن حركه ف البيت وعجايز طالعه وناس داخله واللي معها نقش حنا تنقش والحريم رؤسهم كلها حناء وحاطين عليها باغات [ كيس ] طالعين كانهم مخلوقات فضائيه والروائح الله الله والعجايز مجتمعين بالمقلط ولابسين كلهم مشجر طالعين في اسبوع الشجره وكل وحده معها كراث وليمون وبياله شاهي

هههههههههههههههههههـ
وإنتوا وش حاااركم ... إن كنا مخلوقات فضائيا ولا لا ..
لاهـ لاهـ هذا كلهـ من الحر إللي فيكم ..
ع الأقل حنا في رووووح عندنااا وتنويع ... لبسنااا يتغير في كل عرس مب
مثلكم ثووووب وااااحد لكل المناااسبااات ...
وحنا من كثر ما حنا شخصيات مهمهـ في الأعراس ... إفتحوا لنا الكوافيرات وإخترعوا الموضهـ لنااا ..
هههههههههههههـ حارس المرمى يتغير ..خخخخ

بس بصراحهـ الماضي باللي فيهـ أفضل من الحاضر ...
ومن ليس لهـ ماضي مالهـ حاضر ..
تشكراااات ع الطرح ...

مت ضحك على " خلق ليفترس "

بنت جبله : الدارسين اللي هو القرفه .. و الديرم الله العالم انها حاجه تشبه الحنا لاني اذكر في انشودة بين الماضي و بين الحاضر كانو يقولون : " وين الديرم وين الحنا و الكحله يالله الجنه " هذا و الله اعلم

إقتباس الرسالة الأصلية كتبت بواسطة بن جبله باااك ^_^ هههههههههههههههههههـ يااااخي الشيبااان احس فيهم نحاااسهـ بعض المراات ^_* يخااافون انا نخلص اللحم قبلهم عشاان ماااعندهم اسنااان ^_^ وهم يملكون لثه قااادرين ان يقطعوا لحم جاااموسهـ بقطمه واااحده وبدون اسنااان ^_^ ......... الديرم بصراحه ماااعرفه بس سألت الماما وقالت شكله تقريبا نفس الدارسين حاليآ ^_* يازين بنات هالوقت لاحنا ولا دوخة رأس تعطيه صبغه مره ذهبي ومره مكون من جميع انوااع الطيف ^_^ شكرا يامجنون ^_^

هلا وغلا

لا وبعض الشيبان بعد كل اكله يجلس يلحس اصابعه
ثم يقطع لك اللحم يحسسك اننا جالسين على فريسه مو ذبيحه

إقتباس ما أنكر إنا بعد حنا نفسكم نعاني من العجايز .. بعد ما تخلصون إنتوا من الأكل ..يجي دورنا ... ويجي دور العجايز بأخذ مكان الشيبان ..<<<

هذا اذا جو يلعبون علينا بعد يقولون خلكم بالدور الثاني
ولاجينا بناكل مانلقى الا عضام
وجع ضباع مب اودم

إقتباس مشعل احلف أن الديرم ماقد حك ضروسك ولا وقفت قدام المرايه وتلحس براطمك

لا ابشرك قد جربته
طعمه حلتيته على شوي كمون مدري كيف بس الزبده يخلي كبدك يبيلها اعاده ضبط المصنع