08/06/2013, 05:19 PM
|
 | زعيــم مميــز | | تاريخ التسجيل: 27/09/2011 المكان: الجوووف
مشاركات: 5,861
| |
|
الرئيس + سامي + نواف بن سعد + الجاسر + الشائعات + تعاقدات الهلال للموسم القادم + افضل الحراس +المنسقين+ الاجانب + كل شي يخص الهلال
" بسم الله الرحمن الرحيم "
اول شي الف مبروكك للناجحين وهاردلك للراسبين 
اتمنى انها تكون عطله سعيده للجميع والله يبلغنا رمضان ان شاء الله "
انا لي كم يوم ادخل المنتدى وابي اكتب موضوع واتردد واللي قررت اني اكتبه اليوم لاني اشوف اكثر الجماهير تكتب نفس الكلام كل يوم وم فيهه شي جديد واليوم فتحت المنتدى ومسكت المواضيع من فوق من اول واحد الى اخخر واحد وراح اكتب كل شي هنا ( بالمختصر المفيد ) ""
* عبدالرحمن بن مساعد ( شبيه الريح )
الرجال ما قصر معنا بشي من اول ما استلم رئاسة نادي الهلال وهو يشتغل ويدفع ويعمل من اجل الهلال وجماهيره يمكن الاغلب ويمكن انا واحد منكم كنا نطالب باستقالته وخصوصا بعد مباراه لخويا بالاسيويه
يمكن كنا بوقتها بلحظه غضب وعلى قولتهم ( لا تآخذ الكلام من الشخص في لحظة غضب ) واكيد كل رئيس وله اخطاء وم فيه شخص معصوم عن الخطا وعلى الاقل اخطأ وخذينا بطولات وغيرنا بدون ولا شي ..
نبي نفتح صفحة جديده وننسى اخطاء المواسم السابقه وان شاء الله نشوف هلال لا يقهر "
* الذيب / سامي بن عبدالله الجابر
قبل كل شي الله يوفقه وان شاء الله نشوف هلال جديد على ايده ..
سامي راح لفرنسا واغترب وكان عنده هدف وكان يتمنى انهه يحققه وهو " تدريب نادي القرن والعقد في اسيا "وانا يا واحد كنت متأكد انهه بيوم من الايام راح يرجع ويحقق هدفه لاني واثق بقدراته واعرف طموحاته ومدى اصراره .. اتمنى له التوفيق وسبق وان اشاد به مدربين عالميين ..
"" اللي ما يعرف للذيب يشويه ""
* نواف بن سعد
انا رااح اختصر الكلام عنهه لاني ما اععرف ظروفه ولكن اتمنى انهه يرجع للهلال لاننا ما نبي نخسره واذا كانت عنده ظروف ما تساعده على انه يتواجد معع الهلال اتمنى انهه يستقيل ويجي واحد مكانه مثل الناقور او احمد بن سلطان ..
*المركز الاعلامي برئاسة عبدالكريم الجاسر
اغلب الجماهير تطالب بمقاطعة برامج رياضيه معروفه مثل في المرمى وغيره .. انا من وجهة نظري ان السبب اللي جعلهم يتطاولون على الهلال ولاعبينه هو المركز الاعلامي بنادي الهلال لانه هو المسؤول عن الدفاع عن النادي ولاعبينه وجماهيره في القنوات التلفزيونيه وانا اشوف ان عبدالكريم الجاسر مقصر بالشي هذا .. والله يعلم ان مابيني وبينه شي واني اعزه واقدره لككن اتمنى انهه يترك المكان لغيره مثل : عادل التويجري وفيصل المطرفي و فهد الروقي ..
* الشائعات او الاخبار الغير صحيحة
كلنا نعرف ان اي فريق رااح يمر في فترة الصيف خاصه بالشائعات وخاصه اذا كان فريق كبير مثل الهلال
انا اشوف ان اهم سبب في انتشار الاخبار الكاذبه هو ( نحن جماهير الهلال ) لأن الواحد مننا يسمع او يقرأ خبر من شخص او اعلامي غير هلالي او غير معروف ولا يعرف مدى صحته ويروح وينشر الخبر او يتناقله هنا في المنتدى او تويتر وهذا اهم سبب من اسباب انتشار الاخبار الكاذبه .. اتمنى اننا نترك الاخبار ولا نصدق اي شي الا اذا شفنا توقيع رسمي او خبر من المركز الاعلامي بنادي الهلال ""
* صفقات الهلال للموسم الجديد
يوسف السالم - عبدالله عطيف - عبدالله الحافظ
الله يوفقهم معنا وان شاء الله تكون صفقات ناجحه بإذن الله .. الهلال صار عنده اغلب اللاعبين صغار السن ومعدل الاعمار 23.8 وهذا شي يجعلنا نتفائل بالمواسم القادمه والحمد لله استقطابات نادي الهلال في الموسم هذا واللي راح افضل بكثير من المواسم اللي قبلها .. اداره الهلال تخطط للشباب المنتخب اللي لعبوا في كأس العالم ومنهم : السديري - الشهراني - الحافظ - عطيف - سالم .. يعني من ناحية اللاعبين المحليين ما عليهم خوف ان شاء الله . .
* حارسنا الجديد
الهلال وقققع اليوم معع فايز السبيعي حارس نادي الاتفاق .. نتمنى اننا نشوف فايز السبيعي اللي كان بالموسم اللي قبل الماضي .. الحارس يملك خبرة كبيره ولعب مباريات اسيويه ولعب مع المنتخب نتمنى له التوفيق ويمكن البعض ما يعجبه فايز السبيعي لككن ان شاء الله يغير كلامه بعد ما يشوفه يقدم مستوى كبير ..
وهذا مقطع للسبيعي قبل موسم ( قبل الاصابه )
تقرير عن الحارس المميز فايز السبيعي - YouTube
* اللاعبين المنسقين
سمعنا في الايام الماضيه ان الهلال يبي ينسق عدد كبير من لاعبيه يمكن يصل عددهم الى 7 او اكثر وانا اتمنى تنسيق كم لاعب ولكن ما ابي اذكر اسم احد لانني احترمهم واحترم الشعار اللي هم يمثلونه الحين .. فهم لازالوا لاعبين هلاليين واللي راح يطلع من الهلال نقوله مشكور وم قصرت واللي راح يبقى حياه الله واتمنى له التوفيق .. لذلك يا زعممماء اتمنى منكم كجماهير هلاليهه عاشقه للكيان انكم ما تطالبون بإبعاد لاعب وتجرحون فيهه لاننا ما ندري هو راح بقى ولالا .. كلنا نعرف من اللي مقدم مستوى ومن اللي ما يقدم والمدرب ابخص بالامور الفنيه ""
* اللاعبين الاجانب
الهلال محتاج عمود فقري للاعبين الاجانب ( قلب دفاع - محور دفاعي - صانع لعب - مهاجم صريح )
اتمنى اللاعبين الاجانب يكون عمرهم صغير بين 25 والـ 29 وياليت لو يكون اسيوي وعلى الاقل 2 من البرازيل لان ينقصنا لاعبين يمتلكون قوة التسديد وشوت الفاولات .. ياليت يجينا واحد متخصص فاولات مثل رادوي ونيفيز كان الفاول عن بلنتي بوقتهم .. ومو شرط يكون لاعب معروف انا اجزم بأن الاغلبيه مننا ما كانوا يعرفون رادوي قبل يجي والعكس مع ايمانا وشف وش قدم هذا و وش قدم هذا (( يعني لا تحكم عليه من اسمه او قيمته الماديه بدون ما تشوف لعبه ))
* الظهير الايمن
انا اشوف ان الهلال محتاج ظهير ايمن محلي لان ما فيهه احد ينافس البيشي واتوقع هذا السبب اللي نزل من مستواه نامي وانتهى عقده وم فيهه احد بديل له ومن الظلم اننا نلعب الشهراني يمين لانه راح ينزل من مستواه وياليت يجنا لاعب ظهير ايمن او تصعيد لاعب من الاولمبي ..
* تصعيد لاعبين الاولمبي
فيهه من لاعبين الاولمبي تقريا 4 راح يصعدون للفريق الاول اتمنى اعارتهم لأنديه الوسط لكسب الخبره وراح نشوف مستواهم ومن اللي يستحق يلعب للفريق الاول بالهلال او لا ..
شطحهه 
وبعدكك ترى وقتي حزين
مدري وش احككي لكك بععد
اشتقت لك ياهلال والله يعين   "
* في الاخير اسسف على الاطالهه واتمنى ان الموضوع ينال على اعجابكم
ان اصبت فمن الله وان اخطأت فمني ومن الشيطان ..
سبحان اله وبحمده سبحان الله العظيم
استغفر الله العلي العظيم واتوب اليهه
اللهم ارحم المسلمين والمسلمات والمؤمنين والمؤمنات الاحياء منهم والاموات
اخر تعديل كان بواسطة » al-jouf في يوم » 09/06/2013 عند الساعة » 12:51 AM |
4Likes
الوضع العادي
