يستاهل ابو عبدالله و ما دام لونك نصراوي روح موقع الفقر و احتفل معهم بيحيى الشهري

إقتباس الرسالة الأصلية كتبت بواسطة دكتور رياضيات هههههه الشعب معصب هذي مشكلتكم اللي يتكلم بالعقل مندس لوني نصرواي وش يحدني على الكتابه هنا الله يهديكم بس لكن أنا اتكلم بشكل عام عن كل التعاقدات تعاقدات فاشله ومبالغ في أسعارها أنا ما تكلمت عن سامي لحاله حتى الكوري وهرماش وغيره أعزائي يجب أن نتكلم بعقلانيه

ما شفنا موضوعك الا يوم تعاقدوا مع سامي


وين انت يوم تعاقدوا مع العربي ؟؟ توك تصحى

وين انت يوم تعاقدوا مع نيفيز ؟؟ توك تصحى

وين انت يوم تعاقدوا مع مانجان ؟؟ توك تصحى

وين انت يوم تعاقدوا مع هرماش ؟؟ توك تصحى

وين انت يوم تعاقدو مع الأفريقي مدري وش اسمه ؟:؟ توك تصحى







بس شكل التعاقد مع سامي فوقك شوي

موضوعك للنسيان يا افندي

والله ماقمنا نعد ونحسب الا يوم جا الريس وكل سوالفه عن الفلوس ليته يفكنا من شره بس ويتوكل

لوكان مدرب اجنبي ماتكلمت يا الحبيب سامي يستاهل او تبيه يدرب مجاناً مثلاً

كل التعاقدات اللي قلتها انتهت بخيرها وشرها
يمكن مبالغها عاليه لكن اتوقع الاداره اخذت درس منها
لكن بالنسبة لسامي اشوف انه مبلغ معقول
وباذن الله بتشوف ارقام فلكيه من انديه تطلبه يدربها
الحين نحتاج ندعم الفريق
والهرج في الفايت نقصان في العقل

من وجهة نظري سامي يستاهل مب 11 إلا 20 مليون .. والأجانب حرام نخسر ملايين عليهم وهم ما يستاهلون 50 هللة ..

تعجبوني ١١ مليون صارت مهي شي يعني!!!

أخواني سامي يوم كان لاعب يستاهل ميه مليون لو تبون

لكن حاليا مايملك سجل تدريبي يعني ١١ مليون يا شباب مغامره

أتمنى تفهمون قصدي

الإدارة قاعده تصرف مبالغ عاليه على صفقات فاشله

أتمنى نخسر مبالغ عاليه على لاعبين مميزين ونستفيد منهم

والله لو فيه نقطه بجسمي تعشق النصر أقطعها

هذي مشكلتكم يا شباب بعض الردود للأسف

إقتباس الرسالة الأصلية كتبت بواسطة دكتور رياضيات تعجبوني ١١ مليون صارت مهي شي يعني!!! أخواني سامي يوم كان لاعب يستاهل ميه مليون لو تبون لكن حاليا مايملك سجل تدريبي يعني ١١ مليون يا شباب مغامره أتمنى تفهمون قصدي الإدارة قاعده تصرف مبالغ عاليه على صفقات فاشله أتمنى نخسر مبالغ عاليه على لاعبين مميزين ونستفيد منهم والله لو فيه نقطه بجسمي تعشق النصر أقطعها هذي مشكلتكم يا شباب بعض الردود للأسف

حبيبي كلنا نبي سامي وسامي يستاهل إذا إنت ما تبيه لا تقعد تحط حرتك بفلوسه ( ما شاء الله تبارك الرحمن ) هذا بدال ما تسانده وتقول الله يوفقه ,, وبعدين خلاص من زمان وسامي مدرب .. والشهادة جت من فرنسا ناس فاهمين في الكورة مب إنت نايم فجأة تصحى وتقول سامي ..!!!! وأتوقع الأغلبية يتفقون مع سامي .. لذلك لا تستغرب من اللي يجيك من ردود الأعضاء .. وعلى فكرة 11 مليون شويه والله على سامي ,, لأن سامي يستاهل أكثر وتاريخه يشهد له .. إنت ما تبي سامي براحتك حنا نبيه ..

تشكر على حسك الإقتصادي .. وأقترح إنك ما تدفع شيء للهلال خلهم يتورطون بالعقود (العاليه)
وأحب أذكرك ان .. لو جاء أهلاوي وسجل هنا لأقسم أنه هلالي للنخاع .. المهم يزرع البذره اللي هو مسجل هنا على شانها !!
وأخيرا , برأيي أن من لا يدفع لا يحق له أن ينتقد العقود

يبدو والظاهر لي

ان سامي جاي للهلال بمبلغ اقل من هذا بكثير

بسس عشان الاعلام ما يقولون جاي بالمجان

بعدين مدرب بيكون له انجازات تتوقعون يبي يتشرط ويبي مبالغ كبيرة و لا وده يدفع عشان يدخل التاريخ

بالتوفيق للزعيم ووللكوتش سامي

إقتباس الرسالة الأصلية كتبت بواسطة جار سهيل تشكر على حسك الإقتصادي .. وأقترح إنك ما تدفع شيء للهلال خلهم يتورطون بالعقود (العاليه) وأحب أذكرك ان .. لو جاء أهلاوي وسجل هنا لأقسم أنه هلالي للنخاع .. المهم يزرع البذره اللي هو مسجل هنا على شانها !! وأخيرا , برأيي أن من لا يدفع لا يحق له أن ينتقد العقود

ولا تجعلوا الله عرضة لأيمانكم

أتمنى يا شباب ما نخرج عن نص الموضوع
موضوعي يا شباب عن المبالغ الخياليه

سامي ناجح سامي فاشل مابعد شفنا شي

بالعكس والله أن سامي يعجبني بلعبه وبإدارته والله يوفقه


لكن إدارة بن مساعد تتعاقد مع لاعبين بمبالغ عاليه لكن في النهايه المستوى ولا شي

كماتشو وتفاريس عقودهم كان الإجمالي لا يتجاوز ٦٠٠ ألف دولار وقدموا مستويات عاليه

هرماش والعربي وإيمانا عقودهم حسب ما أعلن في الصحف عقودهم فوق ٥٠ مليون ريال وبالأخير صفقات فاشله

التايب عقده كان مليون دولار ولعبه ممتاز. وصناعه للألعاب شي مهو طبيعي

لا أعرف هل المبالغ التي تعلن حقيقيه أم لا