50 مليون - نادي الهلال السعودي - شبكة الزعيم

عالي الشان · #1 29/05/2013, 09:46 AM

السلام عليكم ورحمة الله وبركاته

اخر الاخبار المتداولة عن العروض المقدمه للشهري تقول ان المبلغ وصل ل 50 مليون (15 للاتفاق و 35 للاعب) طبعا ممكن بعد كم ساعه تحسم الصفقه لهذا النادي او هذاك .

اللي ودي اوصله بموضوعي هنا ان لاعب بحجم الشهري خلونا واقعيين ابداً ما يستاهل ولا حتى ربع هذا المبلغ , وحتى اللاعبين السعوديين الاخرين وهذي الحقيقه اللي المفروض يكون الكل مقتنع فيها !!
اللي جالس يصير في الاندية هو اهدااار للمال للأسف

لو كنت صاحب قرار بالنادي والماده متوفره وجاهزه للدفع احول هالـــ 50 مليون للقطاعات السنية وتكون ميزانيتهم ل 3 سنوات يعني بمعدل 16 مليون كل سنه

16 مليون بالله عليكم ميزانية مثل هذي مع قطاع اداري وفني مميز لكم ان تتخيلوا وش ممكن تنتج لنا لاعبين مثل الشهري وافضل منه بمراحل

ولنا مثال سامي الجابر والتيماوي وفيصل ابو اثنين ومحمد وصفوق التمياط وغيرهم من النجوم هذاك الزمن تخرجوا من مدرسة الهلال

لازم نقتنع انه بهذا العصر الاهتمام بالفئات السنية اوفر وافضل للنادي
ويخرج لنا لاعبين ميولهم وعشقهم ودمهم ارزق

‪Faisal Al-Juhani · #2 29/05/2013, 09:58 AM

ملتوقع يجيبه الهلال بالهسعر
الفريدي افضل منه والهلال مااعطاه 30 مليوووون

الشيخه هلاله آل هلال · #3 29/05/2013, 10:04 AM

يعطيك العافيه ,,,أتفق معكـ في كثير مما ذكرت

10 مليون أنا أجدها كثيره على لاعبين محترفين بـ الاسم

خلنا نكون واقعيين ,, مع احترامي للجميع لايوجد لاعب سعودي يستحق

هذه المبالغ الخياليه

لانه بصراحه لا لاعبينا محترفين ولا حتى دورينا دوري محترفين

وكما ذكرت اخي ,, بـ الـ 50 مليون هذه يمكن أن نبني 50 لاعب وأكثر من أبناء النادي

في الفئات السنيه

لكن مادامت المبالغ ستدفع لا محاله ’’ فليأخذها ابن الوطن الذي ستكون الفائده منه أكبر

بدل أن يجلب لنا بالمبلغ محترف أجنبي ميت فنياً ولايستفاد منه

هذا إن صح الخبر

نواف نادي · #4 29/05/2013, 10:08 AM

50 مليووون على وش .....

صحيح ان يحيى الشهري لاعب ممتااااز جدا بس مايستحق هالمبلغ ....

وجـهة نضر....

للمتابعة على الويتر(F15NAWF@)

عالي الشان · #5 29/05/2013, 10:09 AM

إقتباس

الرسالة الأصلية كتبت بواسطة ‪Faisal Al-Juhani


	ملتوقع يجيبه الهلال بالهسعر الفريدي افضل منه والهلال مااعطاه 30 مليوووون

الفريدي الادارة لو كانت حريصه عليه كان جلسته في النادي
والدليل انها دفعت للفرج مبلغ اكبر من اللي كان معروض على الفريدي , مع ان الفرج لاعب ما بعد اثبت نفسه , يعني التجديد معاه كان مغامره .

عموما حتى لو افترضنا ان المبلغ اقل من 50 مليون , هذا هدر
وفي حالة الخصخصه ما راح نشوف مثل هالدفع المبالغ فيه

فارس والزعيم · #6 29/05/2013, 10:21 AM

صحيح ما فيه لاعب سعودي يستحق المبلغ

بس إذا تبي المنافسه على البطولات وتكون فريق قوي لازم تجلب لاعبين مميزين سواءً محليين أو أجانب وإلا إذا كل لاعب تعدا سعره 15 مليون تركناه ماراح نجلب أي لاعب مميز مع عدم الجزم بالنتائج المثمره للقطاعات السنية

مع العلم أن النادي اللي يبحث عن الإنجازات لازم يصرف مبالغ هائله على الفريق الأول و القطاعات السنية و الألعاب الأخرى ...

هيمو الخيبري · #7 29/05/2013, 10:26 AM

الاتفاق طالبين للتنازل 13 وباقي له موسم >> وين عايشين 13 لو 5 مليون معقوله
ثاني شي اللاعب طالب 7 مليون بالموسم معليش من وجهة نظري 4 مليون مناسبه له زياد الله يوفقه مع اي نادي ثاني
7 مليون بالموسم 28 مليون لـ4 مواسم اجيب فيها اطلق منه محترف اجنبي وجيراننا الخليجيين عنهم محترفين يستاهلون
المساكني - سياو - اللاعب رقم 9 مع العين نسيت اسمه - وفيه لاعبين كثيرين لو ينتبهون لهم الاداره افضل من انهم يجيبون لاعب مادرون هو يتأقلم ولا لا

عبدالرحمن الهلآلي · #8 29/05/2013, 10:26 AM

كلامك جميل جدا
ولكن هناك كثير من رؤساء الاندية يريدون ان يجعلوا فترة رئاستهم فترة ذهبية بالنسبة للنادي
فمثلا لو قلنا ان الامير عبدالرحمن بن مساعد اعطوه 30 مليون وقالوله لك خيارين الاول هو شراء عقد لاعب صغير في السن ولكنه كبير في الامكانيات والثاني هو ان تجعل ال30 مليون للفئات السنية تفيد النادي لمدة لاتقل عن 3 سنين
طبعا من مصلحة النادي انه يختار الامر الثاني لانه راح يصنع جيل ذهبي ولكن اذا جاء وقت هذا الجيل ونجح في جلب بطولات للنادي لن يذكر احد ان عبدالرحمن بن مساعد هو من صنع هذا الجيل
اما مصلحة الرئيس هي انه يشتري هذا اللاعب يفيد النادي لبضع سنوات ومن خلال هذه السنوات سيذكر الجميع انه اتى بلاعب من الدرجة الاولى وسيضاف لانجازاته كشخص
عشان كذا تشوف قليل من رؤساء الاندية تهتم كثيرا بالفئات السنية

فتى الهميلية · #9 29/05/2013, 10:30 AM

مبلغ عالي جدا ومن الغباء دفعه للاعب مثله انا صحيح طالبت فيه لكن ليس بهذا المبلغ العالي 50 مليون اجيبلي فيها محترف دولي على مستوى عالي جدا

عالي الشان · #10 29/05/2013, 10:33 AM

إقتباس

الرسالة الأصلية كتبت بواسطة فارس والزعيم


	صحيح ما فيه لاعب سعودي يستحق المبلغ بس إذا تبي المنافسه على البطولات وتكون فريق قوي لازم تجلب لاعبين مميزين سواءً محليين أو أجانب وإلا إذا كل لاعب تعدا سعره 15 مليون تركناه ماراح نجلب أي لاعب مميز مع عدم الجزم بالنتائج المثمره للقطاعات السنية مع العلم أن النادي اللي يبحث عن الإنجازات لازم يصرف مبالغ هائله على الفريق الأول و القطاعات السنية و الألعاب الأخرى ...

كلامك صحيح لكن لكل شي حدود المفروض ما نهمل القطاعات السنية

صراحة منظر ابطال بطولات الناشئين والشباب والاولمبي خلال الثلاث سنوات الاخيرة يضيق الصدر , اسم الهلال يكاد يخلو من القائمة

ارجعوا لابطال دوري الناشيئن والشباب قبل اكثر من 20 سنة وشوفوا كيف الهلال مسيطر وكيف كان يمشي ويضرب بالفرق !!

الأيرلندي الهلالي · #11 29/05/2013, 10:40 AM

الشهري قال لوكيله العمري انه يبي الهلال واتوقع راح يسوي نفس طريقة الشهراني يكمل عقده وينتقل للهلال ويقهر رئيس الاتفاق الفقراوي

‪Faisal Al-Juhani · #12 29/05/2013, 11:30 AM

إقتباس

الرسالة الأصلية كتبت بواسطة عالي الشان


	الفريدي الادارة لو كانت حريصه عليه كان جلسته في النادي والدليل انها دفعت للفرج مبلغ اكبر من اللي كان معروض على الفريدي , مع ان الفرج لاعب ما بعد اثبت نفسه , يعني التجديد معاه كان مغامره . عموما حتى لو افترضنا ان المبلغ اقل من 50 مليون , هذا هدر وفي حالة الخصخصه ما راح نشوف مثل هالدفع المبالغ فيه

شوف الفرج بعد ماجدد عقده نزل مستواه لانه ضامن الملايين

شيء يقهر والله

زعيم القرن والقعد · #13 29/05/2013, 11:55 AM

لا يوجد لاعب سعودي يستحق نص هذا المبلغ
فكيف بالمبلغ كاملاً
أتمنى ا لتريث وعدم الإنجراف خلف طمع الدوسري
والبحث في استثمار هذا المبلغ بما يعود على النادي
بالفائدة في جميع استحقاقات الموسم القادم ومنها
بالطبع بطولة آسيـا

أبوسعود الدوسري · #14 29/05/2013, 11:59 AM

نبي اجججججججججججججججججججااااااااااااااااااانبببببب دوليين

هلالى وكلى ذوق · #15 29/05/2013, 12:04 PM

50 مليوون اجيب فيها افضل صانع الالعاب ولاعب دولى اجنبي افضل بكثير من امكانيات يحى الشهرى وامكانيات الاعب السعودى والخليجى بشكل عام
واتمنى التوفيق لملكى
ماجد