شكرا نادي الهلال والنصر والشباب شكرا للامارات السلام عليكم اخواني الأعزاء ...... دمتم بخير موضوعي هذا ليس عتب على نادي الهلال ولاكن العتب على الكرة السعودية ....!! انا عبدالعزيز من مواليد 1993 يمني وعايش ومولود في السعودية وما اعرف في اليمن شيء احب لعبة كرة القدم فهي عشق لدي منذ الطفولة حينما كنت في الأبتدائية اعجب الاستاذ بلعبي فضمني لمنتخب المدرسه رغم ان المنتخب المدرسي يجب ان يكون سعوديين بالكامل ولعبت في دوريات المدارس في 3 ابتدائي ولفت انظار احد الكشافين وضمني لنادي الشباب وبعد فترة طلبوا مني الهوية واعطيتهم هويتي فعرفوا اني يمني وكلمني المدير في نادي الشباب انه لايمكن ان يلعب اجانب في انديتنا وقالي انت مستواك جيد حافظ عليه وصدقني حتنجح مازعلت كثير من الموضوع فهذا هو الامر الواقع وبعد مرور 6 سنوات لعبت احد الدوريات الحواري من بين اكثر من مئة لاعب ضمني فريق النصر انا وثلاث لاعبين واعجبوا بلعبي ولاكن بعد طلب الهوية واجهت نفس المشكلة فقالوا لي انت اجنبي ( الاجنبي من تجنب عن الدين ) ولاكن الواقع المرير يفرض علي ذلك بعد سنتين من الموضوع سمعت ان الاجانب يقبلونهم في النوادي كانت اشاعه ورحت وسجلت في نادي الهلال وهو عشقي الاول على اني اجد الفرصه السانحه استمريت مع الفريق وكملت كثير وكل يوم يقولوا لي الهوية اقولهم بجيبها لك على اني سعودي وكان المدرب مايذكرني اسمه معجب بلعبي لاكن حينما ضموني للفريق وارادوا المغادرة لمعسكر كلمتهم عن موضوعي ورفضوا بنفس المشكلة السابقه مرت الايام وانا كان ودي امثل الهلال لاكن لم تسنح لي الفرصة وانا من ولد وعاش وترعر في هذا البلد الطيب والان اخواني ولله الحمد جاتني الفرصة اني العب في الامارات بعد 3 اسابيع سوف اذهب للاختبار وباذن الله التوفيق وان امثل الهلال في المستقبل القريب كتب موضوعي ليس للنقد ولاكن لكي اوضح نقطه في السعودية انتم تفقدون الكثير من المواهب وقطر والامارات تستفيد منهم كنت اتمنى العب للهلال ولاكن يارب يجي اليوم اللي امثل فيه الهلال فقط احتاج دعواتكم لي والله يوفق كل مسلم وكل شخص والله يعطيكم العافيه |
الله يوفقك .. وان تكون عموري اخر ولو نجحت هناك سيكون درس اخر من دروس التفريط |
الله يوفقك و اذا نجحت... لا تنسى عشقك الاول الهلال... و لا تسحب على المنتدى :p |
يا اللـَّــﮭ وانت رحت علينا واللي بعدووه حيروووح اللـَّــﮭ يوووفقك ياشيخ والله لو هو بيدنا كان سجلناااك لكن اللـَّــﮭ يهدي من كان السبب اتمنى ان تنقل لنا ابرز الامور لك هناك في الامارات اذا تمت الموافقه اشكرررك يا الغالي |
الله يوفقك يارب لكن اخوي اعتقد سمعت انه يفكرو يمنحو العوائل الاجنبيه المولوده هنا الجنسيه ؟! لااعلم صحة هذا الخبر ، ممكن احد يفيدنا . |
الله يوفقك في حياتك وان شاء الله اذا الله عطانا عمر نشوفك تلعب في الملاعب مهما كان النادي , اما مشكلة الجنسيـة هذي مشكله عامه في السعودية وليست كروية فقط . |
الله يوفقك يالغالي ونشوفك نجم لا يشق له غبار .. بالتوفيق لك في الإمارات ..! وإن شاء الله مستقبلا تكون في هلالنا .. دعواتنا وأمنياتنا لك بالتوفيق .. |
الله يوفقگ،،، ون شاء الله نراااك لاعب لايشق له غبااار... واتمنى ان ترفع الموضوع هذا بعد استقراارك هناااك وتطمنا ع اخباارك ... |
موفق ان شاء الله واتمنى انك تحافظ على مستواك |
نسأل الله لك التوفيق s13s |
الله يوفقك اخي الغالي وان شاءالله نشوفك في الهلال في يوم من الايام ياليت تكتب لنا اسمك عشان نعرفك مستقبلا وبالتوفيــــق |
الله يوفقك ويكون طريقك للنجاح يارب |
اليوم. لعب. الكره. صار. مش معجزه. الحواري مليانه. من السعودييين. ويلعبون. كويس. اتمنى لك التوفيق. |
اتمنى لك التوفيق الامر الغريب انه يلعب في نادي لخويا لاعبين مسجلين تحت لاعب مقيم ابي افهم كيف قطر استفادت من هاذه النقطه والانديه السعودي لم تستفيد اتمنى اي شخص عنده معلومات يفيدنا |
اشكركم جميعا على دعواتكم لي الله يوفقكم يارب |
الوقت المعتمد في المنتدى بتوقيت جرينتش +3.
الوقت الان » 03:36 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd