الامير عبدالرحمن بن مساعد شكرا لك والجمهور الهلالي سيتحمل اخفاق هذا الرجل اذا الاخبار صحيحه
 

السلام عليكم ورحمة الله وبركاته

بخش بالموضوع على طول اناا ضد الحمله الي صايره على رئيس الهلال وكن الهلال هابط درجه اولى او ماحقق اي انجاز الهلال جايب بطوله الموسم ذا والاهلي في افضل مستوياته واجانبه خرج من كل البطولات وماراح يشارك الموسم الجاي باسياا وماشفناا اي شي ضد ادارتهم رئيس الهلال متقصدينه يبون يسقطونه واناا اشوفه افضل رئيس نادي مع بعض السلبيات الي راح اقولهاا لكم الي شفتهاا عليه فقط ابو فيصل سوا معسكر نادي عالمي قبل كانو يعسكرو بالفنادق ابو فيصل اعاد زراعة ارضية الملعب وتجديد الملعب بشكل عالمي وارضيه عالميه ابو فيصل سوا مبناء اداره للهلال يليق بنادي كالهلال ابو فيصل هو من جاب ولي ونيفيز ولي يونغ واريك جيريتس في موسم واحد من يصدق ولا نادي راح يقدر يجيب نجوم سوبار ستار بموسم واحد ابو فيصل صنع هلال شاب راح يخدم الهلال لفترات قادمه ابو فيصل في ادارته تطورة مدرسة الهلال وشفناا التوقيع مع الاتحاد الاسباني ابو فيصل صرف الملايين على الهلال وانتم بكل برود تطالبون برحيله رئيس الهلال اكثر رئيس حقق بطولات بفترة رئاسته في الخمس سنوات الاخيره وحقق اكثر من النص والباقي خلاه للانديه الثانيه ابو فيصل الهلال حقق معه الدوري من غير هزيمه انجاز تاريخي ومع هذا كله شانين حمله عليه مدري ليش واناا اقولهاا جمهور الهلال عاطفي واناا مع استمرار عبدالرحمن بن مساعد عندي احساس ان الموسم الجاي بيقدم شي واشوفه اخذ خبره كافيه رئيس الشباب كم له شوفو ماعليه لا حمله ولا شي رئيس الاهلي الي ماقدم فريقه الموسم ذا شي غير التأهل لدور الثمانيه باسياا وازيد رئيس الهلال وقع مع لاعبين سعوديين خدمو الهلال كاسامه هوساوي والكل يعرف طريقة رحيله الرئيس ماله ذنب لان اللاعب نقض الوعد وراح كوبري والفريدي بعد ماحاول يزايد الهلال والكل في الفتره ذيك كان مع الرئيس محد ينكر اماا عن التعاقدات الحاليه سالم طلع بعهد من القرني الفرج وغيرهم الكثير تعاقدات راح تفيد الهلال عبدالله عطيف السالم الحافظ يقولو بالطريق الشهراني العازمي من الغريم التقليدي له مستقبل ويحيى المسلم بعد مطالبات الجمهور وغيره الكثير


نجي للجانب الاجنبي هيناا عاد الجمهور كان مع الاسماء الي نشوفهاا الحين كلهاا قبل قدومهم واتحدا الكوري اول ماجاء الكل اشاد فيه هداف الدوري الكوري ومركز فريقه 11 وهداف الهلال بالمعسكر والبطوله الوديه بالرياض وابهر الكل وهرماش الكل قال صغير بالسن وكابتن ناديه الفرنسي وراح ينسيناا رادوي واكثر الاعضاء نزل ميزاته الي كانت تغلب على سلبياته وقلتو لاعب هادي ورادوي نفتقده كثير لعصبيته وقلتو قدمه قويه ومقاتل نجي لايماناا وياعيني على ايماناا موضوع التوقيع معه اذكركم كم وصل المشاهدين بالمنتدى ولا مو لازم تعدا المليون مشاهد والمطالبين والكل ضغط على الاداراه لين وقعت معه وبعد شهر حطيتوه فاشل بالله مو قهر والعربي ايش قلتو عليه قبل يجي قولتو ثالث هداف الدوري ومدري ايش والهلال هجومه ناري وراح يسوي العجب وطلعناا اجانبناا فوق واناا معكم مو انتم لوحدكم نجي لويسلي لوبيز هداف الدوري الروماني واسطورة الاجانب برومانياا جمهور الهلال يقول كذا واناا معهم وابدع بداية الموسم والكل كان يشيد فيه محد ينكر نجي لمانغان الجمهور اول ماشاف صورته وتاريخه قالو هذا ضالة دفاع الهلال من شكله بنيه جسمانيه قوه حماس وافريقي الجمهور مايبي اوربي ونجي لاوزياا الكل قال افضل من منقان ونتمنى التوقيع معه وراح ينسيناا تفريس مدافع قيادي وفيه وفيه وكله مميزات نجي لبوليفار الي الجمهور كله ايد التفريط بهرماش والتوقيع مع بوليفار وكل الجمهور مع التوقيع معه او الاغلب لاعب كولمبياا وراح ينسيناا رادوي نفس المقوله ولاعب قوي بالملعب وفيه وفيه وكوراته الطويله مميزه المهم مدح في مدح من الغلطان الاداره ولا حناا كجمهور لا نحط كل شي براس الاداره وحناا من ايد هالصفقات الجمهور وفق بحاجه وحده يوم عارضو على كمباوريه فقط فقط فقط كان اغلب الجمهور ضده طيب كويس غلبتو الاداره بحاجه عكس الاجانب الكل مع التوقيع معهم او الاغلب والي اناا منهم والحين حطيناهاا براس الاداره


سلبيات ادارة بن مساعد شفتهاا في ادارته

1- ضعف الهلال اعلامياا وجدار الهلال صار قصير

2- عدم الوقوف مع الجمهور بالدفاع عن حقوق النادي كالالقاب وعدد البطولات كالادارات الثانيه او بالاخص الاهلي لقب الملكي نادي الاهلي صار كل شي بالنادي اسمه الملكي عكس الهلال من يدافع الجمهور فقط والاهلي صارت بطولاته 47 والاداره المفروض تطالب بالمثل وترفع البطولات الوديه الي بتصير 87

3- شفناا تسريب التعاقدات الي فشل منهاا الكثير وسببت ضغط على الاداره من المتسبب في تسريب الاخبار الاداره لازم تكون حازمه هيناا وتتكتم على التعاقدات وتعلن التعاقدات في وقتهاا

4- المفاوض الهلالي الضعيف حسم الهلال للصفقات بطيئ وضعيف وبعضهاا يفشل


الشخص الي راح يتحمل جمهور الهلال مسؤولية اخفاقه هو المدرب القادم سامي الجابر لان الجمهور اغلبه يبي الجابر ومن هيناا اقولهاا اخفاق الجابر المسؤول عنه جمهور الهلال اناا ابيه يمسك الفريق بس بعد ماياخذ خبره زياده كمدرب في فرق متوسطه او مساعد مدرب في احد الفرق الكبيره باورباا او مساعد مدرب بالهلال كخيار اخير
http://cdn5.akhbaar24.com/wp-content...730_207711.jpg



شكرا ابو فيصل على ماقدمته للهلال وللي راح تقدمه بالمستقبل

http://www.sportksa.net/main/wp-cont...8%B9%D8%AF.jpg

تواضع الرئيس مع الجمهور عكس الغير

‫مناقشة رئيس الهلال مع الجماهير بعد مباراة نجران‬‎ - YouTube




اتمنى اعطاء الفرصه لرئيس الهلال الموسم القادم ان شاءالله يتحسن الوضع
واذا ماشفناا جديد الحل الوحيد الاستقاله يابو فيصل حملة دعم رئيس الهلال وشكره


ختام اتمنى تغيير الجاسر بالاعلامي صالح الحناكي او اعادة التويجري راح يقفون بوجيه الاعلام الاخر بقوه ويعرفون يتحدثون مو مثل الجاسر

حنا جمهور عاطفي ..

والا ما دمر الهلال الا كالديرون الموصى عليه من سامي الجابر حتى يستطيع التدخل بالخطة

والا ابن مساعد و قتها كان بيجيب مدرب عالمي ويلزي من فئة 5 نجوم بمبلغ خيالي

ارحــل فأنت شـاعر ومالــك علم بالكورهـ

والله ما ادري انت تكتب من عقلك والا من م......................
ولا ادري انت هلالي صريح والا اصيفر مندس
هل قرأت جميع اللقاءات مع زلاتكو
الفريق بحاجة للاعبين اجانب يساعدون اللاعبين الشباب
وليس العكس
واعتقد بأن سامي هذا الموسم بعيد عن الفريق
وعلى فكرة ترى اغلب بطولات الهلال الاسيوية اتت بمدربين مغمورين
بعض الجماهير صارت كلمة عالمي تسبب له ازمه
فصار حلمه لاعب عالمي ومدرب عالمي
ويمكن بكره يطالبون بمسئول ملابس عالمي ايضا

كـــفيت ووفيت يابن مساااااااعد......

من فوضك تتكلم باسم الجماهير الهلاليه وهل احصيت عدد المؤيدين لتدريب سامي للفريق الاول حتى تقول انهم اغلبيه !

الاحلام والخيال لا تصنع مستقبل مشرق

انا متخوف من تجربة تدريبه للفريق الاول وهو لم يختبر في عالم التدريب ولا لنصف موسم !

اخاف يكون كبش فداء للادارة في حال الاخفاق بمنتصف الموسم القادم
وبكذا نخسره ونقضي على مستقبله التدريبي ونبعده عن الفريق

قليل من المنطق و الموضوعيه

انــــــــأ مع اســــــــتــــــــــمـــــــــرااااااار عـــبـــد الــــرحـــــمـــــن بــــن مـــــســــــااااااااعد





بـــ التوووفيق

انا عملت احصائيه قرابة 600 شخص بين 3 خيارات
1- اعطاء الفرصه لزلاتكو
2- مدرب جديد
3- سامي الجابر مع اعطائه كامل الصلاحيات و الوقوف خلفه في الهزيمه و الفوز

النتيجة الكبيره كانت لسامي بنسبه عالية

يسلم فمك
انا مع بقاء ابو فيصل واتمنى يستمر
لكن موضوع سامي ماني متأكد ...

انا مع بقاء لبن مساعد وبقوه من اثار الجمهور على بن مساعد بعض اعلاميي الهلال اللي لم يستفيدو من الاداره يريدون اداره شرهات مصلحجيه اينهم من الادارتين السابقه لم تحقق اسيا اين كانو كانو عند امين الصندوق والان بعد ان ابعدو توقفت الشرهات بعهد ابن مساعد جتهم الفرصه لاثاره الجمهور على الاداره كل الاعلاميين اللي يحبون الهلال وهم بعيدون عن الاداره يطالبون ببقائها امثال الروقي ودباس وحتى الاعبين الهلال الكبار واساطيره ارجعو لمداخلاتهم كلهم مع بقاء الاداره وحتى الدعيع في برنامج كوره وهو مبعد من الهلال في عهد ابن مساعد يطالب ببقائه لاتنجرفون ورى اعلاميي الشرهات

الا يرحل والقلب يدعي له يا خي يكفي 3 مواسم تعاقدات بطلعه الروح ومدربين كل واحد
اردى من الثاني واللاعبين ماهم بالطموح . واخص بالذكر الكوري ليش 3 مواسم جالس عل ايش
صابرين عليه اغلب المباريات بالدكه .
واللي مخرب الامير اكثر ان اللي ماسك المفاوضات احمد محجوب رجال ما نقول فيه شئ لكن
ضعيف باداره المفاوضات .

استغرب ان مفهوم الادارة عند الكثير ..هو رد الاساءة بالاساءة ... ؟؟؟ لماذا الرئيس لايرد على من اساء الهلال ..هذه الاسطوانه دائما مردده عند الجماهير ..يعني الادارة الناجحه هي من ترد على الاساءة .... فقط ... هذه هي الادارة الناجحه ..والله ياناس هذي ماهي من تعاليم الاسلام قال تعالى (( يا ايها الذين امنوا من يرتد منكم عن دينه فسوف ياتي الله بقوم يحبهم ويحبونه اذلة على المؤمنين اعزة على الكافرين) مامعنى الذله ...؟؟ هل هناك ارق واخضع من هذا اللفظ وقد قرنت مع الوالدين ايضاً في موضع آخر ...... انظر للاية الثانية ايضاً قال تعالى (( ولا تستوي الحسنة ولا السيئة ادفع بالتي هي احسن فاذا الذي بينك وبينه عداوة كانه ولي حميم) انظر قال : عداوة ....!! ومع ذلك كأنه ولي حميم ..هذا هدي القران الكريم ...

مؤيد لكلامك اخي...................................................