23/05/2013, 01:38 AM
|
| زعيــم جديــد | | تاريخ التسجيل: 04/03/2009 المكان: الرياض
مشاركات: 6
| |
|
خسارة مؤلمة ولكنها ليست النهاية ... لكل زعيم ملكي
مسائكم وصباحكم سعيد 
اولا : مبروك الفوز للفريق القطري وهارد لك للزعيم الاسيوي ...
ثانيا :
يا زعماء 
كلنا اليوم زعلانين لهزيمة الزعيم الاسيوي لكن صدقوني نحن جماهير الهلال نتحمل جزء من هذه الهزيمه
لا تستغربون من كلامي لكن هذا الواقع .. 
حنا اللي مشينا وراء كلام الاعلام المضاد واشاعات ماهي صحيحه ( وانا اولكم ) لين صدقنا ان الزعيم الاسيوي عنده عقده اسمها اسيويه ( واخاف اننا نصنع لنا عقده اسمها كأس الملك كما بدا يتردد ) 
كل هذا سبب ضغط كبير لزعيمنا اللي صار مطالب بالاسيويه او يعتبر موسمه موسم غير ناجح حتى لو حققنا اكثر من بطولة محليه بسبب هذه البطوله الاسيويه .
صحيح اننا دايم نطمح لحصد كل الالقاب لاننا زعماء ولا يكفينا بطولة
لكن صدقوني ان الاسيويه ماهي مشكلة ادارة ولا هي مشكلة مدرب ولا هي مشكلة لاعبين
لان لو كانت مشكلة ادارة ومدرب ولاعبين كان حققناها بافضل مستوى للهلال بوجود مدرب عالمي مثل جيرتس ولاعبين نجوم بشهادة جميع الهلاليين كرادوي وتيفيز ووليهامسون ولي يونج والمحليين في ذلك الفريق الاستثنائي ، او قبلها مع كوزمين ...
المشكلة الضغط اللي على اللاعبين والادارة وحتى صار الضغط علينا حنا الجمهور الهلالي كلنا صرنا ندور الاسيويه وبس ،
لين نسينا اننا زعماء لها )) والارقام تتكلم ..
حالنا صار مثل حال ريال مدريد الاسباني بالضبط مع دوري ابطال اوروبا
زعيم القارة الاوربية والعالمية تعاقدوا مع افضل مدرب بالعالم جوزيه مورينهو لكن ما قدر يجيبها لهم لانهم نفس حالنا صارت همهم الوحيد هذه البطوله ونسوا انهم اسيادها .
انا معكم بأن هذه السنتين اللي راحت كان زعيمنا ضايع ، وانه رغم هذا الضياع الزعيم لازم في كل سنه يكون عنده اقل شي بطوله ويكون منافس قوي على الدوري ولا يغيب عن البطولة الاسيويه
في اخطاء يتحملها الجميع لكن من الظلم اننا نحمل الادارة فقط هذه الاخطاء ونحكم عليها بالفشل ونطالبها بالرحيل بسبب بطولة وهي اللي حققت لنا 7 بطولات
كلنا نحب الهلال وكلنا نبي هلالنا غير واكثرنا يطالب برحيل الاجاانب وتعديل وتصحيح الاخطاء وكل واحد فينا اكيد عنده وجهة نظر ،، بس اهم شي لازم اللي نطلبه يكون بدون تجريح لزعماء مثلنا ويحبون ويخافون على الهلال كثر خوفنا ويمكن اكثر
خرجنا من البطولة الاسيويه اليوم بظروف كثيره واخطاء ،، وللاسف كثار من فرحوا بهذا الخروج بس لازم كلنا نكون يد وحده ونوقف مع زعيمنا بهذه الظروف الصعبة لان كلنا يجمعنا حب الهلال فقط
بالنهاية يا زعماء
الكأس الاسيويه مهما غابت راح ترجع لزعيمها باذن الله ...... 
 مع كامل الموده والتقدير لكل زعيم
|
الوضع العادي
