هاردلك الزعيم

يا خسارة

الهلال يبيله ترميمات

المرشدي مع السلامة

الزوري

نامي

الحارثي

مع السلامة

سالم والفرج والعابد لازم يضبظوووووون امورررررروهم

الاجانب الأربعة الله يخذ الكروي وللي جابة تشويت مع الباب

بعد شوى راح يغرد ابو فيصل بالتويتر ويقلكم الموسم القادمة استثنائى !!!
اكثر شى احزنى هو بعد المباراة وبعض الجماهير الحاظرة لقطر يبكون بحرارة من الخروج من اسيا
مادرى الى متى يابو فيصل ؟؟؟

ماجد

هارد لك ي زعيمممنا


ماقصرتوا لاعبين وآداره

هذا ليس بالهلال الذي نعرفه ... هذا ( هلال اخر ) ...


السـلام عليكم ورحمـة الله وبركاته

وبعـد ...

اعلم ان اليوم هو اسوا يوم للهلاليـين .. سواء المتعصـب او الذي لا يتعصـب للكوره بشكل او اخر ..

اليوم هو عزاء للهلاليين بين انفسهم .. فقد تكررت على مسامعنا في اخر سنتين [ هارد لك ] وهي تبدو غريبه على مسامعنا فلم يعتد الهلالييون .. على هذه الكلمـه .. ولكن للاسف .. في سنتين فقط .. الهلال اصبح .. هشيم وهزيل .. قد نجد البعض يقول .. اننا جمهور مدلل ويريد كل شئ والحصول على كل شئ .. نعم نريد ذلك نحن جماهير الهلال الذين تعودنا على كل البطولات وعلى كل كأس .. بل في فتره من القترات اصبح الزعيم يسيطر على جميـع البطولات .. ولم يبقي للأنديه المنافسه .. اي بطوله ..!! نعـــــــــــــم ياساده هذا هو هلالنا الماضي الهلال الذي ابكانا فرحا ولم يبكنا يوما حزنا .. هذا هو الزعيـم ياساده .. ؟؟ ماذا حصـل للهلال !! ؟؟ مالذي جرى للهلال .. ؟؟ الهلال .. يكاد ان يصبح من الفرق المتوسط القوه في الدوري ؟؟
الهلال لم يعد له شخصيه مستقله ؟؟ راينا هلالنا اليوم .. كان الفريق الضعيـف الذي يحاول ان يمسك باي نقطه مضيئه ولكن دون جدوا .. قد نجد البعض يقول ان الله لم يكتب التوفيق للهلال .. انا لا اشك في ذلك .. لكن لاارى في وجهـة نظري ولا في اي نظر هلالي .. عاش في زمن او جيل سامي الجابر .. ان هذا هو الهلال .. ؟؟

هلال اضاع شخصيته .. هلال اصبح غريب .. الهلال .. لم يعد هلال الذي عشقناه

الهلال يحتاح الى اعاده .. هيكله .. [ بدءا من الرئيس الى اصغر مسؤول في هذا الكيان] ..

الاجانب .. ابي اعرف .. الامير عبدالرحمن بن مساعد .. يقول نوفر ونوفر ونوفر ؟؟ وماذا ايضا ؟؟ هل تعلمون ان الهلال على ذمـته 6 لاعبين ؟؟ مانقان وهرماش والعربي و و و و ؟؟ ويقول نوفر طيب بدال مانت جالس تجيب وتعطي غيرك وتتاجر باللاعبين على حساب الهلال وعشاقه .. ادفع وجب بقيمة الملايين اللي خسرتها بهاللاعبين .. لاعبين متوفقين يستحقون ان يرفعو شعار الهلال .. ؟؟

المدرب ؟؟ ايضا كذلك يجيك بالموسم .. يغير مدربين وكل واحد عقده اكبر من الثاني ؟؟ بدال هالمدربين اللي كل سنه... هات مدرب مثل خلق الله مدرب اوروبي له قيمته ؟؟ ودفع فيه عقد المدربين الاثنين اللي تجيبهم كل موسم ؟؟

بخصوص / سامي الجابر .. سامي الجابر لاعب كبيـر ويملك من الخبره التدريبيه الشـئ الكثيـر .. وهو ابن النادي واحق بالتدريب .. لكن خلونا نكون واقعيين قليلا ..؟؟

سامي الجابر راح يعامل في الوسط الرياضي .. كلاعب مهما تمكن من التدريب .. اضف الى ذلك سامي سيكون بينه وبين الهلال بعض الحساسيات لأنه يملك نسبة حب من الجماهير الهلاليه الشـئ الكثير .. خصوصا وان اضاع اكثـر من بطوله من يده

سامي الجابر يحتاج الى الكثيـر في نظري .. حتى يمسك منصب مدير الجهاز الفني .. للهلال ..

انا من راي .. الهلال .. يحتاج .. [ لمدرب اوروبي عالمي يمتلك الشخصيه القويه .. مدرب بالعربي يكرف اللاعبين .. ولا يجامل احد على حساب الهلال .. ]

ومن راي .. ان الهلال يحتاج .. [ اجانب اربع غير اللي موجودين .. اول شـئ مدافع صلب ثابت مثل تفارس + لاعب محلي يكون صلب مثل عبدالله الحافظ .. ثاني شئ يحتاج لمحور دفاع يكون قائد لاعب يملك من الخبره كثير كثير كثيـر .. يحتاج للاعب يكون خلف مهاجمين بمواصفات تياقو نيفيز .. ويحتاج ايضا لـ صانع لعـب خفييييييييييييييف ويكون ذو سرعه عاليـــــــــــــه ومهارات فرديه .. ويحتاج لسامي كمساعد مدرب .. او [ محمد الدعيع او يوسف الثنيان او فيصل ابو اثنين او صالح النعيمه او نواف التمياط ]

رساله للامير عبدالرحمن بن مساعد .. [ سياسة التوفيـر ومادري وشو والكلام الفاضي .. ذا ترى ملينا منـه عاد .. انت ياحبيبي بزمن احتراف يعني بالعربي .. عندك (فلوس = بطولات) .. ماعندك .. اقلب الباب .. ترى مليون واحد ينتظر المقعد اللي انت عليـه .. حنا ما نبي نرفع ضغطنا ونعصـب .. واصلا حنا عارفين ان الهلال منهزم منهزم .. إنت بكل صراحه قتلت روح الهلال ..] الحين بعض الناس يقولون .. انتو جمهور يوم يفوز الهلال تمدحون الرئيس ويوم ينهزم تسبونه .. ؟؟ وليش انت تاخذها من هالمنطلق .. ليش ما تقول اننا ساكتين وصابرين على الخزعبلات اللي يسويها بالفريق ومع ذلك نفرح له بالفوز الذي يحسب للكيان قبل ان يحسب له كانجاز شخصي بين روؤساء .. ونعاتبه عند الخساره ؟؟ .. ومع ذلك نحن من سنتين .. ونحن نرى اخطاء بالفريق .. وصبرنا .. وسكتنا .. لكن دون جدوا ..

موضوعي قابل .. للنقد .. وقابل للتأييد.. هذه بالنهايه كلها وجهـة نظر شخصيـه ..

وشكرا لكم ..

افهموها زين اسيا مافيه مع الهلال لو يجبلوا ميسي الهلال لن ياخذ اسيا الا في حالة سمحوا 11 لاعب اجنبي عندها ممكن اسيا

هارد لك

تعبنا نرددها

الله يعين

الحمدالله على كل حال
لكن يجب على ابن مساعد ان يرحل عن الهلال
كفايه مهزله بالهلال

الله يهدم مستقبلك يابن مساعد مثل ماهدمت مستقبل الزعيم
ارحل ارحل ارحل انت عاله على الكره السعوديه ماعندك الى البلبله
حسبي الله عليك

متعودين على هالشي سنويا يعني ما فيه استغراب من هالخروج

حسبي الله ونعم الوكيل

ملينا من المجامله والخروج من فرق اقل من مستوى الهلال


يا اداره ارحلي مانبي زياده مجاملات على حساب الزعيم

آسيا لن يجلبها لاعبين أمثال المرشدي والحارثي والكوري

تقابلون منتخب افريقيا وتتخسرون بالتعادل

بعدان هزمتم العين والاستقلال ابطال بلدانهم وليس فرق لاول مرة تشارك في اسيا

الهلال وضع له ابطال دول مختلفه وتجاوزهم واتى الى سلطة المال ومنتخب بين التجنيس والزياده في الاجانب وخسر بالتعادل في ارض قطر

كرة القدم كانت حاضره وهيبة الزعيم كانت حاضره

كونوا رجال وليس اطفال يؤثر فيهم الراسبون دائما

الهلال واجه منتخب افريقي

هذه الحقيقه

لو كنت من قطر هل يشرفك ان يمثلك فريق لايوجد بينهم قطرى ؟

الهلال كان في الموعد شكرا ابطال الهلال

ولنا لقاء في اسيا ان شاء الله