|
يا بشر ما بقى إلا تخلون سامي يصير مساعد مورينيو علشان تقولون اكتسب خبرة !! يعني أستغرب أشد الإستغراب من الي يقول ما أتمنى سامي يدرب الهلال .. الحين تخاف على الفريق من واحد تعرفه ويعرفك وأهم ماعنده مصلحة الكيان ويعرف كل صغيرة وكبيره في اللاعبين وماخذ خبرة جيدة ومعه أعلى شهادة للتدريب في العالم والجميع يشهد بفكره العالمي ماشاء الله تبارك الله .. وش ناقصه علموني يا بشر ؟؟ الي يقول خله مساعد لـ زلاتكو ياخذ خبره أقوله والله أنت تلعب على نفسك يا بعدي .. تقارن خبرة زلاتكو بخبرة سامي ؟؟ لا وفي السعودية وفي الهلال خاصة ؟؟ نضحك على بعض سامي كان مع كوزمين ومع جربتس وكان مع كالديرون وكان مع دول ومع هاشيك وراح سنة للدوري الفرنسي وش تبون أكثر من كذا ؟؟ مابقى إلا يصير مساعد مورينيو كم سنة علشان تقول خلاص اكتسب خبرة النقطة الثانية : يعني بالله عليك أنت تضمن أن المدرب الي بتجيبه الإداره بينجح ؟؟ وبتضمن أنه مايكون من أشباه دول وكومبواريه ؟؟ حتى لو بتضمن أنه ينجح بتضمن أنه مايسحب عليك في آخر الموسم مثل ما سوا فينا جريتس ؟؟ يا ناس تعبنا من أشباه المدربين .. كالديرون وهاشيك ودول وكومبواريه والحين زلاتكوا كل سنة في انحدار أكثر تعبنا والله من البربسه ومن تبديل المدربين .. الفريق يحتااااااااج استقرااااار ومع داهية مثل سامي عن نفسي والله ما اثق في الإدارة أنها بتجيب مدرب عالمي لأني عارف قدرتها المالية وعارف أنهم يدورون على الرخيص والكويّس .. كلي ثقة بالأسطورة أبو عبدالله أنه يمسك الهلال .. وكلي ثقه انه بيرجع هيبة الزعيم دمتم بود |
انا اعترض ان سامي يدرب الهلال لسببين اولا سامي طبع في قلوبنا حبه ولكن اذا لم يقدم الفريق طموحنا ستنقص محبته ونطالب بأبعاده ثانياً وهذا هو المهم نعلم ان سامي يملك فكر رائع وعقليه ناضجه ولكن يعاب عليه مشاكله مع لاعبين سابقين مثل ياسر والفريدي والدعيع واخشى ان درب الهلال يصطدم مع لاعبين قد نخسرهم |
إقتباس:
السبب الأول هو عدم ثقه فقط لاغير .. للأسف صرنا نثق في أجنبي مانعرف عنه شيء ولا نثق في ولدنا الي هو أهل الثقه وما ينقصه أي شيء لا في الخبرة ولا في الشهادة ولا في أي شيء .. ما عندي مشكلة أجازف بواحد أعرفه وأعرف قدراته .. ولا أجازف بواحد ما أعرف عن قدراته وامكانياته السبب الثاني غير صحيح أطلاقاً أكثر من 20 مقابلة مع ياسر وسامي ومع الدعيع وسامي كلهم ينفون الشائعات أن بينهم مشاكل للأسف صرنا نصدق الإعلام الي يحاول يزعزع الكيان .. راجع يالغالي تصرياحاتهم في اليوتيوب وتأكد بنفسك نفيهم لأي حساسية بينهم نورتني عزيزي |
إقتباس:
فمآ زآل آمآمه آلكثير ليصنع لآسمه مكآن كبير كمدرب |
الان موب وقت هذا الطرح اصبروا لين الاربعا وبعدها كل شي بنقوله شكرا لك |
طيب ليش مايستلم الاولمبي لمدة سنتين ويعد فريق شاب يقدر يعتمد عليه في الفريق الاول ويقدر الجمهور يحكم على عمله ويدعمه اذا استلم الفريق الاول اما يتم حرقه بهذي السرعه ومن اول هزيمه يتم تحميله المسوليه والمطالبه بابعاده وبكذا نخسرة |
سامي كابتن وخبره كبيرة .. ولاكن اذا استلم الجهاز الفني اتوقع سوف يقضي علي الفريق اذا اخفق او اخفقة الادارة راح يكون سامي بالواجه طبعا الجهور عاطي اذا اخفق سامي راح يقول نوقف معه وندعمه لنه اسعدنا يوم كان لاعب ومن الكلام حتي يضيع الفريق بالكامل اتمنى رحيل الادارة اولا نبي فكر جديد رئيس النادي يقول الفريق ليس بحاجة لصانع الالعاب اذا الفريق مافيه صانع لعب نعرف وش مستواه.. اتمنى تجربت سامي في اي فريق ثاني احسن حاليا . |
لا مانع من تدريب سامي للهلال رغم عدم مروره بتجربة تدريبية طويلة تجعلنا نحكم عليه ولكن في حال قدومه فإن سهام الإعلام ستتجه نحوه لتنتقده وتختلق المشكلات وتكبر الهفوات كرها في سامي والزعيم ومع الأسف فلو جاء سامي مدربا للزعيم فلن يجد من يدافع عنه إلا الجماهير لأن الإدارة هداها الله أصبح همها تويتر وأخيرا الله يوفق سامي وين ما راح وينصر الهلال |
نعم سامي افضل من مورينهيو بنظري ومن هو مورينهيو اصلا النجوم هم من رفعوه وشوف الان كيف اخرج ريال مدريد من الموسم بدون أي بطوله لذلك مورينهيو ليس مثلا اعلى في التدريب سامي يعرف اسرار لاعبين الزعيم ويعرف كيف يدخل الروح القتاليه بقلوبهم في وقت لا نرى هذه الروح مع المدربين الذي طالبتوا بهم |
يا جماعة الخير خلوكم من التنظير و شوفو التدريب و التطبيق العملي لتدريب سامي كاس ولي العهد مع النصر و الأتحاد العام الماضي تري ماحناب دلوخ سامي أفضل من يتولي قيادة الزعيم و أصلا معليش سامي كثير على الهلال سامي بيئدب أشباه اللاعبين اللي كل واحد مسوي زحمة على بالة أنة أفضل لاعب بالهلال و هو ألى الأن ما أنفطم في عالم الكرة سامي فكر سامي ذكاء سامي مدرب سامي قائد سامي قوي شخصية ما أدري أنتم جمهور الهلال صراحة وش تبغون ما أقول الأ الله يستر على سامي منكم |
يالبى قلبك ياشيخ ,, باذن الله سامي مدرب الهلال في القرب العاجل |
اللي يعترض على التعاقد مع سامي كمدرب سوآ من أعضاء الشرف أول الجماهير ليكون النادي ملك لكم ؟ أول شي يابو فيصل أنا كنت من الناس المطبلة لك وكنت ماأرضى أين كان يغلط عليك لكن الحين وقف مكانك لنا كم سنة صابري على اللي صاير بفريقنا أصبحت الفرق الصغيرة تحسن موقعها على حسابنا وأصبحنا فريسة سهلة لكل الخصوم سوآ من فرق نقابلها أو إعلاميين أصحاب ميول صفراء والأهم من هذا الجاسر أجل يصفنا بجحا ؟ أقسم بالله الجمهور الهلالي صبر بما فية الكفاية وهذا الصبر راح يطلع منة إنفجار وراح تندم ياأبن مساعد أنت والجاسر والمطبلين لك سامي أذا بيكون مدرب لابد إعطائة جميع الصلاحيات والتعاقد مع لاعبين أجانب على مستوى عالي مو تبخلون أهم شي توفير المادة مهما كان نبغى الفريق يرجع لوضعة الطبيعي وبرضو التعاقد مع لاعبين محليين أمثال يحيى الشهري أستغفر الله وأتوب الية أقسم بالله الوضع أصبح لايطاق ملينا وأصبحنا لانثق بفريقنا نبغى رجال أمثال محمد بن فيصل اللي بيرفض حضور سامي من أعضاء الشرف أقولة أدعم النادي وبعدها يحق لك تنتقد |
اخي ليس واجب عليك اقناع الجميع انا متأكد ان اغلب الجماهير تؤيد ان يكون الكابتن سامي مدربا للملكي والجزاء الباقي من الجماهير يحبه لدرجة انهم يحطمون طموحه بسبب هذا الحب او كما قيل ( ومن الحب ما قتل ) سامي اسطورة كروية و متعلم و مثقف ويتحدث ثلاث لغات ......, الى اخره المفروض اننا ندعمه لانه يستاهل سامي يريد فرصة فقط كلنا شاهدنا نجاح غوارديولا مع برشلونة رغم انه لا يملك لا خبرة ولا تاريخ كما تطلقون عليه كلنا نذكر سامي عندما درب الهلال في مباراه الاياب مع الاتحاد بعد هزيمتنا 3/0 على ارضنا الفريق تغير 180 درجة الى الافضل الكابتن سامي سوف يحدث غربلة في الهلال الى الافضل نسأل الله التوفيق |
اولا ماهو شرط يبدع لاعب يصير مبدع مدرب واقرب مثال مارادونا وبعدين مااتكسب الخبره الكافيه له سنه فقط ! وماكان مدرب يعني على قولتهم لازم يعرف التدريب بحذافيره لان سسامي يملك شعبيه جججارفه من عششان الملكي ولو لاقدر الله مانجح راح يتحول الحب للكره وتعتبر مججازفه من سامي ومن الادارة وتوقعي ان سسسامي ماراح (ينجح )مدرب وتذكر هالكلام واتمنى ياارب ان توقعي يكون خطاء وششوف الزعيم مبدع من سسامي |
كلامك بالصميم محد احق بتدريب الهلال الا سامي ياللي تطالبون بالاستقرار أي مدرب اجنبي راح يجي ثقوا ثقه تامه ان اندية الخليج عيونها على اللي عندنا وخاصه قطر والامارات يعني زي ما ذكر الاخ يعرضون عليه عرض يدوخ يتركك انت وفريقك زي ما سوا جريتس سحب علينا وحنا على نهاية الاسيويه يعطيك العافيه |
| الوقت المعتمد في المنتدى بتوقيت جرينتش +3.
الوقت الان » 10:01 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd