|
لاعبي الهلال يتبادلون الضحكات بعد خسارة المباراه .... ااااااه بس !! للاسف كلنا شفنا الصور الخاصه بتدريب الفريق ليوم الخميس و هو اول تدريب بعد الخساره امام لخويا والله العظيم بالرغم من اني مجرد مشجع الا اني الى الان احس بقهر الهزيمه من لخويا الى اللاعبين اصحاب الابتسامات الرفيعه و الوجوه السعيده و الضحكات العاليه ..... ياخي استح على دمك انت و هو على الاقل احترم الجمهور اذا ما بتحترم نفسك طول هالموسم و اغلبكم مستوياتكم سيئه و المباراه الاخيره امام لخويا كل الفريق نائم و بلا روح الهلال مثل اي فريق بالعالم ممكن يفوز او يخسر لكن المصيبه ان تخسر بسبب غياب الروح و الحماس و ليس خساره مباراه او مباراتين لكن للاسف هالموسم الهلال خسر 8 مباريات و اغلبها في اخر الدقائق هالموسم لعبنا اكثر من مباراه مع فريق اقل مننا في المستوى و رغم كذا فازوا علينا و اخرها مع اطفال الاتحاد و كله بسبب غرور و استهتار و تخاذل و غياب روح لاعبينا يا اداره النادي كوني حااااازمه مع اللاعبين و اجبروهم على الانضباط و اعيدوا التدريبات الصباحيه و اتركونا من الاعذار مره حكم ما حسب بلنتي و مره الفريق مرهق الهلال عمره ما علق خسائرره و اخطاءه على الغير و لو بنتعذر باعذار واهيه بعد كل خساره صدقوني بنصير مثل الجار لازم اللاعبين يحسوا بالمسؤوليه .... صح ان اللاعبين الاجانب سيئين و المدرب مغموور لكن هذا مو معناته انك تلعب بلا روح الزعيم لم يصبح زعيم و لم يصل لهالانجازات الا من خلال روح لاعبيه و حماسهم داخل المستطيل الاخضر من ينسى سامي لما سجل هدف التعادل في اخر دقيقه امام الشباب في نهائي الدوري لما انتهت المباراه 3 - 2 للهلال شوفوا كيف دار الملعب يجري و يبكي من الفرحه و من روحه و حماسه و اخلاصه للشعار اتحدى اي لاعب من لاعبينا الحاليين يسويها و خصوصا اللاعبين الشباب متى تعوووود رووووح الهلال المعروووووفه اللي تاكل الاخضر و اليابس ؟؟؟؟؟ ااااااااااه بس يا لبى قلبك يا شلهوب انت الوحيد و كم لاعب معك اللي كان واضح من الصور انكم متاثرين و على الاقل احترمتم الجمهور الله يعين |
ايه الله يرحم ذاك الزمان كنا اسياد اسيا ولا احد يقدر يرفع عينه والان باب بنده كل يفتحه ويلعب فيه |
لاعب ياخذ ملايين وراتبه ماشي تتوقع بيهمه امر الجمهور :) |
هه عادي هذا حنا يالحمهور امس زعلانين واليوم نضحكك وين المشكله بالعكس مفروض يرجعون يضحكون عشان يرجعون مثل اول بمستواهمم وننتظر وعدهم في الدوحه ان شاء الله مايخيب |
بــاي بـــاي رووووح....!!!!!!!! |
ماذا نتوقع من لاعبين مدللين و أغلبهم مستوردين لا يهمهم إلا أنفسهم ضاربين بعرض الحائط تاريخ الزعيم المرصع بالأنجازات و مشاعر الجماهير المقهورة طبعاً الأدارة لا حس و لا خبر على المثل السائد من أمن العقوبة أساء الأدب أين المحاسبة و العقوبات الموضف إذا أهمل في عمله يتلقى العقوبات حتى يرتدع بينما هؤلاء لا يوجد من يوقفهم عند حدهم ليحاسبهم على الخسارة و يكافئهم على الفوز هذا هو الأحتراف الحقيقي و ليس المزيف المعمول به بنادي كبير مثل الزعيم . |
إقتباس:
إقتباس:
|
كلامك مو جديد من زمااااان واحنا نردد هالكلام والمشكلة إدارة النادي تغط في نوم عميق |
يارجل .. تبيهم يدخلون وكل واحد دمعته على خده ؟ اذا بيفكرون بمباراه الذهاب كل ذا الوقت صدقني ماراح يقدمون شيء بالاياب وهذا اللي محمسني انهم نسوا المباراه وبيبدعون ان شاء الله مواضيع غريبه هاليومين |
يابن الحلال خليهم يضحكون ويستانسون ماهي مشكله تبيهم يبكون والا يتضايقون مادامهم يضحكون ان شاء الله يكون الهم واثار الهزيمه زلت وحاطين عينهم على الاياب ومريحين انفسهم وسواء يضحكون والا يبكون بنحاسبهم بعد الاياب وانا متفائل ان شاء الله بالفوز باذن الله تعالى |
اللي يقوول دمووع وين تشوفها وهم لايفهموون معنى انتماء زمن احتراف يعني راتب ماااشي ماااشي قدم اللاعب ولاماقدم ماااشي ماشي |
قالها عادل التويجري الاعبين الان اول مايطلع من الملعب عادي عنده يضحك ويبتسم وهو مهزوم اتمنى ياشبيه الريح ان لاتكون طيب بكل تعاملك مع الاعبين يجب الشده معهم وخاصة الاعبين الشباب تمنيت بعد مباراة امس ان يصدر قرار بالخصم على جميع الاعبين وان يطلع بيان قوي شديد اللهجه ان من لايحترم الشعار ولايحترم الجمهور وحرقتهم على فريقهم لامكان له في النادي والي قهرني اكثر الجاسر يضحك ومستانس وامس يسبنا الا يعلم ان نحن جمهور ندفع من جيوبنا ونقطع مسافات من اجل حضور مباريات الهلال واخر شي نجد لاعب يلعب بدون روح قتاليه وهو يستلم ملايين الريالات ويركب افخم السيارات الاعبين مالهم اي عذر بعد هزيمتهم امس كل شي متوفر لهم بس الدلال الزائد هذه نتايجه ضحك ووناسه |
اللي اختشششششششششششششوا ماتوووووووووووووو |
مافيها شي اجل تبيهم يصيحون لازم نسيان المباراة الماضيه والتفكير في المستقبل والاهم هو مباراة الاياب لازم نرفع من الروح المعنويه ولازم نخليهم ينبسطون لعلهم يبسطونا ان شااء الله وسع صدرك ياوخيي تراها كوره مو لازم اللاعب يكون مكشر في اليوم الثاني عشان تقول واضح متحملين المسئوليه |
ماعاد فيه روووووووووح أبد الفريق كله عسى الله يحسن الأحوال ان شاء الله |
الواجب من الحزن غابوا عن التمرين صح !!! بكذا يكونون متضايقين لاعبين محترفين ويعرفون ان كرة القدم فوز وخساره وليس دائما الافضل يفوز ولا زالت الفرصة في ايديهم ويتفاءلون لانهم يثقون في انفسهم والبكائيات لو تنفع نفعت من غسلوا المدرجات دموع ولازالوا يعانون من صعوبة البطولات دعهم متفائلين وروحهم عالية وسترى مايسر كل هلالي محب ان شاء الله |
عادي مثل زمان كان الي يطلع من الاختبار ماجاوب يصيح الحين يطلع يضحك يقول الفت كتاب ثاني هع المشاعر تبلدت في هالزمن وبعدين هزيمة مباراة والخروج من بطولة مش نهاية الحياة حتى في الموت الله يكفينا واياكم المصائب يضحكون الناس وسعوا صدوركم ياجمهورنا الوفي |
وش همهم الاعبين رواتبهم وعلى داير مليم تنزل كامله بحساب لارقيب ولاحسيب الحسرة والتعب والمعاناه والقهر والظيم للجماهير الي تزحف للملاعب من جميع انحاء المملكه ولاتجد الا استهتار وعدم مبالاه ومستوى يفشل وهزيمتين مذله ماللجماهير الاهجران الملعب لتحسسهم بقيمه تواجدها وحضورها ! حرام كان نشوف رجال تحرث الملعب حرث هذا الاحتراف الاعب امن مستقبله وماهمه شي ! راحوا الطيبين ( الثنيان الجابر الدعيع النعيمة .....) |
لاعبين هالايام كل همهم الماده للاسف !! |
لك الله ايها الكيان الازرق العظيم لا ادري اين تذهب بك الريح من متى وجمهور الهلال صار يخاف الخصوم اااه على هلال زمان بس |
هل المفترض من اللاعبين انهم يقلبون التمارين حزن وعزا ؟ يخي موضوعك غريب وطرحك مثل وجهك أنا استغرب من ادارة المنتدى السماح بمثل هذي المواضيع |
الروح مالها علاقه بالضحك في التدريب اللاعب عشان يركز لازم ما يضيع الضغط الجماهيري والنفسي بالابتسامه ماني راحم الا شبيه الريح اللاعبين مفشلينه والجمهور شاب عليه ويا شماته من يتربص به ويبيه يبتعد عن الهلال |
إقتباس:
اذا كان طرحي مثل وجهي يعني طرحي حلو لان وجهي حلو الحمد لله اما استغرابك من هذه المواضيع فما ادري ايش الاحق بالاستغراب لاعبين يخسرون و تجدهم و كأن ما صار شي و الوضع عادي؟؟؟؟ و الا اني انتقد برودهم و انهزاميتهم و فقدانهم لروح لاعبي الزعيم؟؟؟؟ على العموم ....... و الا بلاش |
هههههههههههههههههههههه من جد ضحكتني كلنا مقهورين لكن في اشياء تصير تجبرك تضحك تبتسم هذا ابدا لايعني انهم راضيين بالخساره انت تبغاهم يجلسوا يبكوا بكاء جماعي ويخلصوا المناديل من الاسواق ممكن سبب الخساره ضغط نفسي اجهاد بدني اجانب دون المستوى جدوله غير سليمه للبطولات او جميع ماسبق وكل هذا ماله دخل بضحكاتهم مو معقوله نحاسبهم ع كل صغيره وكبيره ع اشياء تسوى واشياء لاتسوى ممكن يمثلوا ويعملوا انهم مكتئبين وحزينين وهما في الحقيقه مايهمهم وممكن نشوف ضحكاتهم وداخلهم حزينين ع الخساره وبيحاولوا تقديم الافضل يعني الان تريسوا وادعموا الفريق بعدين لكل حاديث حديث يعطيك العافيه |
إقتباس:
وش تبيهم يسوون يلطمون خدودهم مثلاً ويقعدون يبكون ويشققون هدومهم لين يوم المباراة بعدين انت ماتدري ان هذه الابتسامات والضحكات على قولتك ماهي إلا دافع معنوي للاعبين بعد خسارة الذهاب بهدف وحيد ليستطيعو تعويضه بهدفٍ في الإياب ومن ثم التقدم بنتيجه تؤهل الفريق لدور الثمانيه والأيام بيننا ي و س ف :smilie47::smilie47::smilie47: :smilie47::smilie47: :smilie47: |
لازم نسيان المباراة الماضيه والتفكير في المستقبل والاهم هو مباراة الاياب |
الموضوع الطبيعي ان يضحك الاعب وتكون روحه رياضيه حتى لو بكى مره لشعوره بالظلم عادي لكن ان يبكي كل هزيمه فهذا سخافه تقبل اختلافي |
الاخلاص للملاين والروح اذا قرب العقد على الانتهاء هذا هو الاعب السعودي وعقليته مثله مثل الموضف اذا المدير موجود شغال وسريع واذا راح المسئول حول على الجوال والا الى الاصدقاء يسولف هذه ثقافت مجتمع لن تتغير الا بأنظمه صارمه تبدأ من راس الهرم في المؤسسه وانت نازل والاحتراف عندنا خايس اذا كان رئيس لجنة الاحتراف غشاش ويتحايل على الانظمه بنفسه مجرد ان يحب ويشجع الفريق الصغير ماذا تنتظر من الاعبين اذا خصمت عليه طلب فسخ عقده وسوف يلقى برميل العقار تحتضنه يعني المسئله قبيله وليسى احتراف وفي الاخير الجماهير ليه فرطوا في الاعب الفلته ...... |
ان شاء الله يعوضونها في الاياب |
إقتباس:
زين ما يعطونك انت خطاب شديد اللهجة ويقولون لك تشجع وانت ساكت ، تشجع وانت ما تشوف الدرب ولا لك حق تتكلم ولا لك حق تنتقد ، انا انتقدت الرئيس واللاعبين وعطوني انذار حسيت اني بالجامعة هههههههههه ، واذا على الحرقة والاحتراق لاجل الشعار فراح زمن الولاء وجاء زمن الدلال وهذا اذا مو الرئيس يقهويهم بعد المباراة ويقول عادي ماقصرتوا اهم شي لاتتركون الهلال ويطلع لنا حنا بالاسطوانة المشروخة ( اللعيبة ماكانو في يومهم ) .. يا رجال خلها على الله الهلال ضايع .. |
وش تبونهم يبكون مثلاً إنتها الشوط الأول بالرياض باقي الشوط الثاني بقطر .... الله يوفق زعيمنا |
من أقوال الرسول صلى الله عليه وسلم فى الإبتسامة تـَبسُمك في وجه أخيك صدقة. |
اذا مافيه رئيس يشد ويضغط ويعاقب استهتار اللاعبين فلا لوم عليهم في اللا مبالاه |
يا عمي يضحكون مالك دخل منهم براحتهم أنت شكلك مدنس {مو مكانك} اللاعبين متفائلين ... والجماهير متفائله والضحكه عــ وجيههم وأنت تبغاهم معبسين يا خي استح على دمك أنت مو اللاعبين .. ... .... ..... "استغفر الله العظيم" |
ههههههههههههههههه موضوع فكاهي بصراحة يضحكون يبكون ينامون هذا مايهم المهم النتيجة |
.. ، آتركووالانتقــآد .. واساسا وش الي رآح نقدر نســويه آحنـآ كجمــهورً انتقدنآ رآح ننــزل من هيبتهــم ما يبي لنآ الى نرفع من همـــتهم وتشجيعــهم ., .. هي مبآرآة العمــر كملــوهـآ وبعدهـآ الله يجعلكم تضحكون وتسسون الي تبونــه فوزونا في مباراة الغـــــــــــــــــــــــــــــــــــــرآفة .. وبعدين رآح نفتك من اكثر الاعبيين الي منتهيه صلاحيتهم |
يارجال لاعبين اكثرهم بدون روح , ومثل ماقالوا الاخوان لاعب ضمن فلوسه ومستقبله , ماهميته لا انت ولا 100 والمشكلة عندنا بروح اللاعبين الهلال نادي غريب , مباراة يلعبونها بروح قوووية ومباراة يكونون نايميييين تحسهم حتى مايتحركون رغم الحضور الجماهيري في المباراة كان يشجع طول الوقت , لكن ماشفنا اللاعبين يقاتلون ويجتهدون الهلال نادي غريب .. اذا حضر الجمهور تشوف اللاعبين نايمين , اذا كان الحضور قليل تشوف اللاعبين يقاتلون ويلعبون بروح ولا مثلها روح سبحان الله ! |
الضحك عادي بين اللاعبين في المعسكر ولكن ليس بعد الهزيمة ــ اه اه على زمن المدربين الصارمين الذي يكرهون الضحك في التدريبات والمباريات امثال : بلاتشي ـ يوادنيسكو ــ كاندينو ـ اوسكار ـ هانجيم ـ احسن الخطط عند هولاء المدربين وجريتس يحب اللعب الهجومي ـ باكيتا ــــ كوزمين خططهم دفاعية بحتة ــ كالديرووون ـ بيان ــ صقل للمواهب فقط .. نحتاج مدرب ( صارم ــ قوي الشخصية ـ يحب اللاعبين قريب منهم ــ متفاهم للظرووف ـ ياليت يكون من ارياف البرازيل اهم شي ء يحب اللعب الهجومي الفنان والمبدع نحتاج كرة الهلال سابقا الكرة الحلوة والهجومية ــ ما هو نسجل هدف ونضيع عشر فرص ـ |
ماعاد فيه روووووووووح أبد الفريق كله عسى الله يحسن الأحوال ان شاء الله |
تراها كوره وانت جاي تقول كذا اعوذ بالله من بعض الناس |
اللاعبين لن يشعروا بالعار مدام الجمهور دايم يوجه الغضب على الادارة او المدرب |
يعني.تبغاهم يبكون يعني انت من يوم المباراة الى الحين وانت تبكي ماتضحك ياناس ترى في شيء اسمه روح رياضيه صح انحرق عشان الفريق في الملعب لكن اذا خسرت اتقبلها بكل ح رياضيه |
هههههههههه طيب خلهم يضحكون ويستانسون عادي اصلا الكوره اعطيناها اكبر من حجمها احنا كجمهور مجرد تسليه لنا لقضاء وقت الفراغ ... التعصب الزائد ليس له حاجه ولن يفيد اما اللاعبين يعتبر اداء وظيفي براتب وقدره صحيح ان الروح مافيه .. لكن لو عادت روح الزعيم لن يقف اي فريق امامنا ... |
ههههههههههه يعني ماتدري اللاعبين عندنا آخر مايفكرون فيه هو الشعار اللى يلبسونه الاهم عندهم الفلوس ... نادي تعود ع الدلال وعلى كل شي يفوز يخسر ماهي فارقه معه راتبه العالي ماراح ينقص منه ولا هلله عشان كذا مو فارقه معه والوضع عادي تقريبا انقرضو اللى يحترقون من اجل شعار الفريق اللى يلعب له |
بعض الردود يقولون دموع و مدري شنو لا ما بي دموع ابي يحسون فينا و يحسون بحرقتنا |
إقتباس:
|
من يطرده فريقه يلتقطه الهلال ولاتناظر دكة الاحتياط:s2: |
آه ي زمن الزعيم الحقيقي ... أيام سامي ونواف التمياط ويوسف الثنيان وعبدالله الشريدة وعبدالرحمن التخيفي وصالح النعيمه والبيشي والحبشي وصفوق التمياط ومحمد التمياط وسيرجو البرازيلي و احمد بهجا ومحمد لطف وأشرف قاسم وليتانا ويوسف جازع... واسماء كثيره غيرهم رفعو اسم النادي على الصعيد المحلي والاسيوي .. وكان راتب الواحد مايتعدى اربعة الاف ريال لاكن اللاعب كان يجي للملعب هوايه مو جاي للملعب تجاره ومو جاي للملعب يعرض قصات الشعر والازياء والساعات والماركات ... اهـ ي زمن الفن والابداع مو زمن الجنتله وعدم المبالاه .... أنعدام روح.... أدارة عاطفيه ماعندها صرامه .... تذبذب مستويات .... عدم تقدير للشعار النادي والمنتخب .... عدم تقدير لتمثيل المنتخب ... هذا احتراف ...؟؟؟ ..... نبي زمن الهواه يرجع على الاقل فيه انجازات !!!!!!!!!!! في بعض الاندية الاوروبية أو اغلبيتها ... من ضمن بنود العقد تغير مستوى اللاعب !!!! .... يعني اللاعب لو تغير مستواه المعهود يخصم من قيمة عقده بالاضافه إلى راتبه .... وعندنا هنا اللاعب هو من يتحكم في بنود عقده والا راح لفريق ثاني ..... والله حاله ... كلمممه ماعاد بضيف عليها شي نبي زمن الهواه يرجع .. لأن بصراحه اللاعب السعودي او الهلالي بوجه الخصوص مايطبق الاحتراف الحقيقي .. سهر.. عدم الانضباط على برنامج غذائي ولياقي .. وقت الصيفيه الواحد كرشه توصل لمتر ...مفطحات... استراحات... |
خل ابو فيصل يجيب صالح النعيمة مسؤول عن الكوره في النادي ، ما راح تلقى لاعب ما يحرث الملعب حرث بس المشكله عندنا ما يبون الاداري الناجح والشديد يبون واحد مطبل ومنفذ ويدلع اللاعبين . |
بااذن الله بيجي من يربيهم |
| الوقت المعتمد في المنتدى بتوقيت جرينتش +3.
الوقت الان » 04:55 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd