السلام عليكم ورحمة الله وبركاته
رسالة خاصة الى الادارة .. والى اللاعبين خصوصا ..
يعلم الله اني اكنّ لكم كل محبة وتقدير ولم احمل في قلبي لكم الا كل احترام
ولكن .. الكيان فوق الجميع .. الكيان لايحتاج لمن تثاقلت ارجله داخل الميدان
الكيان اعطاكم كل شئ كنتم تتمنونه .. المال والشهره والاضواء فماذا قدمتم له
سؤال لبعض اللاعبين : هل اصبح همكم الوحيد عدسات الكاميرا والفلاشات
اين انتم ممن حرثوا الملاعب في مامضى ووهبوا الروح والعرق والدمع
يبكون بحرقة عند الخسارة او التعادل
ابيات خالجتني من قهر اصابني فاحببت ان اطرحها لكم وتقبلوا فائق احترامي
أخوكم الشاعر : محمد الشهري ( سد الحرير ) ـــ النماص
يحضر الجمهور لكن .. لاسميع ولا مجيب
وينها روح الزعامه .. وينه الماضي المجيد
وين يوسف وين سامي .. وين قائدنا المهيب
وين نواف وشريدة .. وين فيصل والرشيد
لا فلوس ولا مظاهر .. بس فارقهم رهيب
لبسّوا النادي قلادة .. اسمها العقد الفريد
لاعب ٍ يدخل ويلعب .. يحترق لو هو عطيب
مايبي يخسر وحتى .. بالتعادل مو سعيد
حركّوا كل المشاعر .. سهّلوا ماهو صعيب
آآسيا بالصوت نادت .. يابعد كل القصيد
هي شطارة معْ مهارة .. انتجت فن ٍ عجيب
فـوقـها حب الفنيلة .. لا ازيـد ولا اعـيـد
من عقب ذيك الصدارة .. انقلب حال ٍ كئيب
آسيا صارت علينا .. بالعناد اقوى عنيد
الدراهم والمظاهر .. فعلها يــاهــو غريب
واضح ٍ من يمتلكها .. كنّ في رجله حديد
والأساور في يدينه .. مظهره والله معيب
احترف ثمْ عاث فينا .. آآهـ يالماضي البعيد
ينهزم ويرد يضحك .. يحْسب بضحكه نجيب
مـادرى انـّه يفشّل .. وانكشف كمْ هو بـلـيـد
يا أمير ٍ حـنْ نحبه .. خلّك الـيـوم الطبيب
وآخر الحل الكوايا .. واعتقد رأيي سديد
صَفّ نادينا طلبتك .. لو تجيب اللي تجيب
والله انْها ارهقتنا .. سالفة هل من جديد
كافي اللي صار والله .. هذا نادينا الحبيب
حتى في ظل انكساره .. عن غرامه مانحيد
وضعنا والله تدهور .. لاتُقُل حظ ونصيب
من بغى كاس البطولة .. يدفع المهر ويزيد
يحضر الجمهور لكن .. لا سميع ولا مجيب .. رسالة من محّب وغيور 
الوضع الشجري
