سلمان الفرج ومستواه والمصيبه الكبرى هو العقد - نادي الهلال السعودي - شبكة الزعيم

هلالي مضيع · #1 16/05/2013, 03:45 AM

السلام عليكم

سلمان الفرج
الاعب الي كان من الموسم الماضي وحتى وقت توقيعه للعقد
هو الاعب الاول في الهلال
مهاري حماسي يشيل فريق كامل يلعب باكثر من مركز
يلعب بروح روح روح كبيره بالملعب
بعد توقيعه للعقد
اصبح الاعب هزيل المستوى ماينفع لاهجوميا ولادفاعيا ولا في الوسط ويقتل الهجمات ويلعب ببرود غير طبيعي
مستواه في انحدار شديد
اذا مسك الكوره تحس انه بس يبي يتخلص منها
يمرر عشوائي يمرر كذا من راسه
تحس انه مايفكر والله اعلم بحاله
مادري هل الفلوس هي السبب ولا الدلال الزائد

سالم الدوسري ماشاء الله عليه
من قبل وبعد توقيع العقد وهو يلعب بروح كبيره يلعب من قلب وحتى الان ومايقصر
كذلك نواف العابد
وياسر الشهراني

اما سلمان ؟؟؟
يعني لو ان الاعب كان مستواه سيئ من قبل العقد كان اقول ان هذا مستواه مافيه شئ غريب
بسس الاعب ماشاااء الله عليه موهوب بمعنى الكلمه
مادري ولا اعرف ليش تراجع مستواه بهذا الشكل
والمصيبه الكبرى انه اساسي!!!!

اتمنى من المباراة القادمه وضعه ع دكة البدلاء لان وجوده مثل عدمه
وهو تكملة عدد حاليا ماله اي فايده بالملعب
اتمنى من زلاتكوا عدم اشراكه في المباراة القادمه

واتمنى كذلك من المدرب اللعب بهذه الخطهه لعل وعسى اننا نتاهل:
السديري
الزوري-المرشدي-اوزيا-الشهراني
بوليفار
العابد-الشلهوب-الدوسري
ويسلي-ياسر

اتمنى هذي الخطههه ومثل ماقلت لعل وعسى نتاهل

بالتوفيق للزعيم

سوبر الازرق · #2 16/05/2013, 04:01 AM

وانتظر العابد بعد مايوقع العابد اليوم شوف لعبه كيف تغير بعد زيارة ابوه لنادي امس المشكله ان لائحة الاحتراف الدخليه في النادي ضيعت الاعبين الفرج والبيشي كذلك ارجو ان تلغى مقدمات العقود وارجو ان تطبق لائحة نادي الشباب فهي افضل طريقة لتحكم بالاعبين وعدم هبوط مستواهم تخيل لاعب في سن المراهقه وفي رصيده ملايين ومعه سيارة بورش ولا اودي

محمد M10Mالشلهوب · #3 16/05/2013, 04:03 AM

فعلا مستواه ناززل سلمان مايدري وين مكانه فالملعب

محلل فاهم · #4 16/05/2013, 05:05 AM

والله انك صدقت ادور احد يتكلم على هالبارد مالقيت احد الا انت بصراحه لو ترجعون للمباراة بتلقون ان هاللاعب نقص وانه اكثر من مره بغى ينكب الفريق والمشكله انه مايتأثر ولايهمه والمشكله انه ماهو بالمبارات هذه بس له فتره وهو رافع ضغطي وصرت ماتمنى اشوفه لا بالتشكيله ولا بالدكه بصراحه يذكرني باخر ايام الفريدي الظاهر انه شايف له شوفه ... وسلامتكم

صاروخ ريفالينو · #5 16/05/2013, 05:22 AM

البارحــة كمل معه العابد شغل النفسية من بعد زيارة والده للنادي قبل أمس !!
وكأن كل المباريات الماضية والمستوى لكسب عقد أفضل !!

والفرج من بعد توقيع العقد وتنازل مستواه
هل هذه عقلية اللاعب السعودي .....
قبل نهاية العقد يحرث الملعب حرث
وإذا وقع خمد

معجب بنادي القرن · #6 16/05/2013, 05:57 AM

ياحبيبي فلوس تغير النفوس
الفرج احسه انه انتهي
من الدلع الزايد

3nezawi · #7 16/05/2013, 06:10 AM

مستوى تفاعل الاعلام الهلالي الضعيف و جمهورة مع الاحداث .. ايضا مصيبة !!

الاهلي ملكي .. بقرار من الاهلي و اعلامه و جمهوره ..
و انتم يا جمهور الهلال خلكم على كلامكم " ما تهمنا الالقاب " .. لين ما ترسخ هالمعلومة بعقول الاجيال الجاية .. و بيطيرون لقب الزعيم عليكم بعد .. بمباركة طبعا من جمهور و اعلام ذاك النادي الصغير ..

https://www.youtube.com/watch?v=cO7AuEb9Bjw

saaker · #8 16/05/2013, 06:26 AM

سلمان الفرج وياسر الشهراني
لاعبان مميزان جدا
ولكنهما ضحيتا تغيير المراكز
فالمدرب نكب ياسر الشهراني بوضعه ظهير ايمن المفروض يكون ايسر على طول
وكذلك الفرج نكبوه كل مباراة بمركز جديد

يا بعد الدنيا · #9 16/05/2013, 06:57 AM

الفرج لا يمكن ان يكون لاعب محور دفاعي او هجومي بأي حال من الاحوال يجب ان يكون ظهير ايسر

فهد باشا · #10 16/05/2013, 06:57 AM

كلهم كذا من يضمنون الملايين يبدا لعب الحواري الله يصبرنا

جني نت · #11 16/05/2013, 07:32 AM

لا قبل العقد ولا بعد اصلا لاعب لايستحق ان يمثل الزعيم يلعب من دون فكر

اللي نفعه هو تطبيل البعض له هنا فقط

الغازي الهلالي · #12 16/05/2013, 09:01 AM

هذه عقليت الاعب السعودي اجمع لك كم ريال قبل فوات الاوان والاخلاص والروح في الاستراحات والمعسل والسفريات والله حرام عندنا اصلاً احتراف بس على شان يقال نحن بلد متحضر وفيه كورة قدم ممتازه واحتراف ووو ويمكن شغل سياسه ولا اصلاً ماعندك احد

SAMIR_NASRI 8 · #13 16/05/2013, 10:46 AM

من قبل مايوقع العقد ،،، اصلا واضح على اللاعب انه يفتقد للموهبة لكن كان يعوضها بالحماس

الان هو يلعب بدون حماس لذلك النتيجه لاعب عالة ونقص على الهلال

واقعي 999 · #14 16/05/2013, 11:03 AM

انا اتفق معك فعلا بعد التوقيع انحدر مستواه

ياكااااافي

kasyas · #15 16/05/2013, 11:09 AM

اقسم بالله اني ما أتجنى عليه
انا من وقع عقده وقبض الكاش
لعب بعدها مبارة للمنتخب وبدع فيها
ثم والله ثم الله انه تغير 180 درجة؟
وش القصة
وش صار
وش جرى

طيب سجلوها علي
تدرون متى يبدع
إذا بقى على عقده 7 أشهر
8 أشهر
تبي تلقى لاعب فلته
يجدد مرة ثانية يقبض
يرجع كما كان؟

الفرج وغيره
ولكن بس في الهلال!!!

إذا الخلل من من؟