سبحان الله الآدمي هذا من اول ماشفته يحلل وانا ماني مرتاح له لان الحقد والكراهيه واضحه عليه في اي شيء يخص السعوديه عموما والهلال الملكي خصوصا علما ان اغلبية الكويتيين يحبون الهلال ويميلون له كأكثر فريق سعودي محبوب في الكويت ويمكن يكون لون الازرق سبب في عشقهم له اضافه الى اعجابهم بنجومه وجماهيره وبطولاته.

الشخص هذا في كل مره اسمعه يتكلم فيها عن الهلال او نجومه كنت احس انه كاره وكنت في كل مره اقول يمكن ان حبي للهلال خلاني حساس من أي شيء يخص الهلال ونجومه ولكن كلامه الاخير في قناة الدوري والكاس وتحديدا في برنامج المجلس خلاني اتأكد ان ظني كان في مكانه .

اتذكر ان هذا الحقود اثناء مشاركة المنتخب في كاس اسيا 2007 في اندونيسيا وفيي عز ابداع ياسر القحطاني كان له كلام عكس كل الناس يعني المحللين يمدحون ياسر ومالك معاذ وهو مركز على مالك ويقول لو خيرت بين الاثنين اكيد رح اختار مالك وهذا رأي وانا حر فيه مع ان ما احد استشاره .

اكيد كلكم عرفتم من اقصد اكيد ماغيره عبدالعزيز العنبري.

وانا اتصفح اليوم جريدة عكاظ تفاجأت بخبر ان هذا الحقود يهدد جمهور الهلال بالجهات الامنيه تدرون ليش !!!؟؟؟لان فخامته اعلن نصراويته وان جواله استقبل رسائل بالعشرات تهدده بالقتل لانه يشجع النصر ويقول بنفس النبره هذي ميولي وانا حر فيها ومالاحد دخل وانه سوف يصعد الموضوع من خلال ارقام جوالات من هدده بالقتل

والله الآدمي هذا تحفه ومضحك ويرفع الضغط في نفس الوقت اصلا وش تشكل انت ياعبدالعزيز العنبري علشان يهددونك الهلاليين وش موقعك من الاعراب علشان ننقهر انك تشجع فرقة حسب الله وماتشجع الهلال وبالمناسبه ترى الطيور على اشكالها تقع .

صراحه ماكان ودي اتكلم في هذا الموضوع تحديدا لان الهلال اليوم عنده مشاركه مهمه والمفروض تكون كل مشاركاتنا دعم للفريق ولكن احيانا تجبرك الاحداث انك تتكلم في موضوع مختلف عن النسق.



اخيرا تكفون ياجمهور الازرق في الرياض اليوم لاتخلون كرسي فاضي في الملز خلونا نحتفل بالفوز ةونقهر الحساد واولهم العنبري.