نقطة ضعف واضحة في فريق لخويا القطري يجب استثمارها جيدا - نادي الهلال السعودي - شبكة الزعيم

بدرالرياض1111 · #1 11/05/2013, 09:19 PM

السلام عليكم ورحمة الله وبركاته..
تحية طيبة لكل عشاق الزعيم الملكي..
موضوعي يتعلق بنقطة ضعف واضحة في فريق لخويا القطري يجب استثمارها جيدا ..
وهي حارس المرمى و الكرات العرضية لايخرج اليها ابدا ايضا التسديد علية من خارج منطقة الجزاء هناك ضعف في الحارس يلاحظ بشكل واضح خصوصا بعد متابعتي لفريق لخويا في مباراتة اليوم امام السد حيث خسر بثلاثة مقابل اثنين وجميع الاهداف كانت من كرات عرضية ماعدا الهدف الثالث كان من كرة ثابتة تم تسديدها من لمستين ولم يستطع الحارس من حتى لمسها..
واضمن لكم لو تم استغلال نقاط الضعف الواضحة في لخويا ان الهلال سوف يفوز بأذن الله تعالى..
واتمنى من العلي القدير ان ينصر الهلال في مباراته القادمة اللهم امين ..

هلالي من الحناكية · #2 13/05/2013, 10:03 PM

صحيح بس لاوجد لدينا لاعب يجيد التسديد الا الموهوب الاسطورة محمد الشلهوب

بالتوفيق للهلال واتمنى انهاء المباراة من الرياض

الــشــعــلان · #3 13/05/2013, 10:15 PM

اذا عندهم حارس لا يخرج للعرضيات
ف عندنا باب فاضي

لكنن الله كريممم

Mlam7 · #4 13/05/2013, 10:21 PM

بصراحه الهلال يعاني من عدم استغلال العرضيات.
قليل جدا الهلال يسجل من ضربه رأسيه أو ركنيه.
ولو تلاحظ المباراه السابقه تقريبا 5 ركنيات ترفع بطريقه خاطئه .
لازم نتلافا نقاط ضعفنا و بعد كذا نستغل نقاط ضعف الخصم.
يعطيك العافيه بأذن الله المباراه هلاليه .

شلال99 · #5 13/05/2013, 10:23 PM

اكبر نقطة ضعف هو دفاعهم وخصوصا ابو قره واللي جنبه ثقال مع اللاعب الماهر

لاكن اكبر مصيبه هو الحارس اذا انعدم الهجوم المخلص

واهم شي التوفيق و الله يفكنا من بعض الفلسفه امام المرمى

وتسلم

صابر هلالي · #6 13/05/2013, 10:27 PM

بدون نقاط ضعف الخويا ففريقنا افضل من الخويا بكثير ونستطيع الفوز بشرط تكون الروح الزرقاء المعهوده متواجده وعدم التهاون بالخصم

شلال99 · #7 13/05/2013, 10:37 PM

إقتباس

الرسالة الأصلية كتبت بواسطة الــشــعــلان


	اذا عندهم حارس لا يخرج للعرضيات ف عندنا باب فاضي لكنن الله كريممم

لو اني مشرف فصلتك

ترى السديري ماهو بسيط لاكن المشكله مدرب الحراس الظاهر ماله فالتدريب اجل مدرب وعنده حارس انخفض مستواه وماله حل بحارس اخر

مدرب حراس حارسه مريض انفونزه ويلاعبه مباراة

مدرب حراس ماله رأي في ادخال الحارس الأحتياطي حتى في المباريات الوديه

واضحه مشكلة حراسة الزعيم

هـلالــ1997ــي · #8 13/05/2013, 10:53 PM

-

مآ تآبعت لخويآ بشكـل دقيق’ لكنن آتمنى يركزون ع نقآط الضعف مثل مآتفضلت ..

وفآلنآ الفوز آن شاءالله .. آلف شكر ياعزيزي ..

MEMO5565 · #9 13/05/2013, 11:23 PM

لو دخل الملكيون بروح الملوك بتقدير شعار الملكيه راح نتاهل من الرياض....

زعيم قلبي · #10 13/05/2013, 11:38 PM

إذا كان هما عندهم نقطة ضعف واحده ففريقنا الموقر كله نقاط ضعف
المرشدي والزوري واوزايا والكوري والحارس وسعد وزيد على هذا مرب جبان
الله يستر بس

ЯẴẐЎ ღ ẴĹĥiĹǻĹ ₡ · #11 13/05/2013, 11:41 PM

إقتباس

الرسالة الأصلية كتبت بواسطة زعيم قلبي


	إذا كان هما عندهم نقطة ضعف واحده ففريقنا الموقر كله نقاط ضعف المرشدي والزوري واوزايا والكوري والحارس وسعد وزيد على هذا مرب جبان الله يستر بس

انت في وادي والكورة في وادي

Abo_danah · #12 14/05/2013, 03:02 AM

يعني حارسك اللي يطلع في العرضيات

ابو رآكان · #13 14/05/2013, 04:22 AM

اهنيك ع الموضوع بصراحه. عرفت وش تتكلم عنه مو مثل بعض الناس اللي يدور الزله على الهلال علشان يتفلسف ويورينا انه فاهم كوره ... استمر يابطل الله يوفقك ويوفق الهلال

قناص ناشىء · #14 14/05/2013, 04:34 AM

التسديد عندك سالم
والعابد والشلهوب

المشكله العرضيات عندنا

الله يوفق الهلال وتكون فرحة لنا
بالتاهل ونحسمها في الملز

يعطيك العافيه

بدرالرياض1111 · #15 14/05/2013, 11:24 AM

إقتباس

الرسالة الأصلية كتبت بواسطة Abo_danah


	يعني حارسك اللي يطلع في العرضيات

يعني لو ماعندنا حارس وبنلعب بدون حراسة بس بعشرة لاعبين وفريق لخويا نفس الشي و قلتلك هذي فرصة نشوت على مرماهم من نص الملعب بتقولي لا حنا ماعندنا حارس مثلهم اخاف يشوتون علينا؟؟ وش هالمنطق ياخي انا اتكلم عن نقاط ضعف فيهم ومفروض تستغل فهمت لاتجي تقول حنا مثلهم طيب وش رايك تروح بعد لموقع لخويا وتقولهم ترا عندنا ضعف في الحارس والدفاع وتتفق معهم مايهجمونا ولا نهاجمهم
وبعدين انتم ظالمين السديري ياخي شوف مستواه في اخر مباراة الرجل يتطور بس اصبرو عليه حرام تحطمون فية