السلام

ماشاء الله تبارك الرحمن الله لايضرك

من حلو اسلوبك وسلاسته عجزت أخذ نفسي

بس تبي الصدق والله اني موافقك في كل كلمه قلتها

فرحتي في عدم تأهل الهلال تساوي كاس

لعدة اسباب

لعل اهمها

لا نرغب في ان يكون الهلال دكتاتوريا ومرعبا في كل سنه يدخل المربع

فانت رأيت حرص الجميع في عدم دخول الوحش الأزرق للمربع

اضف اننا نمني النفس بمسرحيات هزيله بطلها (( الصحاف الأصفر ))

وثق تماما انهم سيبحثون عن جهه يرمون عليها فشلهم كالعاده

وبما ان الهلال غير موجود فأتوقع ان يكون الأهلي اقرب لهذا الدور

واتوقع ان ينتهي شهر العسل بين الرمذ و البلوي بعد ان يطيح احدهم بالآخر


وأخير دمت سالما ياصاحب القلب الطيب

اخوك الكبير

الحريف

هلا والله وغلا ببدر ولد البطولات :D

موضوع رائع بكل ما تحمله الكلمة من معنى وحجم :)

مالي تعقيب ولا شي إلا على نقطة واحدة فقط وأكيد إنك تبي تعرفها قبل ما أقولها :D وهي :

بالعكس يا عزيزي .. أعتقد أن الأجانب هذا الموسم أفضل من بقية المواسم السابقة حيث أن لكل واحد منهم بصمته الإيجابية على بعض نتائج النادي بكل ما تحمله الكلمة من معنى بعكس المواسم السابقة والتي كنا نحضر فيها أجانب ولا نستفيد سوى من نصف واحد منهم :(

تقبل خالص تحياتي وتقديري يا غالي :)

الهلال طلع من المربع لانه يبي يعطي الفرق فرصه ليحرزو البطولاات

ردووووود بمناسبة خروج المقصووووود.....
 

الأخ الصوت الهلالي..


الهلال يا ثامر محتاج الموسم الكروي القادم شغل جاااامد ،، إضافة ً إلى أموال كثيرة نتيجة لإنتهاء عقود بعض اللاعبين وأهم اللاعبين بالهلال ممن سينتهي عقده هو ( الدعيع) فهذا اللاعب سيُكلف الخزينة الهلالية أكثر من مليونين ريال وهو يستحقها وبعنف :) ..


الإدارة الهلالية عليها من الآن أن تناشد أعضاء الشرف بتوفير مبلغ محترم لتواجه المُعضلات التي ستعترض طريقها ..

فمن الآن لا نـُريد أن يتكرر موقف ( خميس العويران) ....

شكراً لك عزيزي على الإطلالة الجميلة :) وعلى مجاملتك لموضوعي ( العادي) ....

***************

الأخ ابوبسمه
هلا بك ..
الله يسلمك ياخوي .. وألف شكر على المجاملة الرقيقة ...

بالفعل آخر سطرين لك المفروض أن ( نبروزها ) ونبعثها للإدارة ( عن قولة ما ذكرناهم) ..

شكراً لك عزيزي على الإطلالة الجميلة ...

*****************

الأخ زعـــ( اسيا )ـــيم
نقول إن شاء الله ،، وما على المؤمن إلا بالتفائل الحسَن ..

بس بكذا بيصير الفارق ( كبير) وستخرج أنظمة جديدة للحد من خطورة هذا البعبع البطولي الهلالي :)..

شكراً على الإطلالة ..


***************

الأخ الحـــلم الازرق
هلا بك ..


لا نصير طمّــاعين :) .. صدقني نصفها أمر محمود وليس مذموم خصوصاً وأننا راعينا قدرالمُـستطاع أن نراعي ونرأف بالآخرين ..
خصوصاً إن بعض الناس نســــوا ( دَرَج المـنـصّـة) :D...

شكراً لك ...

*******************

الأخ هلالي الخميس
هلا بك ..

ياخوك أنت تقول خمس وأنا أقول ست وماجد(هم) يقول من عام 1415هـ وما ندري من اللي ( حان عليهم ):D..

النصر يا عزيزي صار يجيه ( إظطرابات داخلية) إذا سمع بمباراة خروج مغلوب فما بالك بمباراة على كأس :) بس هالمرّة كأس صدقي وليس وهمي كـبطولات نسمع بها ولم نراها ..

الله يكون في عون إخوانا النصراويين ..
ونصيحة محب لهم .. ( ابتعدوا عن الكورة .. والفروسية تراها شي :) خصوصاً إن كلّ جمعة في سحب يعني تضمنون شي يفرّحكم :) ) إلا إن كان حظيظ ناديكم ملاحقكم هناك فالشكوى لله وأنصحكم بهجر أي شي اسمه رياضة :) ...

شكراً لك عزيزي ...


*****************
الأخ علم ازرق.. شكراً لك ..

*****************

الأخ حبي تيماوي..
هلا بحاتم ..

يا كثر ما رددوها يا حاتم .. لدرجة من كثر الترديد أرفوقها بتواقيعهم بزعمهم قدسوا هالعبارة والله لا أحلف أنهم ما يدرون وش المعنى بس عن قولة ما أرفقنا شي بتواقيعنا يستاهل المُشاهدة :) لأن مثل ما تخبر لا هنا كيسان ٍ جديدة ولا بطولات جديدة :) آخر علمهم بكأس كان عام 1999 م وهو كأس اللعب النظيف واللي رحمهم بلاتر وزيّن نيته وقال عطوهم كاس :) بس لو نقول لبلاتر هالحين تذكر يا بلاتر هذاك الفريق اللي تهورت وعطيته كاس تدري لحد الآن ما خذوا ولا كأس !! بيستهبل كعادته بلاتر وبيقول ولا كأس اللعب النظيف :) خبري به عيّار وإلا عطيتهم كأس مهيب عيارة :) المهم بيقول يا حسافة ( الفشلة من الشعب السعودي منّي ) بأقول له ( لالا الشعب السعودي طيّب ) بس مهوب مغفـّل :) بيقول طيب أجل وشلون رضى جمهور هالنادي بالكأس مادامه مهوب مغفل :) بنقول له ( خلها على الله بالقوة يبونه سعودي :) ) ...

شكراً لك على الإطلالة الجميلة ....

*********************

الأخ 100% هلالي
هلا بك ..

الله يعافيك ياخوي ..

الحمد لله على حال .. الهلال بأسوء ظروفه خذ بطولة :) ومن وساعة وجهه قام يزاحم على الدخول للمربّع :) ..

بس إن شاء الله الموسم القادم راح يشهد نهضة كروية إبداعية بطولاتية هلالية بقيادة ابن مساعد وآد ديموس إضافة ً إلى اللاعبين جميعهم ...

بس نبي تخطيط من الآن .. ووضع إستراتيجيات للموسم القادم بدلا ً من أن نصحو على بداية الموسم أو قبله بأيام كعادة الهلال فيما مضى !!

شكراً لك .....

*******************

الأخ falcon1515
هلا بك ..
أجل مخاوي البطولات سابقاً :D:D:D عيّـــــــــــــار يا عيــّـــار ...

أجل لو تنحرم من البطولات سنتين وش بتسميني :) أتوقع بتسميني ( يا بغضي لاسمك الوهمي ) بخخخخخخخخخخخخخخخ

على الطاري ..
الرمز وشلته طلعوا بخف حنين ..
لابطولات ولا كيسان ولا تمثيل خارجياً ..
يعني الموسم الجاي عندهم 3 بطولات محليّة مع ( رحمة محمد العبدالله الفيصل ) لهم وعزيمته لهم لأنه حس أن الفريق لاااااااااااازم ياخذ بطولة بأي شكل من الأشكال ..

النادي من عام 1998 وهو ( في غيبوبة في المشاركات الخارجية) .. ويكفي أن آخر بطولة حققوها خارجياً كان بفضل هزيمتهم من الشباب عام 1417هـ ( في كأس ولي العهد 3/0) وخيّروا الشباب بين العربية والآسيوية وطلب العربية ( ثوارة ً منه ) وقالوا للنصر (( فرصتك ومهيب حاصلة لك إلا في عام 1430 هـ)) وفعلاً ما خاب حدسهم ..

والمربّع من دون الهلال مثل الثمامة من دون ناس <~~~ لا عاد تشبّه الله يصلح قلبك :( ...

شكراً لك على مرورك ....

**********************

الأخ السلطاني

لا تكفى وأنا أخوك لاتحوس التاريخ لأنه أمانة :)

من عام 98 لحد 2003 ما حققوا ولا بطولة :)
لكن الهلال من عام 2000 لحد 2003 حقق 11 بطولة :)

أتوقع هذا اللي أنت تقصده بس من قوي صدمتك بتاريخهم تلعثمت ( أنترنتيّاً ) :) ..

شكراً لك .....

**********************

الأخ Sambastin
هلا بك ..

صح بدنك .. ياخي عبارة القادم مذهل حقوقها لنقوشي :) إلا إن كنت !!!!! <~~ دُعابة ( ضحوية) <-- يعني بوقت الضحى ..

شكراً لك ..

********************

{ ديل بييرو } شكراً لك ..

********************

الأخ تحدوه البشر
هلا بك ..



ياخي عجزت أرد من خدودي اللي انتفخت وانتفخت وانتفخت إلين سدت على عيوني وصرت ما عاد أشوف الرد :D

كلام والله كبير علي .....

إن كنت قد أبدعت أنا ( حسب ردك) فإبداعي لن يكتمل إلا برؤية يوزرات رنانة .. يوزرات صافية .. يوزرات تخبيء خلفها أناس طيبين ..

شكراً لك وعلى أسطرك والتي سأفتخر بها على مدى حياتي ( الأنترتيّة ) ..

والله يسلمك ويسلم غاليك من كلّ شر ..

****************

الأخ عـــــبــــادي
هلا بك ..

أجل مخاوي التنسيم بخخخخخخخخخخخخخخخخخخ أشوى أن فيه حرف التاء وإلا كان علوم :) ..

وبعدين وش فيه حي النسيم!!
يكفي أنه بشرق الرياض !
ويكفي أن بعده عن الاستاد اللي ربع بطولات الهلال يبعد عنه 5 كيلو ..
شفت أن النسيم حي راقي وحي وسيع صدر :)
ويكفي أن أهل الشرقية أول ما يجون يمرونه قبل العليا :D..
<~~~~ فيوزاته ضاربة لحد الآن :)..

أعوذ بالله من مقولته القذرة ..
والله ياخذها من كورة تسوّي كذا :( ..

بخصوص الأجانب .. وجهة نظري أنه فشل ( قياساً ) على سمعة الهلال ..
فأسماء كــ( ريفلينو ونجيب الإمام ) والتي أتت في وقت كان يسمى شح البطولات الهلالية أين مرادفة هذه الأسماء في وقت يسمى الآن فورة البطولات الهلالية ...!!

نبي يا عبادي أجاني (((( يفيدون )))) وليس العكس .....

شكراً لك عزيزي على الرد المقلع المفعم بنكهة الخبال :) ..

********************

الأخ الحريف
هلا بك ..
عليكم السلام والرحمة ..
هلا براعي الخرج :)

حيا الله هاليوزر اللي منذو مبطي ما شفناه إلا قبل أيام قليلة .. ( وعسى أن يكون المانع خير ) ..

بداية ً يشرفني أن عباراتي جازت لك :) وأسطري راقت لك :).. وتسلسل أفكاري ما أقلعت بك :) ...

بخصوص الصحـّاف فيحلفون أمس ما لقى له عذر إلا ((( وش أسوي !! حش وحشينا ! كذب وكذبنا ! دجل ودجلنا ! قذف وقذفنا! كره وكرهنا! ما لي إلا أعلنها على الملأ بأن الهلال أخذ صحتي ))) :)

والدوري أقرب ما له أهلاوي .. مع إني ممن يرحم ( المتصدر ) دااااااايم لأني مجرّب هالنار وما يحس بالنار إلا واطيها ...

شكراً لك أنت على تشريفك لموضوعي ( المتواضع) قياساً بخبرتك الكروية وتشجعيك القديم العتيق لهلالك الذي لم ولن يتعبك :) ..

حفظك الله من كلّ شر .. وأطال الله عمري وعمرك بالصالحات إن شاء الله ...

*******************
الأخ أبو نواف الزعيم25
شكراً لك ..

*****************
الأخ أفتخر إني هلالي
هلا بك ..

ودّي أركّب اسمك بس ما طاع معي وأخاف إني أطلع من الملة :) .. لذلك حيّاك وبيّاك :D..

عارف تعقيبك لدرجة وأنا أكتب النقطة وأنا داري أنك بتوقف عليها بس أشولى ما حطيتها بالسكنر ( وجه يطلع لسانه ومنقهر بنفس الوقت أنه ما يعرف الطريقة اللي أنت تسويها ) :) ...

يا أبو عبدالله أنا أقيس دايم الأشياء بالشي اللي أنا أبيه ..
فمثلاً أقيس إنجازات النصر بعدد النجوم الذي أخرجها للساحة الرياضية ..
أقيس عدد جماهير الهلال بالإنجازات التي أهداها لهم هلالهم ..
أقيس قوّة شبكة الزعيم بعدد الأعضاء والزوار الذي يدخلون أفضل ساحة رياضية متخصصة لنادي معين لحد الآن ..

لذلك أنا أقيس بحجم ومكانة الهلال دايماً أي ( أجنبي يجي للهلال )
كانشلسكس أول ما جاء ودريت عن عمره ضاق صدري لأني دريت أن ملعوب ٍ علينا ..
سوفو أول مادريت عن تاريخه ودريت عن تفريط ناديه الأخير دريت أن سوفو مقلب بس بحدود ( أدب المقلب) ..
بدرا:( يوم شفت دخلاته على الأوادم دريت أن الولد جاي بفيزة سبّاح مهوب بفيزة لاعب كورة وقدم بعد :( ...

يا بو عبدالله الهلال نادي كبير ، نادي عملاق على المستوى الآسيوي ، نادي أخرج لاعبين يشار إليهم بالبنان ، نادي استقطب أفضل لاعب في البرازيل في وقت التسعينيات الهجرية .. ماودّكم نكحّـل عيونا بلاعب يطربنا وينسينا ( مقالب الهلال ) ..

يابو عبدالله ما بقى بالعمر كثر اللي مضى :(
يابو عبدالله ترى بأصيح :(
يابو عبدالله خاف الله فيني :(
يابو عبدالله مهوب ضارك تجيب لنا لاعب واحد :(

<~~~~ قام يحلم أنه يكلم عضو شرف هلالي قوي :)..

عموماً نفسي طابت من أجانب الهلال .. وأسعد الله لو يصكون الإحتراف عن الهلال بس كوده يصير نادي ويجيب نادي تفيد وليس تستفيد فقط .....

شكراً لك على المداخلة اللذيذة <~~~ ردك انقلب بطاطس داجن <~~ يقدّر بطاطسه :) ....

*****************

الأخ إستهلال الهلال
هلابك ..

عزيزي بداية أهلي بك يا صاحب القلم ( الغير طبيعي ) <~~ وربّي مدحة :) ..

في سطوري الفائتة قلت أن الهلال غامر بالآسيوية ولم أخطيء من وجهة نظري ..
فالهلال غامر بتاريخه وببطولاته وبلاعبينه وبجماهيره ..
الناظر له قبل الآسيوية كان لا يتوقع أن يفعل الهلال ما ينتظره محبوه ..
بالعكس الكل أجمع بأن البطاقة لبقية الفرق الثلاثة فقط ..
لعبنا الأولى وخسرنا .. والثانية وفزنا .. وجاءت القاضية بالثالثة لتكشف لنا سبب خوفنا من هذه المشاركة ..

أعترف أن المغامرة الهلالية لم تكن معروفة سابقاً .. لكن للأسف حالياً أصبحت المغامرة( لفظة ً استسغناها في الهلال الحالي :( ) ..

كلي أمل أن يزين حال الهلال..
وترجع روحه وتثبت ..
لكي تكون الابتسامة مضاعة ..
ابتسامة البطولات ..
وابتسامة المستوى ...

شكراً لك عزيزي ( الرائع كروعة يوزرك) على الرّد الجميل ....


*************
الأخ الظل المفضوح
هلا بك..
أهلاً بالظل المفضوح .. اسمك رااااااااااااايق :)

الجماعة ما تأهلوا ..

وكني أشوف الرئيس الثمامي يقول البارح [ يا حسافة الحب والتهاني الأسبوع الماضي]
ويا ويلنا وياسواد ليلنا من ( طنزة العالم ) !
يقول له ولده ( أبوي لصقها بالتحكيم )
يقول له ( يا ولدي أشوى أننا محناب برّا وإلا كان أنا ويّاك كفيلنا وغارمنا دايماً الهلال ) ...

الحمد لله على كلّ حال وأنا أخوك ..

وألف شكر ياراعي اليوزر الرايق :)
<~~~ ودّه يقوله بكم حادّه :) ..


**********************

الأخوة عضو مجلس الوزراء..شلهـ10ــــــــوبوه..nawwaf2200..
شكراً لكم شكراً مكعّب ..


*****************

تحياتي للجميع ..
والله لايوريكم شرّ إن شاء الله ..

م خ ا و ي ا ل ب ط و ل ا ت <~~ ياوالله الفراغ :D.....

يعطيك الف عافيه


بس كذا كاشو ؟؟ طيب ما تسجل لهم ولا عليهم

والله صعبه

ولا اقولك غلطان اللي يلعب مع الكبار

مشكور وماقصرت يا مخاوي البطولات