قضايا هلالية وحلول جذرية - نادي الهلال السعودي - شبكة الزعيم

عـــواكيس · #1 12/05/2003, 04:47 AM

[ALIGN=CENTER]بسم الله الرحمن الرحيم

السلا عليكم ورحمة الله وبركاته

كيف الحال جميع وش الأخبار وعساكم صحيحين ان شاء الله

اللاعب الاجنبي

وبما أني ما أحب الهذرة جيت ومسكت نفسي على جنب وقلت يا ولد ليش ما تنقز للمكسيك و تفتش لك على لاعبن يبرد التسبد وخصوصا أن الغريب وصاني على هالمكسيكيين وقال تراهم زينيين ياليت تجيب لنا على دربك لاعب حريف ويدل "القده" قلت للغريب أنت تأمر وحنا نطامر أول ما ينزل الراتب بنقز و أجيب لك لاعب، أول ما طلع الرويتب حجزت على المكسيك و لحظة ما طبيت المكسيك "تقل إني ناط من جدار" قلت للسواق و أسمه "سكستوو" يعني لم نترجمة يصير "سته توون" قلت له أبيك توديني لحراج اللاعبين و أبي اشتري واحد وأشحنه للهلال قال سيكستو الهلال ما غيره قلت ايه هو قلت تعرفه قال يا شيخ ابو خالد مقطعكم بالجرايد عندنا كل ما ضاق صدر الصحفيين سووا معه لقاء قلت يا سكستوا الحراج وخل عنك الهذرة و انطلق صراحه السواق يدل الديرة "وش هالمعلومه يا عواكيس لا من جد ذهين" صراحه ما توقعت أنه تسذا بغمضة عين إلا و حنا بأستراحة موجودة على "القاسيم رود" تراهم نفس تفاصيلنا يالعرب وبهم من دباشتنا شوي يوم دخلت الأستراحه إلا وكل واحد رابطن له ما بين ثمان طعش وتسع طعش لاعب ويحوم بهم في هالأستراحه وأنا ما غيرأقلبهم وكل ما قدمت عرض وقلت لهم الهلال السعودي اللي يقول نو نو بليز ايث يثلمني من لثان ابو كالد "وش يسلمني من لسان ابو خالد" ابو كالد موت انا واللي يطلب مليون وسكستوا يقول خلي يولي هزا نصاب هزا راتب هنا مئتين واثنعش دولار ومن دون مقدم عقد "سكستوا منصح" وا نا احاول فيهم لمحت عيني لاعب عليه عصاقيل يهفهفن وعيونن يزغللن وشعيرات على الجبين ينثرن قلت يا سكستو قال يالبيه قلت هذا هو مرادنا ألحقه يوم لحقناة و إلا هاك الرجال إللي سام عليه وشراه وركب تاكسي ركب وإلا كوع ههه كوع و إلا بزبوز هههه عاد فسروا كلمة بزبوز ايه هين"مملوح يا عواكيس اخلص بس" وأنطلقوا قلت ما بدهاش ألحقهم قال سكستو اللاعبين واجد نق لك واحد منهم قلت ما أبي إلا ابو عصيقيلات قال أركب نلحقهم قلت يالله بسرعه قال وش فيك مستعجل قلت تراني حار وعصبي بسرعه قال سكستو حط بالبريق أمية يا عواكيس "الله يقطع شيطانك يا سكستوا ذكرتني بقصة واحدٍ كاشتٍ مع ربعن له وهذي اول مره يكشت معهم وعلى باله يحب الشغل من أطلعوا لين انتصف الليل وهو ما غير يا يغسل صحون يا تنظيف سيارات يا كنس تراب وينظف البر ما يفر بالمخيم فر وهم قاعدين عقب ما تعشوا قاموا ثنين بيشترون أغراض من اقرب محطه وتأخروا قام واحد منهم قال ماتلاحظون انهم تأخروا وكان معهم واحد كبير بالسن وبارد وهم يحتسون مع بعض قال لهم حطوا بالبريق أميه إلا خوينا يقول للبارد احط بالبريق ماء قال ايه قم حط" ما صدق خبر سكستو طار فيني ومن شارع لشارع وطارة الكرفته وانفك الحزام "بس من جد من جد والله يا سواقتهم تفقع القلب السواق اللي كان معي ما يعترف بالإشارات نعن أبو شيطانه والمصيبة يقطع الإشارات وقدام الشرطة لا ويسلمون عليه بعد، يوم إني سألت عن سكستو قالوا لي أنه كان وزير الداخلية السابق "كبيرة لا من جد كبيرة" وأستقال حب يأمن مستقبله وأشتغل سواق " نرجع لموضوعنا وما فيه غير مناط للأرصفه لين حدينا التاكسي وجريت اللاعب من شوشته قلت شاريك شاريك باللي انت به المهم وافقوا ولفيت اللاعب و"دعسته" في كريتين كان معي ورحت المطار وحطيت لاعبنا مع العفش يوم جيت أركب الطيارة إلا و أشوف سواق الطيارة "حشى موب طيارة يا عواكيسي هذا توبيس خط البلدة" المهم شفته مشتري له قويريره ويبي يسوقنا "هم يقولون إنا حنا أرهابين ونخطف طيارتهم ونفجر مبانيهم هم ما يشوفون طيارينهم هالسكارى وشلون يسوقون بخلق الله" عاد انا تعنقطت في باب الطيارة مانيب راكب لين تغيرون السواق والمضيفات كل وحده ما غير تجرّن من جهه وتقول حالفتن عليك إن تركب ما تردن يا عواكيس تعوذ من ابليس ما راح يشرب القويريره مشتريها للذكرى قالت مادام أنها ذكرى تراه بحل وركبت و يوم أنطلقنا وطارت الطيارة وهي مقلوبه "مقلوبة وإلا مندي ههه لاتنكت" لين أنخلونا نخل وطاح اللاعب في حدى المحيطات ما أوصيكم تناوبوا على السواحل لين يوصل ما وصيك العوام انتبه له تكفى ترى الكرتون كان كرتون شطة كرستال ومربوط بحبل لونه أصفر والعقدة لونها أحمر .

الرمز والتخلص من غثاه

سويت أجتماع مع كبار الإقتصاديين في أمريكا أنتم عارفين ان السوق الأمريكيه ماهيب تشجع هالايام و انا أتمشى في هيوستن شفت لي كم واحد واقف بطرف الشارع معهم دفاتر وخرامات وبرايات أبد مثل السباكين عندنا في الأضحى إذا مسكوا لهم سواطير تقل انهم جزارين قلت وش عندكم قالوا السوق نايم ونبي نقدم إستشارات هندسية قلت بس جابكم الله تعالوا عندي لكم إستشارة و أبي رأيكم قالوا هات وش عندك جبت لهم أشرطة لأبو خالد وتصاريح ومقابلات وسردت لهم تاريخ البطولات النصراوية فصفصته لهم قلت ابي حل لي هالغثيث قالوا شف بنعطيكم كم حل
(1) خلوا دكة الأحتياط خلف البيبان علشان تقضي المباراة وتبدأ المباراة الثانية وهو متورط وين يحط رجوله ويلتهي عنكم.
(2) قبل كل مقابلة أطلبوا منه يردد جملة فيها حرف الصاد راح ينتصف الليل ويبدأ اليوم الثاني وهو غرقان بسعبيله وعلى بال ما تجي فرق الانقاذ والغطس إلا تكون الحرارة بردة وتسذا تلهونه عنكم ، بحكم ما عندنا حرف صاد بالأنجليزي وابغى اوكلكم "ههه اوكلكم ولا اشربكم " أنتم يالعرب جيبوا لنا جملة.
(3) الغاء النقل التلفزيوني واقفال الصحف وتشويش الأذاعات وهذولي اسهل من انه يعقل او احد يوقفه عند حده.

وبختم الموضوع بأبيات من قصيدة قديمة إهداء للأخ الغريب بعدي والله

يا أزرق ترى مجدك تعلّى ولا طاح
مجدٍ بـنـيـتـه أعـوام عـاده قـديـمة
مهما تــنقّص مجـدك الـيوم نـبـاح
ما أظن ضر السحب سب وشتيمة
رمز الخزي دايم على السب رداح
يشـيل ويضرب ما يعرف الحشيمة
قـال العـقـيـم ورددت له الأشــباح
من حـر ما يـوجـس بدأ بالظـليـمة
مـدري متى يـفهم ترى العز بكفاح
ما هـو بـكـثر الهـرج وإلا النمـيمة
هذا الهلال الي عن المجد ما راح
يأخذ من أطـراف الفخـر كـل قـيمة
ياهـلال فرحـك بالوطـن دوم فواح
ماهوب مثـل الغـير فـرحة يـتـيـمة
يا عـل عــزك عـاليٍ ما بـه جـراح
وتعيش يا أزرق بالفخر والحشيمة
وغيرك يعيش المجد نباح وصياح
ويلعب على عقولٍ تهز كـالبهـيـمة

لا خلا ولا عدم منكم يا هلاليين مشتاقين لكم والله نشوفكم على خير ان شاء الله[/ALIGN]

100% هلالي · #2 12/05/2003, 05:15 AM

هلا والله عوايكس

ههههههههههههههاااااي الله يهي رحله ..

تصدق ودي لو أنا مخاويك .. كان ما تلقاني إلا بالملاهي .. وأنواع الكرف بسكستوو لاكن ألله فكك ..

إلا أنت رايح للمكسيك وإلا للهند

ليكون غلطان بس ..

مادري ياخي أحس إنك تتكلم باللغه الهنديه .. أو إن خويك السواق هندي حداهن

أجل الرمذ إشتهر بالمكسيك .. وكلن يتكلم بووووه .. وعن سوالفوووه .. وعن هرجوووه الطويل .. ويدرون إنه حاقد على الهلال

أجل هو الي مخرب علينا الصفقات .

الله يقطع شيطانك .. ويونسك بالعااافيه والصحه .. والسلامه .. ;)

وتسلم يا بعدي على هل أبيات

تحياتي لك يالغالي والله يرجعك بالسلامه .

مجلس اللوردات · #3 12/05/2003, 08:01 AM

للتقبيل لاعلي سعر

ابو محمد الهلالي · #4 12/05/2003, 02:22 PM

الغالي .. عواكيس

إقتباس


	كيف الحال جميع وش الأخبار وعساكم صحيحين ان شاء الله

بخير ونعمة يالله لك الحمد .. والسؤال عنك

الله يرجك رجا كثيرا مثل مارجيتنا

.. موضوع خيالي لايجيده الا من لديه نفس الصنف

إقتباس


	1) خلوا دكة الأحتياط خلف البيبان علشان تقضي المباراة وتبدأ المباراة الثانية وهو متورط وين يحط رجوله ويلتهي عنكم. (2) قبل كل مقابلة أطلبوا منه يردد جملة فيها حرف الصاد راح ينتصف الليل ويبدأ اليوم الثاني وهو غرقان بسعبيله وعلى بال ما تجي فرق الانقاذ والغطس إلا تكون الحرارة بردة وتسذا تلهونه عنكم ، بحكم ما عندنا حرف صاد بالأنجليزي وابغى اوكلكم "ههه اوكلكم ولا اشربكم " أنتم يالعرب جيبوا لنا جملة. (3) الغاء النقل التلفزيوني واقفال الصحف وتشويش الأذاعات وهذولي اسهل من انه يعقل او احد يوقفه عند حده.

والله اللي جبتها .. بس احسن حل اول شئ نحطه ورا الباب <== فروم القاسيم رود

الله يحفظك في حلك وترحالك

Abu3abed · #5 12/05/2003, 02:29 PM

هلا والله بالعواكيس كلها ..

يامرحبا يامرحبا .. حللت أهلا ووطئت سهلا ..

إقتباس


	(1) خلوا دكة الأحتياط خلف البيبان علشان تقضي المباراة وتبدأ المباراة الثانية وهو متورط وين يحط رجوله ويلتهي عنكم. (2) قبل كل مقابلة أطلبوا منه يردد جملة فيها حرف الصاد راح ينتصف الليل ويبدأ اليوم الثاني وهو غرقان بسعبيله وعلى بال ما تجي فرق الانقاذ والغطس إلا تكون الحرارة بردة وتسذا تلهونه عنكم ، بحكم ما عندنا حرف صاد بالأنجليزي وابغى اوكلكم "ههه اوكلكم ولا اشربكم " أنتم يالعرب جيبوا لنا جملة. (3) الغاء النقل التلفزيوني واقفال الصحف وتشويش الأذاعات وهذولي اسهل من انه يعقل او احد يوقفه عند حده.

اما اقتراح انهم يحطون الاحتياطيين ورى البيبان اقتراح منسم .. واتوقع ان البضاعة هالمرة مفعولها قوي

الا وشلون بيحط رجله جعلها للكسر ؟؟؟
اتوقع انه على حسب الهجمة .. اذا صارت الهجمة لحميره رزّها على قدام .. واذا صارت الهجمة على حميره يحطها على ورى ..!!!

طبعا انت بتقول يابوعابد وراك غبي لانه اذا حط رجله على ورى بيطيح !!!! أجي انا ارد عليك وأقول ان اللي معهم ابتدائية مايدرون هم يطيحون ولا لا اذا مدوا رجلهم على ورا ..

ويالله انك تحيي عواكيس ..

كثّر منها · #6 12/05/2003, 07:47 PM

هههههههههههههههههههههههههه موضوع مصرقع

شكرا

البارق · #7 12/05/2003, 11:04 PM

[ALIGN=CENTER]مرحبا مرحبا .. بـ عواكيس..

إقتباس


	كيف الحال جميع وش الأخبار وعساكم صحيحين ان شاء الله

كانك صحيح فحنا صحيحين..

..

أما الحين فحنا بخير وصحة وسلامة .. ما نقصنا إلا شوفتك يالغالي ..

إقتباس


	إقتباس من مشاركة عـــواكيس [ALIGN=JUSTIFY](1) خلوا دكة الأحتياط خلف البيبان علشان تقضي المباراة وتبدأ المباراة الثانية وهو متورط وين يحط رجوله ويلتهي عنكم. (2) قبل كل مقابلة أطلبوا منه يردد جملة فيها حرف الصاد راح ينتصف الليل ويبدأ اليوم الثاني وهو غرقان بسعبيله وعلى بال ما تجي فرق الانقاذ والغطس إلا تكون الحرارة بردة وتسذا تلهونه عنكم ، بحكم ما عندنا حرف صاد بالأنجليزي وابغى اوكلكم "ههه اوكلكم ولا اشربكم " أنتم يالعرب جيبوا لنا جملة. (3) الغاء النقل التلفزيوني واقفال الصحف وتشويش الأذاعات وهذولي اسهل من انه يعقل او احد يوقفه عند حده.[/ALIGN]

والله إني تأكدت مليون بالمية من إن البضاعة موجودة للحين ..

إقتباس


	إقتباس من مشاركة عـــواكيس [ALIGN=CENTER]وبختم الموضوع بأبيات من قصيدة قديمة إهداء للأخ الغريب بعدي والله يا أزرق ترى مجدك تعلّى ولا طاح مجدٍ بـنـيـتـه أعـوام عـاده قـديـمة مهما تــنقّص مجـدك الـيوم نـبـاح ما أظن ضر السحب سب وشتيمة رمز الخزي دايم على السب رداح يشـيل ويضرب ما يعرف الحشيمة قـال العـقـيـم ورددت له الأشــباح من حـر ما يـوجـس بدأ بالظـليـمة مـدري متى يـفهم ترى العز بكفاح ما هـو بـكـثر الهـرج وإلا النمـيمة هذا الهلال الي عن المجد ما راح يأخذ من أطـراف الفخـر كـل قـيمة ياهـلال فرحـك بالوطـن دوم فواح ماهوب مثـل الغـير فـرحة يـتـيـمة يا عـل عــزك عـاليٍ ما بـه جـراح وتعيش يا أزرق بالفخر والحشيمة وغيرك يعيش المجد نباح وصياح ويلعب على عقولٍ تهز كـالبهـيـمة [/ALIGN]

صح لــســــانـــك..

أثرك منتب سهل ..

شكل ذيك الحارة تخرج مبدعين ما شاء الله عليهم..

موضوع لا يجيد كتابته إلا شخص واحد فقط .. هو " عواكيس " .. فلك جزيل الشكر على هذا الموضوع ..

تقبل تحياتي يالغالي ،،،

أخوك / البارق

[/ALIGN]

الغريب · #8 13/05/2003, 12:31 AM

هلا والله بعواكيس قلبي

إقتباس


	وخصوصا أن الغريب وصاني على هالمكسيكيين وقال تراهم زينيين

بس تراني كنت أقصد اللاعبين !!!

;)

إقتباس


	(1) خلوا دكة الأحتياط خلف البيبان علشان تقضي المباراة وتبدأ المباراة الثانية وهو متورط وين يحط رجوله ويلتهي عنكم. (2) قبل كل مقابلة أطلبوا منه يردد جملة فيها حرف الصاد راح ينتصف الليل ويبدأ اليوم الثاني وهو غرقان بسعبيله وعلى بال ما تجي فرق الانقاذ والغطس إلا تكون الحرارة بردة وتسذا تلهونه عنكم ، بحكم ما عندنا حرف صاد بالأنجليزي وابغى اوكلكم "ههه اوكلكم ولا اشربكم " أنتم يالعرب جيبوا لنا جملة. (3) الغاء النقل التلفزيوني واقفال الصحف وتشويش الأذاعات وهذولي اسهل من انه يعقل او احد يوقفه عند حده.

وإن سوينا الأخيرة تضمن مايطلع بإذاعة المدرسة ؟!!!

[poet font="Tahoma,4,black,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,teal" filter=""]
يا أزرق ترى مجدك تعلّى ولا طاح
مجدٍ بـنـيـتـه أعـوام عـاده قـديـمة
مهما تــنقّص مجـدك الـيوم نـبـاح
ما أظن ضر السحب سب وشتيمة
رمز الخزي دايم على السب رداح
يشـيل ويضرب ما يعرف الحشيمة
قـال العـقـيـم ورددت له الأشــباح
من حـر ما يـوجـس بدأ بالظـليـمة
مـدري متى يـفهم ترى العز بكفاح
ما هـو بـكـثر الهـرج وإلا النمـيمة
هذا الهلال الي عن المجد ما راح
يأخذ من أطـراف الفخـر كـل قـيمة
ياهـلال فرحـك بالوطـن دوم فواح
ماهوب مثـل الغـير فـرحة يـتـيـمة
يا عـل عــزك عـاليٍ ما بـه جـراح
وتعيش يا أزرق بالفخر والحشيمة
وغيرك يعيش المجد نباح وصياح
ويلعب على عقولٍ تهز كـالبهـيـمة
[/poet]

أوحــــــــــــــي

والله حنا اللي لانخلا ولانعدم

استلحقنا بالله بشوي من البضاعة شف موضوعي الأخير طالع فيه كآبة !!

أبو ناصر · #9 13/05/2003, 02:35 AM

لا هين .. صحيح ( عواكيس ) بشحمه ولحمه وصرقعته منزل موضوع جديد ؟!!

يا هلا وغلا والله ومليوووووووووووووون مسهلا .. هلا بالغااالي والله

ويقولون ان الهلال ما حقق الا بطولة واحدة هالموسم !!! اكيد ما دروا برجعتك لنا ;)

يا هلا وغلا والله بهالطلة .. ويا كبر حظنا بك و بموضوعك

أبـو هـيـا · #10 13/05/2003, 03:25 PM

إقتباس


	اسفرت وانورت بعواكيس .. صمت وافطرت على ابداع .. الله لا يخلينا منك .. تحياتي

ريــاض القلب · #11 14/05/2003, 09:55 PM

إقتباس


	اسفرت وانورت بعواكيس .. صمت وافطرت على ابداع .. الله لا يخلينا منك .. تحياتي

عـــواكيس · #12 17/05/2003, 03:43 AM

ما عليش شباب الله يسلمكم شكرا لا شكر على واجب الله يعدي عنكم انعم الله عليكم صحه وعافية يجي منكم اكثر ما عليك زود امسك اعصابك

رتب ما سبق ولكم جايزة من منتدى سامي

تسلمون جميع نشوفكم على خير الله يحفظكم لعين ترجيكم

رعبووووووب · #13 17/05/2003, 09:34 PM

ووووووووربى انك وسعت صدرى.....

بصررررراحه موضوع أليم..

بس عاد لا تقطع ننتظر موضوعك الجديد.....

يارب ما يتاخر علينا فى موضوعه الجديد...

ما نبى نتعبك موضوع يومى يالله نقول موضوع اسبوعى....

الف شكررررررررررر لك ياالغالى......

الرهيب2004 · #14 18/05/2003, 01:35 PM

إقتباس


	إقتباس من مشاركة رعبووووووب ووووووووربى انك وسعت صدرى..... بصررررراحه موضوع أليم.. بس عاد لا تقطع ننتظر موضوعك الجديد..... يارب ما يتاخر علينا فى موضوعه الجديد... ما نبى نتعبك موضوع يومى يالله نقول موضوع اسبوعى.... الف شكررررررررررر لك ياالغالى......

ابو سعد · #15 18/05/2003, 02:10 PM

** الغالي والمبدع والمتميز و(( القاطع )) .. عــواكــيــــس ،،،

أولاً :: حمد الله على سلامتك وياهي منوٌرة شبكة الزعيم بعودتك .. تكفى لا تخفت مرة ثانية ..

ثانياً :: ألف ألف مليووون شكر على هالموضوع (( المرستك )) و (( الزاحف )) اللي من زينه ودي أزلطه ..

ثالثاً ::

إقتباس


	(1) خلوا دكة الأحتياط خلف البيبان علشان تقضي المباراة وتبدأ المباراة الثانية وهو متورط وين يحط رجوله ويلتهي عنكم.

أقول والله انه اقتراح ماهوب صاحي .. والله ياهو بـيـدج خوينا وهو يدزلب برجيلاته .. الظاهر انه بالأخير يبي يهوٌن يقعد مع الاحتياط ويحط مركازه على المنصة حتى تضبط معه حركة الرجل على رجل ..

رابعاً :: كان ودي أفصفص موضوعك بس العتب على السهر .. عين مفتحة وعين حاطة رجل على رجل ..

خامساً ::

إقتباس


	سويت أجتماع مع كبار الإقتصاديين في أمريكا أنتم عارفين ان السوق الأمريكيه ماهيب تشجع هالايام و انا أتمشى في هيوستن

أثيرك فيذا

..

سادساً :: لا تحرمنا هالطلة الرااااائعة ..

سابعاً :: تقبل خالص تحياتي ..