مــــــاتت ,,, ولــــــكن .. - نادي الهلال السعودي - شبكة الزعيم

عـــــبــــادي · #1 12/05/2003, 01:16 AM

[ALIGN=CENTER]بسم الله الرحمن الرحــــــيم

الـــــسلام علــــــيكم ورحمة اللــــــه وبركاته .. تحية طيبة لـــــكم ..

المهـــــــــم مــــــا أبي أطول علـــيكم ,, وبـــــأقولكم القصة اللي صارت مــــــعي وعشتهـــــا بـــكل فصــــولهـــــا وأحدثـــــها ...

الــــــسالفة ..

يـــــــوم الخميس مـــا قبل المـــاضي بـــعد أن صليت المغـــــرب وذهبت لشــــراء بعض الحاجات وأنـــا في طريقي دق عــلي عمــي وقـــــال أبوك موجود قلت مـــــا أدري ليش مــــا تدق على جواله .. قــــال جواله مــــايرد علــــيها ,, الوالد مــاكان موجود المــهم قال لي أبيك تمرني بالجمس عشان زوجة كـمال توفت اللــــه يرحمه ونبي نوديـــــها للمستشفــــــــى ..

مـــن هـــو كمـــــال

..
كمــــــال عــامل تحت كفالة عمي مصري الجنسية ومتزوج وعنده من الأطفال 7 .. 5 ذكور وبنتين .. اللـــه يخليهم له ويعينه اللــه عليهم ..

قلت له للأسف أنـــا لا أملك مفتاح الجمس بأمرك الأن ونشوف لنـــــا حل ..

قــال بســــــرعة .. المهم سكن كمال قريب من عندنــا ورحت لعمي ,, قلت له مــــالك ألا الاسعاف ..
وندق على الأسعاف والله مــــا قصروا ربع ساعة الا هم عندنــــا المهم ورحنــــا للشميسي ,, أو مجمع الرياض الطبي .. [/ALIGN]

[ALIGN=CENTER]المشكلـــــــــة .. [/ALIGN]

[ALIGN=CENTER]الحرمة مـــاتت قبل صلاة المغرب تقريـــبا .. والاسعاف لم يصل إلا بعد صلاة المغرب بــ 30 دقيقة وصلنــا المستشفـــى حوالي أذان العشـــــاء .. تخيلوا تخيلوا .. أقسم بالله .. قاعدين حوالي ساعة أو ساعة ونصف عشان يجي طبيب ويكشف عــليها ويكتب التقرير .. المهم إنا إنتظرنا إلين جـاء طويل العــمر وتكرم وفحص وقرر وكتب التقرير بأن الوفاة نتيجة سرطــان في الرأس .. وأن الوفاة طبيعة يعني لــــم تقتل أو كذا .. المهم,, أنــــا قلت لزوجهـــا يـــــا أخي أنت مــاتدري إن معها هذا المرض قال لي لا أنـــا عارف وكنت براجع هنـــا في الشميسي وكــانوا يعطونهـا إبر و أدوية ويقولون سليمة وإستمري علــــى العلاج وإن شاء الله بتشفين ..

الدكـــــتور الي فحصــــها يقول أن السرطان لعب في رأسها لعب يعني مـــا خلى شيء .. اللـــه يرحمهـــــــــا إن شـــاء الله .. وزوجهـــا يقول إنـــها قبل أسبوع أو أكثر كــانت جسم بلا عــقل وحــاولت إني أراجع معه وجيت هـــــنا في المســـتشفى ولـــكن (( لا حياة لمن تنادي )) ..

المــــهم الدكتور قرر إنهــــا تدخل إلى ثلاجة المشفى ,, وتسحيب في الاسياب وإستهتار ورفع ضغط وطقــــــاق وملعنة

إدارة سئية ومشفى اســـــوء ..

تصوروا المسكينة لـــم تدخل الثلاجة إلا حـــوالي الساعة الواحدة بـــعد منتصف الليـــــل .. كله مـــن المستشفى الله لا يجزاهم خير ,,

نروح لــذا يرسلنـا لذا وتقرير في تقرير .. وياليت تكــلم لك نــاس فاهمه والا عــــارفه .. والله مــا طحنـــا الا في ممرضات فلبينيات وهنوووووود

شيء يرفع الضغط مـن جد .. [/ALIGN]

[ALIGN=CENTER]المصيبية [/ALIGN]

[ALIGN=CENTER]عـــــندنا في المملكة لا تدفن الاجنيبة أو الاجنبي إلا بأمر من السفارة التابع لهـــا .. تصدقون رحنـا للسفارة من الغد ولم نجد أحد .. مـــا لقينهم الا السبت الجمعه عطلة .. المهم من جنوب الرياض إلى حي السفارت كل يوم سبت وأحد وأثنين وثلاثاء .. وحــــنا نقول ياليل مــا أطولك .. عشان ورقة توقع .. المهم وبعد عـــناء وواسطات وشغل .. وقعت الورقة ووافقت السفارة .. ودفنت المسكينة بعد أن صلينا عليــــها يوم الثلاثاء عقب صلاة المغرب ..

رحمها الله وأسكنـــها فسيح جناته .. [/ALIGN]

[ALIGN=CENTER]####################

الموت حق ..

قـــال تعالى (( كــــل نفس ذائقة الموت )) ..

ولكـــن مـــا حدث من قبل الشميسي والسفارة المصرية فاجعة .. ومصيبة والا حرمة تموت يوم الخميس ولا تدفن ألا بعد 5 أيام من وفاتها لا وبعد حب خشوم وواسطات ..

حبيت أعرض لكم المشكلة اللي واجهة عمي وأنـــا معه ويــــــامى واجهت نـــاس كثـــير .. وبمــا أننا نملك عقول وأقلام مميزة في هذه الشبكة .. حــبيت أنــاقشكم فــي هذه المشكلة ونبي حلول لهــا فنحن نملك الكثــــير من الإمكانيات فصوتنــــا مسموع وحلولــــنا مقروءة وشهرتنــا فاقت مستوى الحدث والكل يعرفنــــا الصغــــير ,, قـــــبل الكبير ..

فــــي إنتظار آرئكم وحلولكم .. [/ALIGN]

[ALIGN=CENTER]تــــقبــــلوا اجمـــل واصدق تحــــياتي محبكم عـــبــــادي

[/ALIGN]