ابغا اوصل رساله لمحمد القرني ممكن تعطوني رايكم لمصلحة اللاعب
 

السلام عليكم

الف الف الف مبروكم التأهل بكل جداره وماخاب ضننا برجالنا

موضوعي عن محمد القرني

اللاعب جيد نوعا ما ومع مرور المباريات لازم يطور وحنا هنا لازم نشارك بتطويره بملاحضاتنا له والحلول

مكان محمد القرني حساس جدا ويعني ماعندنا غيره يقطع كور وخاصة جوستافو ماشاء الله عليه ضعيف جدا بقطع الكور احس ان نسبته بالفيفا 37 بالاعتراض

لكن محمد القرني يعتبر جيد بقطع الكور ومع مرور الايام ولعب المباريات راح يتحسن لكن في ملاحظات من زمان اشوفها في محمد القرني

ثلاث ملاحظات

1 التسديد
2 التمركز
3 الاحتفاظ بالكوره

التسديد دايما محمد القرني عندما يكون خارج منطقة الجزاء للخصم اول مايفكر فيه التسديد وهذا شي سيء لازم هو صح في كور لازم يكون فيها تسديد لكن كثير لما نشوف الخصوم امامه يبغا يشوت وهذا يضيع مجهود اللاعبين

التمركز في حال الهجمه على الهلال المحور لازم يكون في القوس او داخل المنطقه امام الدفاع الهلالي ولكن الكابتن نشوفه باماكن غير هذي ارجو ان ينتبه لها

الاحتفاظ بالكوره ياكابتن محمد انت محور ودايما تراوغ في منطقتك وهذا شي خطير وعندك جمهور لايرحم يعني حاول ان الكوره تطلع من رجلك بتمريره وخل المراوغه بعيد عن هذي المناطق

وشكرا والموضوع نصيحه ونتمنى للاكبتن محمد القرني كل التوفيق فهو مستقبل للهلال

محمد القرني مستواه يحتااااااججج الى كثيررر من التطوير
كوراته دايما مقطوعه تمريراته خاطئه يرتكب اخطاء مالها داعي ويسبب فاولات
بس مثل ماقلت انت ممتاز هو بقطع الكور
بس الله يوفقهه وان شاء الله يطور مستواه

بالعربي

لاعب لا يتماشى مع طريقة و مستوى نادي الهلال

انسان بطيئ

يبغا له يعب في حلقه من حلقات الكبتن ماجد

يبغاله 3 دقائق على شان يثبت و دقيقتين على شان يفكر و5 دقائق على شان يشتت الكوره

محمد القرني لاعب جيد وان شاء الله فيه الخير والبركة ورح يقدم نفسه بشكل جميل صحيح نقاطك جميله

ولاكن مع مرور الوقت رح يتطور ويكون للأفضل دامع مع نادي الزعيم لا خوف عليه هناك خبراء ولاعبين يستطيعون إرشاده مثل ياسر والشلهوب ولا ننسى ان المدرب في هذي الأمور صارم لان محمد القرني موقعه حساس جداً بتوفيق له بما يخدم الكيان الملكي

محمد القرني لاعب جيد ولكن ارجو منه ان يبتعد عن السهر وبعض الاعبين الغير منظبطين

هههههههه
مع اني اتمنى امدح او اثني ع اي لاعب يمثل الملكي الا ان ردك فعلا عجبني وهذا الواقع هههههه
اتمنى يطور نفسه او تتاح الفرصه للعازمي ف مكانه
لانه والله يجيب الظغط ف نص الملعب المفروض المحور ما يتفلسف الله يذكر ايام عزيز بالخير
بس ذا يبقى 6ايام يمسك الكورة و يطيح ويقوم ويرجع يطيح ويقوم وف الاخير تنقطع او يناول خطا ما يشوف قدام بس يناول يمينه يسارة ذبحني والله هههههههههههه

مع جميع احتراماتي للاعب

فهو يحتاج الا تطوير بشكل كبير مع جميع احتراماتي

1 . ﻻعب يحتفظ بالكرة بشكل غير طبيعي

2 . عنده هوس بالتسديد ما نجي هجمه الا شات

3 . يرتكب فاوﻻت غبية كثيرة

4 . تمركزه سي

اتمنى يحسن مستواه فهو صغير في السن

القرني كماهو معظم لاعبي الفريق صغار بالسن وقابلين للتحسن ويحتاجون لجهد اكبر منهم ومن المدرب اتمنى عليه التركيز العالي طوال المباراه وعدم المحاوره في حال تقدم زملائه ويحتاج لتمارين القوه في الاشتراك والرقابه اللصيقه شكرا لك

ماعليش بس الفيفا صح كلامهم.. اللاعب اعتراضه للخصم سيئ مره... بس يمشي بالملعب.. ويقتل الهجمات ..ويتمركز غلط ويفتح مساحات للخصم...

والله ياجماعة الخير احس هذا اللاعب
لما يلعب مباراه يفكرها 24 ساعه
او كانه بلاستيشن لو تسجل فيه هدف يقدر يعوضه
بسرعه
وانا تابعت كثير مباريات لاولمبي الهلال فيه لاعبين والله مميزين
بس راح اقول لكم من الحين ان نهايتهم الفرق الصغيره
ابن سعيد والعازمي والكعبي هذا ماشاء الله عليه سريع جدا ويذكرني بالدعسه حقت ويلهامسون هههه
وكذلك الجناح الايسر الي سجل الهدف الرابع في النصر
جدا ممتعين
اتمني ياخذون الفرصه ويتم الاستغناء عن المعوقين في الفريق الاول

الجهاز الاداري
 

ااتمنا هالموضوع يوصل للكابتن محمد القرني ،
كفيت ووفيت اخوي وكلامك صحيح ، القرني ولدنا ولازم نوقف معه ،
مادري احس عقله برا المباراه حتى اذا جته الكورة يتاخر فيها ويحتفظ فيها زياده عن اللزوم
او يراوغ في منطقه صعبه او تمركزة ، هذا لا يعني نقلل منه بالعكس لاعب ممتاز لكن يبيلها يطور بنفسه اكثر
ومن حبنا له قلنا هالكلام واتمنا يوصل للقرني والله يوفقه مع الملكي وان شاء الله مستقبل للهلال

يعطيك الف عافيه ياغالي عالموضوع وبصراحه الكابتن محمد القرني علامه استفهام ليس من الموسم المنصرم ولا الماضي ولا اللي قبله .. اخي الكريم اللاعب من يوم ما جا واحنا نسمع اصبروا عليه اصبروا عليه مع كامل الاحترام لهذا القرار ولكن
لايعقل ان يكون اللاعب يقدم نفس المستوى الاقل من جيد في اغلب مبارياته وهفواته الواضحه للعيان بحيث انه لم ولم واكاد اجزم
بانه لا يملك اكثر مما قدم واتمنى اعارته اقل مافي الموضوع ولا الرآي معروف مسبقا" ولكم بالدكه الهلاليه صور . محمد نامي و عبداللطيف الغنام ورضوان الموسى وعبدالله الدوسري >> ما اظن المدرب راح يحتاجهم واسمحولي ماقدر اسميهم احتياط هذه
لابد وان تسمى " دكه الاسبير " وهذا الواقع الملموس من تواجدهم وممكن ماتشوفهم والادهى والامر ابراهيم زايد المعار من الشباب انا ماعرف هل جانا يراقب اللعيبه وما نستفيد منه ولا فلوس زايده ؟!! علامات استفهام كثيره داخل اروقه النادي واتمنى من الاداره اولا" ثم الجهاز الفني بالالتفات لها وان نكون منصفين ولا نجامل لاعب عن لاعب اخر خصوصا" في ظل تعاقد نادينا مع لاعبين صغار في مقبل الايام مما سيجبر الاداره <بدري وتو الناس> لاستخلاص وازاله اسماء بعض منهم لاتاحه الفرصه لمن هم اجدر وشكرا" .

أنا بوجهة نظري محمد القرني لاعب مميز وهو أفضل بمراحل من بليفار , المفروض الأولوية له في التشكيل الاساسي لكي ينسجم اكثر ويتمكن من الخانة ويكتسب الخبرة وفي الوقت الراهن هو افضل الموجودين مع الفرج لما يلعب محور