|
الهلال الوحيد في اسيا , وسالم نقطة نظام , خربشات اسيويــه السلام عليكم ورحمه الله وبركاته مبروووك للزعماااء التأهــل للدور الثاني فريق في الذهاب حقق 3/9 والاياب 9/9 الهلال الفريق الوحيد في اسيا الذي حقق 9/9 من دوري المجموعاات اريد ان ابدأ حديثي الاسيوــي بــ ( سالم نقطة نظام ) لا يختلف اثنين على ان سالم لاعب بارز وقادم للكوره السعوديه وليس الهلال فقط لاعب صاحب لمسات رائعة ولاعب يمتلك المهارره ولكـــن .... ؟ ؟ صانع العاب او لاعب جناح يحرم فريقــه من خدماته في مبارتيــن في البطولة الاسيويه امر مستحيل ان يعدي مرور الكرام لاعب ينال بطاقة حمراء مباشرة في لقاء العين ويضع الفريق في موقف محررج جدا هل تعلم عزيزي الملكي ان سالم الدوسري لاعب الهلالي الوحيد الذي اتى من ايران محملا بكرت اصفر ... ؟ هل تعلم عزيزي الملكي ان سالم الدوسري لاعب الهلالي الوحيد الذي خرج من معركة العين محملا بكرت اصفر .. ؟ من لا يعرف سالم سيقول هذا اما انه يلعب قلب دفاع ايمن او ايسر او انه محور دفاعي خشن جدا لا عزيزي سالم الدوسري يلعب صانع العاب او لاعب جناح ان لأطلب القسوه على سالم ولكن النقطة هاذي من الساذجة ان تمر مرور الكرام هذه النقطة قد تقضي على نجوميــة سالم قبل ان تبدأ اساــسا خربشات اسيويــهـ ** زلاتكو احسن التعامل مع المباريات في لقاءات الاياب بشكل جيد عكس ماكان في لقاءات الذهاب ** فريق يقع في مجموعة نارية ويخرج من الدور الاول بـ 3 نقاط فقط , ويضرب بـ 9 نقاط ايابا ** علينا ان لا نكثر المديح للاعبين فلم نصل للهدف المرجو بعد ** استغرب ان يتخصص ويسلي بتسديد ركلات الترجيح بتواجد محمد الشلهوب المسألة ليس بتضيعه اليوم , بل الشلهوب متخصص هلالي في الركلات الثابتة ** الكوري أصبح الامر مسألة وقت فما كان يمحي سلبياته انه كان ( بثر ) على المدافعين اما الان بدأ احس انه مدافع خامس مع الخصم نهــايــةـ / فريق يحقق الوصافة في الدوري ويتأهل لدور 16 اسيويا وبطل كاس ولي العهد وكل هذه المعطيات وجمهور الهلال غير راضي على الفريق أنهــ كبريـــاء الزعامـــــــة ياسادــهـ :rg: |
شكرا لطررحك الجميل .. سالم الدوسري لاعب امكانياته عاليه جدا انخفض مستواه ومن ثم رجع افضل وبحماس ولكن الحماس الزائد والروح العاليه هي من تسبب الكروت وعن زلاتكو فهو مدرب صاحب فكر كبير وطموح وعاشق للازرق وحماسي ومتناسق مع المجموعه شاهدناه امام كوزمين وفي نهائي كاس ولي العهد في هالمباراتين وضح انه صاحب فكر عالي وعالي جدا واتمنى من ابوفيصل البقاء عليه مع ابعاد الكوري وويسلي +مع تحفظي على بوليفار مستواه بدأ بتصاعد وشكرا |
كلام جميل من كاتب رائع بالتوفيق للملكي في قادم الايام |
شي طبيعي اذا كانت تحركات اللاعب كثيره بتكون الفاولات كثيره سالم لاعب حماسي ومقاتل ويتحرك من صافرة البدايه الى النهايه فشي طبيعي بـ يرتكب الفاولات بالعكس لو تلاحظ وسط الهلال ما اتحرك الا لما اتحركت الاطراف سالم والعابد لازم من الروح والقتاليه ثانيا : اعتراضك بـ انه ليش ويسلي يشوت البلنتي شي طبيعي لاعب نفذ 7 ركلات جزاء في الدوري وما اضاع اي ركلة جزاء شي طبيعي انه اخليه ينفذ هالركله ويسلي متخصص بس بـ هالمره ما فيه توفيق |
سالم لاعب كبير وعني استغربت ان غيابه كان بسبب كرت كان من المفترض انه يتلاشى اخذه واليوم الصراحه بان غيابه هو والقناص اما بالنسبه لفوز الزعيم في جميع مباريات الاياب فماهي غريبه على الزعيم دائما يترك لهم فرصه في الذهاب ويعدي عليهم بالاياب اما البلنتي قدر الله وماشاء فعل الله كاتب لها الضياع وافضل من ينفذ البلنتيات والفاولات القريبه الشلهوب اتمنى تركها له نقطة الكوري واللي هي اهم نقطه اتمنى ما اشوفه يلعب ابداً جاب لنا الضغط وبيجلطنا هالادمي نلعب ناقصين والا يلعب مدافع خامس للخصم اما زلاتكو اتمنى يستمر الموسم الجاي حتى وان ما حقق كأس الملك لانه يستاهل البقاء بالتوفيق للزعيم يعطيك العافيه |
يالغالي سالم كان لازم ياخذ الكرت الاصفر قدام العين عشان يوقف المباراة هاذي لانه الادوار الجايه وخصوصا ال ١٦ الهلال يحتاج لكل لعيبته |
إقتباس:
الف مبروووووك التاهل للزعيم وشكراً سالم ريحتنا من قلق الايقاف في الادوار المهمه |
الله يوفق الهلال((وبخصوص سالم الدوسري لاعب شاب ويحتاج النصيحه من الاداره والجهاز الفني قبل كل شي)). |
هل تعلم ياصاحب الموضوع ان سالم يرجع للدفاع ويلبعب بروح لو اخذ كرت مافيه مشكلة المهم الروح موجودة |
* سالم تعمد الايقاف حتى لا يكون تحت ضغط في مباراتي دور 16 سالم ونواف وعزوز والقرني والبيشي والفرج والشهراني هؤلاء جيل مميز وذهبي ولكن يحتاجون لمدرب فااااهم يستخرج منهم كل إمكانياتهم ويوجههم التوجيه الأمثل وليس مدرب فوز وبطولة فقط لو تلاحظون سالم في تحدي خاص مع نواف والمباريات الاخيرة تشهد الكل يهدف والكل يتحمس وكذا الفرج والقرني والمصلحة للفريق وهذي ظاهرة صحية وكذا الشهراني والزوري ** لم لا يكون ضمن الطاقم الفني مستشار يدون كل مميزات اللاعب وسلبياته المستمرة طوال الموسم ويتم العمل على تكريسها أو تلافيها ضمن معسكر الإعداد والتنبيه عليها (صقل الموهبة) ؟؟ |
كما ذكر البعض سالم تعمد البطاقه بتوجيه يبدو من الاداره لتضييع الوقت امام العين وبصراحة نوعيه سالم نوعيه فريده ويحتاجها اي فريق يتميز سالم بالمهاره وهو يجري باقصى سرعه هذه الميزه تجعل من اي هجمه مرتده فرصه محققه بوجود سالم وهذه الميزه تجعل من اي كوره ميته هجمه خطيره لانه ماشالله بسرعه البرق ياكل ثلاثه او اربعه ولو رجعنا لبعض اهداف الهلال لوجدنا ان الهجمه لو كانت عند غير سالم لما اصبحت خطيره خطوره سالم انه الان اسرع لاعب سعودي يصل للمرمى يخترق للمرمى مباشره اقرب لاعب لاسلوب لعبه هو نواف العابد ولكن سالم يتميز بانه اكثر مهاره واكثر تحكم بالكوره بعد اي مسافه طويه يقطعها اما نواف ممكن ينطلق بسرعه ولكن بالاخير يقل تحكمه بالكوره ولكن ايضا نواف يتميز بالتسديد المحكم بكامل االاوضاع المتحركه والثابته وايضا اكثر جماعيه من سالم هذان اللاعبان هم العلامه الفارقه يحتاجون لاعب بينهم مثل الشلهوب او عزوز يمولهم ويلعب معهم مثلثلات |
سالم يرجع من للدفاع ياخذ الكورة ويدعس للهجوم ماشاء الله بسم الله عليه وبأكثر من مرة تلقون يتفاجأون هجوم الخصم بسالم خلفهم ويقطعهم بطريقته هذيك ياحبي له :s2: لما يقفز كأنه ينسدح ويحط رجله على الكورة وياخذها :ba: اللاعب عنده أشياء كثيرة ومايسوي كل شيء بالطرق العادية الاعتيادية ماشاء الله عليه :ba: أموت فيه هالانسان بالنسبة للكروت مثل ماقالوا لك الاخوان لانك تلقاه بكل مكان بالدفاع وبالهجوم واخر كرت كان عشانه يضيع الوقت بمباراة مهمة وعادي هالشيء الله يحفظه من كل شر ومن كل عين بسم الله عليه والله يخليه لنا مع لاعبينا |
اتمنى بقاء ززلاتكو ... واوزيا ونتنظر مستوى بوليفارا في كاس الملك ... واستغناء عن ويسلي والكوري مطلب مهم .... |
هذي قتالية مطلوبة في لاعب كرة القدم....... تحياتي لك وللجميع |
أنا من وجهة نظري أن الكرت الأحمر لا يستحقه سالم أعتبره خطأ تحكيمي صحيح نتقبل القرار ولكن لانحمله لسالم وأعتقد أيقافه أمام الريان أفضل من إيقافه في دور الـ16 وخاصة أن نسبة التأهل 95 % للهلال ... بخصوص ركلة الجزاء ويسلي نفذ 7 ركلات جزاء في الدوري كلها مسجله ماشفنا أحد تطرق للموضوع تخصص فلان وعلان وآخر شي تقول مو لأنه ضيع اليوم !!!!!!! |
إقتباس:
وصفك دقيق جدا جدا جدا اهنيك على هذي العقلية الرائعة والله بصراحة حيرنا هالزعيم معه ما تدري تحب من ؟؟؟؟؟؟ سالم اللي ما شاء الله عليه بسرعة الصاروخ عيني عليه باردة الله يحميه ولا نواف المدفعجي بتسديدات المرعبة ولا ياسر القناص ولا الشهراني ولا الموهوب ولا الفرج ولا عزوز ولو ان الاصابة حرمتنا منه ولا فهد المفرج اللي ما شاء الله متواصل مع اللاعبين ولا اللحيدان ولا المديد ولا الحسيني اللي كان له دور كبير جدا لا نغفل عنه وهو رفع المعدل اللياقي تذكرون الاهداف اللي كانت تهز شباك الزعيم في الدقايق الاخيرة بسبب نقص اللياقة وغياب التركيز والحمد لله تغير الحال ولا بوفيصل اللي واقف مع الفريق ع الحلوة والمرة ولا الامير بندر بقربه من النادي واحواله الكل يعمل من اجل الزعيم فديتهم ابناء الزعيم كلهم يبهجون القلب :smilie47::smilie47::smilie47::smilie47::smilie47::smilie47::smilie47::smilie47::smilie47::smilie47: :smilie47::smilie47::smilie47::smilie47: يوما ما ستشرق شمس الزعامة من جديد 54 |
ما أعتقد فيها شيء ....؛ سالم لاعب ممتاز .... وأعتقد أنة أسترجع مستواة في الدور الثاني .....؛ ومسألة كثرة الكروت ..... لو تلاحظ هو مايخذ كروت من هجمات ميِّتة .....؛ ياخذ كروت من كرات خطرة بخطأ تكتيكي .... مثلاً .......؛ تحياااتي وباقي الموضوع جميل .....؛ |
سالم لاعب رائع نتمنى ان نراه يتوهج اكثر واكثر ومسالة التحكيم ماتهمنا يهمنا الحمااااس وكل ثانية من عمر المباراة نحتاجها كثيرا العابد الدوسري الشهراني جوستافو الشلهوب اوزيا السدير مع زلاتكو بالصبر والضرب بقووووه في كل مباراة سوف يصلون الى ابعد من اسيا عدم التهاون التكشير والهمة مطلب لكل لاعب ربي يوفق جميع لاعبين الزعيم |
سالم لاعب مهاري وصغير سن يبغاله توجيه فقط اصبرو صدقني بيتعلم من اخطائه اتوقع له مستقبل رائع لو وجد التوجيه والرعايه |
كاتب الموضوع انت تعلم ان من السماجه ان نطالب الاعبين بالروح والحماس وفي نفس الوقت نطالب بعدم اخذ كروت سالم روحه وحماسه تكفي عن 3 لاعبين سبب خروج الهلال من اسيا اللعب الناعم والمثاليه والحرص على اللعب النظيف الذي تسبب في اصابة لاعبي الهلال وتطاول الحكام على الهلال لو كان فيه 6 لاعبي مثل سالم لحقق الهلال كاس العالم سالم شكراً لك وهذا ناتج عن حبك وغيرتك على ناديك ونحن معك . |
الهلال حاليا يمتلك أفضل محليين من فترة جيرتس فترة جيرتس افضل اجانب لازم يا ادارة الهلال تشتغلون على الاجانب مع بقاء بقاء بقاء زلاتكو - نريد الاستقرار - بعدين خلونا نفكر خطوة خطوة باسيا خلصنا مباراة نفكر في اللي بعدها أما على طول عيونا على النهائي لا مايصلح ابد ابد ابد وهالسنه كأننا خففنا ضغط على الاعبين وإن شاء الله فالنا التوفيق |
كلامك عزيزي الذي ختمت فيه : وكل هذه المعطيات وجمهور الهلال غير راضي على الفريق ختمه رهيبة بصراحه عموما مشكور وسالم يكفى منه هدف المركز الثاني المؤهل لأسيا السنه القادمة رغم النقص الذي لعب به الهلال تلك المباراة وكما قلت عزيزي في الاول :لا يختلف اثنين على ان سالم لاعب بارز وقادم للكورة السعودية وليس الهلال فقط لاعب صاحب لمسات رائعة ولاعب يمتلك المهارة . نعم هذا الوصف الحقيقي لسالم الدوسري والحماس وروح الشباب تسبب في الكروت خاصه ان بعض الحكام يطبقون نص النظام ولا يتعاملون بروحه وانت تتكلم عن مباراة في ايران يعنى الاستفزاز في اعلى درجاته والكورى يشكى من الجلوس في الاحتياط والا يملك الكثير وان حصل افضل منه نقول يارب ووسلي كما قال مدير اعماله اول ضربة جزاء يضيعها في تاريخه المتخم بالأهداف هداف الدوري الروماني ووصيف هداف الدوري السعودي رغم ابتعاده قسريا الى منطقة الوسط الهلال حاليا مؤهل لأسيا إن شاء الله |
| الوقت المعتمد في المنتدى بتوقيت جرينتش +3.
الوقت الان » 05:21 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd