|
ماجد المرشدي .... عبدالله الزوري : كلمه حق ولازم تنقال رأيكم ي زعماء بسم الله الرحمن الرحيم السلام عليكم ورحمة الله وبركاته ........................ يازعماء هالموضوع يخص عبد الله الزوري وماجد المرشدي شفنا انتقدات ومو اي انتقدات سواء في المنتدي او المدرجات وبأسلوب ساخر يازعماء مافي ابن انسان ومايخطي او يفقد تركيزه في لحظات على الاساءات والانتقادات الي وجهه للاعبين لماذا لايتم دعمهم وتحفيزهم .؟؟؟؟:rose::rose: انا من متابعتي للمنتدي ماقد شفت دعم للزوري او المرشدي لنفرض ان مستواهم نازل ليه أحنا ياجماهير ندعمهم ونحفزهم (ماراح اضرب امثله في الانديه الأخرى وطريقة تحفيز لاعبينهم ) في الثلاث المباريات الاخيره شفنا المرشدي بدع والزوري ايضاً بدع غلطه و غلطتين ما نحكم على اللاعب فاشل لاعبين كبار غلطوا واستمروا في فرقهم وتعدل مستواهم كله من جماهيرهم بالتحفيز لهم هنا اللاعب راح يشتغل على نفسه اما سب ونقد وتجريح في اللاعب هنا التحطيم انا كنت مره بالمدرجات والزوري كان قريب من عندنا والله من الي سمعته من الجمهور الي الزوري اني اقول في نفسي الله يعينك يالزوري هذا وهم جماهير فريقك ..؟ والي يقلون نريد بديل للمرشدي او الزوري ياليت يطرح اسمه اللاعب هنا وهل هو متاح يعني النادي يقدر النادي يتعاقد معه او لا الانديه متسمكه في لاعبينهم الذين يخدمون فرقهم الدعوه ماهي خلاص مااعجبني هاللاعب شيله وجيب واحد ثاني كأننا داخلين سوبر ماركت ياليت يكون فيه دعم للمرشدي والزوري واللاعبين بعد ككل يجب علينا الوقوف مع الفريق ي زعماء اتمنى يوم اشوف الجماهير حاضره التدريب وتحفز اللاعبين وش راح تكون رده اللاعبين ...؟؟ شفتها في انديه غير الهلال بس في الهلال ماشفتها ان الجماهير تحضر اي تمرين وتحفز اللاعبين ي زعماء كلمه اخيره تراكم محسودين على فريقكم :rose::rose::rose: |
شووووف اذا اللاعب اذا ادى ولعب زين مستحيل احد يتكلم عليه بس هذا اللي ابغى اقوولك ايــاه |
يعطيك العافيه ع الطرح ياخي انا احس جمهور الهلال ماعنده سالفه الاالمرشدي والزوري نازلين فيهم |
ياخي ما نختلف عليهم .. من ناحية يلعبون ويقدمون اداء .. هذا شيء خالصين منه بالذات المرشدي .. يلعب " بالروح " لكن مشكلتهم .. يبدعون ويبدعون وتجي مباراة مُهمه !! ويجيب العيد واحد فيهم ؟ هذا اللي مانبيه خصوصًا ان مراكزهم حساسه |
اولا يعطيك الف عافيه علئ طرحك لهذا الموضوع وهذا ان دل دل علئ وفائك للنادي و لطيبتك �� ثانيا الزوري قد ينزل مستواه ولكن الاعب هذا اللي عنده ويعجبني فيه اخلاقه العاليه ' اما المرشدي فاقولها بالفم المليان هذا لاعب لا يستحق يلعب مع الهلال لانه لا يعطي بقدراته و فوق كذا اخلاقه سيئه جدا و اللي قاهرني اكثر انه يرفع صوته علئ زملائه . ومن ناحيه البديل فهناك افضل لاعب باسياء ( يحيئ مسلم ) |
المرشدي بطل .. والزوري مبدع في الايام الاخيره .. المرشدي كان من افضل المدافعين في المملكة هذا يعني انه يمتلك المقومات ابحثو عن السبب اللي نزّل مستواه .. وانا في رأيي ان الجمهور مع الخيل ياشقرا يقول واحد كلمة والباقين يرددون وتصير حقيقه ! ادعمو لاعبينكم اذا تبون الفوز .. بس كلمة أخيرة أنت أو انتي .. كل واحد يحط نفسه مكان المرشدي انا عن نفسي ما اعتقد اني بلعب .. وبرتبك مع كل كوره ! بسبب ايش ؟ بسببكم انتم .. صدقوني الثقة بالنفس مكتسبة ماهيب موهبة .. والسلام |
| الوقت المعتمد في المنتدى بتوقيت جرينتش +3.
الوقت الان » 11:03 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd