صـدى الامـس فـي فـيـديو كـلـيـب إلـيــســا [[ أجــمــل إحـســاس ]] - نادي الهلال السعودي - شبكة الزعيم

صدى الامس · #1 26/04/2003, 11:03 PM

[ALIGN=CENTER] هلا والله بكم
قبل كل شئ .. أقرأ الشرط وبعدين شف أنت مسموح لك بقراءة الموضوع كامل أو أنك تمسك الباب من الحين <---- والله من وساعة الوجه

..

If You Are -18 .. Press Here

If You Are +18 .. Keep Going

هاكم اليوم جالس أقلب في هالتلفزيون وأدور لي على قناة تجوز لي وأضيع وقتي فيها .. ومادريت إلا التلفون يدق .. ترررررن تررررررن ترررررررن ( تلفونه أبو قرص

) ..
أنا : نعم .. هو : HI .. أثر الرجال يتكلم عنجليزي .. وتكلمت معه بلهجته بس بجيب لكم الترجمة ..
أنا : هلا بك .. أمر .. هو : الإستاذ صدى الامس .. أنا : إيه .. من معي ؟؟ .. هو : معاك المخرج الفني الاستاذ (******) .. أنا : هلا والله سم .. هو : حالياً عندي سيناريو فيديو كليب للمغنية إليسا

.. أنا :

.. هو: وشفت أنك الأفضل للقيام بهذا الدور بجانب الفنانة .. أنا:

وأنواع السعابيل بغيت أقوله موافق موافق موافق

بس قلت خلك ثقل

.. قلت طيب أرسلي السيناريو وأشوف إذا كان يناسبني وإلا لا ؟؟ .. هو : خلاص كله فتره بسيطة والسيناريو عندك .. أنا : أنتظر وأرد عليك .. هو : ألف شكر لك .. أنا : هلا والله بك ..
وأول ما صك السماعه وأنا اللي ودي أتصل عليه وأقوله خلاص جايكم الحين من الفرحه .. <---- مشفوح

.. قلت ياولد خلك ثقل لا تطير بالعجه .. خلهم هم اللي يحرصون عليك مهوب العكس يا خبل ... وبعد يومين جاني السيناريو حق الفيديو كليب .. وأنا اللي أقراه .. وتقاطر السعابيل أكثر وأكثر .. والله ياهو سيناريو خبل

.. المهم قريته لينه سيناريو حليو .. ويقدر مواهبي

.. المهم أتصلت على الرجال وعطيته الموافقه .. وقال خلاص أنتظر مني التذاكر والتفاصيل بعد ثلاثة أيام .. وكل هالثلاثة أيام عيا يجيني النوم مغير أنواع الحلوم ;) .. وأنواع التفكير .. يالله يالله عدت هالثلاثة أيام .. وجتني التذاكر و على طول للمطار .. ومنه دايركت لبيروت

.. وأول ما نزلت لبيروت لين الوضع مهوب اللي على خبري .. أشوف هالبنيات يمين ويسار وأنواع اللبس اللي منب قايل

.. لين غديت مثل هذا

من كثر ما بحلقت بهن .. المهم أني رحت للفندق ورحيت هاك اليوم .. مع أني ما أظن أنه فيه راحه ;) .. ومن باتسر أتصل على المخرج وأحدد معه موعد نتقابل على شان الإتفاق على بعض الأمور وغيرها ..ويوم قابلته وأتفقنا على كل شئ قال لي موعد التصوير بعد باتسر في استديو (********).. قلت له تم .. ومن هاك اليوم وانا مسنتر عند هالاستديو أحتري الموعد .. ويوم جاء هاك اليوم وبدت العلوم تظهر والخرابيط .. وأول ما أجتمعنا قام المخرج يعرف طاقم العمل على بعض ( مع أنهم كلهم يعرفون بعض بس مسوين فيها

) ويم جاء يعرفني على إليسا

.. وأنا اللي تضيع علومي من جد .. حتى كلمة وشلونتس ما نطقتها من زود الحيا

..جتني إليسا بلبس التنورة (************) والبلوزة (*************) وما تبوني أضيع

..ولين هالبنية ما شاء الله عليها هي وبنات لبنان فيهن ميزة أنهن يوفرن على أهلن بفلوس التفصيل والخياطة مهوب بناتنا

.. هن ما يفصلن إلا بمتر أو كانهن أسرفن بمتر وربع ::sad: مهوب بناتنا بخمسة أمتار

.. ما تحب الخساير إليسا كل ثيابه ولبسها قصير تقول : مالي ومال الخساير !! .. يوم جينا نبي نبدأ تصوير مشاهد الأغنية لين الوضع تغير وبديت أخور من جد .. لأن فيه مقاطع مدري شولون جت في بال اللي كاتب السيناريو

.. وكل ما جينا نصور هالمقاطع قمت ألخبط يعنني ضيعت

وكل شوي أقول معليش ياشباب اليوم منيب في الفورمة

.. إلا قل كل يوم كانك تبي تصور هالمشاهد

وانا أعتذر من إليسا .. سوري إليسا .. هي لا ولو صدى شوبنا هيدي أشياء عيدية عم تحصل عنا ولو

وانا اقول بقلبي ياخلف هالعالم كله

.. صورنا أغلب مشاهد الأغنية إلا مشهد هو اللي عجزت أصبر وكل شوي وأنا مضيع (( هالمره تضيع من جد مهوب الأولي

)) يوم جينا لمشهد اللي تضميني لصدرها (( يا وجدكم على هالمشهد

)) .. وكل ما بغيت أقرب منها عجزت وجهي يحمر ويتصبب مني العرق كني الساعه 2 الظهر بعز الصيف وانت على طريق الملك فهد ومن دون مكيف

.. وكل شوي والمخرج يوقف التصوير .. لين هي حست باللي فيني .. قالت .. صدى شوبك ؟؟؟ شوبك مانك على بعضدك ؟؟؟ ليش متلبك وخايف ؟؟؟ قلت لا والله بس الوضع صعب .. قالت ليه صدى ؟؟ هيدي شئ عادي وأنا وياك هّلا ( مهيب هلا تبعنا تقصد الحين

) عم نشتغل والشغل منو عيب .. قلت بنفسي هذا بلى ابوك يا عقاب .. قالت شوف صدى وئت التصوير تخيل إنو ما حولينا كميرات ولا شي بس إنتا وأنا وما عم يشوفنا حدا تخيل هالشي بس !! ويالله يالله صورنا هالمشهد اللي كان آخر مشهد لأني ضيعت ( كما ذكر مسبقاً

) .. ويوم خلصنا التصوير والمونتاج وكل شئ سوى المخرج حفلة بسيطة لطاقم العمل وكانت عبارة عن سهرة في بيت المخرج .. ويوم رحنا لبيته ودخلنا للحفلة والخرابيط .. وما تشوف إلا كل الربع معهم كيسان عصير تفاح مدري عنب

.. لا ومن زود البخل بهالمخرج ما يملاهن هو ويا وجه

بعد ما سلمت عليهم مدت لي إليسا كاس تفاح وانا اللي اقول بنفسي عساه الربيع لأني منيب أحب عصير دانيا يحوم التسبد

.. واول ما شربت لين الطعم متغير علي مهوب اللي انا خابر قلت إليسا وراتس تعطينن عصير دانيا هماني قايلتس من قبل منيب احبه

وهي اللي تضحك وتقول يخرب بيتك صدى شو دمك خفيف وانا اللي نسيت كلش عقب هالكلمة

.. وعقبها رحت اتمشى مع إليسا يحديقة هالمخرج وأنا مغير أجغم من عصيرهم لين طلع مع أذاني

.. وآخر شئ أذكره إني ركبت بسيارة إليسا .. وين رحنا ووش سوينا مدري والله بس الوكاد إني صحيت

بشوته من الوالد الله يحفظه وهو اللي يقول لي كم مرة قايلن لك أنت ووجهك لا عمرك تنام عند التلفزيون :sad: ..
نصيحه لحد يتابع التلفزيون وهو فيه نوم

الحين السؤال ليش كل الفيديو كليب صارت كلها عرض أجسام وإغراء؟؟ ليش الواحد كل ما فتح على حدى هالقنوات لازم يشوف هالمذيعات الفاتنات ؟؟ اللي تلقاها مهيب لم البرنامج ومغير تتزين ووتتكشخ كنها في عرض أزياء ؟؟ ليش صارت الوسيلة لجذب المشاهدين بإختلاف الشرائح وبإختلاف الأعمار على حسب جمال المذيعة وفتنتها ؟؟ ليش صار التقييم والمتابعة على المذيعات مهوب على المادة اللي تُـقدم على حسب جمال المذيعة ؟؟ حتى الدعايات ما سلمت من هالشئ صار العرض على سلعة معينة لابد من توافر فتاة جميلة حتى لو لم تكن لها دخل بالمنتج لا من قريب ولا من بعيد ؟؟ ليش وليش وليش ؟؟؟

تقبلوا خالص تحياتي وسامحونا على الإطالة .. [/ALIGN]

تحدوه البشر · #2 27/04/2003, 01:02 AM

بجيك بعد الدوام

لا تحسبني خايف منك يا صدى الدجه <<<<< بايعها

تحيــ( تحدوهـ ,,, )ـاتي ,,,

شمــوخ · #3 27/04/2003, 05:59 AM

صدى
ماقالتلك اليسا
دور لي واحد ثاني ركبه(شين×تمساح)يسوي معى فديو كليب ثاني
بالله تأكد وردلى
انا خابرلك واحد
ركبه على كيف كيفك

yazeed_9 · #4 27/04/2003, 11:00 AM

[ALIGN=CENTER]أيــا يـالخـايـنـة

ســوتهــا أجــل

ويـن الـوعـود ... ويـن الكـلام الحلـو

أوريــك فيـهـا يـالشيــن

[/ALIGN]

شهدالدلوعه · #5 27/04/2003, 11:47 AM

يعطيك الــ 1000 ــف عافيه على هالعرض الحلو...
فعـــلا ً أخوي صدى الأمس...
أغلب القنوات الفضائيه...للأسف.. تعتمد على الإغراء وعلى جمال المذيعه بشكل فضيع!!
وتلاقي الموضوع بديره والأخت المذيعه بديره ثانيه..!!
لاكن مانقوووول الا..
الله لايبلانا...
مره ثانيه.. يسلمووووووو

الشادي الازرق · #6 27/04/2003, 12:31 PM

إقتباس


	إقتباس من مشاركة شهدالدلوعه يعطيك الــ 1000 ــف عافيه على هالعرض الحلو... فعـــلا ً أخوي صدى الأمس... أغلب القنوات الفضائيه...للأسف.. تعتمد على الإغراء وعلى جمال المذيعه بشكل فضيع!! وتلاقي الموضوع بديره والأخت المذيعه بديره ثانيه..!! لاكن مانقوووول الا.. الله لايبلانا... مره ثانيه.. يسلمووووووو

@!الفيصل!@ · #7 27/04/2003, 01:07 PM

لا حول ولا قوة الا بالله

هذا اسلوب جديد لغزو الفكره الشاب

والله المستعان وحسبنا الله ونعم الوكيل

ابو الذهب · #8 27/04/2003, 05:19 PM

ياخوى انا استانست وانا اقراء هالقصه وطاحت سعابيلى

واخرتها يطلع حلم :sad:

إقتباس


	الحين السؤال ليش كل الفيديو كليب صارت كلها عرض أجسام وإغراء؟؟ ليش الواحد كل ما فتح على حدى هالقنوات لازم يشوف هالمذيعات الفاتنات ؟؟ اللي تلقاها مهيب لم البرنامج ومغير تتزين ووتتكشخ كنها في عرض أزياء ؟؟ ليش صارت الوسيلة لجذب المشاهدين بإختلاف الشرائح وبإختلاف الأعمار على حسب جمال المذيعة وفتنتها ؟؟ ليش صار التقييم والمتابعة على المذيعات مهوب على المادة اللي تُـقدم على حسب جمال المذيعة ؟؟ حتى الدعايات ما سلمت من هالشئ صار العرض على سلعة معينة لابد من توافر فتاة جميلة حتى لو لم تكن لها دخل بالمنتج لا من قريب ولا من بعيد ؟؟ ليش وليش وليش ؟؟؟

وش دخلنى

وبعدين يالشين كل واحد حر بمذيعاته

من جد هذا الغزو الفكرى اللى هم متوجهين له ;)

البارق · #9 27/04/2003, 05:54 PM

[ALIGN=CENTER]مرحبا بصدى الأمس .. أو صدى البارح..

الحمد لله على السلامة وما تشوف شر وأنا أخوك .. وترى السجن للرجال..

[HR]

أول شيء رحت للي تحت 18 ( يقالي صغير

) ما دريت إنه عطاني موقع رهيييييب وحلو ..

<---- يبي يوهق الشباب

..

تصدق عاد تحمست أنت ووجهك .. وقلت ماهوب حرام صدى هو ووجهه يروح وأنا لا ..

أقل شيء يعطيني خبر .. أو ياخذني معه لو أتفرج..

بصراحة شرهت عليك .. بس أشوى إن أبوك صحاك وخرب عليك السالفة..

نجي لبعض الاقتباسات

..

إقتباس


	ولين هالبنية ما شاء الله عليها هي وبنات لبنان فيهن ميزة أنهن يوفرن على أهلن بفلوس التفصيل والخياطة مهوب بناتنا .. هن ما يفصلن إلا بمتر أو كانهن أسرفن بمتر وربع : مهوب بناتنا بخمسة أمتار .. ما تحب الخساير إليسا كل ثيابه ولبسها قصير تقول : مالي ومال الخساير !!

لا يالدبشه !!!

أصلاً سعر القماش عندهم أغلى من الذهب .. وإلا معقول كل بنات لبنان يحبن التوفير ..

!!..

إقتباس


	وما تشوف إلا كل الربع معهم كيسان عصير تفاح مدري عنب .. لا ومن زود البخل بهالمخرج ما يملاهن هو ويا وجه

طيب ما ( بوه ) كابتشينو..

إقتباس


	الحين السؤال ليش كل الفيديو كليب صارت كلها عرض أجسام وإغراء؟؟ ليش الواحد كل ما فتح على حدى هالقنوات لازم يشوف هالمذيعات الفاتنات ؟؟ اللي تلقاها مهيب لم البرنامج ومغير تتزين ووتتكشخ كنها في عرض أزياء ؟؟ ليش صارت الوسيلة لجذب المشاهدين بإختلاف الشرائح وبإختلاف الأعمار على حسب جمال المذيعة وفتنتها ؟؟ ليش صار التقييم والمتابعة على المذيعات مهوب على المادة اللي تُـقدم على حسب جمال المذيعة ؟؟ حتى الدعايات ما سلمت من هالشئ صار العرض على سلعة معينة لابد من توافر فتاة جميلة حتى لو لم تكن لها دخل بالمنتج لا من قريب ولا من بعيد ؟؟ ليش وليش وليش ؟؟؟

لقيت لها حل منتاز..

وهو لا عمرك تتابع بالتلفزيون إلا المباريات ..

إلا إذا كانت المباراة في جدة والمخرج من هناك..

..

تحية معطرة بعطر الياسمين ومفعمة بأنواع العود والعنبر من عبدالصمد القرشي ..

<--- ماهوب يسمع دعايات..

تحياتي لك ،،،

أخوك / البارق

[/ALIGN]

كايدهم · #10 27/04/2003, 07:58 PM

الله واكبر يااحــلام الحين

بس المره الثـانيه ترا بخـاويك وترانا ننــفع وقت الازمات خصوصا فيه حكمه تقول الضيق وقت الصديق

يعني انا بحكم اني لبناني بقدر اتفاهم معهم بشكل ممـنتاز فلا تـتـــتــــتــــتـــتــــتردد عن منـداتي

تحياتي

صدى الامس · #11 27/04/2003, 08:04 PM

[ALIGN=JUSTIFY]هلا بكم جميعاً ..

تحدوه الهيومن بيّـنق

قضى الدوام وأنا أحتريك

.. تراك طولتها

أحتريك يا خلفهم ...

هلا شموخ ..
إلا قالتلي .. بس معليش راحت للبارق .. كان قلتلي من قبل .. بس هي طالبه ( وإلا مدرسه

) واحد تمساح شد بلد وقلت مالها إلا البارق

..
تحياتي لك ..

هلا يزيدوه ..
لا تلومها .. معذورة من شافت جمالي وهي ما تدري وش تسوي ..
<--- الله وأكبر يا ظلال رامي عياش

تحياتي لك ..

هلا شهد الدلوعه ..
هذي المشكلة .. البرنامج يعتمد على المذيعة ومدى جمالها فقط ..
والله لا يبلانا .. والله يعافيهم ..
تحياتي لك ..

هلا الشادي الازرق ..
راجع الرد اللي فوق

هلا @!الفيصل!@ ..
الله يكون في العون .. والغزو كل ماله ويكبر وتتغير الطرق ..
حسبنا الله ونعم الوكيل ..
تحياتي لك ..

هلا ابو الذهب ..
شفت وشلون الخيانه

.. آخرتها حلم

..
<----- أمنيته أنه صدق

أجل وش دخلك يامنب قايل

..
بس صادق كل واحد حر بمذيعاته

.. كان تشوف أنواع الخرابيط

..
تحياتي لك ..

هلا والله براعي السطوح

من ناحية يقالك صغير فهذي ما كذبت بها

والله دقيت عليك بيجر ولقيته إنتظار <--- ما يعرف يصرف

ياليتك جاي .. كان تطلع يتاج وأخواتها صدق

..
الكابتشينو بوه ونص بس حقهم خارجي يا بعدي مهوب مثلنا

تحياتي لك ..

هلا كايدهم ..
وش رايك بس بالله موب أحلامي مثل وجهي :sad:
وكانك تبي تخاوني حياك الله وهذي الساعة الخراشة

بس بشرط انك تجيب العالمي معنا

<---- مصر أنك أنت والعالمي مهوب يوزر واحد

تحياتي لك .. [/ALIGN]

تحدوه البشر · #12 30/04/2003, 10:42 AM

[ALIGN=CENTER]
هلا وغلا بك

إقتباس


	قضى الدوام وأنا أحتريك .. تراك طولتها أحتريك يا خلفهم ...

ناس تشتغل يالداج موب انت

وبالنسبه لاليسا

وتصويرك معها الاغراء كليب

وانا اتخيلك وانت تغلط متعمد

صرت مثل هذا :

وبالنسبه لسؤالك المهم :

إقتباس


	الحين السؤال ليش كل الفيديو كليب صارت كلها عرض أجسام وإغراء؟؟ ليش الواحد كل ما فتح على حدى هالقنوات لازم يشوف هالمذيعات الفاتنات ؟؟ اللي تلقاها مهيب لم البرنامج ومغير تتزين ووتتكشخ كنها في عرض أزياء ؟؟ ليش صارت الوسيلة لجذب المشاهدين بإختلاف الشرائح وبإختلاف الأعمار على حسب جمال المذيعة وفتنتها ؟؟ ليش صار التقييم والمتابعة على المذيعات مهوب على المادة اللي تُـقدم على حسب جمال المذيعة ؟؟ حتى الدعايات ما سلمت من هالشئ صار العرض على سلعة معينة لابد من توافر فتاة جميلة حتى لو لم تكن لها دخل بالمنتج لا من قريب ولا من بعيد ؟؟ ليش وليش وليش ؟؟؟

بأختصار يالغالي :

السوق عاوز كده
والجمهور عاوز كده كمان

تحيـ( تحدوهـ ,,, )ــاتي ,,,[/ALIGN]

فتى المدينه · #13 30/04/2003, 10:57 AM

تكفى وصّها اذا وحده من خوياتها نجوى كرم يعني والاديانا ياشيخ لو الصبوحه اذا يبون واحد يسوي معهم فديو كليب ترى جاهز وبدون مقابل لو اشيل شنطة يدها بس .

لاتنسى ترى ابنتظر ردك على نار .

اسير · #14 30/04/2003, 11:42 AM

إقتباس


	إقتباس من مشاركة فتى المدينه تكفى وصّها اذا وحده من خوياتها نجوى كرم يعني والاديانا ياشيخ لو الصبوحه اذا يبون واحد يسوي معهم فديو كليب ترى جاهز وبدون مقابل لو اشيل شنطة يدها بس . لاتنسى ترى ابنتظر ردك على نار .

السلماني · #15 30/04/2003, 12:40 PM

هلا اخوي

اولا: ماقريت الشرط

ثانيا: كان بودي ان اقرأ واحكم ولكن قاتل الله الطول منعني من القراءه.

ولك شكري.