الحكم المستبعد (مطرف القحطاني)يتحفنا كل يوم بجديده المضحك وآخر طلعاته اتحفنا به امس عبر حسابه في تويتر كان من خلال تحليله لمباراة الهلال والاستقلال الايراني وادعائه ان الحكم السنغافوري حرم الفريق الايراني من ضربتين جزاء!!!طبعا الضربتين هذي ماحد شافها الا سعادته لاحرمنا الله من دعاباته .

المشكله ان الناس اللي كانوا يدافعون عن هذا الحكم احرجهم بتصاريحه ومواقفه بعد طرده وكل ماحاولوا يدافعون عنه يطلع لنا بتصريح يكشف فيه نفسه للشارع الرياضي ويخلينا نشيد بعمر المهنا اللي قضبه الباب لان العالم هذي تسيرها ميولها ومستحيل تقدر تتخلص من حكاية الميول .

طيب وينك يا استاذ مطرف عن مهازل لاعبي فريقك اللي صارت في الكويت والا عاد هذا حبيب القلب .

ما نقول الا ياليتك تستريح وتترك الهلال في حاله لانك مهما حاولت تشكك في كيان الهلال فلن تنجح واسأل غيرك ممن سبقوك سواء من غادر منهم الوسط الرياضي او ممن مازالوا يثرثرون والهلاليين ماجابوا لهم خبر .

استاذ مطرف اذا ارادت ان تهدي نفسك وتريح دماغك فما عليك الا الاستمتاع بفن اصحاب القمصان الزرقاء وانسى ميولك الاصفر لانك مع الهلال مش حتقدر تغمض عينك من البطولات اما فريقك الاصفر فمش حتقدر تغمض عينك من القهر والحسد والحسره