|
في مباراة الذهاب والأياب امام الاستقلال الزعيم يلعب بـ 9 لاعبين ؟؟ السلام عليكم ورحمة الله وبركاته يآآآربي لك الحمد ولك الشكر على هذا الانتصار الغالي وعودة زعيم آسيا من الباب الكبير للمنافسه على احد بطاقتي التأهل من مجموعة الموت لاعبين الزعيم كانوا رجال وقد المسوؤلية هذا المساء وحققوا طموح المشجع الهلالي الحمدلله كنت متفائل من قبل المباراة بهذا الفوز ورجعت بالذاكرة الى العام الماضي امام بيروزي الايراني عندما دخل رجال الزعيم وبالهم النقاط الثلاث لا غير . صحيح مجموعة حديديه والاستقلال والعين متصدرين الدوري في بلادهم لكن هذا زعيمهم وزعيم آسيا بودي اتكلم عن خلل في الزعيم من مباراة الذهاب او اكون دقيق من مباراة العين بالقطارة هذي 4 مباراة للزعيم في بطولة آسيا وزلاتكو يخطي خطائين تفادا واحد في مباراة الاستقلال في الرياض ورجع له في اخر الشوط الثاني وخسر الزعيم والخطأ الثاني مازال يصير عليه زلاتكو في جميع المباريات الماضية . الأول سلمان الفرج كلنا نعلم سلمان الفرج هبوط حاد في مستواهـ وهذا شيء طبيعي بعالم كرة القدم لكن الغريب من زلاتكو يصر عليه في كل مباراة والأغرب يضعه في مركز مهم وهو المحور ومثل ماحنا عارفين مركز مهم وهذا المركز في خلل كبير بعد طيب الذكر رادوي انا بس ابي افهم شيء هذا ماهو مركز سلمان الفرج ولا يعطي فيه 10 % من ما يطلبه المشجع الهلالي زد عليها مستواه هابط بشكل مخيف ؟؟ اذا ما الفائدة من وجوده في هذا المركز المهم ؟؟ !!!! الثاني ويسلي لوبيز والله اني انتظر الموسم هذا يعدي على خير ونبيع عقدة على اي نادي ونفتك منه تكلمت في هذا الموضوع كثير ؟؟ لاهو يعطي كاصانع لعب ولا كمهاجم ولا يدافع وللياقه ضعيفه استبشرت خير في مباراة الذهاب امام الاستقلال لم وضعه على الدكة لكن اخطأ في الشوط الثاني واستقبل الزعيم هدفين وخسر المباراة مباراة اليوم واضحه لاي مدرب مبتدىء عندما تقدم الزعيم بهدف كان الأجدر من اول ربع ساعة من بداية الشوط الثاني خروج ويسلي ودخول محمد القرني مع اني ماني متقنع فيه كامستوى لكن افضل من ويسلي بمراحل وسلمان الفرج يروح وسط آيسر ونواف العابد كاصانع لعب او مهاجم ثاني مع ياسر افضل من وجود لاعب ( لا جدوى منه ) قبل قليل في اكشن يادوري ؟؟ يقول غرم العمري مثل ما اخطا زلاتكو في مباراة الذهاب لازم نشيد فيه في مباراة اليوم ههههههههههههه يا استاذ غرم في حاله الخسارة نلوم المدرب وفي حاله الفوز نشيد في المدرب هذي اكل عليها الدهر ،، المشجع اصبح واعي مايمشيء عليه هذا التحليل التقليدي انا اشوف زلاتكو خبص في الشوط الثاني في مباراة الذهاب ومباراة اليوم لاعبين الزعيم كانوا رجال ويجير لهم الفوز ،، كيف ياغرم العمري تشيد في المدرب وهو منزل تغييرين في اخر المباراة انا اشوف ماسوى شيء مجرد استهلاك للوقت زلاتكو لاعبين الزعيم اعادوا الطموح للمشجع الهلالي واصبح الهلال بيده التأهل والي ماياكل بيده مايشبع ،، ومباراتنا امام العين على ارضنا وبين جماهيرنا واذا فاز الزعيم بأذن الله يقترب من التأهل بنسبه 90 % فاياليت ما نشوف ويسلي في المباراة كامله ،، سلمان الفرج رغم اخطاءه في التمرير لاكن ينهظم ارحم من ويسلي بيونغ سو والله من اتى للزعيم ماني مقتنع من وجوده في الزعيم ولا استفدنا منه شيء بس والله حاليا" اتمنى وجوده بدل ويسلي على الأقل يطلع معه شيء مثل اليوم حكم اللقاء اليوم :mad: تغاضى عن طرد واضح وفاضح للاعب الايراني ،، الغريب معه كرت اصفر وبيونغ سو منفرد بالمرمى والحكم يوزع ابتسامات على ماذا ؟؟!! بطولة آسيا في كل موسم تضع الهلال مع متصدر الدوري في بلادهم عندما كان سابهان فريق قوي موسمين متتالين يضعونه امام الهلال وكذالك الغرافه وعندما تدنت مستواياتهم ابعدوهم عن الزعيم وجابو العين والاستقلال لكن الزعيم يخرس الالسن في كل موسم كم انت كبير ايه الزعيم وبأذن التأهل من نصيب الزعيم الريان القطري قدم خدمة كبيرة للهلال عندما تغلب على العين ياربآآآآآآرهـ هذا المساء سعادة لاتوصف كلمة اخيرة / تكفون يازعماء همتكم في مباراة العين هل شاهدتم جمهور الاستقلال قليلن من الانصاف بحق هذا الفريق العريق ودي لكم .:alzaeem: |
أنا معك ان سلمان الفرج نقطة ضعف واضحة وضوح الشمس في رابعة النهار سلمان هبط مستواه كثيراً ولم اعد استحملة في الزعيم من كثر الباص الغلط والاحتفاظ بالكورة بصراحة من زعلي من المباراة الماضية لم استطيع مشاهدة المباراة اليوم واكتفيد برسائل موبايلي الهلال |
الحين الهلال فائز وباقي له مباريات مهمه جدآ ! وتقول سيء وسيء معليييش وين ؟ اتمنى حذف الموضوع ! |
الفرج لاعب مميز في الشق الهجومي والمدرب يكلفه بالشق الدفاعي وهذا تسبب في انخفاض مستواه ويسلي لاعب خلف رأس الحربة على أن يجهد كثير ويطلب منه العودة للخلف فاللياقة لك عليها ويجهد بسرعة |
لماذا لايصبح سلمان ظهير ايسر خصوصا مع تذبذب مستوى الزوري |
سلمان الفرج لاعب مبدع وفنان لكن بالشق الهجومي |
اتفق معك فكل شيء الا بخصوص سلمان فسلمان صحح يلعب محور ولاكن محور هجووووومي يعني يقوم بأدوار هجومية بحتة يعني فقط يساندد بوليفار لا اكثر واشوف هذا افضل مركز لسلمان لان سلمان ماينفع يكون وسط ايمن ولا وسط ايسر لانه موب ذيك السرعة وذيك المراوغة مثل سالم والعابد والشهراني وويسلي نعم موب راضين عنه بس مدري ليه احس وجوده ف الملعب مفيييد وله تأثيير ع التشكيلة مجرد احساس ع العموم الله يوفق زعيمنا ف المباريات القادمة |
انا اقترح على الاداره انهم يشيلون زلاتكو ويحطونك مدرب للفريق!! يالحبيب فوز الريان اليوم سيجعل مباراة المباراتين القادمه حياة او موت والفرج اليوم معجبني مستواه |
مبروووووك الفووووز بالتوفيق للملكـــــي في القاااادم |
إقتباس:
مشكلتنا انا اذا اخذنا فكره عن شخص ما لا يمكن ان نغيرها حتى لو ابدع اللاعب لازم نتصيد الاخطاء حتى نثبت ان وجهة نظرنا صحيحه وعطني لاعب على مستوى العالم لا يخطئ ابدا |
يالي تقول سلمان الفرج محور هجومي هل سلمان اقنعك واقنعنا في مركز المحور الهجومي ،، اشوف انه يحتفظ بالكورة ويتسبب في اخطا فادحه والي يقول خلك مدرب بداله ؟؟ انا نقلت وجهي نظري فقط لا غير ،، |
معليش اخوي اختلف معك اول شي كيف المدرب ما سوى شي من اللي اختار التشكيله من الاساس ومن اللي رجع اسلوب الهلال للعب السريع والباصات وتنويع اللعب على الاطراف والعمق انا اشوف زلاتكو اعاد هيبة وسط الهلال الهجومي الممتع وباقي ترميم الدفاع بشكل افضل |
في كل موسم تضع الهلال مع متصدر الدوري في بلادهم عندما كان سابهان فريق قوي موسمين متتالين يضعونه امام الهلال وكذالك الغرافه وعندما تدنت مستواياتهم ابعدوهم عن الزعيم وجابو العين والاستقلال لكن الزعيم يخرس الالسن في كل موسم كم انت كبير ايه الزعيم يعطيك العافيه على الطرح الرائع وبالتوفيق للهلال |
الف مبروك للزعيم الهلالي الملكي وعقبال البطولة |
اتفق معك في ملاحظاتك ولكن الفرج يلعب في غير مركزه المفروض القرني يلعب في المحور اكره ان يقوم المدرب بتغيير مراكز الاعبين لكن هذا اختراع هلالي والفرج عندما يلعب وسط ايسر يمتع ويبدع وكلنا شفناه امام الاهلي ولكن المدربين احيانا يتفلسفون اما ويسلي صحيح ما يسجل لكن لا بد من وجوده كماهو الحال مع ياسر لانهم ممكن ينهون لك المباراه من كره واحده اليوم المدرب عندما راى تقدم المدافعين لعب الكوري بدل ياسر اتوقع لياقته او لديه اصابه ولكن اقنعني لان الكوري حتى لو ما سجل راح يشغل المدافعين يعني احيانا وجود لاعب معين يخدم الفريق وليس بالضرورة ان يسجل دائما شكرا لك |
| الوقت المعتمد في المنتدى بتوقيت جرينتش +3.
الوقت الان » 11:31 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd