يجب ان تكون مباراة العين القآدمه في ( استاد الملك فهد ) - نادي الهلال السعودي - شبكة الزعيم

لي نضرتي · #1 09/04/2013, 10:54 PM

السلام عليكم ..

كيفكم ي زعمآء ...

مبروك الفوز المستحق بـ مستوى ونتيجه و بصراحه لاعبين الهلال
كانو رجال و اثبتو انهم قد المسؤوليه في الرد بـ الملعب

و البآقي علينآ كـ جمآهير ان نقف معآ الفريق في المباريات القادمه
بـ الحضور الجمآهيري الي تعودنآ عليه ...

و المهم في موضوعي ..
اتمنى مباراة العين القادمه تكون في ( استاد الملك فهد )

لن لاعبين العين متعودين ان يلعبو في مساحات ضيقه
لتفاهم الكبير بين خط الوسط في العين و هذا الي شفناه في
مباراة الهلال و العين في الامارات ..

و الحمدلله لاعبين الهلال يعتمدون ع السرعه في التحرك
وهذا الشي راح يرهق لاعبين العين في ملعب كـ ملعب الملك فهد
وسهولة مراقبة لاعبين العين وقطع الكرات القصيره فيمآ بينهم

ملاحضة ( السديري لاعب له مستقبل في الحراسه ولاكن يعيبه
تدخلاته في كور العرضيه بـ استعجال و عدم تركيز وشاهدناها اليوم )

و في الاخير اتمنى التوفيق لـ الهلال في باقي المباريات ..
و اتمنى من جمآهير الهلآل ان تحضر بكثآفة لـ مساندة لاعبين

هلاليه زي القمر · #2 09/04/2013, 10:58 PM

وهو على كيفكم تقولون مانبي استاد الملك فهد مشؤم حولونا على استاد الامير فيصل والحين تتراجعون

الهلال مسجل استاد الامير فيصل للعب فيه يعني ما تقدر تغيره

بالتوفيق للزعيم وان شاءالله نفوز ع العين المباراة القادمه ونتأهل كل ما اتمناه الحضور والمؤازره من جمهور الزعيم جن الملاعب

يعطيك العافيه

لي نضرتي · #3 09/04/2013, 11:01 PM

إقتباس

الرسالة الأصلية كتبت بواسطة هلاليه زي القمر


	وهو على كيفكم تقولون مانبي استاد الملك فهد مشؤم حولونا على استاد الامير فيصل والحين تتراجعون الهلال مسجل استاد الامير فيصل للعب فيه يعني ما تقدر تغيره بالتوفيق للزعيم وان شاءالله نفوز ع العين المباراة القادمه ونتأهل يعطيك العافيه

الله يعافيك .. هدي اعصابك انا مابعد جيت وقلت العبو غصبن عليكم

انا ماكنت ادري ان الهلال اذا سجل ملعب استاد الامير فيصل مايقدر يغيره

ع العموم مشكور

Moshaa · #4 09/04/2013, 11:49 PM

للفائدة فقط
الهلال مسجل استاد الملك فهد وملعب الملز للعب بها خلال هذه النسخة
كل ما عليه رفع الطلب وتجهيزه قبل المباراة بثلاثة أيام وتخصيص ليلة المباراة لاجراء التمارين للضيف

sam-2007 · #5 09/04/2013, 11:56 PM

ع كلام اخوي موشا مو على كيفنا نغير.. في الدور الاول سجل ملعبنا استاذ الملز

كل التوفيق للزعيم... ومن اليوم اسجل حضوري للملعب 23 من الشهر

َTSَwâ-›َ‘َ3ِّ¥oََNE · #6 09/04/2013, 11:59 PM

يارجال بالاستاد او بالملز

الاهم الحضور

خاصه ان جمهور الهلال بالرياض بالذات يجي للتفرج فقط وليس للتشجيع

الحمدلله اني هلالي.! · #7 10/04/2013, 12:02 AM

في الملز ولا الدرة ماراح تفرق !

أهم شي الأداء داخل الملعب وحضور الرووووووح

الأيرلندي الهلالي · #8 10/04/2013, 12:04 AM

محدد مسبقاً انها بالملز مايقدرون يحطون المباراة بالأستاد

ابن علي غريب الدار · #9 10/04/2013, 12:05 AM

أستاد الملك أفضل خاصة مع الفرق الدفاعية التي تتقوقع للوراء كثيراً .

المشعوذ15 · #10 10/04/2013, 12:06 AM

الله يوفق الملكي بأي ارض
واتمنى إراحة نواف العابد والبيشي وضح عليهم الإرهاق من لعبهم مع المنتخب ولا حصلوا على إجازة مثل باقي اللاعبين

cotch · #11 10/04/2013, 12:06 AM

أوفقك الرأي وبشده لان الهلال يجيد الاسبرنتات عن طريق سالم و العابد والشهراني وخاصه لوبيز
اذا النظام يسمح لامانع ونجيب عسكر زي الايرانين وتعبئ الملعب من طلبة الآمنيه !!

نهى عشقي ويلي · #12 10/04/2013, 12:10 AM

باذن الله ينتصر الهلال على العين بالثلااااااااااثه يااااااااااااااارب ياللي نصرتهم اليوم على الاستقلال ..انصرهم على العين ياكريم

! دحـوم الهـلالـي ! · #13 10/04/2013, 12:23 AM

مايقدر يغير الملعب الهلال الا بعد مباراة الدور الـ 16 اذا تاهلنا منه ..
احضروا للملعب وخلوا الملعب يمتلئ على اخره بالملز اولا ويصير خير لما نتاهل ان شاء الله من المجموعه ودور الـ 16 ...

بالتوفيق للملكي ،،

sam_9991 · #14 10/04/2013, 12:43 AM

على استاذ الملك فهد بـ تكون أحلا خصوصا مع الفوز بإذن الله تعالى .. و أنا مع هـ الرأي ,,

دلوني عليه 15 · #15 10/04/2013, 01:37 AM

لا لا لا خليها بالملز والله يستر من جمهور الرياض ماتدري عنهم ...