السلام عليكم
هاردلنا الخسارة اللي مالها داعي
في شي ودي اقوله لاني متضايق جدا من هزيمة جات بيد دفاعنا اللي صار موية ترى ماضيع الهلال الا اعلام الهلال لما اخذنا كاس ولي العهد قعد شهر وهو يتغنى ويمدح ويقول الزعيم والزعيم اوكي احتفل يوم اثنين اسبوع وخلاص قفل وحضر للجاي وبعدين نفوز على الريان وعلى طول عاد الزعيم واصبح الزعيم وهو لاعاد ولا اصبح فوز الهلال على الريان مو لقوة الهلال بل لضعف الريان وبعد كذا جينا لمباراة الاتحاد وفازنا ويلا يااعلام وجماهير حطوا الفريدي كابتن وحضر البلوي ومع كذا فزنا وقعدوا يحتفلون كأنهم اخذوا بطولة العالم والرئيس يقول اصبحت اتفاءل اذا حضر البلوي ويلا يااعلام الين قبل مباراة امس وهم الهلال سحق الاتحاد وفرحانين والفتح اللي اخذ الدوري على ايش فرحانين ماادري ونجي لمباراة امس الغريبة الهلال يتقدم بهدف ويدافع كأنه فايز بخمسة اللاعبين خافوا من الجماهير بحجة انهم يحطونهم تحت ضغط قوي اجل لو ملاعبنا مثل اسبانيا ويحضرون لك100000 متفرج وش بتسوون تقعدون بغرف الملابس؟؟؟؟ واللي يقهر يقول انا اتمنى الجمهور يجي ويساند جا الجمهور وكالعادة انهزمتوا للأسف واجي الحين للجمهور لو انكم تحضرون المباريات دايم بشكل كثيف في حالة الفوز والخسارة كان اللاعبين تعودوا عليكم عشان كذا الجمهور لما يكون قليل اللاعبين ياخذوا راحتهم النفسية وثقتهم تزيد لكن احنا اذا فاز حضرنا واذا انهزم عاقبناهم بالهجر عن الحضور
الحمد لله على كل حال ومعوضين خير