مطالبة بأعادة افضل حارس سعودي - نادي الهلال السعودي - شبكة الزعيم

abo14mogbel · #1 01/04/2013, 07:27 AM

السلام عليكم ورحمة الله وبركاته

في ضل ضعف حراسة المرمى حالياً في الهلال
واصبحت حراسة المرمى تشكل نقطة ضعف وفجوه كبيره جداً
في آخر 3 مباريات في ضل ابداع اوزيا وتطور مستوى جوستافو وتحسن مستوى المرشدي لم نشاهد وصول للمرمى حتى يُختبر السديري
لان الهلال مقبل على مباريات قويه والسديري حارس لايمكلك نصف مايملكه الحارس العملاق حسن العتيبي
الحارس المرن والخبير ..

والادراه الهلاليه اتخذت اغرب قرار بتنسيق اللاعب او على حد علمي حسن من طلب المخالصه فهذا يعتبر استعجال من الاداره الهلاليه وهذا الاستعجال كلف الهلال الشيء الكبير .. انا لا احطم السديري ولكن السديري سنه صغير
والهلال يحتاج لحارس مرمى خبره مثل العتيبي .. العتيبي فيه لقطات ارى انه حارس من طراز نادر لا انسى ابداعه في مباراة الاتحاد في كأس ولي العهد وابداعه في مباراة الاهلي في ربع النهائي وابدع في الكثير والكثير من المناسبات
عبد الله السديري لازال المشوار امامه كبير لانه حارس مرمى وحارس المرمى يستحسن ان يكون كبير في السن

لذالك نحن نطالب بحسن العتيبي .. الهلال في امس الحاجه اليه بعد ايقاف المبدع شراحيلي
حسن العتيبي افضل حارس سعودي بوجهة نظري

اتمنى التوفيق للهلال .. والله يستر من القادم

√ םяĸоо << · #2 01/04/2013, 07:55 AM

::

الله يوفق حسن العتيبي في حياته ولكن خلاص ما عطوه مخالصه بيرجعونه

عندك الشمري والله بطل لو يعطونه فرصه مباراتين بس صدقني بيكون اساسي

عوافي

::

فخر النوادي · #3 03/04/2013, 11:23 AM

العتتيبي راح بخيره وشره وياجماعه عطو الشمرى فرصه

كاسر القلوووووب · #4 01/04/2013, 08:28 AM

والله الشمري ممتاز بس ما اخذ فرصته 0000

المستطيل الازرق · #5 01/04/2013, 08:44 AM

شف عبدالله العويشير حارس الفتح صغير في السن ومن افضل الحراس بس خوينا السديري مشكلته الكور التي تجيه من نصف الجسم فاعلى وفي الزوايا سي للغاية ولكنه جيد في الارضيات وبعدين المشكلة تكمن في مدرب الحراس اللي اشوف انه غير جيد اتمنى الاستغناء عنه واحضار الدعيع كا مدرب حراس وبعقد يناسب ابو عبدالعزيز .

قصة عشق مع الزعيم · #6 01/04/2013, 08:42 AM

لي متى واحنا كل مره والثانيه رجعوا حسن رجعوا حسن

ليش مانقول ياإدارة الهلال اهتموا بخالد شراحيلي اللي عمره هالحين 24

وله ايقاف سنتين يعني ان الله اعطانا واعطاكم عمر بيكون عمره 26 بعد الايقاف

وهو عمر يعتبر صغير بالنسبه لان يكون حارس مرمى

حسن طلب المخالصه ومسستحيل بعد ان طلبها يرجع للهلال

الشمري ، السديري ، الواكد حارس الاولمبي

لو ندعم هؤلاء يكون افضل لنا

شكراً لكـ وبالتوفيق للملكي امام الاستقلال

أبـو حيـه · #7 01/04/2013, 10:14 AM

ما اتوقع يرجعونه

الله يعين.... بالهلال كل ما صفت غيمت كل ما لقينا حل لخانه جتنا خانه ثانيه بالخلل

الحراسه الهلاليه حاليا تمثل نقطة ضعف واضح في ضل تراجع مستوى السديري وتواضع خط الاحتياط له

اتمنى من السديري يراجع نفسه ويعود كما عهدناه

الغازي الهلالي · #8 01/04/2013, 05:28 PM

ايش رايك نعيد الدعيع والله انه افضل من حسن الذي وقع للنصر في زمن اعطائه الفرصه واعادة مثل هذا الموضوع هو لسببين لا ثالث لهما 1- انك تريد من الجمهور ان يغلط على حسن ونشر اخطاءه وجعل الجماهير تكره 2- انك تحاول تأليب الجماهير على الاداره وتدمير الحراس الموجودين في الفريق

آلماتدور آلهلالي · #9 01/04/2013, 05:30 PM

هههههههههههههههه لاعب عجوز مستعمل خلاص انتهى مافيه شي يقدمه السديري افضل منه

شلال99 · #10 01/04/2013, 05:37 PM

إقتباس

الرسالة الأصلية كتبت بواسطة آلماتدور آلهلالي


	هههههههههههههههه لاعب عجوز مستعمل خلاص انتهى مافيه شي يقدمه السديري افضل منه

اخي المحترم ماتقوله لايجب ان يصدر من احد الزعماء ضد لاعب خدم الزعيم

وشكرأ

al-jouf · #11 03/04/2013, 01:14 AM

إقتباس

الرسالة الأصلية كتبت بواسطة آلماتدور آلهلالي


	هههههههههههههههه لاعب عجوز مستعمل خلاص انتهى مافيه شي يقدمه السديري افضل منه

على الاقل احترم تاريخه مع الهلال ..

هلالي صميم (20) · #12 02/04/2013, 12:03 AM

اتمنى اعادته ان شاء الله حارس ممتاز

بدر الجنوب 15 · #13 02/04/2013, 12:51 AM

فهد الشمري لو اخذ فرصته يبي ينسيكم حسن العتيبي واراهن على كلامي .

al700t · #14 02/04/2013, 01:15 AM

حسن رااح ولاعاد هو براجع مع انه معجبني والله
بس ياعيال الشمري حااااااارس مجنون والله انه احسن من حسن والسديري مع بعض
ودي اعرف وش المشكله اللي تخليه مايشارك طول هالسنوات !!!!!

abdu11ah-a · #15 02/04/2013, 01:22 AM

لا يوجد مدرب حراس ينصح ويوجه الحـــــــراس
كيف تبي الحارس يبدع اذا السديري نفس الاخطاء
تتكرار في كل مبارة سواء في المحليه او الاسيويه
يـــدل علـى انـو مـدرب الحــراس مفهـــــــي وداج