انا اشوف عند بعض الخليجين بالذات

والكويت والسعودية بالاخص تعالي على الجنسيات الاخرى

وكأن الخليجي ابن ناس والاخرين لا !!

انت الحين مقيم ولا مواطن ؟!

اللي يكره السعوديه لايجيها الا لزيارة الحرمين واداء مناسك الحج والعمره..واذا حاب يتاجر فيها يكون باوراق رسمية..

انا بصراحه ما الوم الحملات هذي .. ليش..لأن صار تلاعب بالاوراق الرسميه صار فيه تطاول من بعض الاجانب.. يالهنوف لاتعممي.. بعض الناس تتعالى..

اذا رحت المانيا ..بالله عليك قولي كيف يعاملوك انت وزوجتك.. اول شي حتكون اخر واحد عند الكاشير لانك مقيم ومسلم << الوالد كانت له تجاره في المانيا وكره البلد ..

هذي تركيا مرتاحه مافيها اجنبي واللي فيها مبهذلين.. في بعض الاجانب مايبين بعينهم حسن المعروف اللي يجيهم من السعوديين.. تحسن له وهو بعد مايشد عوده يرفسك..

الحمله عشان يكون في نظام.. الحمله هذي عشان اغلب الموجودين مزورين اقاماتهم .. مع احترامي للجميع.. وخاصة المقيمين وصاحب الموضوع " الخير يخص والشر يعم"

كلمه اخيره .. انا ماني مع او ضد الحمله انا مع الحق.. اللي مقيم له 30 او 40 سنه ( بأوراق رسميه) اكيد له نظام خاص ..

إقتباس الرسالة الأصلية كتبت بواسطة @@almoreb@@ ^^^^^^^^^^^^^^^^^^^^^^^^^^^^^^^^^^^ مقيم ..

حبيت اتاكد تجنبا منى لاي شطحات ..

إقتباس والله أرى كراهية شديده من جميع الجاليات العربية والمسلمة للسعوديين وللشعب السعودي وبالفعل أخاف على الشعب السعودي من هذه الكراهية ... ولعل من سافر منكم الى الخارج للسياحة او الدراسة قد لاحظ هذا الكره وتضايق منه كثيرا ... !! أخشى على الحكومة السعودية وعلى الشعب السعودي من دعوات المظلومين .. فانه ليس بينها وبين الله حجاب !!

التعميم لغة الحمقى ( لا اقصدك ) اقصد من يتكلم دائما بلغة التعميم وجلد الذات مثل نمونة احنا يالسعوديين كذا انتم

يالسعوديين كذا او اي شعب على هذا الكوكب بشكل عام .. اغتربت من سنة 2008 وجدت من يكرهنا لاجل الكره فقط

بسبب تصور عام خاطئ و من يحبنا في الله .. غير صحيح ان الجميع يكرهك .. لن اكابر لكن كل صباح لمن اذهب الي

المطعم هنا في مدينتي الصغيرة ( حاليا في مدينتي الام ) واقابل عامل ابتسمله و اسأله ( تبيني اجيبلك معي سندويشة

وحاجة تشربها ؟ ) في محطة يعبي السيارة بانزين ( اجيبلك عصير معي ؟ ) .. اضحك معه ، اسولف معه

سبحان الله لمن تحترم اي شخص حتما سيضعك تاج علي رأسه .. المغزي في الموضوع ماذنبي انا اني احاول اكون

لطيف مع بني البشر قدر الامكان ثم يأتي شخص يكرهني لاجل جنسيتي فقط ؟! ( ويِصفني ) بجانب المتردية والنطيحة؟

اشوفها ظلم!. كل شخص يمثل نفسه بالنهاية .. شكرا لك ( حسيت اني طولت شوي بالرد خخخ )

يا رجل .. المواطنين أنفسهم يُعاملون معاملة العبيد ..

وقفت على الأجانب؟

مشّي حالك وبلاش حساسية زايدة يا صاحبي ..



إلا صحيح .. مو كأنك ذكرت حاجة غريبة أتوقع اسمها (الكرامة) !

ممكن لو سمحت تقول لي هي حاجة كويسة والا وحشة؟

إقتباس الرسالة الأصلية كتبت بواسطة الـمـشـاغـب إلا صحيح .. مو كأنك ذكرت حاجة غريبة أتوقع اسمها (الكرامة) ! ممكن لو سمحت تقول لي هي حاجة كويسة والا وحشة؟

كلمة وحشة اوي وتثير الفتنة

احذر ان ترددها ولا سوف تذهب للجحيم

هناك من ردد هذي الكلمة المثيرة للفتنة و اختفى عن الوجود

هلا يادكتور ليش معصب ^~*

خلگ ايزي ولاتصير حساااس فديت خشمگ*~*


كل الدنيا فيها زينه وشينه^~*


انا سافرت بعد مباراة الكويت والسعوديه الاخيره بكأس الخليج الى السعوديه عن طريق الخفجي والله بعد الجهد والجهيد طلعت الى الاراضي السعوديه عشانهم خسرانيين ههههههههههههـ والله موظف الجمرگ يقول ليش تفوزون؟؟؟ طيب انا وش دخلني هههههههههههههههههه جايب قووول مثلآ... المهم اخذني تفتيش ذاتي وبهذل عيشتي والله بغيت اقوله ياولد انها هلالي وقلت اخاف يطلع نصراوي ويقطني السجن كخخخخخخخ


فمن الصعب اصف الجمارك السعوديين كلهم سيئين....


بس من وجهة نظري ان المخالفين واجد ويحتاجون ان يطهروا البلد منهم ... ادخل البلد نظامي واخرج نظاااامي صدقني لن يؤذيگ احد...بصراحه ارى المخالفين فيه مكه واتعجب من السلطات السعوديه بأنهم ماعندهم كنترول عليهم فأعتبرها نقطه سوداء امنيه للداخليه السعوديه......


وطبعآ انا ضد التعسف بأستخدام القوه ضد المخالفين ومع اعطاءهم فرصه لتعديل اوراقهم واقامتهم ...


^^^^^^^^^


ماعليگ من هالكلام كله يادكتور^~*


تقولي اذا تزوجت تبي ترجع المانيا او قطر او الامارات،،،،


طيب حنا بالكويت دكاترتنا ابو طقه وليش ماتجي عندنا ؟؟


بالتوفيق يااابو حميد وماااتضيق الا تنفرج ياعزيزي*~*

إقتباس زي ما الكل عارف هذي الايام في حملة هوجاء حمقاء غبيه على الاجانب المقيمين في السعودية وحملات عشوائية يتم فيها قص اقامات الاجانب وترحيلهم ( طبعا يلقاك واحد من الجوازات وياخذ اقامتك ويقصها مع انك ماش نظامي 100 % ويقولك يلا ع الترحيل .. بغض النظر عن زوجتك واطفالك اللي ينتظروك في البيت .. )

اليوم خرج مدير الجوزات و نفى قصة قص الاقامات

و واضح انك نقلت الخبر من دون التثبت

فما ينشر في تويتر بدون ادلة يعتبر غير صحيح

والله حملات حمقااااااااااااااااااااااااا للغايه

مادري وش يبون منها من جانا فقيه واحنا من جرف الى دحديره

ضيقو ع الناس الله كفيل انه يضيق عليهم

حاربوهم في رزقهم والله مايصير هذا

السلام عليكم
اخي المرعب
اود ان اوجه رساله اليك والى كل من ساندك في الراي وبداية اقول:
اول التكلم على المملكة وحكامها في هذا الظرف الحساس يعد امر جلل لان العالم اليوم يمر بمنعطف خطير وهذه الاحداث التي تجري حول المملكة في العراق وسوريا ولبنان هي خطط المراد من وراءها الوصول الى المملكة وتخريبها فيجب ان تنتبهوا فالمملكة ليست ملك السعوديين بل هي ملك جميع المسلمين يجب على الجميع ان يحافظ على امنها وان لايزعزع امنها واستقرارها ونعمة الامن لايعرفها الا من فقدها ونحن في العراق قد ذقنا مرارتها .وما شبكة التجسس الاخير منكم ببعيد هذا ادل دليل على ما اقول.

ثانيا انته تفتخر اخي المرعب ومن ايدك اريد الذهاب الى المانيا اريد ان اسالك سؤال وانته ابن المملكة انته تنقل العلم للناس هل يجوز الهجرة الى بلاد الكفار من دون حاجة او سبب يستوجب الذهاب الى هناك؟؟ اتفتخر ان تعيش بين اناس لايرفعون ذكر الله بل يحاربون الذكر واهله وانته تعيش في هذا الظلام الحالك من الفساد والفحش والخنا كيف تحافظ على اسرتك ودينك هناك.

فاقول انتبهوا الى ماتقولون وتوحدو ا وكونوا عونا لولاة اموركم ولاتكونوا معول هدم تساعدون الرافضة وغيرهم في الولوج الى بلاد الحرمين . واعتذر عن الاطالة لكن حرصي على امن المملكة دفعني واعتذر مرة اخرى ان كنت قد جرحت احد بكلامي؟

.

ابن العم المرعب

بارك الله فيك وعافاك

للأسف ما تحدثت به صحيح ويتم على أرض الواقع

القبض على الجميع نظامياً او غير ذلك ويتم قص الإقامات أمام أعين الجميع

فقط نقول حسبنا الله ونعم الوكيل فيمن أراد التضييق على المسلمين

ولدنا على هذه الأرض وكبرنا على حبها دون غيرها، درسنا في مدارسها وتعلمنا الوطنية وحب الوطن

لكن للأسف هناك من يستميت لجعلنا نكره هذه البلد ويعملون ليل نهار لذلك

وأخاف فعلاً أن يأتي ذلك اليوم وأتمنى أن لا يحدث فعلاً

كل يوم أذهب إلى عملي وأنا خائف من مفاجأة غير سعيدة من أشخاص لا يخافون الله في عملهم

ويرون أنفسهم ملائكة الله على الأرض يحاربون الظلم وكأن هذه البلد لا تصلح لأن تكون لأشخاص غيرهم

وإذا نويت الهجرة ياليت تشوف لي تأشيرة معك ويا زينها لو الإمارات أو قطر

حفظكم الله ورعاكم

.

إقتباس الرسالة الأصلية كتبت بواسطة FAISAL AL7RBY انا معك ان نظام الكفيل يجب ان يلغى و بعض دول الخليج الغت هذا النظام ولكن ما اعرفة ان نسبه ساحقة من الاجانب مخالفين و اذا كانت حملات الترحيل تستهدف الاجانب النظاميين فـ انا ضدها اما بخصوصا المقيمين الي لهم اكثر من 30 سنة فـ اتمنى ان يمنحون اقامة دائمة و يعاملون معاملة شبيهه بـ معاملة المواطن اما بـ النسبة لـ كراهية الشعوب لـ السعوديين فـ ماجبت شي الجديد الكل يشتكي من تعاملنا مع الاجانب و ان جيت لـ الصدق ما الومهم اخيرا اذا تقدر تعيش في المانيا فلا تتردد العيشة هناك افضل مليون مره من العيشة هنا ولو تحصل لي الهجر و الحصول على الجنسية القطرية لما ترددت ثواني على طاري دعوة المظلومين فـ انا حاس ان الله استجاب لـ دعاهم و الدليل اننا شعب فقران و ماكل TBN لين قال بس و الحالة كسيفة وحنا على وشك ان ننزل الى الشارع رافعين ايدينا و مرددين بصوت واحد لله يامحسنين شطحة الحبيب ابو تولين له فترة غايب عن المنتدى ياخوفي راح رحلة بلا عودة

والله يا فيصل انا مع الحملات ضد المخالفين لأنظمة الاقامة والمتسولين والمخربين لهذه البلاد الطاهرة ... لكن أن تظلم الناس النظاميين هنا وتروعهم فهذا ظلم كبير ...

الله يصلح حال الشعوب العربية كلها من الكويت الى المغرب ونرجع لحمه عربيه واحده يارب ..

أبو تولين حاليا يحضر ماجستير ورى الشمس .... الله يسمعنا عنه خيرا ..

إقتباس الرسالة الأصلية كتبت بواسطة يسووووووف انا اشوف عند بعض الخليجين بالذات والكويت والسعودية بالاخص تعالي على الجنسيات الاخرى وكأن الخليجي ابن ناس والاخرين لا !!

في كل الجنسيات يوجد المتغطرسين ويوجد العقلاء ... لكن الانسان المسلم العاقل يعرف تماما ان هذه الحياة حياة زائلة ولن يقوم بأي تصرف ظالم أو معصية حمقاء ضد اخوانه المسلمين من أجل جنسيه !!

لك ودي

إقتباس الرسالة الأصلية كتبت بواسطة بنوتة**هادية^_^ اللي يكره السعوديه لايجيها الا لزيارة الحرمين واداء مناسك الحج والعمره..واذا حاب يتاجر فيها يكون باوراق رسمية.. انا بصراحه ما الوم الحملات هذي .. ليش..لأن صار تلاعب بالاوراق الرسميه صار فيه تطاول من بعض الاجانب.. يالهنوف لاتعممي.. بعض الناس تتعالى.. اذا رحت المانيا ..بالله عليك قولي كيف يعاملوك انت وزوجتك.. اول شي حتكون اخر واحد عند الكاشير لانك مقيم ومسلم << الوالد كانت له تجاره في المانيا وكره البلد .. هذي تركيا مرتاحه مافيها اجنبي واللي فيها مبهذلين.. في بعض الاجانب مايبين بعينهم حسن المعروف اللي يجيهم من السعوديين.. تحسن له وهو بعد مايشد عوده يرفسك.. الحمله عشان يكون في نظام.. الحمله هذي عشان اغلب الموجودين مزورين اقاماتهم .. مع احترامي للجميع.. وخاصة المقيمين وصاحب الموضوع " الخير يخص والشر يعم" كلمه اخيره .. انا ماني مع او ضد الحمله انا مع الحق.. اللي مقيم له 30 او 40 سنه ( بأوراق رسميه) اكيد له نظام خاص ..

مثل ما قلت لفيصل .. انا مع الحملات ضد المخربين للبلاد ولأمن العباد ولكل شخص يضر المملكة العربية السعودية من قريب او بعيد ... غير كذا لا

وبعدين لا تتكلمي عن المانيا يرحم امك .. ترى اصحابي السعوديين يحسوا ببشريتهم هنا ... مش انا بس .... في هذه البلاد للاسف تحس ان لك قيمة وكرامه ومش ممكن يظلمك أحد لأن القانون يطبق على الجميع ..

الله يصلح الحال بس يا أخيتي ..