@ يوماً دردبيس بحديقة الوساويس (1)
 

السلام عليكم ..

كيف حالكم ..

ابقولكم وش صار لي بحديقة الحيوانات0

في يوم من الايام المشمسة المغبرة الغائمة الى غائمة جزئي ==> اسمعها من كراني :D:D

توهقت هذاك اليوم وقلت خلن ادخل ازورالحيوانات وأشوف وش اخبارهم عساهم طيبين
لاني بصراحة فيه حيوانات ما اشوفها الا بالصور
قلت وراك يابو خالد ما تروح تتأكد وتشوف هالحيوانات وتتأكد انهن صز مهيب تسذب .

ابعلمكم وش الحيوانات اللي شفتهن على الطبيعة مثلا:
عندك الغنم والبعاريين والحمير والبقر
وما جاورها من حمام ودجاج والبط والقميري والقوقسي والدخل والصفار
والضبان والبعارصا والنمل والقعر والقعوسه والذبان
والبق والصوارير والجراد والجعوله والخنافس ...الخ ==> حومت تسبودكم صح :D:D

عادي لاتحوم تسبودكم ترا هالحشرات من مخلوقات الله سبحانه وتعالى
فتبارك أحسن الخالقين
مثلهن مثل ابن آدم بس الفرق أن الله كرم ابن آدم وخاصة المسلم التقي .

المهم نرجع لمحور بربستنا ..

يوم اني جزمت وجيت ابدخل حديقة الحيوانات لقيت ثلاث بيبان للحديقة
مادري اربعة تذكرن هالبيبان بحقت الفروسية
اللي يقول:( انطلقت الجياد على بركة الله من نقطة البداية):D .

المهم فيه شخص بزي أمن عند الباب مادري رتبتة عميد أو عامود:D:D .
جيت ابدخل جاء ومسكن مع شماغي !!!!!!!!!!!
قالي :وين يابو الشباب ؟؟
قلت : ابدخل ممكن ....؟؟؟
قال : ممكن ؟؟ روح جيب أمتذكرة ام عشرة .

المهم قصيت تذكرة ودخلت ولا من زين الطبايع ماعندهم صرف عشرين .
يوم اني دخلت وأنا متحمس ابشوف اللي ماشفته .

وفجأة ......

الحديقة فاضية........!!!!!!!!!!!!!!!
اول ماقابلت بوجهي حوش بوسطه ماء وشجر
ومحطوط لوحة مكتوبن عليه طيور الفلامنجو

الفلامنجو!!!!!! ..... أذكر أنه اسم فريق برازيلي قلت يمكن عندهن تمرين.:D:D

طبعن فيه طريقين واحد يمين وواحد يسار ..!!؟؟؟؟؟؟؟
قلت خلنا من اصحاب اليمين ورحت يمين .
.والى الآن ماشفت ولا مخلوق لا انسان ولا حيوان ..
قلت وش السالفة وطلعت فوق راسي علامة تعجب هالكبر !!!!!!!!!!!!!!!!!!!.

المهم قلت امش يمكن الحيوانات قدام.
الى والله كل اللي اشوفه شبوك وحوشه وكلهن فاضية ...تصفر!!!!!!!!!!!!!! .

ما اتسذب عليكم بديت ما اجسر امشي لحالي طقتن الوحشة والوساويس:sigh::sigh:
قلت يارجال امش هذا وانت امبراطور الجماجم ومسوي زحمة :D:D
وش يبي يكون موقفي عند الدولة الجمجومية اذا دروا اني توحشت .

ومشيت ومشيت ... بتلت أمشي وامشي .

جيت ووقفت عند حوش مكتوب عليه النمر البنغالي يعني نمر بنجلاديشي صراحة ضحكت:D:D

وأنا اضحك رفعت راسي وانا اللي اشوف طيور!!!!
الظاهر انهن نسور وصقور تحوم على شيء ...؟؟!!

وشفت تحت لقيت عالم متجمهرة ..وانا بهالحالة من الهواجيس؟؟!!! :sigh::sigh:
فجأة سمعت ناس مدرعمين جايين من وراي يوم التفت ابشوف وش صاير ....
.توقعوا وش شفت ؟؟؟!!!!
:eek::eek::eek::eek::eek::eek::eek::eek::eek::eek::eek::eek:

الموضوع طويل خلوني اكمل بعدين ...جاني النوم :sleep::sleep::sleep:

تصبحون على خير

[ALIGN=CENTER]

إقتباس:

<center><normalfont><u>إقتباس من مشاركة عــــ الهلالي ــارف </u></center> وحتى انــا اخوي جمجمه جاني النوم ولا فيني حيل ارد ... نشوفك على خير مع الرد ...</normalfont>

إقتباس:

المهم فيه شخص بزي أمن عند الباب مادري رتبتة عميد أو عامود

ترى وصلت لهنا بس ورحت ارقد ...

متى التكمله الجايه ... [/ALIGN]

رد: @ يوماً دردبيس بحديقة الوساويس (1)
 

لالالالالالالالالالالا طيب انا دوووبي صاحيه من النووووووووووم ابي الباااااقي تقووووم يعني تقووووووووم :bluesky::bluesky: <<<< مزززعجه :D
يالله كمل ايوووه اسلم :cool::cool:

[ALIGN=CENTER]
http://www.panmai.com/FlowerClipArt/...r/1twigdiv.gif

يالله انتم روحوا نوموا وانا بروح للمدعسه .... وماراح ارد على موضوعك لين ماتكمله ياجمجوم بيك




نووم العوافي لكم ،،،

ناس ينامون وناس يروحون مواصلين ... يالله هذي حال الدنيا

http://www.panmai.com/FlowerClipArt/...r/1twigdiv.gif[/ALIGN]

والله أنـهـا فـكـرة :rolleyes:

كـلـم الإعصـار وخـلـنـا نطلـع رحـلـة هـنـاك :cool:

وأخلـص ونـزل بـاقـي الهـرج

الحاتمي ....

مــر مــن هــنـــا .......


ويقول : متى التكملة ؟؟!!

ما شفت أحد من الربع هناك مع الحيوانات ؟؟؟؟؟؟؟؟؟!!!!!!!!!

إذا ما شفت بتشوف إذا كملت ..

بس بصراحه الموضوع قووووووووووووي ,,,

مع انه ما اكتمل ...



يووووه ــــ ــــ متى يجي بكره



تسلم بوخالد ,, على هيك مواضيع ,,, ونوم العوافي إنشاء الله




(((((((((((( أبــــــــ فيصل ـــــــــو )))))))))))))

هلا ابو خالد ..

الحمد لله على السلامة .. بدينا نرجع لمواضيع الدجة اللي حنا خابرين ..:)

<---- للمعلومية كلمة دجة تعتبر مدحة في مثل هذا الموضع .. وجمجوم فاهمني :D..

[HR]

أقول جمجوم شكلها بتصير عدنان ولينا جديدة .. يعني بتمسك بنا خط جديد..:D:D

بالنسبة لحديقة الحيوان .. أذكر قد رحت لها من زمااااااان .. وزرتها زيارتين .. كان بينها تقريبا سنتين ما أدري ثلاث ..!!

بس بصراحة في زيارتي الثانية توقعت إنها تطورت وصار فيه تغيير ..!! لكن اللي صار إن كل الحيوانات ( جربانه ) وكن مالها نفس أحد يشوفها ..:D

المهم .. تعال كمل قصتك لا والله اقفل الموضوع والا أحذفه ..:mad::mad:

<----- تراني صاير شديد عقبك ..:D:D



تحياتي لك يالغالي ،،،

أخوك / البارق:)